BAAM News

26/10/2025

حاجی شمبے گوٹھ یو سی مراد میمن ، گڈاپ ٹاون کی ایک نیم تعمیر شدہ عمارت کی فریاد

24/10/2025

جامعہ کراچی نے میمن گوٹھ کے لئے پوائنٹ سروس بند کردی، طلبہ شدید پریشانی کا شکار

طلبہ کو جامعہ پہنچنے کے لیے تین تین بسیں بدلنا پڑتی ہیں، عوامی نمائندوں سے سروس بحال کرانے کا مطالبہ

کراچی (اسٹاف رپورٹر) جامعہ کراچی انتظامیہ کی جانب سے میمن گوٹھ کے لیے پوائنٹ (بس) سروس اچانک بند کیے جانے پر طلبہ میں شدید مایوسی اور پریشانی پھیل گئی۔ طلبہ کا کہنا ہے کہ پوائنٹ سروس بند ہونے کے بعد انہیں یونیورسٹی پہنچنے کے لیے تین تین بسیں بدلنی پڑتی ہیں، جس سے نہ صرف وقت ضائع ہوتا ہے بلکہ اخراجات میں بھی اضافہ ہوگیا ہے۔

متاثرہ طلبہ نے جامعہ انتظامیہ اور عوامی نمائندوں سے مطالبہ کیا ہے کہ میمن گوٹھ کے لیے پوائنٹ سروس فوری طور پر بحال کی جائے تاکہ تعلیمی سرگرمیوں میں کسی قسم کی رکاوٹ نہ ہو۔ طلبہ کا کہنا ہے کہ یونیورسٹی آنے جانے کے لیے پوائنٹ سروس واحد سہولت تھی، جس کے اثر ختم ہونے سے روزانہ کی حاضری اور تعلیمی کارکردگی پراثر پڑے گا۔

20/10/2025

بام نیوز کی جانب سے دیوالی کی مبارکباد

بام نیوز کی پوری ٹیم ہندو برادری کو دیوالی کے موقع پر دلی مبارکباد پیش کرتی ہے۔
روشنیوں کا یہ تہوار آپ سب کے لیے خوشیوں، امیدوں اور کامیابیوں کا پیغام لائے۔
دیوالی کی چمک آپ کی زندگیوں کو روشن کرے اور محبت، امن و ہم آہنگی کو فروغ دے۔

20/10/2025

سندھ محکمہ تعلیم کی جانب سے اساتذہ کے انتظامی و مالی امور کے حل سے متعلق نئی وضاحت جاری

کراچی (اسٹاف رپورٹر) حکومتِ سندھ کے محکمہ تعلیم و خواندگی نے اساتذہ کے انتظامی اور مالی معاملات سے متعلق نئی رہنمائی اور وضاحت جاری کردی ہے۔ جاری کردہ اعلامیے کے مطابق، پرائمری، سیکنڈری اور ہائر سیکنڈری سطح کے اساتذہ (BPS-07 تا 14) کے تقرر، تبادلے اور ترقی کے معاملات اب سندھ سول سرونٹس رولز 1974 کے رول 4(1)(4 & 5) کے تحت نمٹائے جائیں گے۔

محکمہ کی جانب سے 26 جون 2025 کے سابقہ مراسلے کو منسوخ کرتے ہوئے کہا گیا ہے کہ بیسک پے اسکیل 9 سے 11 تک کے عہدوں پر تقرریاں متعلقہ دفتر کے بیسک 19 یا اس سے بالا افسر کے دستخط سے ہوں گی، جبکہ D.C.O اور سب ڈویژنل ایجوکیشنل آفیسر (BPS-7) بھی اپنے دائرہ اختیار میں تعیناتی کے مجاز ہوں گے۔

اسی طرح بیسک پے اسکیل 12 سے 15 تک کے عہدوں پر تقرریاں ریجنل ہیڈ آف ڈیپارٹمنٹ یا بیسک 20 کے افسر کی منظوری سے عمل میں لائی جائیں گی، جبکہ بعض صورتوں میں ضلعی یا سٹی ناظم کو بھی مجاز اتھارٹی قرار دیا گیا ہے۔

نوٹیفکیشن کے مطابق تمام افسران کو ہدایت دی گئی ہے کہ وہ اپنے دائرہ اختیار میں آنے والے اساتذہ کے مالی و انتظامی امور مذکورہ قواعد کے مطابق نمٹائیں۔

20/10/2025

گڈاپ ٹاؤن کے بلدیاتی نمائندوں کی کارکردگی ملاحظہ فرمائیں، ایک مین ہول کی تعمیر بھی اب ایک ناممکن کام بن چکی ہے۔"

20/10/2025

مراکش نے ارجنٹینا کو شکست دے کر فیفا انڈر 20 ورلڈ کپ جیت لیا
یاسر زیبری کے دو شاندار گول، مراکش کی تاریخ ساز کامیابی — پہلی بار کسی عرب ملک نے یو-20 عالمی ٹائٹل اپنے نام کیا

سانتیاگو (اسپورٹس ڈیسک): فیفا انڈر 20 ورلڈ کپ 2025 کے فائنل میں مراکش نے شاندار کارکردگی دکھاتے ہوئے ارجنٹینا کو دو صفر سے شکست دے کر تاریخ رقم کر دی۔ یہ میچ چلی کے شہر سانتیاگو کے مشہور اسٹیڈیم "ایستادیو ناسیونال جولیو مارٹینز پرادانوس" میں کھیلا گیا جہاں دونوں ٹیموں کے درمیان دلچسپ مقابلہ دیکھنے میں آیا۔

میچ کے آغاز ہی سے مراکش نے جارحانہ انداز اپنایا اور کھیل کے بارہویں منٹ میں یاسر زیبری نے فری کک سے شاندار گول داغ کر ٹیم کو برتری دلا دی۔ ارجنٹینا نے گول برابر کرنے کی کوششیں تیز کر دیں لیکن مراکشی دفاع مضبوط ثابت ہوا۔ کھیل کے 29ویں منٹ میں ایک اور موقع سے فائدہ اٹھاتے ہوئے زیبری نے دوسرا گول کر کے اپنی ٹیم کی برتری دگنی کر دی۔

پہلے ہاف کے اختتام تک مراکش دو صفر سے آگے رہا جبکہ ارجنٹینا گیند پر قابو رکھنے کے باوجود کوئی مؤثر حملہ نہ کر سکا۔ دوسرے ہاف میں مراکش نے دفاعی حکمت عملی اپنائی اور وقتاً فوقتاً جوابی حملے کیے۔ ارجنٹینا کے فارورڈ کھلاڑی کئی بار گول کے قریب پہنچے مگر مراکش کے گول کیپر اور دفاعی دیوار نے ہر موقع ناکام بنا دیا۔

میچ کے اختتام پر دو صفر سے مراکش کی تاریخی کامیابی کے ساتھ میدان خوشی کے نعروں سے گونج اٹھا۔ یاسر زیبری کو شاندار کارکردگی پر "مین آف دی میچ" قرار دیا گیا۔ ٹیم کے کھلاڑیوں نے مراکش کا پرچم لہرا کر کامیابی کا جشن منایا جبکہ تماشائیوں نے کھڑے ہو کر داد دی۔

یہ پہلا موقع ہے کہ کسی عرب ملک نے فیفا انڈر 20 ورلڈ کپ جیتا ہے۔ مراکش کی نوجوان ٹیم نے اپنے نظم و ضبط، دفاعی مہارت اور ٹیم ورک سے دنیا بھر کے فٹبال شائقین کو متاثر کیا۔ دوسری جانب ارجنٹینا، جو پورے ٹورنامنٹ میں ناقابلِ شکست رہی تھی، فائنل میں اپنی برتری برقرار نہ رکھ سکی۔

مراکش کی دو صفر سے فتح نہ صرف افریقہ بلکہ عرب دنیا کے لیے بھی تاریخی سنگِ میل ثابت ہوئی ہے۔ مبصرین کے مطابق یہ کامیابی مستقبل میں مراکشی فٹبال کے نئے دور کی بنیاد رکھے گی۔

19/10/2025

۔ گزشتہ روز حاجی شمبے ولیج انگلش لینگویج سینٹر کے یومِ تاسیس کے موقع پر ایک سادہ مگر پروقار تقریب ک آٹھا انعقاد کیا گیا۔
تقریب میں سندھی پرائمری اسکولحاجی شمبے ولیج کے طلبہ کے ساتھ ساتھ محلے کے وہ بچے بھی شریک ہوئے جو لینگویج سینٹر میں زیرِ تعلیم ہیں۔
طلبہ نے انگریزی میں تقاریر پیش کیں جبکہ بعض بچوں نے نظمیں پڑھ کر حاضرین سے داد حاصل کی۔

16/10/2025

کے پی ٹی چیلنج کپ فٹبال ٹورنامنٹ 2025 کا دوسرا سیمی فائنل: اسماعیل میموریل فائنل میں پہنچ گئی
یک طرفہ مقابلے میں برما آفریدی کو چار صفر سے شکست — رضوان مین آف دی میچ قرار

کراچی (اسپورٹس رپورٹر) کے پی ٹی اسٹیڈیم میں جاری کے پی ٹی چیلنج کپ فٹبال ٹورنامنٹ 2025 کے دوسرے سیمی فائنل میں اسماعیل میموریل نے شاندار کھیل پیش کرتے ہوئے برما آفریدی کو یک طرفہ مقابلے میں چار صفر سے شکست دے دی اور فائنل میں اپنی جگہ پکی کر لی۔

مین آف دی میچ کا اعزاز اسماعیل میموریل کے رضوان کے حصے میں آیا، جنہوں نے شاندار کارکردگی دکھاتے ہوئے دو گول اسکور کیے، جبکہ محمد اور علی ظفر نے ایک ایک گول کیا۔

ایونٹ کی خاص بات یہ ہے کہ فائنل کے لیے کوالیفائی کرنے والی دونوں ٹیموں کا تعلق ڈسٹرکٹ ملیر سے ہے۔

ایونٹ کا فائنل جمعہ، 17 اکتوبر 2025 کو اسماعیل میموریل اور بلوچ محمڈن کے درمیان کھیلا جائے گا

15/10/2025

پیپلزپارٹی کے سینئر رہنما اور سابق اسپیکر سندھ اسمبلی آغا سراج درانی 72 سال کی عمر میں انتقال کرگئے ہیں، آغا سراج دارنی کراچی کے نجی اسپتال میں زیر علاج تھے، وہ 5 اکتوبر 1953 کوشکار پورمیں پیدا ہوئے، انہوں نے سندھ مسلم گورنمنٹ لاء کالج سے ایل ایل بی کی ڈگری حاصل کی۔

15/10/2025

15/10/2025

محکمہ خزانہ سندھ کا نوٹیفکیشن: اسکول اساتذہ کو مالی اختیارات تفویض

کراچی (اسٹاف رپورٹر) حکومتِ سندھ کے محکمہ خزانہ نے 7 اکتوبر 2025ء کو ایک اہم نوٹیفکیشن جاری کیا ہے جس کے تحت صوبے کے سرکاری اسکولوں کے ہیڈ ماسٹرز اور پرنسپلز کو مالی اختیارات تفویض کر دیے گئے ہیں۔

نوٹیفکیشن نمبر ایف۔ڈی/بی اینڈ ای۔آئی/ایف۔آر۔1/2025-26 کے مطابق، سندھ پبلک فنانس ایڈمنسٹریشن ایکٹ 2020ء کی دفعہ 44 کے تحت حاصل اختیارات کو استعمال کرتے ہوئے “سندھ ڈیلگیشن آف فنانشل پاورز اینڈ فنانشل کنٹرول رولز 2019ء” میں ترمیم کی گئی ہے۔

ترمیم کے مطابق، محکمہ تعلیمِ اسکولز کے تحت آنے والے اسکولوں کے انچارج اساتذہ (ہیڈ ماسٹرز یا پرنسپلز) کو یہ اختیار حاصل ہوگا کہ وہ اپنے متعلقہ اسکولوں میں بجٹ میں ظاہر شدہ تخمینوں کے مطابق اخراجات کی مد (آپریٹنگ اخراجات) میں دو لاکھ روپے تک کی رقم خرچ کرنے کی منظوری دے سکیں گے۔

یہ اختیارات ان اسکولوں کے انچارج اساتذہ کو دیے گئے ہیں جو ڈی۔ڈی۔او کیٹگری I تا IV میں شامل نہیں ہیں۔

ی۔