Technical Raza

03/04/2026

پشاور انجینئرنگ یونیورسٹی کے نوجوانوں کا شاندار کارنامہ، ایسی منفرد اینٹ تیار کر لی جو گرمی میں ٹھنڈک اور سردی میں حرارت فراہم کرے۔
جدید تحقیق کی یہ کامیاب مثال نہ صرف توانائی بچانے میں مددگار ثابت ہوگی بلکہ تعمیراتی شعبے میں بھی انقلاب لا سکتی ہے۔

03/04/2026

: گورنر سندھ نہال ہاشمی کا کہنا ہے کہ پیٹرول کی قیمتوں میں اضافہ حکومت نے نہیں کیا۔

کینٹ اسٹیشن پر سکھر ایکسپریس کی ریفربشڈ کوچز کے افتتاح کے موقع پر انہوں نے کہا کہ حکومت اپنے وعدے پورے کر رہی ہے اور اس ٹرین میں 1100 مسافروں کی گنجائش موجود ہے۔ ان کا کہنا تھا کہ ملک کے وسائل کو مدنظر رکھتے ہوئے ترقیاتی کام جاری رکھے جائیں گے۔

گورنر سندھ نے واضح کیا کہ پیٹرولیم مصنوعات کی قیمتوں میں اضافہ بین الاقوامی مارکیٹ کے باعث ہوا ہے، نہ کہ حکومتی فیصلے کے تحت۔ انہوں نے مزید کہا کہ حکومت نے اپنے ترقیاتی اخراجات میں کمی کی ہے۔

انہوں نے کہا کہ ملکی قیادت خطے میں امن کے قیام کے لیے کوشاں ہے، جبکہ شہباز شریف، نائب وزیراعظم اور عسکری قیادت بھی امن کے فروغ کے لیے اقدامات کر رہے ہیں۔

03/04/2026

غیر ملکی میڈیا کے مطابق امریکی صدر ڈونلڈ ٹرمپ نے اٹارنی جنرل پام بونڈی کو برطرف کرکے ان کی جگہ نائب اٹارنی جنرل ٹوڈ بلینچ کو قائم مقام اٹارنی جنرل مقرر کر دیا ہے۔

دوسری جانب امریکی وزیرِ جنگ پیٹ ہیگسیٹھ نے چیف آف اسٹاف جنرل رینڈی جارج کو بھی عہدے سے ہٹا دیا ہے۔

امریکی میڈیا کے مطابق وزیرِ جنگ ایک ایسے آرمی چیف آف اسٹاف کی تقرری چاہتے ہیں جو فوجی معاملات میں صدر ٹرمپ اور ان کے وژن کے مطابق پالیسیوں پر عملدرآمد یقینی بنا سکے۔

03/04/2026

ایران نے دعویٰ کیا ہے کہ اس نے ایک اور امریکی ایف-35 لڑاکا طیارہ مار گرایا ہے، تاہم اس حوالے سے امریکی حکام کی جانب سے فوری طور پر کسی تصدیق یا ردِعمل کی اطلاعات سامنے نہیں آئی ہیں۔

ایرانی پاس*دا*رانِ انق*لاب (آئی آر جی سی) سے منسلک خبر رساں ادارے فارس نیوز کے مطابق اس طیارے کو وسطی ایران کی فضاؤں میں پرواز کے دوران نشانہ بنایا گیا، جس کے نتیجے میں طیارہ مکمل طور پر تباہ ہو کر زمین پر جا گرا۔

رپورٹ میں بتایا گیا ہے کہ طیارے کو شدید نقصان پہنچنے کے باعث پائلٹ کے بارے میں فوری طور پر کوئی معلومات دستیاب نہیں ہو سکیں۔ دوسری جانب مہر نیوز ایجنسی نے دعویٰ کیا ہے کہ طیارے کے تباہ ہونے کے دوران ہونے والے شدید دھماکے کے باعث اس بات کا امکان کم ہے کہ پائلٹ خود کو بچانے میں کامیاب ہوا ہو۔

ادھر امریکی سینٹرل کمانڈ کی جانب سے اس دعوے پر فوری ردعمل سامنے نہیں آیا، تاہم اس سے قبل ایران کے اسی نوعیت کے ایک اور دعوے کو مسترد کیا جا چکا ہے۔

دفاعی ماہرین کے مطابق اس طرح کے دعوؤں کی آزاد ذرائع سے تصدیق نہایت ضروری ہوتی ہے، جبکہ موجودہ صورتِ حال میں حقائق کی مکمل وضاحت سامنے آنا ابھی باقی ہے۔


Disclaimer: This news report is based on claims made by Iranian media sources. Independent verification from neutral or international authorities is not yet available, and official confirmation from U.S. officials has not been issued.

03/04/2026

حکومت نے پیٹرولیم لیوی میں بڑا اضافہ کر دیا ہے، جس کے تحت پیٹرول پر لیوی 55 روپے فی لیٹر بڑھا دی گئی۔

اضافے کے بعد پیٹرول پر لیوی 160.61 روپے فی لیٹر کی بلند ترین سطح پر پہنچ گئی ہے، جبکہ اس سے قبل یہ 106 روپے فی لیٹر تھی۔

حکومتی فیصلے کے مطابق ہائی اوکٹین پر لیوی 305.37 روپے فی لیٹر، مٹی کے تیل پر 20.36 روپے فی لیٹر، لائٹ ڈیزل پر 15.84 روپے فی لیٹر جبکہ فرنس آئل پر 77 روپے فی میٹرک ٹن مقرر کر دی گئی ہے۔

رواں مالی سال کے لیے پیٹرولیم لیوی کا ہدف 1468 ارب روپے رکھا گیا ہے، اور لیوی میں اضافے سے نان ٹیکس ریونیو میں مزید اضافہ متوقع ہے۔

واضح رہے کہ حکومت نے گزشتہ روز پیٹرول 137.23 روپے اور ڈیزل 184.49 روپے فی لیٹر مہنگا کرنے کا اعلان کیا تھا، جس کے بعد پیٹرول کی نئی قیمت 458.40 روپے جبکہ ڈیزل کی قیمت 520.35 روپے فی لیٹر ہو گئی ہے۔

اسی طرح مٹی کے تیل کی قیمت میں 34.08 روپے فی لیٹر اضافہ کر کے نئی قیمت 467.48 روپے مقرر کی گئی ہے، جبکہ جیٹ فیول کی قیمت میں 40 روپے فی لیٹر اضافے کے بعد یہ 517.17 روپے فی لیٹر کی ریکارڈ سطح پر پہنچ گئی ہے۔

03/04/2026

وزیرِ دفاع خواجہ آصف نے کہا ہے کہ اگر بھارت نے کوئی جارحیت کی تو پاک فوج پہلے سے زیادہ مؤثر اور بھرپور جواب دے گی۔

سماجی رابطوں کے پلیٹ فارم X (سابقہ ٹوئٹر) پر اپنے بیان میں وزیر دفاع نے بھارت اور بھارتی وزیر دفاع راج ناتھ سنگھ کے بیان پر سخت ردعمل دیا۔

انہوں نے کہا کہ بھارت پاکستان کے مقابلے میں 5 سے 6 گنا بڑا ملک ہے اور اس کے وسائل بھی زیادہ ہیں، تاہم یہ بھی حقیقت ہے کہ آج بھی بھارت میں کروڑوں افراد غربت کا شکار ہیں اور بنیادی سہولیات سے محروم ہیں۔

خواجہ آصف کا کہنا تھا کہ راج ناتھ سنگھ کے بیانات کا مقصد عالمی توجہ حاصل کرنا ہے، جبکہ ان کے بقول پاکستان اس وقت عالمی سطح پر توجہ کا مرکز بنا ہوا ہے۔

انہوں نے مزید کہا کہ بھارتی قیادت کو بیانات دیتے وقت زمینی حقائق کو مدنظر رکھنا چاہیے۔ وزیر دفاع نے خبردار کرتے ہوئے کہا کہ اگر کسی قسم کی جارحیت کی گئی تو پاکستان کی مسلح افواج بھرپور اور مؤثر جواب دینے کی صلاحیت رکھتی ہیں۔

03/04/2026

امریکا اور اس*رائی*ل کے مبینہ ح*ملے کا نشانہ بننے والے ایران کے سابق وزیر خارجہ کمال خرازی زخموں کی تاب نہ لاتے ہوئے شہید ہوگئے۔

امریکا اور اس*رائی*ل نے کمال خرازی کے تہران میں واقع گھر کو نشانہ بنایا تھا، جس کے نتیجے میں ان کی اہلیہ موقع پر ہی شہید ہوگئیں جبکہ کمال خرازی کو شدید زخمی حالت میں اسپتال منتقل کیا گیا تھا جہاں وہ کوما میں زیر علاج تھے۔

ایران کے معتبر ذرائع نے کمال خرازی کے انتقال کی تصدیق کرتے ہوئے کہا ہے کہ ان کی وفات سے ایران میں سفارتکاری اور تعلیمی شعبے کا ایک اہم باب بند ہوگیا ہے۔

کمال خرازی ایران کے سپریم لیڈر آیت اللہ سید علی حسینی خامنہ ای کے قریبی مشیروں میں شمار ہوتے تھے، جبکہ وہ ایران کی خارجہ پالیسی کی تشکیل میں اہم کردار ادا کرنے والی نمایاں شخصیات میں شامل رہے۔

81 برس کی عمر میں شہید ہونے والے کمال خرازی امور خارجہ اسٹریٹیجک کونسل کے سربراہ بھی تھے، جو ملک کی اعلیٰ قیادت کو خارجہ پالیسی کے حوالے سے سفارشات فراہم کرتی ہے۔

وہ اصلاح پسند صدر محمد خاتمی کے دورِ حکومت میں 1997 سے 2005 تک ایران کے وزیر خارجہ کے طور پر خدمات انجام دیتے رہے اور اس دوران ایران کی خارجہ پالیسی میں اہم کردار ادا کیا۔


Disclaimer: This report is based on initial media reports and claims from Iranian sources. Independent verification from international authorities has not yet been confirmed.

03/04/2026

تیل مہنگا ہونے کے باوجود عوام کو ریلیف دینا قیادت کی کامیابی ہے، مریم اورنگزیب
پنجاب کی سینئر وزیر مریم اورنگزیب نے کہا ہے کہ تیل مہنگا ہونے کے باوجود عوام کو ریلیف دینا قیادت کی کامیابی ہے۔
سماجی رابطے کی ویب سائٹ ایکس پر اپنے بیان میں مریم اورنگزیب کا کہنا تھا کہ یہ صرف ایک فیصلہ نہیں بلکہ ذمہ دار قیادت، مؤثر حکمتِ عملی اور بہترین مالی نظم و نسق (فسکل مینجمنٹ) کی واضح مثال ہے۔
انہوں نے کہا کہ وزیراعظم نے دانشمندی سے فسکل اسپیس پیدا کی، کفایت شعاری کو فروغ دیا، غیر ضروری اخراجات کم کیے اور ہر ممکن طریقے سے عوام کو ریلیف دینے کی کوشش کی۔
انہوں نے وزیراعظم شہباز شریف کو خراجِ تحسین پیش کرتے ہوئے کہا کہ عالمی منڈی میں تیل کی قیمتوں میں مسلسل اضافے کے باوجود ایک ماہ تک اس کا بوجھ عوام پر منتقل نہیں کیا گیا، جو قابلِ ستائش اقدام ہے۔
ان کے مطابق عالمی سطح پر جہاں کئی ممالک میں پیٹرول کی قلت اور قیمتوں میں شدید اضافہ دیکھنے میں آیا، وہاں پاکستان کو اس بحران سے محفوظ رکھنا مضبوط پالیسی اور مؤثر سپلائی چین مینجمنٹ کا ثبوت ہے۔
مریم اورنگزیب نے کہا کہ یہی فرق ایک ذمہ دار قیادت اور اس قیادت میں ہوتا ہے جس نے اپنی سیاست بچانے کے لیے ملک کو بحرانوں میں دھکیل دیا۔
انہوں نے مزید کہا کہ ہر پاکستانی کو فخر ہونا چاہیے کہ ملک کی قیادت شہباز شریف جیسے سنجیدہ اور ذمہ دار رہنما کے ہاتھ میں ہے، جو مشکل حالات میں بھی عوام کو ریلیف دینے کے لیے عملی اقدامات کر رہے ہیں۔
انہوں نے کہا کہ جب قیمتوں میں اضافہ ناگزیر ہوا تو اسے مکمل طور پر عوام پر ڈالنے کے بجائے ٹارگٹڈ سبسڈی کے ذریعے متوازن کیا گیا۔
ان کے مطابق دو ویلرز استعمال کرنے والے محنت کش طبقے، چھوٹے کسانوں (25 ایکڑ سے کم زمین رکھنے والے) اور ٹرانسپورٹ سیکٹر کو خصوصی ریلیف دے کر مہنگائی کے اثرات کم کرنے کی کوشش کی گئی ہے۔
مریم اورنگزیب نے کہا کہ یہ قیادت مشکل وقت میں عوام کا سہارا بنتی ہے اور ان کے مسائل کو سمجھتے ہوئے عملی اقدامات کرتی ہے۔
انہوں نے وزیراعظم کو وفاق اور صوبوں کے درمیان ہم آہنگی پیدا کرنے پر مبارکباد دیتے ہوئے تمام وزرائے اعلیٰ کو بھی خراجِ تحسین پیش کیا۔
ان کا کہنا تھا کہ قوم متحد ہو کر ان مشکل حالات کا مقابلہ کرے گی، اور جیسے جیسے عالمی حالات بہتر ہوں گے مزید ریلیف بھی فراہم کیا جائے گا۔

03/04/2026