08/08/2026
ملیر کے گڈاپ سے تعلیمی میدان میں شاندار کامیابی، عاقب رزاق نے کراچی بھر میں دوسری پوزیشن حاصل کرلی
کراچی (نمائندہ خصوصی): ملیر کے علاقے گڈاپ کے کونکر ڈگری کالج کے ہونہار طالب علم عاقب رزاق ولد عبدالرزاق نے بورڈ آف انٹرمیڈیٹ ایجوکیشن کراچی کے ایچ ایس سی پارٹ ٹو سالانہ امتحانات 2026، ہیومینٹیز ریگولر گروپ میں شاندار کارکردگی کا مظاہرہ کرتے ہوئے پورے کراچی میں دوسری پوزیشن حاصل کرلی۔
بورڈ آف انٹرمیڈیٹ ایجوکیشن کراچی کی جانب سے جاری کردہ میرٹ لسٹ کے مطابق عاقب رزاق نے 1100 میں سے 919 نمبر حاصل کیے، جو 83.54 فیصد بنتے ہیں، جبکہ انہیں A-1 گریڈ دیا گیا ہے۔
میرٹ لسٹ میں پہلی پوزیشن اقراء حفاظ گرلز سائنس کالج، نارتھ ناظم آباد کی طالبہ نے 926 نمبر کے ساتھ حاصل کی، جبکہ کونکر ڈگری کالج گڈاپ کے عاقب رزاق 919 نمبر کے ساتھ دوسری پوزیشن پر رہے۔ تیسری پوزیشن بھی اقراء حفاظ گرلز سائنس کالج کی طالبہ نے 918 نمبر کے ساتھ حاصل کی۔
عاقب رزاق کی اس شاندار کامیابی پر ملیر اور خصوصاً گڈاپ کے تعلیمی حلقوں میں خوشی کی لہر دوڑ گئی۔ اہلِ علاقہ نے عاقب رزاق، ان کے والدین اور کونکر ڈگری کالج کے اساتذہ و انتظامیہ کو مبارکباد پیش کرتے ہوئے کہا کہ یہ کامیابی ملیر کے لیے باعثِ فخر ہے۔
تعلیمی حلقوں کا کہنا ہے کہ عاقب رزاق کی کامیابی گڈاپ اور ملیر کے دیگر طلبہ کے لیے ایک روشن مثال ہے کہ محنت، لگن اور اساتذہ کی رہنمائی سے بڑے تعلیمی اعزازات حاصل کیے جا سکتے ہیں۔
واضح رہے کہ بورڈ آف انٹرمیڈیٹ ایجوکیشن کراچی نے جاری کردہ میرٹ کو عارضی (Provisional) قرار دیا ہے اور اصل ریکارڈ کی بنیاد پر کسی بھی غلطی یا کوتاہی کی درستی کا حق محفوظ رکھا
