11/06/2026
:
محرم الحرام کے دوران امن و امان کے قیام کے لیے کہوٹہ تھانہ میں اہم اجلاس، تاجران، علمائے کرام اور صحافیوں کی شرکت
راولپنڈی: ایس پی راولپنڈی انم شیخ کی زیر صدارت تھانہ کہوٹہ میں محرم الحرام کے حوالے سے امن و امان کے قیام اور سیکیورٹی انتظامات کا جائزہ لینے کے لیے ایک اہم اجلاس منعقد ہوا۔ اجلاس میں ایس ڈی پی او کہوٹہ کلر سید وقار عظیم، ایس ایچ او تھانہ کہوٹہ مقامی تاجران، علمائے کرام اور صحافیوں نے شرکت کی۔اجلاس کے دوران محرم الحرام میں مجالس اور جلوسوں کے پرامن انعقاد، سیکیورٹی اقدامات، ٹریفک انتظامات اور باہمی ہم آہنگی کے امور پر تفصیلی تبادلہ خیال کیا گیا۔ ایس پی انم شیخ نے شرکاء سے تجاویز حاصل کرتے ہوئے کہا کہ محرم الحرام کے دوران امن و امان کا قیام پولیس کی اولین ترجیح ہے اور اس مقصد کے لیے تمام ممکنہ اقدامات کیے جائیں گے
