23/11/2025
کراچی میں 40 ہزار چنگچی رکشہ کیلئے 20 بڑی شاہراؤں پر پہلے سے پابندی عائد ہے اب ٹریفک پولیس کی جانب سے اہم سڑکیں پر مزید 5 روٹس بند کرنے کی سفارش کی جارہی ہے۔ جس کے اگلے مرحلے میں چنگچی رکشہ کی فٹنس پر بھی پابندی لگے گی۔
روزنامہ جنگ (23 نومبر ، 2025) کی رپورٹ کے مطابق ملیر ہالٹ سے گلشن حدید تک نیشنل ہائی وے، شیریں جناح کالونی سے کیماڑی اور کیماڑی سے کھارا در جماعت خانہ تک، نارتھ ناظم آباد سے نمائش چورنگی تک لیاقت آباد نمبر 10 سے نمائش چورنگی تک کے روٹ پر چنگچی رکشہ چلانے پر پابندی ہوگی۔
ذرائع کے مطابق یہ وہ شاہرائیں ہیں جہاں پر چھوٹی اور بڑی بسیں سفری سہولت فراہم کر رہی ہیں وہاں چنگچی رکشہ کے روٹ کو ختم کیا جا رہا ہے۔ اس سلسلے میں ٹریفک پولیس کی جانب سے متعلقہ محکمے کو سفارشی خط بھیجا جا رہا ہے۔
