10/08/2026
یومِ آزادی پر پیاراپاکستان ویلفیئر سوسائٹی رجسٹرڈ کے زیراہتمام شجرکاری اور کیک کٹنگ تقریب
کمالیہ: سرکاری شیڈول کے مطابق 14 اگست یومِ آزادی پاکستان کے موقع پر پیاراپاکستان ویلفئیر سوسائٹی رجسٹرڈ اور کمیونٹی ڈویلپمنٹ کمالیہ کے باہمی تعاون سے خصوصی تقریبات کا انعقاد کیا جائے گا۔
جاری کردہ سرکاری شیڈول سوشل ویلفیئر اینڈ بیت المال ٹوبہ ٹیک سنگھ کے مطابق 14 اگست کو پیاراپاکستان کی جانب سے 100 پودے لگائے جائیں گے، جس کا مقصد جشنِ آزادی کے موقع پر شجرکاری کو فروغ دینا اور سرسبز و صاف پاکستان کے پیغام کو عام کرنا ہے۔
اسی روز شام 4 بجے THQ ہسپتال کمالیہ میں کیک کٹنگ کی خصوصی تقریب منعقد ہوگی، جس میں ہسپتال میں زیرِ علاج مریضوں اور ان کے لواحقین کے ساتھ یومِ آزادی کی خوشیاں بانٹی جائیں گی۔
پیارا پاکستان کی جانب سے اس اقدام کو جشنِ آزادی کو خدمتِ خلق، شجرکاری اور قومی یکجہتی کے جذبے کے ساتھ منانے کی خوبصورت مثال قرار دیا گیا ہے۔
