Punjab 365 News HD

05/08/2025

کہوٹہ (ندیم آزاد) کہوٹہ میں مون سون بارشوں کے پیش نظر صفائی ستھرائی کی خصوصی مہم جاری ہے۔ وزیراعلیٰ پنجاب مریم نواز شریف کے ویژن "ستھرا پنجاب" کے تحت راولپنڈی ویسٹ منیجمنٹ کمپنی اور میونسپل کمیٹی کے اہلکار متحرک ہیں۔تفصیلات کے مطابق حالیہ مون سون بارشوں کے باعث کہوٹہ کے مختلف علاقوں میں نالوں کی صفائی کا عمل تیز کر دیا گیا ہے۔ ایریا انچارج ماجد ستی اور منیجر سی ٹی ڈی ایس وقار کیانی کی خصوصی ہدایات پر کلر چوک، چھنی بازار اور راولپنڈی روڈ سمیت متعدد مقامات پر صفائی کا کام جاری ہے۔
اس مہم کی نگرانی سینئر سینیٹری سپروائزر طالب حسین بھٹی کر رہے ہیں۔ منیجر وقار کیانی اور ایریا انسپکٹر نازک نے مختلف مقامات کا دورہ کیا اور نالوں کی تعمیر و صفائی پر اطمینان کا اظہار کیا۔

04/08/2025

04/08/2025

کہوٹہ (ندیم آزاد) پریس کلب کہوٹہ کا گورنمنٹ گریجیویٹ کالج کا دورہ تعلیمی معیار کالج کے مسائل آمدہ داخلوں کے حوالے سے پرنسپل کالج و سٹاف سے سیر حاصل گفتگو گورنمنٹ گریجیویٹ کالج کہوٹہ میں جاری والی بال ٹورنامنٹ میں بھی شرکت تحصیل بھر سے مختلف ٹیموں نے حصہ لیا گورنمنٹ گریجویٹ کالج میں بہترین تعلیم کے ساتھ ساتھ غیر نصابی سرگرمیوں کا انعقاد اور تحصیل، ضلع اور ڈیژن سطح تک کھیلوں کے فروغ کے لیے اہم کردار ممتاز سیاسی و سماجی شخصیات چوہدری خضران لطیف، راجہ اذکار، صدر انجمن تاجران راجہ امتیاز عالم، سابق نائب ناظم یوسی دوبیرن خورد راجہ حامد اعجاز کی بھی شرکت
تفصیلات کے مطابق گورنمنٹ گریجویٹ کالج کہوٹہ میں والی بار ٹورنامنٹ کا انعقاد پریس کلب کہوٹہ اور دیگر سیاسی سماجی شخصیات کی شرکت تحصیل بھر سے مختلف ٹیموں نے ٹورنامنٹ میں حصہ لیا اس موقع پر پرنسپل کالج شوکت رحیم اور دیگر سٹاف جن میں پروفیسر علامہ عبدالصبور سیفی، پروفیسر عارف جاوید، پروفیسر حبیب گوہر، پروفیسر محمد آصف کھٹڑ، پروفیسر سرفراز، کوارڈینیٹر بورڈ آف گورنر پروفیسر فاروق اعوان کی پریس کلب کہوٹہ سے میٹنگ ہوئی جس میں صدر پریس کلب کہوٹہ راجہ عمران ضمیر جنجوعہ، جنرل سیکرٹری حاجی اصغر حسین کیانی، ساجد جنجوعہ، ندیم آزاد، راجپ پرویز اقبال اور ارسلان کیانی شریک تھے جبکہ کہوٹہ و کلر کی سیاسی سماجی شخصیات چوہدری خضران لطیف، راجہ اذکار ، سابق نائب ناظم یوسی دوبیرن خورد راجہ حامد اعجاز نے بھی شرکت کی مہمانان گرامی نے اس موقع پر معیاری تعلیم کی فراہمی سٹاف کی انتھک محنت تعلیم کے ساتھ تربیت اور کھیلوں کے انعقاد و فروغ کے لیے کاوشوں پر پرنسپل و سٹاف کو سراہا اور بھرپور تعاون کا یقین دلایا جبکہ عوام علاقہ سے مطالبہ کیا کہ سرکاری اداروں کو آباد کریں مناسب فیس اور کوالفائیڈ سٹاف بہترین تعلیم و تربیت کی آماجگاہ میں داخل کروائیں اور بچوں کے مستقبل کو روشن بنائیں۔۔

02/08/2025

ساگری تحصیل کلرسیداں سے سی سی ٹی وی کیمرے سے وصول زلزلے کے جھٹکے کی ویڈیو

01/08/2025

پلندری سے راولپنڈی جانے والا ٹرک حادثے کا شکار، ایک نوجوان جاں بحق
کہوٹہ (ندیم آزاد)
پلندری آزاد کشمیر سے راولپنڈی جانے والا ایک لوڈر ٹرک سون کے مقام پر حادثے کا شکار ہو گیا جس کے نتیجے میں ایک نوجوان جاں بحق ہو گیا۔
حادثہ پتن پل کے قریب اس وقت پیش آیا جب ٹرک کی بریک فیل ہو گئی اور وہ سامنے موجود ٹیلے سے ٹکرا گیا۔ حادثے میں ایک نوجوان شدید زخمی ہو گیا جسے فوری طور پر تحصیل ہیڈکوارٹر ہسپتال کہوٹہ منتقل کیا گیا، مگر وہ زخموں کی تاب نہ لاتے ہوئے جانبر نہ ہو سکا۔
جاں بحق ہونے والے نوجوان کی شناخت عاقب آزاد ولد محمد آزاد کے نام سے ہوئی، جو تھوڑاڑ پلندری سدھنوتی کا رہائشی تھا۔ ٹرک نمبری RTXA-60 محمد آزاد چلا رہے تھے، جو جاں بحق نوجوان کے والد ہیں۔
تحصیل ہیڈکوارٹر ہسپتال کہوٹہ میں ضابطے کی کارروائی مکمل کرنے کے بعد عاقب آزاد کی میت ورثاء کے حوالے کر دی گئی۔

01/08/2025

کہوٹہ: تھانہ کہوٹہ کی حدود بیور سے غیر قانونی لکڑی اسمگلنگ کرتے ہوئے ٹرک پکڑا گیا

کہوٹہ: کاروائی ہائی وے پٹرولنگ آفیسر محمد صغیر اور انکی ٹیم نے چنگھڑ کے مقام پہ کی

کہوٹہ: ٹرک ڈرائیور لکڑی کا اجازت نامہ : پرمٹ پیش نہ کرسکا جس پہ ٹرک کو تھانہ کہوٹہ میں بند کردیا گیا

کہوٹہ: ایف آئی آر درج فارسٹ ایکٹ کے تحت لکڑی کٹائی ، چوری اسمگلنگ اور بلا اجازت نقل و حمل کی دفعات لگائی گئی ہیں

29/07/2025

وزیراعلیٰ پنجاب مریم نواز شریف کا"ویژن ستھرا پنجاب" کے تحت کہوٹہ میں صفائی مہم جاری

کہوٹہ (ندیم آزاد) وزیراعلیٰ پنجاب مریم نواز شریف کے "ویژن ستھرا پنجاب" کے تحت تحصیل کہوٹہ میں صفائی ستھرائی کے نظام کو مؤثر انداز میں عملی شکل دی جا رہی ہے۔ ایریا انچارج ماجد ستی اور منیجر سی ٹی ڈی ایس وقار کیانی کی خصوصی ہدایات پر عمل درآمد کرتے ہوئے راولپنڈی ویسٹ مینجمنٹ کمپنی اور میونسپل کمیٹی کے اہلکاروں نے شہر کے مختلف علاقوں میں بھرپور صفائی مہم چلائی۔

اس مہم کے دوران پنجاڑ چوک، مٹور چوک، کلر چوک اور پنڈی روڈ سمیت دیگر اہم مقامات پر صفائی کے خصوصی انتظامات کیے گئے۔ سینئر سینیٹری سپروائزر میونسپل کمیٹی کہوٹہ طالب حسین بھٹی اور اربن انسپکٹر محمد نازک کا کہنا ہے کہ صفائی ستھرائی کے نظام کو مزید مؤثر بنانے کے لیے کوششیں جاری ہیں، تاکہ شہریوں کو صاف ستھرا اور صحت مند ماحول فراہم کیا جا سکے۔

27/07/2025

جماعت اسلامی کہوٹہ زون کا عظیم الشان ورکرز کنونشن شان و شوکت سے منعقد

کہوٹہ (ندیم آزاد)
جماعت اسلامی کہوٹہ زون کا عظیم الشان ورکرز کنونشن نہایت جوش و جذبے اور شاندار انتظامات کے ساتھ منعقد ہوا۔ کنونشن کی صدارت امیر جماعت اسلامی کہوٹہ زون ابرار حسین عباسی نے کی۔

پروگرام کا آغاز تلاوتِ کلامِ پاک اور نعتِ رسولِ مقبول ﷺ سے ہوا، جس کی سعادت قاری صغیر نے حاصل کی۔
انجینئر راجہ نعیم اختر نے "فکر آخرت اور فریضۂ اقامتِ دین" کے موضوع پر قرآن کی روشنی میں بصیرت افروز درس دیا، جبکہ درسِ حدیث استاد راجہ تنویر نے پیش کیا۔

مہمانِ خصوصی رسل خان بابر (ڈپٹی سیکرٹری، جماعت اسلامی پنجاب) نے ولولہ انگیز اور تحریکی خطاب میں کارکنان کے جذبات کو گرما دیا۔
اسٹیج سیکرٹری کے فرائض سردار اسد محمود نے سرانجام دیے، جب کہ فاروق عباسی اور ندیم اختر نے "اقامت دین" کے موضوع پر فکری اور زوردار تقاریر کیں۔

تقریب کا روح پرور لمحہ راجہ غلام حیدر کی قیادت میں حلف برداری کا تھا، جس میں شرکاء نے جماعت اسلامی سے وفاداری اور اقامتِ دین کے عزم کا اعادہ کیا۔

متعدد افراد نے اسٹیج پر آ کر جماعت اسلامی میں شمولیت کا اعلان کیا، جو اس بات کا غماز تھا کہ دعوت کا پیغام دلوں تک پہنچ رہا ہے اور بیداری کی لہر زور پکڑ رہی ہے۔

پروگرام کا خصوصی پہلو امیر جماعت اسلامی پاکستان انجینئر حافظ نعیم الرحمن کا ویڈیو خطاب تھا، جو شرکاء کے لیے تقویتِ ایمان کا ذریعہ بنا۔
آخر میں راجہ تنویر احمد کی دعا سے پروگرام کا روح پرور اختتام ہوا۔

جماعت اسلامی — امید کی کرن، تبدیلی کا پیغام، اقامتِ دین کی جدوجہد کا قافلہ

26/07/2025

راجہ آفتاب ستی آف کوریہ کا پرتکلف ظہرانہ، کہوٹہ کی اہم شخصیات کی شرکت

کہوٹہ (ندیم آزاد) یونین کونسل پنجاڑ کے ممتاز سماجی و کاروباری شخصیت راجہ آفتاب ستی آف کوریہ کی جانب سے تحصیل کہوٹہ میں اپنے دوست احباب کے اعزاز میں پرتکلف ظہرانے کا اہتمام کیا گیا۔
تقریب میں کہوٹہ کی معروف سیاسی، سماجی اور کاروباری شخصیات نے بھرپور شرکت کی۔ اس موقع پر گفتگو کرتے ہوئے راجہ آفتاب ستی نے بھائی چارے، اتحاد اور مشکل حالات میں ثابت قدمی کی اہمیت پر زور دیا۔
انہوں نے تمام معزز مہمانوں کا شکریہ ادا کرتے ہوئے کہا کہ ایسی محفلیں محبت و یکجہتی کو فروغ دیتی ہیں۔

25/07/2025

کہوٹہ میں مسلم لیگ (ن) یوتھ ونگ کنونشن کا انعقاد، تیاریاں مکمل

کہوٹہ (ندیم آزاد) پاکستان مسلم لیگ (ن) یوتھ ونگ کی جانب سے نوجوانوں کو منظم اور متحرک کرنے کے سلسلے میں تحصیل کہوٹہ میں ایک تاریخی یوتھ ورکرز کنونشن کا انعقاد کیا جا رہا ہے، جو 26 جولائی 2025 بروز ہفتہ شام 4 بجے دیوان خاص، دھپری میں منعقد ہو گا۔

کنونشن میں ممبر قومی اسمبلی و پارلیمانی سیکرٹری راجہ اسامہ سرور، ایم پی اے حلقہ PP-7 راجہ ضغیر احمد اور دیگر وزراء کی شرکت متوقع ہے۔

سٹی صدر مسلم لیگ (ن) ڈاکٹر محمد عارف قریشی نے بتایا کہ نوجوانوں کی بڑی تعداد کنونشن میں شرکت کرے گی اور تیاریاں مکمل کر لی گئی ہیں۔ ان کا کہنا تھا کہ یہ کنونشن نوجوانوں کے لیے ملی بیداری اور قیادت سے جڑنے کا سنہری موقع ہو گا۔

25/07/2025

سابق چیف آفیسر سید امیر ہمدانی کا کہوٹہ کا دورہ، پرانے رفقا سے ملاقات

کہوٹہ (ندیم آزاد) سابق چیف آفیسر تحصیل میونسپل کمیٹی کہوٹہ سید امیر ہمدانی نے حال ہی میں کہوٹہ کا دورہ کیا۔ اس موقع پر اُن کی ملاقات معروف کاروباری شخصیت شیخ ظفر، ممبر امن کمیٹی سید نجم الحسن، سابق آفیسر آمین ثاقب اور سینیٹری سپروائزر طالب حسین بھٹی سے ہوئی۔ ملاقات کے دوران سابقہ ساتھیوں کے ساتھ خوشگوار لمحات گزارے گئے اور ماضی کی یادوں کو تازہ کیا گیا۔