Veer Times News

Veer Times News Contact information, map and directions, contact form, opening hours, services, ratings, photos, videos and announcements from Veer Times News, Media/News Company, Karachi Lines.

18/09/2025

ڈھورونارو کے نزدیک گوٹھ تین میل موری کے رہائشی گوپی چند اوڈ بیماری کی وجہ سے سخت پریشان ، غربت کی وجہ سے کاروبار زندگی چلانا مشکل ،چھوٹے چھوٹے معصوم بچے مسیحا کے انتطار میں ، گوپی چند کی حکومت سندھ ،محکمہ صحت کے اعلیٰ حکام اور مخیر حضرات سے علاج اور مدد کی اپیل ، تفصیل کے مطابق ڈھورونارو کے نزدیک گوٹھ تین میل موری کے رہائشی غریب کسان گوپی چند اوڈ نے صحافیوں سے گفتگو کرتے ہوئے کہا کہ پاؤں میں معمولی چوٹ آئی تھی ۔ جس کا بروقت صحیح علاج نہ کرانے کی وجہ سے اور شوگر کی بیماری میں مبتلا ہونے کی وجہ سے زخم خراب ہوگیا ہے ۔ اور پیروں کی انگلیاں گل کر خراب ہوکر ختم ہوگئیں ۔ گوپی چند اوڈ نے کہاکہ بیماری کی وجہ سے کام وغیرہ بھی نہیں کرسکتا ہوں ۔ چھوٹے چھوٹے معصوم بچے ہیں ۔غربت کی وجہ سے زندگی گذارنا مشکل ہورہاہے ۔ انہوں نے حکومت سندھ اور محکمہ صحت کے اعلیٰ حکام سمیت مخیر حضرات سے علاج کرانے اور مالی امداد کی اپیل کی

18/09/2025

ٹالہی کے گاؤں حامد گشکوری میں ایک نوجوان دوست محمد ولد صوبھو گشکوری کی گولی لگی لاش گھر سے برآمد ہوئی۔ اطلاع ملنے پر پولیس موقع پر پہنچ گئی اور واقعے کی تفصیلات حاصل کیں۔ ورثاء کا کہنا ہے کہ وہ کھیتوں میں کام پر گئے ہوئے تھے، نوجوان کا ذہنی توازن درست نہیں تھا، اسی وجہ سے اُس نے انتہائی قدم اٹھاتے ہوئے خودکشی کر لی۔
تفصیل کے مطابق، ٹالہی تھانے کی حدود میں واقع گاؤں حامد گشکوری میں افسوسناک واقعہ پیش آیا جہاں نوجوان دوست محمد ولد صوڀو گشکوری کی گولی لگی لاش گھر سے ملی۔ اطلاع ملتے ہی پولیس موقع پر پہنچی اور تفصیلات حاصل کیں۔
اس سلسلے میں جب ورثاء سے رابطہ کیا گیا تو انہوں نے بتایا کہ ہم کھیت میں کام پر تھے، نوجوان نے گھر میں پستول سے خود پر فائر کر کے خودکشی کی ہے۔ ان کے مطابق نوجوان ذہنی طور پر پریشان تھا، اسی لیے اس نے یہ انتہائی قدم اٹھایا۔دوسری طرف، پولیس کا کہنا ہے کہ اطلاع ملتے ہی ہم موقع پر پہنچے اور واقعے کی تفصیلات حاصل کیں۔ ورثاء نے بتایا کہ نوجوان کا ذہنی توازن درست نہیں تھا۔ورثاء کی جانب سے پوسٹ مارٹم کروانے سے بھی انکار کیا گیا ہے اور وہ کسی بھی قسم کی قانونی کارروائی نہیں کرنا چاہتے۔نوجوان کی لاش گھر کے اندر گولی لگی حالت میں ملنے پر گھر میں کہرام مچ گیا، جب کہ پورے گاؤں میں سوگ کا سماں چھا گیا

17/09/2025

عمرکوٹ شھر میں نوجوان مزدور تعمیراتی کرتے ہوئے دوسری منزل سے گر کر جانبحق ہوگیا
میگھوار محلہ میں 22 سالا نوجوان گھر کی تعمیر کے دوران دوسری منزل پر شٹرنگ کا کام کرتے ہوئے گرکیا نوجوان راجیش کمار لکڑی کی شٹرنگ لگاتے ہوئے پاؤں پسلنے کے باعث زمین پر گرکر موقع پر جانبحق ہوگیا ڈاکٹر نے نوجوان کی موت کی تصدیق کردی اور نوجوان کی موت کی اطلاع ملتے ہی گھر میں کہرام مچ گیا

17/09/2025

حیدرآباد (پ ر) اسرا یونیورسٹی کے ڈائریکٹوریٹ آف اسٹوڈنٹس ایکٹیویٹیز اینڈ ایتھلیٹکس کے زیر اہتمام آج "ورک پلیس پر ایمرجنسی ریسپانس: سیلاب، آگ، بجلی کے جھٹکے اور حادثات" کے عنوان سے ایک ورکشاپ کا انعقاد کیا گیا، جس میں تیاری اور کام کی جگہ پر حفاظت کی اہمیت کو اجاگر کیا گیا۔
ورکشاپ میں مہمانِ خصوصی فیاض حسین عباسی، کمشنر حیدرآباد ڈویژن، پروفیسر ڈاکٹر حمیداللہ قاضی، صدر و سی ای او اسرا اسلامک فاؤنڈیشن، اور ڈاکٹر احمد ولی اللہ قاضی، وائس چانسلر اسرا یونیورسٹی شریک ہوئے۔ معزز مہمانوں میں جاوید اقبال، سیکریٹری حیدرآباد روڈ سیفٹی ٹریفک مینجمنٹ، اسلم دیسوانی، صدر حیدرآباد سٹی ویلفیئر ایسوسی ایشن، ڈینز، ڈائریکٹرز، فیکلٹی اور طلبہ شامل تھے۔
اپنے خطاب میں مہمانِ خصوصی فیاض حسین عباسی نے اسرا اسلامک فاؤنڈیشن کی شاندار خدمات اور اسرا یونیورسٹی کی بروقت ورکشاپ پر سراہا اور حکومت کے عزم پر زور دیا کہ آفات کی تیاری اور کمیونٹی کی صلاحیت بڑھانے کے لیے اقدامات کیے جائیں گے۔ انہوں نے کہا کہ نوجوانوں کے لیے آگاہی پروگرام بے حد ضروری ہیں تاکہ وہ قدرتی آفات جیسے سیلاب اور زلزلے کے ساتھ ساتھ کام کی جگہ پر پیش آنے والے خطرات سے بھی مؤثر انداز میں نمٹ سکیں۔
وائس چانسلر اسرا یونیورسٹی ڈاکٹر احمد ولی اللہ قاضی نے اپنے استقبالیہ خطاب میں طلبہ، اساتذہ اور ماہرین کی شرکت پر خوشی کا اظہار کیا

17/09/2025

جنڈ شہر میں مہنگائی کا بھوت دن بدن خوفناک روپ اختیار کرتا جا رہا ہے۔ آٹا، دودھ، گھی اور سبزیاں عوام کی پہنچ سے دور ہوچکی ہیں۔ شہریوں کا کہنا ہے کہ جیسے کوئی ان دیکھی طاقت ان پر بوجھ ڈال رہی ہے، ناجائز منافع خور ’’بھوت‘‘ کی طرح ان کی جیبوں پر وار کر رہے ہیں۔
عوام کا مطالبہ ہے کہ حکومت اور انتظامیہ اس ’’مہنگائی کے بھوت‘‘ کو قابو میں لائے اور شہریوں کو ریلیف فراہم کرے۔
جنڈ میں مہنگائی کا آسیب قابو سے باہر
عوام مہنگائی کے شکنجے میں قید
ناجائز منافع خور ’’بھوت‘‘ کی طرح متحرک

17/09/2025

ککری گراؤنڈ جو محمد علی جوھر پارک سے مشہور ہے علی محمد قمبرانی باکسنگ کلب سرمنی ہوئی جو دو ماہ سے بچوں کو ٹریننگ اور کوچنگ دی گئی اج اس کی سرمنی تھی بچوں میں انعامات تقسیم کیے گئے اور شیلڈ دی گئی اج کے مہمان خصوصی ایم پی اے یوسف سنیٹر بلوچ تھے لیکن یوسف سنیٹر کی ہمشیرہ کے انتقال کی وجہ سے وہ نہیں أھ سکے سندھ کے اسپورٹ سیکرٹری علی محمد گوپانگ مہمان خصوصی تھے سندھ باکسنگ ایشن ایشن کے سینیئر نائب صدر عابد بروئی کارا بھائی اسکول کمپلیکس کے سربراہ حنین سر کراچی باکسنگ ایسوسی ایشن کے سیکرٹری سندھ باکسنگ ایسوسییشن کے صدر اصغر بلوچ رشید بلوچ خان محمد کے پی ٹی کوچ جمیل خان رستم بلوچ وحید بلوچ انٹرنیشنل باکسر فہیم بلوچ انٹرنیشنل باکسر مظہر قمبرانی پاکستان کے مایا ناز انٹرنیشنل باکسر مہرین جمعہ بلوچ سندھ کی سپر سٹار اور مایا ناز انٹرنیشنل باکسر ماریہ رند بلوچ انٹرنیشنل باکسر ساحرہ قمبرانی۔سندھ باکسنگ کی وومن کوچ سمیہ رفیق گوہر تاج فھر بچوں میں انعامات تقسیم کیے گئے اور شیلڈ بہی دی گئی علی محمد گوپانگ نے کہا کہ لیاری کے بچوں میں بہت ٹیلنٹ ہے ان کی سرپرستی کرنا بہت ضروری ہے ایم پی اے محمد یوسف بلوچ کی ہمشیرہ کے لیے دعائے مغفرت کی گئی اللہ پاک اس کو جنت الفردوس میں جگہ دے اصغر بلوچ نے یوسف سنیٹر کے لیے نیک خواہشات کا اظہار کیا انہوں نے کہا کہ یوسف بلوچ لیاری کے بچوں پر شفقت کا ہاتھ رکھا ہے ماریہ بلوچ نے کہا یوسف سنیٹر ہمارے محسن ہیں ہم بچوں پر یوسف سینٹر نے شفقت کا ہاتھ رکھا ہے مہرین بلوچ نے یوسف سینٹر کو خراج تحسین پیش کیا مہرین بلوچ نے کہا کہ یوسف بلوچ ہمارے محسن ہے ہمیشہ لیاری کے بچوں پر شفقت کا ہاتھ رکھتے ہیں

17/09/2025

پاکستان پيپلزپارٹی ضلع عمرکوٹ کے نومنتخب عہدار ضلعئی ڈپٹی انفارمیشن سیکریٹری نند لال میگھواڑ صاحب کنری پیپلز پارٹی سٹی آفیس پہنچے جہاں ضلعئی جنرل سیکریٹری صوفی نواز علی سومرو صاحب، سٹی صدر مہر غلام مصطفی آرائیں صاحب، ڈویژنل انفارمیشن سیکریٹری لیبر ونگ عباس علی رند صاحب، سٹی انفارمیشن سیکریٹری رضوان مغل، کامریڈ عبدالہی کپری صاحب، نے سندھ کی ثقافت اجرک اور پھولوں کے ہار پہنائے

16/09/2025

دادو سیئنما چونک پر سیوریج اور ڈرینیج خراب ہونے کی وجہ سے گندا پانی سڑکوں پر پھیل گیا ۔۔۔ دوکاندار اور آنے جانے والے شھری سخت پریشان ۔ دوکانداروں نے روڈ بلاک کر کے میونسپل انتظامیہ دادو کے خلاف سخت نعرے بازی کی ۔۔۔ دوکاندار عبد الحفیظ قمبرانی، سلیم ملاح، وحید ملاح، مجید پنھور، اور دیگر نے کہا کے میونسپل انتظامیہ کی مھانہ کروڑوں کی بجٹ کے بعد بھی دادو شھر گندگی ڈیر بن گیا ہے ۔ صفائی صرف ایم پی اے اور ایم این اے کے علاقوں میں ہو رہی ہے ۔۔۔ عام شھری کی بات سننے والا کوئی بھی نہیں ۔۔۔ اوپر لیاقت سومرو عرف حاجی کارو صاف رستوں کی وڈیو بنا کر دادو کی عوام کو بیوفوق بنا رہا ۔۔۔ دوکانداروں اور شھریوں نے اعلیٰ اداروں سے اپیل کی کے خدارا دادو کی میونسپل انتظامیہ کے خلاف ایکشن لیا جائے

16/09/2025

سماجی، صوفیانہ اور روحانی جماعت انجمن غلامانِ قلندر ویلفیئر سندھ پاکستان کی جانب سے سائیں روشن شاہ رحمۃ اللہ علیہ کے آستانے پر جشنِ عید میلاد النبی ﷺ کے سلسلے میں "محفلِ ہدیہ کثرتِ درود پاک" کا روح پرور پروگرام منعقد کیا گیا۔
اس بابرکت محفل سے جماعت کے سرپرست سائیں سید غلام حیدر شاہ قلندری نے خطاب کرتے ہوئے فرمایا کہ:
"تلاش کرنے سے خدا بھی مل جاتا ہے، لیکن ضروری ہے کہ نقل اور اصل میں فرق کیا جائے۔ آج کے دور میں آرٹیفیشل (مصنوعی) اور ہائبرڈ چیزوں کو پہچاننے کی صلاحیت پیدا کرنا انتہائی اہم ہے۔ انسان اور حیوان کے درمیان فرق کرنا، اور ہر چیز کو عقل کے ترازو میں تول کر پرکھنا ہی اصل بصیرت ہے۔ جیسے کنویں اور تالاب کی حقیقت جانچنے سے واضح ہو جاتی ہے، ویسے ہی زندگی کے ہر شعبے میں اصل اور نقل کو پرکھنے سے سچ سامنے آتا ہے۔"
سائیں نے مزید کہا کہ: "جیت کا لطف اپنی جگہ، لیکن ہار بھی انسان کو بہت کچھ سکھاتی ہے۔ اگر ہار نہ ہو تو جیت کی قدر بھی ختم ہو جائے۔ جو شخص جیت کی تلاش میں بھاگتا ہے، اسے راستے میں ہار کا سامنا بھی کرنا پڑتا ہے۔ جیت اور ہار دونوں کو زندگی کے سفر کا اہم حصہ سمجھنا چاہیے کیونکہ ہار ہی انسان کو سکھاتی ہے اور جیت کے لیے مزید مضبوط بناتی ہے۔"
سائیں غلام حیدر شاہ قلندری نے قرآن پاک کے پیغام پر زور دیتے ہوئے کہا کہ: "کسی بھی عالم، درویش یا شخصیت کو اللہ کی جگہ رب کا درجہ دینا صریح شرک ہے۔ مسلمانوں کو اپنی زندگی کے ہر پہلو میں توحید کی تعلیم کو اولین ترجیح دینی ہوگی، کیونکہ اصل عزت اور نجات صرف اللہ کی عبادت میں ہے۔ اپنے عقائد اور اعمال کو قرآن و سنت کی روشنی میں پرکھنا چاہیے تاکہ کوئی بھی عمل یا سوچ شرک کی آلودگی میں نہ آ جائے۔"
انہوں نے سورۃ التوبہ کی آیت 24 کا حوالہ دیتے ہوئے کہا کہ: "اگر والدین، اولاد، بھائی، بیویاں، رشتہ دار، مال و دولت، تجارت اور مکانات، اللہ اور اس کے رسول ﷺ کی محبت اور اللہ کی راہ میں جہاد سے زیادہ عزیز لگنے لگیں، تو یہ ایمان کی کامل حالت کے لیے خطرہ ہے۔"
سائیں نے زور دیا کہ: "ہر مسلمان کو دنیوی محبتوں سے بڑھ کر اللہ اور اس کے رسول ﷺ کی محبت کو فوقیت دینی چاہیے، کیونکہ نجات اور ہدایت کا راستہ صرف توحید اور اطاعتِ رسول ﷺ میں ہے۔"پروگرام میں ہزاروں افراد نے شرکت کی۔
نبی اکرم ﷺ کو 9 کروڑ 51 لاکھ درود پاک اور 200 ختم القرآن کا تحفہ پیش کیا گیا۔
تقریب میں سندھ اور عالمِ انسانیت کی خوشحالی کے لیے خصوصی دعائیں کی گئیں۔نعت خوانی میں کامران کلہوڑو اور قمرالدین سولنگی کی ٹیم نے پیش کی۔
تقریب میں جن معزز افراد نے شرکت کی ان میں شامل تھے
سيد عبدالرحمان شاہ، محمد ابراہیم ہالیپوٹو، محمد موسیٰ ہالیپوٹو، رفیق ہنگورو، جمن جروار، مظفر لاشاری، اظہار ڌونڪائي، اعجاز مستوئی، ایم بی ناهیو، چنيسر برفت، علی نواز میمن، امتیاز درس، عالم شاہ،ن امید شاہ، اشرف درس، خدابخش درس، مولانا میر محمد راڄڙ، میر حسن درس، شکور درس، علی حسن درس، راجا درس، ارشاد درس، دودو جوڻيجو، امتیاز راڄڙ، محمد منگریو، ملوک کنڀر، شعبان جوڻيجو، معروف درس، اللہ بچایو درس، جمن کنڀر، حنیف بوزدار، عطا حسین بوزدار، ابوبکر ہنگورو، ہاشم بوزدار، آچر منگریو، اللہ بخش ڀنڀرو سمیت بڑی تعداد میں لوگ شامل ہوئے، آخر میں شرکاء میں لنگر بھی تقسیم کیا گیا۔

16/09/2025

قاضي احمد جمیعت علماء اسلام سندھ کے امیر مولانا عبدالقیوم ھالیجوی اور جنرل سیکرٹری سندھ مولانا راشد محمود سومرو کی قیادت میں کشمور سے آنے والے امن مارچ کی قاضی احمد آمد سینکڑوں کارکنان نے قائدین کا والہانہ استقبال کیا
امن مارچ کے شرکاء سے مولانا راشد محمود سومرو نے اپنے خطاب میں کہا کہ ہمارا امن مارچ کا مقصد کرپشن کے خاتمہ اور حکومتی اداروں کی نااہلی کیخلاف ہے ہم سندھ کی مظلوم عوام کیلئے کشمور سے کراچی تک مارچ کررہے ہیں سندھ کے دریاء اور اثاثوں کو فروخت کیا جارہا ہے سندھ کے عوام ہمارا ساتھ دیں تاکہ اس نااھل سندھ حکومت سے چھٹکارا حاصل کر سکیں عوام ہمارے ساتھ امن مارچ میں شریک ہوکر سندھ کی نااھل حکومت کو یہ پیغام دیں کہ وہ ان سے بیزار ہوچکے ہیں امن مارچ کے کراچی پہنچنے پر قائد جمیعت مولانا فضل الرحمٰن بھی ہمارے ساتھ شامل ہوں گے بہت جلد ہم عوام کی طاقت کیساتھ اس حکومت سے چھٹکارا حاصل کریں گے کارکنان کراچی میں امن مارچ میں اپنی شرکت کو یقینی بنائیں

16/09/2025

جے یو آئی کا امن مارچ ہالا، نیو سعیدآباد۔ باروچوباغ۔ بھٹ شاہ موری۔ کنڈو اسٹاپ ۔ کھیبر سیکاٹ۔ باوديرو سے ہوتا ہوا مٹیاری پہنچا، جہاں امن مارچ جلسے میں تبدیل ہو گیا اور ہر طرف امن مارچ کا شاندار استقبال کیا گیا اور ان پر گُلوں کی برسات کی گئی۔ امن مارچ کی قیادت جمعیت علماء اسلام سندھ کے جنرل سیکریٹری مولانا راشد محمود سومرو، عبدالقیوم ہالیجوی اور دیگر کر رہے تھے۔ مٹیاری سمیت مختلف مقامات پر خطاب کرتے ہوئے مولانا راشد محمود سومرو نے کہا کہ ملک میں بڑھتی ہوئی بدامنی عوام کی زندگی پریشانی میں مبتلا بنا دی ہے اور حکمران خاموشی کے ساتھ تماشا دیکھ رہے ہیں، جس کی وجہ سے ہر فرد عدم تحفظ کا شکار ہے۔ پولیس کو وڈیروں ، وزیروں، مشیروں کی سیکیورٹی پر لگایا گیا ہے۔ ڈاکوؤں کی طرف سے عوام کو اغوا کر کے قانون کی دھجیاں اڑائی جا رہی ہیں، ڈکیتیاں، چوریاں بڑھنے کے سبب غریب، شریف لوگوں کا سانس چھوٹ گیا ہے۔ پولیس ایکشن لینے کے لیے تیار نہیں۔ سندھ میں ڈاکوؤں کا راج قائم ہے اور عوام کی لوٹ مار جاری ہے۔ تاجروں، شہریوں سے لے کر معصوموں کا اغوا بھی ہوتا جا رہا ہے۔ موجودہ حکمران نیپال، بنگلہ دیش جیسی صورتحال سے سبق سیکھیں۔ ہم عوام کا ساتھ نہیں چھوڑیں گے۔ 18 ستمبر کو کراچی میں زبردست احتجاج ہوگا

16/09/2025

دادو میں سرکاری عمارت کو نجی پارکنگ میں تبدیل کرنے کا انکشاف
دادو — صحافیوں کی کوریج کے دوران یہ انکشاف ہوا ہے کہ ایگریکلچر انجینئرنگ ورکشاپ دادو کو بعض بااثر افسران اور عملے نے ذاتی فائدے کے لیے استعمال کرنا شروع کر دیا ہے۔
ذرائع کے مطابق ورکشاپ کی سرکاری عمارت کو غیر قانونی طور پر کار پارکنگ میں تبدیل کیا گیا ہے اور مبینہ طور پر عملہ پارکنگ کے نام پر شہریوں سے ماہانہ لاکھوں روپے وصول کر رہا ہے۔ صحافیوں نے اس غیر قانونی سرگرمی کی فوٹیج بھی حاصل کی ہے، جس میں عمارت کو پارکنگ ایریا کے طور پر استعمال کرتے دیکھا جا سکتا ہے۔
شہریوں اور متعلقہ فریقین نے ضلعی انتظامیہ اور اعلیٰ حکام سے مطالبہ کیا ہے کہ اس معاملے کا فوری نوٹس لیا جائے اور سرکاری عمارت کو ذاتی روزگار کا ذریعہ بنانے والے عناصر کے خلاف کارروائی کی جائے، تاکہ عوامی وسائل کا غلط استعمال روکا جا سکے۔

Address

Karachi Lines

Website

Alerts

Be the first to know and let us send you an email when Veer Times News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category