Discover Kashmir

27/10/2025

27/10/2025

27/10/2025

اسٹیٹ بینک نے جاز کیش، ایزی پیسہ اور دوسری موبائل بینکنگ سروسز کے لیے ایک نیا اصول بنایا ہے۔
اب اگر آپ کسی کو پیسے بھیجیں گے تو وہ بندہ دو گھنٹے تک وہ رقم نہ نکال سکے گا، نہ خرچ کر سکے گا

اس وقفے کو "کولنگ ٹائم" کہا جاتا ہے
اس کا مقصد یہ ہے کہ اگر آپ سے غلطی سے کسی غلط نمبر پر پیسے چلے جائیں تو آپ کے پاس دو گھنٹے کا وقت ہو گا شکایت کرنے اور رقم رکوانے کا۔

یعنی یہ نیا سسٹم فراڈ اور غلط ٹرانزیکشن سے بچاؤ کے لیے بنایا گیا ہے۔

27/10/2025

محکمہ تعلیم سکولز آزاد کشمیر اور کریکٹر ایجوکیشن فاؤنڈیشن. کے درمیان تاریخی معاہدہ طے پا گیا
محکمہ تعلیم سکولز میں انقلابی اقدامات تسلسل سے جاری
کردار سازی اور CLE ایجوکیشن کے تعلیمی ماڈل کو متعارف کرانے پر اتفاق

محکمہ تعلیم سکولز آزاد کشمیر میں انقلابی اقدامات کا سلسلہ وزیراعظم آزاد کشمیر چوہدری انوار الحق کے تعلیم دوست ویژن اور وزیر تعلیم سکولز دیوان علی خان چغتائی کی سربراہی میں تیزی سے جاری ہے۔سیکرٹری تعلیم سکولز قاضی عنایت علی محکمہ تعلیم میں اصلاحات کے نئے باب رقم کرنے میں کوشاں ہیں۔ اسی سلسلے میں محکمہ تعلیم سکولز آزاد کشمیر اور کریکٹر ایجوکیشن فاؤنڈیشن کے مابین ایک اہم مفاہمتی یادداشت (MoU) پر دستخط ہوئے۔ اس معاہدے کے تحت آزاد کشمیر کے تعلیمی اداروں میں کردار سازی اور CLE ایجوکیشن (Citizenship, Leadership, Entrepreneurship) کو متعارف کرایا جائے گا۔ تقریب میں محکمہ تعلیم سکولز کے اعلیٰ افسران، وزیر تعلیم سکولز دیوان علی خان چغتائی، سیکرٹری تعلیم سکولز قاضی عنایت علی اور کریکٹر ایجوکیشن فاؤنڈیشن کے اعلیٰ عہدیداران نے خصوصی شرکت کی۔
شرکاء نے اس معاہدے کو طلبہ کی کردار سازی، قیادت کی صلاحیتوں کے فروغ اور عملی زندگی کی تیاری میں سنگِ میل قرار دیا۔ اس موقع پر گفتگو کرتے ہوئے مقررین نے کہا کہ اس شراکت داری سے طلبہ میں نہ صرف مثبت رویوں اور اعلیٰ کردار کو فروغ ملے گا بلکہ مستقبل کے لیے بااعتماد قیادت اور عملی زندگی کی تیاری میں بھی مدد ملے گی۔ مزید برآں، یہ مفاہمتی یادداشت پورے پاکستان کے تمام صوبوں میں کردار سازی کے حوالے سے ایک ماڈل معاہدہ قرار دی گئی ہے، جس کے تحت سب سے پہلے آزاد کشمیر میں ایجوکیشن سیکٹر میں کردار سازی اور طلباء و طالبات میں قائدانہ صلاحیتوں کو اجاگر کرنے کے لیے عملی اقدامات کا آغاز کیا گیا ہے۔ محکمہ تعلیم سکولز آزاد کشمیر کی قیادت نے اس عزم کا اظہار کیا کہ تعلیمی معیار کو جدید تقاضوں سے ہم آہنگ کرتے ہوئے نئی نسل کو عصر
حاضر کے مطابق ہنر مند اور باکردار شہری بنایا جائے گا۔ & Secondary Education Official
Ali DGPR AJK Digital Ch Anwar ul haq Dewan Ali Khan media Cell official MiNister Of Education & tevta Deewan Ali Khan Chugtai Media Cell_Official Syed Tufail Hussain Bukhari

27/10/2025

آزاد کشمیر میں ان ہاؤس تبدیلی کا معاملہ، پیپلز پارٹی کا فارورڈ بلاک سے رابطہ، بیرسٹر سلطان نے اہم عہدہ مانگ لیا

آزاد کشمیر کی قانون ساز اسمبلی میں ان ہاؤس تبدیلی کے لیے پیپلز پارٹی نے فارورڈ بلاک میں شامل بیرسٹر سلطان محمود چوہدری گروپ سے رابطہ کر لیا ہے۔
ذرائع کے مطابق بیرسٹر سلطان محمود چوہدری گروپ نے پیپلز پارٹی سے اسپیکر آزاد کشمیر اسمبلی کا عہدہ مانگ لیا ہے۔
بتایا جا رہا ہے کہ فریال تالپور آج بیرسٹر سلطان محمود چوہدری کے گھر جائیں گی اور مہاجر اراکین اسمبلی سے بھی ملاقات کریں گی۔
ذرائع کے مطابق اسپیکر آزاد کشمیر اسمبلی، صدر کی غیر موجودگی میں قائم مقام صدر ہوتا ہے، اور بیرسٹر سلطان محمود اپنے گروپ کے کسی رکن کو اس عہدے پر دیکھنا چاہتے ہیں۔
ذرائع کا کہنا ہے کہ صدر آزاد کشمیر بیرسٹر سلطان محمود علاج کے لیے بیرون ملک روانہ ہونے کا ارادہ رکھتے ہیں۔
دوسری جانب مسلم لیگ (ن) آزاد جموں و کشمیر کے صدر شاہ غلام قادر نے کہا ہے کہ پارٹی نے اپوزیشن میں بیٹھنے کا فیصلہ کیا ہے اور حکومت سازی کا حصہ نہیں بنے گی۔

23/10/2025

23/10/2025

23/10/2025

پاکستانی پاسپورٹ کا نیا ڈیزائن متعارف کرانے کا فیصلہ، پرنٹنگ کا عمل جلد متوقع

اسلام آباد (جے کے نیوز): وفاقی حکومت نے پاکستانی پاسپورٹ کا ڈیزائن مکمل طور پر تبدیل کرنے کا فیصلہ کر لیا ہے۔ ڈائریکٹوریٹ جنرل امیگریشن اینڈ پاسپورٹس نے اس حوالے سے وزارتِ داخلہ سے باضابطہ منظوری حاصل کر لی ہے۔

نئے پاسپورٹ میں پاکستان کے چاروں صوبوں کی تاریخی و ثقافتی ورثے کی نمائندگی کرنے والی عمارات کی تصاویر شامل کی جائیں گی تاکہ قومی تشخص کو اجاگر کیا جا سکے۔

ڈائریکٹوریٹ کے مطابق پاسپورٹ کے نئے ڈیزائن میں جدید ترین سیکیورٹی فیچرز شامل کیے جائیں گے تاکہ جعل سازی کی روک تھام اور بین الاقوامی سطح پر اس کی ساکھ کو مزید مضبوط بنایا جا سکے۔

علاوہ ازیں مالی سال 2025-26 کے لیے پاسپورٹ کی تجدید فیس کا بھی اعلان کر دیا گیا ہے، جو پاسپورٹ کی مدت (پانچ یا دس سال) اور صفحات کی تعداد (36، 72 یا 100) کے لحاظ سے مختلف ہوگی۔

36 صفحات والے پانچ سالہ پاسپورٹ کی عام فیس 4,500 روپے اور فاسٹ ٹریک فیس 7,925 روپے مقرر کی گئی ہے، جبکہ دس سالہ پاسپورٹ کی عام فیس 6,700 روپے اور فاسٹ ٹریک فیس 11,925 روپے ہوگی۔

72 اور 100 صفحات والے پاسپورٹس کی فیس بھی اسی تناسب سے بڑھائی گئی ہے۔ شہریوں کو ہدایت کی گئی ہے کہ وہ درست اور تازہ ترین معلومات کے لیے ڈائریکٹوریٹ جنرل امیگریشن اینڈ پاسپورٹس کی سرکاری ویب سائٹ یا قریبی دفتر سے رجوع کریں۔

20/10/2025

سپارکو کی بڑی پیش رفت، پاکستان کا پہلا ہائپر اسپیکٹرل سیٹلائٹ خلا میں روانہ

اسلام آباد(جے کے نیوز): پاکستان اسپیس اینڈ اپر ایٹموسفیئر ریسرچ کمیشن (سپارکو) نے ایک اہم سنگِ میل عبور کرتے ہوئے ملک کا پہلا ہائپر اسپیکٹرل سیٹلائٹ (HS-1) کامیابی سے خلا میں بھیج دیا۔ سیٹلائٹ کو چین کے سیٹلائٹ لانچ سینٹر سے روانہ کیا گیا۔

دفترِ خارجہ کی جانب سے جاری بیان میں کہا گیا کہ ایچ ایس ون جدید ہائپر اسپیکٹرل امیجنگ ٹیکنالوجی سے لیس ہے، جو سینکڑوں سپیکٹرل بینڈز سے ڈیٹا حاصل کرنے کی صلاحیت رکھتا ہے۔ یہ سیٹلائٹ زراعت، ماحولیاتی نگرانی، شہری منصوبہ بندی اور قدرتی آفات کے انتظام جیسے شعبوں میں پاکستان کی قومی صلاحیتوں میں نمایاں اضافہ کرے گا۔

بیان کے مطابق ایچ ایس ون سے حاصل ہونے والی اعلیٰ ریزولیوشن امیجز وسائل کے مؤثر انتظام، ماحولیاتی چیلنجز سے نمٹنے اور پائیدار ترقیاتی منصوبوں کے لیے مددگار ثابت ہوں گی۔

دفتر خارجہ نے مزید کہا کہ یہ سیٹلائٹ جغرافیائی خطرات کی نشاندہی اور سی پیک راہداری جیسے اہم منصوبوں میں معاونت فراہم کرے گا۔

ایچ ایس ون کی کامیاب لانچ سپارکو کے خلائی پروگرام میں ایک بڑا قدم اور پاکستان کے اُس عزم کی تجدید ہے کہ وہ خلائی ٹیکنالوجی کو ملکی ترقی، تحقیق اور معاشی استحکام کے لیے بروئے کار لائے گا۔

یہ کامیابی پاکستان اور چین کے درمیان پرامن خلائی تعاون اور مشترکہ سائنسی ترقی کے مضبوط تعلق کی علامت قرار دی جا رہی ہے۔