26/02/2025
چیمپیئنز ٹرافی پاکستان!!
بہت سے لوگ ابرار احمد کو روایتی حریف انڈیا کے خلاف ایگریش دکھانے پر تنقید کا نشانہ بنا رہے ہیں۔ میری نظر میں یہ نہایت گھٹیا رویہ ہے، گیارہ کی ٹیم میں صرف ایک ایسا کھلاڑی تھا جس نے اس دن انڈیا کی ٹیم کو اپنے سر پر سوار نہیں کیا، آپ اسکو ہی تنقید کا نشانہ بنا رہے ہیں۔ آخر کیوں؟
آپ لوگ اتنا احساس کمتری کا شکار آخر کیوں ہیں؟
کیا آپکو معلوم ہے کہ انٹرنیشنل کرکٹ کونسل نے اپنے آفیشل اکاؤنٹ پر ابرار احمد کی اس گیند کو گیند آف دی ٹورنامنٹ قرار دیا ہے۔ یقیناً معلوم نہیں ہوگا اس لئے پہلے کمینٹ میں اسکا سکرین شاٹ لگا رہا ہوں۔ دنیا کے نمبر ون "ون ڈے انٹرنیشنل" کھلاڑی کو اس طرح سے آؤٹ کرکے آپ اس سے گلے ملنے جائیں گے؟ نہیں نا۔۔ تو ابرار کے جارحانہ انداز پر تنقید کیوں؟
یہی ایگریشن جب ہارڈک پانڈیا نے عام سے گیند پر بابر کو آؤٹ کرنے بعد کیا تو پورا انڈیا اسکو سراہتا نظر آیا کہ ہارڈک پانڈیا پاکستان کے خلاف الگ ہی موڈ میں آتا ہے۔ تو جب ابرار نے اپنی زندگی کی سب سے خوبصورت گیند پر شبھمن گِل کو آؤٹ کیا تو اس پر تنقید کیوں؟
ہر ٹیم میں 4-5 شاندار اسپنرز موجود ہیں جبکہ ہماری ٹیم میں صرف ایک ہی اسپنر ہے، اس نے بھی اپنی زندگی کا سب سے شاندار اسپیل کروایا ہے۔ لیکن دوسری جانب سے اچھا اسپنر موجود نہ ہونے کی وجہ سے ابرار کی خوبصورت گیند بازی کسی کام نہ آئی۔ لیکن صرف اس وجہ سے وہ جارحانہ انداز نہ دکھاتا کہ ہماری ٹیم اس قابل نہیں کہ وہ انڈیا کو ہرا نہیں سکتی؟
میرے لئے اگر پاکستان کی جانب سے اس ٹورنامنٹ میں کوئی بہترین چیز یا ہائیلائٹ تھی تو وہ ابرار کا انڈیا کے خلاف خوبصورت اسپیل اور ایگریشن تھا۔
Follow Comedian Master
