Digital Khabri

Digital Khabri BREAKING NEWS DIGITAL STYLE

چیئرمین پیپلز پارٹی بلاول بھٹو زرداری نےگلگت بلتستان انتخابات میں جیت پر جیالوں کو مبارک باد پیش کی ہےبلاول بھٹو نے گلگت...
08/06/2026

چیئرمین پیپلز پارٹی بلاول بھٹو زرداری نےگلگت بلتستان انتخابات میں جیت پر جیالوں کو مبارک باد پیش کی ہےبلاول بھٹو نے گلگت بلتستان الیکشن میں برتری حاصل کرنے پر پارٹی کارکنان کو مبارک باد پیش کرتےہوئے کہا کہ پاکستان پیپلز پارٹی سب سے بڑی جماعت بن کر ابھر رہی ہے، حکومت بنانے کی کوشش کریں گے۔پیپلز پارٹی کی نائب صدر شیری رحمان نے جیت پر آصفہ اوربلاول بھٹو کو خراجِ تحسین پیش کرتےہوئے کہا کہ گلگت بلتستان کے عوام نے ترقی، جمہوریت اور خدمت کے ایجنڈے کو ووٹ دیا۔دوسری جانب مرکزی سیکرٹری جنرل پیپلز پارٹی نیئر بخاری نے الیکشن کمیشن سے تمام نتائج جلد جاری کرنے کا مطالبہ کیا۔

لاہور میں موٹروے کے قریبی علاقے گجر پورہ میں 2 افراد نے خاتون کو مبینہ طور پر اجتماعی زیادتی کا نشانہ بنا ڈالا جبکہ ان ک...
08/06/2026

لاہور میں موٹروے کے قریبی علاقے گجر پورہ میں 2 افراد نے خاتون کو مبینہ طور پر اجتماعی زیادتی کا نشانہ بنا ڈالا جبکہ ان کا تیسرا ساتھی پہرا دیتا رہا، ملزموں نے خاتون کی وڈیو بھی بنالی۔متاثرہ خاتون نے پولیس کو بتایا کہ وہ ایک ماہ قبل گاؤں عینو بھٹیاں سے کرول پِنڈ اپنے گھر آ رہی تھی کہ راستے میں عبداللہ، عدنان اور مبشر اسے پکڑ کر کھیت میں لے گئے، جہاں عبداللہ اور عدنان نے اسے اجتماعی زیادتی کا نشانہ بنایا اور ویڈیو بھی بنالی جبکہ مبشر اس دوران پہرا دیتا رہا۔مبینہ اجتماعی زیادتی کا شکار خاتون کا کہنا ہے کہ اس نے پہلے واقعےکی رپورٹ اس لیے نہیں کی کہ اسے عزت کا ڈر تھا۔پولیس کا کہنا ہے کہ خاتون کی درخواست پر واقعے کا مقدمہ درج کر لیا گیا ہے تاہم ابھی تک کوئی ملزم گرفتار نہیں ہو سکا ہے۔

بحیرہ کیریبین کے عظیم تر اینٹیلیس جزیرہ نما میں ہسپانیولا جزیرے پر واقع ملک ڈومینیکن ریپبلک کے ائیرپورٹ پر ایک پرائیویٹ ...
08/06/2026

بحیرہ کیریبین کے عظیم تر اینٹیلیس جزیرہ نما میں ہسپانیولا جزیرے پر واقع ملک ڈومینیکن ریپبلک کے ائیرپورٹ پر ایک پرائیویٹ طیارے میں ایمرجنسی لینڈنگ کے دوران آگ لگ گئی۔غیر ملکی خبر ایجنسی کی رپورٹ کے مطابق اس حادثے میں جہاز کے پائلٹ اور کو پائلٹ دونوں ہلاک ہوگئے جب کہ حادثے کے وقت جہاز میں کوئی اور مسافر یا عملہ موجود نہیں تھا۔سوشل میڈیا پر سامنے آنے والی ویڈیو میں دیکھا جا سکتا ہے کہ ہوائی اڈے پر لینڈنگ کے بعد طیارہ آگ کی لپیٹ میں آگیا۔

پاکستان ون ڈے کرکٹ ٹیم کے کپتان شاہین آفریدی کو ٹیسٹ ٹیم میں شامل نہیں کیا جائے گا۔پاکستان کرکٹ بورڈ نے لاہور میں 49 کھ...
08/06/2026

پاکستان ون ڈے کرکٹ ٹیم کے کپتان شاہین آفریدی کو ٹیسٹ ٹیم میں شامل نہیں کیا جائے گا۔پاکستان کرکٹ بورڈ نے لاہور میں 49 کھلاڑیوں کو کیمپ میں مدعو کیا ہے جس میں 22 کھلاڑی ٹیسٹ اور 27 کھلاڑیوں کو ون ڈے اور ٹی 20 کیمپ کے لیے منتخب کیا گیا ہے۔وائٹ بال ٹیم کا کیمپ 18 ستمبر جبکہ ریڈ بال کھلاڑیوں کا کیمپ 10 جولائی تک چلے گا، ویسٹ انڈیز کے دورے کے لیے ممکنہ طور پر کیمپ 15 جولائی سے شروع ہوگا۔'پی سی بی کے تھنک ٹینک نے شاہین کو ٹیسٹ ٹیم کے کیمپ میں منتخب نہیں کیا'پاکستان کرکٹ بورڈ کے تھنک ٹینک نے ون ڈے ٹیم کے کپتان شاہین آفریدی کو ٹیسٹ ٹیم کے کیمپ میں منتخب نہیں کیا، ان کا نام وائٹ بال کیمپ کے 27 کھلاڑیوں میں شامل ہے اور توقع ہے کہ وہ 15 جون کو کیمپ میں رپورٹ کریں گے۔خیبر ایجنسی سے تعلق رکھنے والے 26 سال کے شاہین آفریدی نے دسمبر 2017 میں پہلا ٹیسٹ شیخ زید کرکٹ اسٹیڈیم ابوظبی میں نیوزی لینڈ کے خلاف کھیلا تھا جب کہ آخری ٹیسٹ انہوں نے مئی 2026 میں بنگلادیش کے خلاف میرپور میں کھیلا، 34 ٹیسٹ میں انہوں نے 1114 اوورز کے دوران 3545 رنز کے عوض 126 وکٹیں اپنے نام کیں۔شاہین نے آخری ٹیسٹ بنگلادیش کے خلاف کھیلا جہاں پاکستان کو میزبان کے ہاتھوں 104 رنز کی شکست کا سامنا کر نا پڑا تھا، اس ٹیسٹ کی پہلی اننگز میں بائیں ہاتھ کے بولر نے 31.1 اوورز میں 3/113 ج بکہ دوسری اننگز میں 16 اوورز کے دوران 2/54 کی پرفارمنس پیش کی تھی، جس کے بعد سلہٹ کے دوسرے ٹیسٹ میں فاسٹ بولر کو ڈراپ کر کے خرم شہزاد کو ٹیم میں شامل کیا گیا تھا۔دورۂ بنگلادیش میں شاہین آفریدی کی بولنگ رفتار پر شدید تنقید کی گئی تھی، لاہور قلندرز کے لیے 140 پلس کی رفتار سے گیند کرنے والے بائیں ہاتھ کے تیز بولر دورۂ بنگلادیش میں بمشکل 134 کلومیڑ کی رفتار سے گیند کروا پائے تھے۔محض 17 سال کی عمر میں کے آر ایل کے لیے راولپنڈی کے خلاف پہلا فرسٹ کلاس میچ کھیلنے والے شاہین آفریدی کے حوالے سے بورڈ کو اس متعلق شدید تحفظات ہیں کہ وہ فرسٹ کلاس کرکٹ نہیں کھیلتے اور چار دن کی کرکٹ کھیلے بغیر ٹیسٹ کرکٹ میں ان کی بولنگ میں بہتری کے امکانات کم ہیں۔ اسی بات کو مدِ نظر رکھتے ہوئے، اب فیصلہ کیا گیا ہے کہ ون ڈے ٹیم کے کپتان کو مستقبل میں ٹیسٹ ٹیم کے لیے منتخب نہیں کیا جائے گا۔

کراچی: ملک میں آج سونےکی فی تولہ قیمت میں 3 ہزار 94 روپے کی کمی ہوئی ہے۔آل پاکستان صرافہ جیمز اینڈ جیولرز ایسوسی ایشن ...
08/06/2026

کراچی: ملک میں آج سونےکی فی تولہ قیمت میں 3 ہزار 94 روپے کی کمی ہوئی ہے۔آل پاکستان صرافہ جیمز اینڈ جیولرز ایسوسی ایشن کے مطابق آج ملک میں فی تولہ سونا3 ہزار 94 روپے سستا ہوا جس سے ایک تولہ سونا 4 لاکھ 52 ہزار233 روپے ہوگیا۔اس کے علاوہ 10 گرام سونےکی قیمت بھی 2ہزار 785روپے کمی کے بعد 3لاکھ 86ہزار 987 روپے ہوگئی ہے۔دوسری جانب عالمی بازار میں سونےکی مالیت30 ڈالر کم ہوکر 4 ہزار 297 ڈالر فی اونس ہے۔

فٹبال ورلڈ کپ میں شریک ایران کی فٹبال ٹیم کو امریکا میں رہنے کی اجازت نہ مل سکی۔غیر ملکی خبر ایجنسی کے مطابق ایرانی ٹیم ...
08/06/2026

فٹبال ورلڈ کپ میں شریک ایران کی فٹبال ٹیم کو امریکا میں رہنے کی اجازت نہ مل سکی۔غیر ملکی خبر ایجنسی کے مطابق ایرانی ٹیم میچ والے دن میکسیکو سے امریکا جائے گی اورمیچ کھیل کر واپس میکسیکو پہنچے گی۔ورلڈکپ کے لیے ایرانی ٹیم اپنے ٹریننگ بیس کیمپ میکسیکو کے شہر تیجونا پہنچ گئی جب کہ،ایران کے میچ امریکی شہروں لاس اینجلس اور سیٹل میں ہوں گے۔تیجونا سے لاس اینجلس کی پرواز 45 منٹ سے ایک گھنٹے کی اور سیٹل کی پرواز ساڑھے 5 گھنٹے کی دوری پر ہے۔یاد رہے کہ ایران کا پہلا میچ 15 جون کو نیوزی لینڈ سے ہوگا، ایران کی ٹیم کو 3 روز پہلے امریکا کے ویزے جاری کیے گئے تھے لیکن ایران کی فٹبال فیڈریشن کے سربراہ مہدی تاج اور دیگر کئی اہم اراکین اب تک ویزے سے محروم ہیں۔

ایران کے خلاف جنگ کے باعث خلیجی خطے میں سیاحت شدید متاثر ہونے کے بعد دبئی کے لگژری ہوٹل اب بڑی حد تک مقامی رہائشیوں پر ا...
08/06/2026

ایران کے خلاف جنگ کے باعث خلیجی خطے میں سیاحت شدید متاثر ہونے کے بعد دبئی کے لگژری ہوٹل اب بڑی حد تک مقامی رہائشیوں پر انحصار کر رہے ہیں۔غیر ملکی میڈیا رپورٹس کے مطابق دبئی میں سیاحت شدید متاثر ہونے کے بعد اب بعض ہوٹل تزئین و آرائش کے نام پر عارضی طور پر بند کردیےگئے ہیں۔کچھ ہوٹلز میں تنخواہوں کابحران اور عملے کی کمی ہے جب کہ متعدد ہوٹلز سیاحت کی بحالی اور جنگ خاتمے سے مشروط ہیں۔پام جمیرہ سمیت معروف سیاحتی مقامات پر واقع 5 اسٹار ہوٹلوں نے رہائشیوں کے لیے خصوصی رعایتی پیکجز متعارف کرائے ہیں جس کے باعث وہ لوگ بھی اب لگژری ہوٹلوں میں قیام کر رہے ہیں جو پہلے ان کی بلند قیمتوں کے باعث ایسا نہیں کرسکتے تھے۔

ایل این جی کا ایک اور جہاز پاکستان پہنچ کر پورٹ قاسم پر لنگر انداز ہوگیا۔پاکستان کو اتوار کے روز مائع قدرتی گیس (ایل این...
08/06/2026

ایل این جی کا ایک اور جہاز پاکستان پہنچ کر پورٹ قاسم پر لنگر انداز ہوگیا۔پاکستان کو اتوار کے روز مائع قدرتی گیس (ایل این جی) کا ایک اور اسپاٹ کارگو موصول ہو گیا، ایل این جی بردار جہاز ’’بی ڈبلیو ہیلیوس‘‘ پورٹ قاسم پر پی جی پی ایل ٹرمینل پر لنگر انداز ہوا۔ یہ جہاز 1 لاکھ 40 ہزار کیوبک میٹر ایل این جی لے کر آیا ہے، جسے پاکستان ایل این جی لمیٹڈ (پی ایل ایل)نے مسابقتی بولی کے عمل کے ذریعے خریدا ہے۔ بی پی سنگاپور کے تعاون سے حاصل کی گئی ایل این جی لے کر یہ بحری جہاز صبح تقریباً 8 بجے پہنچا، جس سے پاکستان کے قومی ٹرانسمیشن نیٹ ورک میں شامل کرنے کے لیے گیس کے اضافی ذخائر فراہم ہوں گے۔

وزیراعظم کی زیر صدارت قومی اقتصادی کونسل کا آج ہونے والا اجلاس ملتوی کر دیا گیا۔ذرائع کے مطابق قومی اقتصادی کونسل کے ار...
08/06/2026

وزیراعظم کی زیر صدارت قومی اقتصادی کونسل کا آج ہونے والا اجلاس ملتوی کر دیا گیا۔ذرائع کے مطابق قومی اقتصادی کونسل کے ارکان میں چاروں صوبائی وزرائے اعلیٰ شامل ہیں، اجلاس میں آئندہ مالی سال کا قومی ترقیاتی بجٹ منظوری کے لیے پیش ہونا تھا۔ذرائع کا کہنا ہے کہ حکومت اورپیپلزپارٹی کے درمیان معاملات طے نہ ہونے کی وجہ سے آج اجلاس نہیں ہوگا۔ذرائع کا بتانا ہے کہ قومی اقتصاد ی کونسل کا اجلاس وزیراعظم ہاؤس کے شیڈول میں شامل نہیں ہے، قومی اقتصادی کونسل کا اجلاس اب کل بروز منگل ہونے کا امکان ہے۔خیال رہے کہ سالانہ بجٹ برائے 27-2026 جون کی 10 تاریخ کو پیش کیے جانے کا امکان ہے۔

سندھ پولیس نے سیف سٹی منصوبے کے تحت کارروائی کرتے ہوئے شہر میں 40 ہزار گاڑیوں کو بلیک لسٹ کردیا۔ سندھ پولیس نے کراچی می...
08/06/2026

سندھ پولیس نے سیف سٹی منصوبے کے تحت کارروائی کرتے ہوئے شہر میں 40 ہزار گاڑیوں کو بلیک لسٹ کردیا۔ سندھ پولیس نے کراچی میں لگائےگئے سیف سٹی منصوبے کے تحت 40 ہزار گاڑیوں کو بلیک لسٹ کردیا جس کے بعد یکم جولائی سے ان گاڑیوں کے خلاف کارروائی کا آغاز کیا جائے گا۔ سندھ پولیس کے مطابق ان میں وہ گاڑیاں شامل ہیں جو فروخت ہونے کے باوجود تاحال نئے مالکان کے نام منتقل نہیں کی گئیں۔حکام کا کہنا ہے کہ جن گاڑیوں کے مالکان کا ریکارڈ نامکمل ہے یا جن کے مالکان نے سرکاری واجبات ادا نہیں کیے انہیں بھی بلیک لسٹ کیا گیا ہے۔سندھ پولیس کے مطابق بلیک لسٹ گاڑیوں کی فہرست مکمل کر لی گئی ہے اور ایسی گاڑیوں کو ضبط کیا جا سکتا ہے جب کہ مالکان پر جرمانے بھی عائد کیے جاسکتے ہیں۔سندھ پولیس نے شہریوں کو ہدایت کی ہے کہ وہ فوری طور پر پولیس پورٹل پر جا کر اپنی گاڑی کی معلومات چیک کریں اور اگر ان کی گاڑی بلیک لسٹ ہے تو یکم جولائی سے قبل اس کی ملکیت تبدیل کروائیں۔

Address

Matore Chowk
Kahuta

Telephone

+923009506753

Website

Alerts

Be the first to know and let us send you an email when Digital Khabri posts news and promotions. Your email address will not be used for any other purpose, and you can unsubscribe at any time.

Shortcuts

Share

Category