15/05/2026
جمعیت علماء اسلام ویسی ٹو تحصیل کالام کے مرکزی دفتر کی افتتاحی تقریب نہایت شاندار اور پُروقار انداز میں منعقد ہوئی، جس میں مختلف دینی، سیاسی اور سماجی شخصیات نے بھرپور شرکت کرکے پروگرام کو چار چاند لگا دیے۔
تقریب زیر نگرانی امیر جمعیت علماء اسلام ویسی ٹو تحصیل کالام مولانا نصیب اللہ صفدر منعقد ہوئی، جبکہ امیر جمعیت علماء اسلام تحصیل کالام جناب حاجی اختر گل صاحب، جنرل سیکرٹری جمعیت علماء اسلام تحصیل کالام جناب حافظ ابن روزی صاحب، امیر جماعت اسلامی برسوات جناب حبیب اللہ ثاقب صاحب، چیئرمین ویسی ٹو جناب حافظ یحیٰ صاحب اور سابقہ امیر ختم نبوت و سرپرستِ اعلیٰ جمعیت علماء اسلام ویسی ٹو تحصیل کالام جناب مولانا عبد الواحد نعمانی صاحب نے خصوصی شرکت فرمائی۔
مقررین نے اپنے خطابات میں اتحاد، دینی خدمات، نوجوانوں کی مثبت تربیت اور علاقے کی فلاح و ترقی کے لیے مشترکہ جدوجہد کی اہمیت پر زور دیا۔ شرکاء نے اس اقدام کو خوش آئند قرار دیتے ہوئے قیادت کے عزم اور کوششوں کو سراہا۔
آخر میں تمام معزز مہمانوں، کارکنان اور شرکاءِ تقریب کا تہہ دل سے شکریہ ادا کیا گیا جنہوں نے اپنی شرکت سے پروگرام کو کامیاب بنایا۔
