SK۔Islamic Tv

SK۔Islamic Tv Hi,Friends,Welcome to our Islamic page! follow me please.
and

20/11/2024

*بِسْمِ اللّٰهِ الرَّحْمٰنِ الرَّحِیْمِ•*
اَلسَّلَامُ عَلَیْکُم وَرَحْمَةُ اللهِ وَبَرَكَاتُه‌​•
اَللّٰھُمَّ صَلِِّ عَلٰی مُحَمَّدِ النَّبِیِّ الْاُمِّیِّ وَعَلٰی آلِہ وَسَلِّمْ تَسْلِیْمًا•

*17 جَمادِیُ الاَوَّل 1446 ھِجْرِی ْ​*
*20 نومبر 2024 عِیسَوی*
*07 مگھر 2081 بِکرمی​*
*بروز بدھ 325/366*

*✦•پیغامِ الٰہی:*
”آپ ان سے کہئے کہ : ذرا دیکھو تو آسمان اور زمین میں کچھ (نشانیاں) ہیں۔ مگر جو لوگ ایمان لانا ہی نہ چاہیں، یہ نشانیاں اور تنبیہیں ان کے کس کام آسکتی ہیں؟"
[ يونس : ١٠١ ]



*✦•حدیث مبارکہ:*
فرمانِ مصطفیٰ صلی اللہ علیہ وآلہ وسلم:
رسول اللہﷺ نے فرمایا: سخی آدمی اللہ سے قریب، جنت سے قریب، لوگوں سی قریب ہوتا ہے اور جہنم سے دور ہوتا ہے۔
ترمذی۔1961

15/08/2024

35 ﺳﮯ 40 ﺳﺎﻝ ﮐﮯ ﺩﻭﺭﺍﻥ ﺍﻧﺴﺎﻧﯽ ﺟﺴﻢ ﮐﯽ ﮐﻤﺰﻭﺭﯼ ﮐﺎ ﺳﻔﺮ ﺷﺮﻭﻉ ﮨﻮﺟﺎﺗﺎ ﮨﮯ ، ﻟﮩٰﺬﺍ ﺯﻧﺪﮔﯽ ﮐﮯ ﺍﺱ ﻣﻮﮌ ﭘﺮ ﺍﭘﻨﺎ ﺯﯾﺎﺩﮦ ﺧﯿﺎﻝ ﺭﮐﮭﻨﮯ ﺍﻭﺭ ﺩﺭﺝ ﺫﯾﻞ ﮨﺪﺍﯾﺎﺕ ﭘﮧ ﻋﻤﻞ ﮐﺮﻧﮯ ﮐﯽ ﺿﺮﻭﺭﺕ ﮨﮯ:

👈 ﺭﺟﻮﻉ ﺍﻟﯽ ﺍﻟﻠﮧ ﮐﺎ ﺍﮨﺘﻤﺎﻡ ﺍﻭﺭ ﮔﻨﺎﮨﻮﮞ ﺳﮯ ﺑﭽﯿﮟ ، ﺣﻘﻮﻕ ﺍﻟﻠﮧ ﺍﻭﺭ ﺣﻘﻮﻕ ﺍﻟﻌﺒﺎﺩ ﮐﯽ ﺍﺩﺍﺋﯿﮕﯽ ﮐﯽ ﻃﺮﻑ ﭘﻮﺭی ﺗﻮﺟﮧ ﺩﯾﮟ ۔

👈 ﻣﺴﺘﻘﻞ ﻭﺭﺯﺵ ﮐﺮﻧﮯ ﮐﯽ ﻋﺎﺩﺕ ﮈﺍﻟﯿﮟ ﺍﻭﺭ ﺍﭘﻨﮯ ﺟﺴﻢ ﮐﻮ ﮐﺴﯽ ﻧﮧ ﮐﺴﯽ ﻃﺮﯾﻘﮯ ﺳﮯ ﺣﺮﮐﺖ ﻣﯿﮟ ﺭﮐﮭﯿﮟ ، ﭘﯿﺪﻝ ﭼﻠﯿﮟ ، ﺗﯿﺮﺍﮐﯽ ﮐﺮﯾﮟ ﯾﺎ ﮐﻮﺋﯽ ﻣﺆﺛﺮ ﻭﺭﺯﺵ ۔

👈 ﺣﺪ ﺳﮯ ﺯﯾﺎﺩﮦ ﮐﮭﺎﻧﮯ ﭘﯿﻨﮯ کا ﺷﻮﻕ ﺍﺏ ﺧﺘﻢ ﮐﺮﺩﯾﮟ ، ﻣﻌﯿﺎﺭﯼ ﮐﮭﺎﻧﺎ ﺑﻘﺪﺭِ ﺿﺮﻭﺭﺕ صرف ﺍﺗﻨﺎ ﮐﮭﺎﺋﯿﮟ ﮐﮧ ﭼﺎﻕ ﻭ ﭼﻮﺑﻨﺪ ﺭﮨﯿﮟ ﺍﻭﺭ ﮐﻤﺰﻭﺭی ﻣﺤﺴﻮﺱ ﻧﮧ ﮨﻮ ۔

👈 ﮔﺎﮌﯼ ﺍﻭﺭ ﺳﻮﺍﺭﯼ ﻭﻏﯿﺮﮦ ﭘﮧ ﮐﻢ ﺳﮯ ﮐﻢ ﺳﻔﺮ ﮐﺮﯾﮟ ، ﮐﻮﺷﺶ ﮐﺮﯾﮟ ﮐﮧ ﻗﺮﯾﺐ ﮐﮯ ﮐﺎﻡ ﭘﯿﺪﻝ ﺳﺮ ﺍﻧﺠﺎﻡ ﺩﯾﮟ ، ﺟﯿﺴﮯ ﻣﺴﺠﺪ ﺟﺎﻧﺎ ، ﺑﺎﺯﺍﺭ ﻭﻏﯿﺮﮦ ﺟﺎﻧﺎ ۔

👈 ﺑﮯﺟﺎ ﻏﺼﮧ ، ﺍﻭﺭ ﻓﻀﻮﻝ ﺑﺤﺚ ﻣﺒﺎحثے ﺳﮯ ﺍﺟﺘﻨﺎﺏ ﮐﺮﯾﮟ ، ﺍﺯﺧﻮﺩ ﺍﭘﻨﮯ ﺁﭖ ﮐﻮ ﺗﻨﮕﯽ ﺍﻭﺭ ﭘﺮﯾﺸﺎﻧﯽ ﻣﯿﮟ ﻧﮧ ﮈﺍﻟﯿﮟ ؛ کیوں کہ ﺍﺱ ﺳﮯ ﺩﻝ ﮐﺎ ﺳﮑﻮﻥ ﺍﻭﺭ ﺻﺤﺖ ﺑﺮﺑﺎﺩ ﮨﻮ ﺟﺎﺗﯽ ﮨﮯ ۔

👈 ﻣﺎﻝ ﺟﻤﻊ ﮐﺮﻧﮯ ﮐﯽ ﮨﻮﺱ ﮐﮯ ﺑﺠﺎﺋﮯ ﺍﭘﻨﯽ ﺫﺍﺕ ، ﺍﮨﻞ ﻭ ﻋﯿﺎﻝ ﺍﻭﺭ ﻧﯿﮏ ﮐﺎﻣﻮﮞ ﻣﯿﮟ ﻣﺎﻝ ﺧﺮﭺ ﮐﺮﯾﮟ ، اور یہ سوچ بنائیں کہ ﻣﺎﻝ ﮐﻤﺎﻧﮯ ﮐﺎ ﻣﻘﺼﺪ ﺍﭘﻨﮯ ﺁﭖ ﮐﻮ ﺍﻭﺭ ﺍﺭﺩﮔﺮﺩ کے ﻟﻮﮔﻮﮞ ﮐﻮ ﺳﮑﮫ ﭘﮩﻨﭽﺎﻧﺎ ﮨﮯ ۔

👈 ﮔﮩﺮﮮ ﺻﺪﻣﮯ ﺳﮯ ﺑﭽﯿﮟ ، ﮐﺴﯽ ﺑﮭﯽ ﺍﯾﺴﯽ ﭼﯿﺰ ﭘﺮ ﺷﺪﯾﺪ ﺍﻓﺴﻮﺱ ﻧﮧ ﮐﺮﯾﮟ ﺟﻮ ﺁﭖ ﮐﮯ ﺑﺲ ﻣﯿﮟ ﻧﮧ ﮨﻮ ؛ بلکہ ایسی چیزوں کو ﺑﮭﻮﻝ ﮐﺮ اطمینان سے ﺁﮔﮯ ﺑﮍﮬ جائیں ۔

👈 ﻋﺎﺟﺰﯼ ﺍﺧﺘﯿﺎﺭ ﮐﺮﯾﮟ ۔۔۔۔۔ ﻣﺎﻝ ﻭ ﺩﻭﻟﺖ ، جاہ و ﻣﻨﺼﺐ اور طاقت و ﻗﻮﺕ ﺍﯾﺴﯽ ﭼﯿﺰﯾﮟ ہیں ﺟﻮ ﺍﻧﺴﺎﻥ ﮐﻮ ﻣﻐﺮﻭﺭ ﺑﻨﺎ ﮐﺮ ﺗﺒﺎﮨﯽ ﮐﮯ ﺩﮨﺎﻧﮯ ﭘﺮ ﻟﮯ ﺟﺎﺗﯽ ﮨﯿﮟ ۔

👈 ﺑﺎﻟﻮﮞ ﮐﯽ ﺳﻔﯿﺪﯼ ﺳﮯ ﮨﺮﮔﺰ ﻧﮧ ﮈﺭﯾﮟ ، ﯾﮧ ﺁپ کی ﻋﻤﺮ ﺧﺘﻢ ﮨﻮﻧﮯ ﮐﺎ ﺳﺒﺐ ﻧﮩﯿﮟ ، ﺑﻠﮑﮧ ﺍﺱ ﺑﺎﺕ ﮐﯽ ﻧﺸﺎﻧﯽ ہے ﮐﮧ ﺍﺏ ﺁﭖ ﮐﯽ ﺯﻧﺪﮔﯽ ﮐﮯ ﺑﮩﺘﺮﯾﻦ ﺩﻥ ﺷﺮﻭﻉ ﮨﻮﭼﮑﮯ ﮨﯿﮟ ؛ ﺍﺱ لیے ﺍﻟﻠﮧ ﺗﻌﺎﻟﯽ ﺳﮯ ﺍﭼﮭﺎ ﮔﻤﺎﻥ ﺭﮐﮭﺘﮯ ﮨﻮﺋﮯ ﺭﻭﺯﻣﺮﮦ ﮐﮯ ﻣﺸﺎﻏﻞ ﺍﻭﺭ ﺣﻼﻝ ﮐﻤﺎﻧﮯ ﮐﺎ ﺳﻔﺮ ﺟﺎﺭﯼ ﺭﮐﮭﯿﮟ ۔

👈 ﻧﯿﮑﯽ ﮐﮯﮐﺎﻡ ، بالخصوص ﺑﺎﺟﻤﺎﻋﺖ ﻧﻤﺎﺯ ، استغفار اور درود و سلام ﺑﺎﻟﮑﻞ ﻧﮧ ﭼﮭﻮﮌﯾﮟ ، ﺍﺱ لیے ﮐﮧ ﻧﯿﮑﯿﻮﮞ ﮐﺎ ﯾﮧ ﺳﺮﻣﺎﯾﮧ ﺍُﺱ ﺩﻥ آپ کے ﮐﺎﻡ ﺁﺋﮯ ﮔﺎ ﺟﺐ ﻧﮧ ﻣﺎﻝ ﻓﺎﺋﺪﮦ ﭘﮩﻨﭽﺎﺋﮯ ﮔﺎ ، ﻧﮧ ﺍﻭﻻﺩ -

( اس عمدہ تحریر کے محرر کانام معلوم نہیں ، اللہ کریم ہمیں اس پر عمل‌کی توفیق بخشے ! )

14/08/2024

*🇵🇰آزادی کا شکر !🇵🇰*

*اس سال ہر طرف اس قسم کی پوسٹ گردش میں ہیں کہ کس بات کی آزادی منائیں، حالات ایسے ہیں اور ویسے ہیں*۔

↩️ *ان سے گزارش ہے کہ.

✅ **اس بات کی آزادی کا شکر منائیں کہ مسجد سے اذانوں کی آواز بلند کرنے پہ پابندی نہیں ہے*،

✅ *باجماعت نمازوں کے دوران کشمیر اور فلسطین جیسے حالات نہیں سہنے پڑتے*۔

✅ *حجاب یا نقاب لینے کی آزادی ہے*۔

✅ *عید الاضحی پہ کھلے عام قربانی کرنے کی آزادی ہے*۔

✅ *اپنے ایمان اور اسلام کے اظہار اور اس کے مطابق عمل کرنے کی آزادی ہے*۔

✅ *اجتماعی طور پر ریاست میں اسلام نافذ نہیں ہوسکا لیکن الحمدللہ انفرادی طور پہ آزادی حاصل ہے*۔

✅ *سیاستدان کرپٹ ہیں، سسٹم ناکام ہے (اور اس کے لئے ہم سے ہر ایک کہیں نہ کہیں جواب دہ ہے) لیکن دین پہ عمل کی آزادی ہے اور یہ آزادی کیا معنی رکھتی ہے یہ غلامی جھیلنے والے ہی بتا سکتے ہیں*۔

✅ *اور یہ آزادی صرف ان ہی کے لئے معنی رکھتی ہے جن کے لئے اسلام بحیثیت دین کوئی اہمیت رکھتا ہے*۔

11/08/2024

ﺍﻟﺴَّـــــــﻼَﻡُ ﻋَﻠَﻴــْــﻜُﻢ ﻭَﺭَﺣْﻤَﺔُ ﺍﻟﻠﻪِ ﻭَﺑَﺮَﻛـَـﺎﺗُﻪ

🌹 صبـــح بــخیـــر 🌹

زمین جذب کرتی ہے، اپنی کوکھ سے نکلا پانی، آسمان سے برستا پانی ، صاف و شفّاف پانی ، گندہ پانی، ندی نالوں کا پانی، گٹر کا پانی ، گدلا پانی، سیلابی پانی۔۔ لیکن !!! جب اُگلتی ہے تو پھل دار پودے ، سایہ دار درخت پھول رنگ برنگے پودے ، اناج و سبزیاں، پھل فروٹ پینے اور جینے کو پانی۔۔۔

یہ پیغام ہے ہم انسانوں کے لئے کہ ہم اگر کسی میں بُرائی دیکھیں ، کسی میں عیب دیکھیں تو اسے جذب کریں۔۔۔اور جب اُگلیں تو پھول خوشبو لفظوں و لہجوں میں مٹھاس، رویّوں میں نرمی چھائوں تاکہ زندگی سرسبز و شاداب گزرے ۔جانتے ہو انسان کسے کہتے ہیں ؟ جس کے دل میں انسانیت ، آنکھ میں حیا ، ادب و احترام ، الفاظ میں نرمی اخلاق میں رحم دلی اور مقاصد میں اعلیٰ ظرفی ہو .......

ایک اچھا انسان بھی اس زمین کی طرح ہوتا ھے، جو سب کچھ جذب کر لیتا ہے، لوگوں کی دل آزاری ، تہمتیں ،۔۔ گالی گلوچ ، بلا وجہ پریشان کیا ہو۔۔۔ سب اللّٰہ پر چھوڑ دیتا ھے اور یقین مانیں ہمارا رب کچھ بھی نہیں بھولتا اور جب وہ حساب برابر کرتا ہے تو نا انصافی نہیں کرتا۔۔۔۔۔اللّٰہ نے قرآن میں صاف فرما دیا ہے فَمَن يَعْمَلْ مِثْقَالَ ذَرَّةٍ خَيْرًا يَرَهُ۔۔۔۔ تو جس نے ذرہ بھر نیکی کی ہو گی وہ اس کو دیکھ لے گا۔۔ وَمَن يَعْمَلْ مِثْقَالَ ذَرَّةٍ شَرًّا يَرَهُ۔۔۔اور جس نے ذرہ بھر برائی کی ہوگی وہ اسے دیکھ لے گا

اے اللّٰہ : زمین کی طرح ہمیں بھی دنیا کی اچھائیاں، بُرائیاں جذب کرنے کی صلاحیتوں سے بہرہ مند فرما۔۔۔لوگوں کے اچھے بُرے رویّوں کو برداشت و درگزر کرنے کی صفت پیدا فرما۔۔۔اے اللّٰہ ہمارے دلوں کو گمراہ ہونے سے بچا اور زندگی کے تمام امتحانوں میں کامیابی عطا فرما ہم پر رحمت اور برکت کے دروازے ہمیشہ کُھلے فرما ۔۔اور ہمیں دنیا و آخرت کی رُسوائی اور محرومیوں سے محفوظ فرما۔اور آخرت میں کامیابی عطا فرما بیماروں کو شفاء کاملہ عاجلہ عطا فرما اور مرحومین کی مغفرت فرما۔۔

🍀 آمیـــن ثم آمیــــن 🍀

31/07/2024

*نیک عورتیں نیک لوگوں کے لائق ہوتی ہیں اور گندی عورتیں گندے مردوں کے لائق !!!*

قرآنِ مجید میں ارشادِ باری تعالیٰ ہے:

*اَلْخَبِيْثٰتُ لِلْخَبِيْثِيْنَ وَالْخَبِيْثُوْنَ لِلْخَبِيْثٰتِ ۚ وَالطَّيِّبٰتُ لِلطَّيِّبِيْنَ وَالطَّيِّبُوْنَ لِلطَّيِّبٰتِ ۚ اُولٰۗىِٕكَ مُبَرَّءُوْنَ مِمَّا يَقُوْلُوْنَ ۭلَهُمْ مَّغْفِرَةٌ وَّرِزْقٌ كَرِيْمٌ"* (سورۃ النور:26)

*ترجمہ* : "(اور یہ قاعدہ کلیہ ہے کہ) گندی عورتیں گندے لوگوں کے لائق ہوتی ہیں اور گندے مرد گندی عورتوں کے لائق ہوتے ہیں اور ستھری عورتیں ستھرے مردوں کے لائق ہوتی ہیں اور ستھرے مرد ستھری عورتوں کے لائق ہوتے ہیں یہ اس بات سے پاک ہیں جو یہ (منافق) بکتے پھرتے ہیں ان (حضرات) کے لیے (آخرت میں) مغفرت اور عزت کی روزی (یعنی جنت) ہے۔" (بیان القرآن)

🔻 *تفسیر*

"اس آیت میں اول تو عام ضابطہ یہ بتلا دیا گیا کہ اللہ تعالیٰ نے طبائع میں طبعی طور پر جوڑ رکھا ہے،گندی اور بدکار عورتیں ،بدکار مردوں کی طرف،اور گندے، بدکار مرد،گندی،بدکار عورتوں کی طرف رغبت کیا کرتے ہیں،اسی طرح پاک،صاف عورتوں کی رغبت،پاک ،صاف مردوں کی طرف ہوتی ہے،اور پاک، صاف مردوں کی رغبت ،پاک، صاف عورتوں کی طرف ہوا کرتی ہے،اور ہر ایک اپنی رغبت کے مطابق اپنا جوڑ تلاش کرتا ہےاور قدرۃً اس کو وہی مل جاتا ہے۔"

(معارف القرآن، ج:6، ص:383)

🔅 *خلاصہ کلام*

📍اس آیت کا سیاق و سباق سیدہ عائشہ صدیقہؓ پر تہمت کے حوالے سے ہے۔جہاں لوگوں کے طبعی رجحانات اور ان کی اچھی بری فطرت کا ذکر کرتے ہوئے بتایا گیا ھیکہ خبیث عورتیں خبیث مردوں کے لائق ہوتی ہیں اور خبیث مرد خبیث عورتوں کے لائق ہوتے ہیں ۔

📍خبیث کی تفسیر جمہور فقہاء نے زنا سے بیان کی ہے،یعنی زانی مرد و عورت ایک دوسرے کے لیے ہیں۔

📍لہذا اس آیت میں کسی حکمِ شرعی کا بیان نہیں، بلکہ ایک عام ضابطہ کا بیان ہے کہ اللہ تعالیٰ نے انسان کی فطرت اور مزاج میں طبعی طور پر جوڑ رکھا ہے،گندی اور بدکار عورتیں ،بدکار مردوں کی طرف،اور گندے ،بدکار مرد،گندی،بدکار عورتوں کی طرف رغبت کیا کرتے ہیں، اسی طرح پاک،صاف عورتوں کی رغبت،پاک ،صاف مردوں کی طرف ہوتی ہے،اور پاک، صاف مردوں کی رغبت ،پاک، صاف عورتوں کی طرف ہوا کرتی ہے،اور ہر ایک اپنی رغبت کے مطابق اپنا جوڑ تلاش کرتا ہے اور قدرتاً اس کو اکثر وہی مل جاتا ہے،البتہ کہیں اس کے خلاف بھی ہو سکتا ہے؛ کیوں کہ اس میں قطعی حکم نہیں بتلایا گیا ہے، بل کہ ایک اغلبی اور اکثری عادت بتلائی گئی ہے ۔

یہ کوئی شرعی اصول نہیں ھیکہ جو بھی نیک مرد ہوں گے انھیں نیک ہی عورت ملے گی۔اسکی واضح مثال یہ ھیکہ دو نبیوں حضرت نوح اور حضرت لوط علیھما السلام کی بیویاں نافرمان نکلیں۔جبکہ فرعون کی بیوی آسیہ نیک عورت تھیں۔

📍اسی طرح بالفرض اگر خبیث سے مطلق فسق و فجور مراد لے بھی لیا جائے تو بھی یہ ایک اغلبی(اکثر اوقات کے حساب سے ہے) یعنی یہ کوئی قاعدہ کلیہ نہیں ہے کہ جو بھی برے مرد وعورت ہوں گے وہ نیک مرد و عورت کو مل ہی نہیں سکتے ،بلکہ کبھی کبھار اللہ تعالیٰ کی مشیت سے ایسا ہو بھی سکتا ہے۔

*و باللہ التوفیق*
SK

31/07/2024

*بِسْمِ اللّٰهِ الرَّحْمٰنِ الرَّحِیْمِ•*
اَلسَّلَامُ عَلَیْکُم وَرَحْمَةُ اللهِ وَبَرَكَاتُه‌•
اَللّٰھُمَّ صَلِِّ عَلٰی مُحَمَّدِ النَّبِیِّ الْاُمِّیِّ وَعَلٰی آلِہ وَسَلِّمْ تَسْلِیْمًا•

*23 مُحَرَّمُ الْحَرَام 1446 ھِجْرِی ْ*
*30 جولائی 2024 عِیسَوی*
*15 ساون 2081 بِکرمی*
*بروز منگل 212/366*

*✦•پیغامِ الٰہی:*
”کیـا تم نے نہیـں دیکھـا کہ تمہـارے پروردگـار نے ہاتـھی والـوں کے ساتـھ کیسا معاملـہ کیـا؟• کیا اس نے ان لـوگوں کی ساری چالیـں بیـکار نہیں کر دی تھیـں• اور ان پر غـول کے غـول پرندے چھـوڑ دیے تھے• جو ان پر پـکی مٹی کے پتـھر پھیـنک رہے تھـے• چنانچـہ انہـیں ایسا کر ڈالا جیـسے کھایـا ہوا بھوسـا!•"
【 سورة الفيل، الآيات : ❪١-٥❫ 】



*✦•حدیث مبارکہ:*
فرمانِ مصطفیٰ صلی اللہ علیہ وآلہ وسلم:
حضرت ابوہریرہ رضی اللہ عنہ سے روایت ہے کہ آنحضرت ﷺ نے فرمایا سفر کیا ہے گویا ایک قسم کا عذاب ہے۔ آدمی کو کھانا پانی سونا (آرام کے ساتھ) نہیں ملتا۔ اس لئے جب کوئی اپنا کام پورا کر چکے تو سفر سے جلدی اپنے گھر والوں میں لوٹ آئے۔
(مسلم ،کتاب الامارۃ)
(بخاری ،جلد اول کتاب المحصر ،حدیث نمبر1689)



*✦•تاریخ میں آج کا دن:*
30 جولائی

⊙⫸ *واقعات*
◉1629ء نیپلزاٹلی میں زلزلے سے 10،000 سے زیادہ افرا کی ہلاکت
◉1729ء امریکی شہر بالٹی مور میری لینڈ کا قیام
◉1930ء یوراگوئے نے ارجنٹائن کو چار دو سے ہرا کر پہلا فیفا فٹ بال ورلڈ کپ جیت لیا۔
◉762ء خلیفہ المنصور کے ہاتھوں بغداد کا قیام ۔
◉1932ء – ڈزنی لینڈ نے "فلاورز اینڈ ٹریز" کے نام سے پہلا رنگین کارٹون بنایا جو پہلا کارٹون تھا جو اکیڈمی ایوارڈ بھی جیت گیا۔

⊙⫸ *ولادت*
◉1907ء اردو کے نامور ماہر لسانیات اور نقاد ماہر القادری بلند شہر یوپی میں پیدا ہوئے۔
◉1321ء برصغیر کے ممتاز صوفی بزرگ اور شاعر خواجہ بندہ نواز گیسودراز کی پیدائش۔
◉1864ء - ہنری فورڈ امریکی صنعت کار کا یوم ولادت (وفات: 1947ء)
◉1958ء - کیٹ بش برطانوی گلوکارہ اور گیت کار کا یوم ولادت
◉1973ء - سونو نگم بھارتی گلوکار، اداکار کا یوم ولادت

⊙⫸ *وفات*
◉1937ء ممتاز ماہر تعلیم مسلم قائد اور سرسید کے پوتے سرراس مسعود انتقال کر گئے۔

⊙⫸ *تعطیلات و تہوار*
◉وانواتو کا یوم آزادی



*✦•حرف حرف خوشبو:*
رشتوں کی خوبصورتی ایک دوسرے کی بات کو برداشت کرنے میں ہے۔ بے عیب انسان تلاش کروگے تو اکیلے رہ جاؤ گے۔



*✦•خوشبوئے شعر*
لگتا ہے ابھی دل نے تعلق نہیں توڑا۔۔۔
یہ آنکھ تیرے نام پہ بھر آتی ہے آج بھی

27/11/2023

‏*5 ایسے افراد جو(اوّلاً) جنت میں داخل نہیں ہونگے‼️*

(1)لَا يَدْخُلُ الْجَنَّةَ قَاطِعٌ
*رشتہ توڑنے والا جنت میں داخل نہیں ہوگا*
«بخاری، الادب، 5984»

(2) لَا يَدْخُلُ الْجَنَّةَ قَتَّاتٌ
*چُغل خور جنت میں داخل نہیں ہوگا*
«بخاری، الادب، 6056»

(3)لَا يَدْخُلُ الْجَنَّةَ سَيِّئُ الْمَلَكَةِ
*غلاموں کے ساتھ برا سلوک کرنے والا جنت میں داخل نہیں ہوگا*
«سنن الترمذی، ابواب البر..،1946»

(4)لَا يَدْخُلُ الْجَنَّةَ مَنْ لَا يَأْمَنُ جَارُهُ بَوَائِقَهُ
*وہ شخص جنت میں داخل نہیں ہوگا جس کا پڑوسی اسکے شر سے محفوظ نہ ہو*
«مسلم، الایمان، 46»

(5)لَا يَدْخُلُ الْجَنَّةَ مَنْ كَانَ فِي قَلْبِهِ مِثْقَالُ ذَرَّةٍ مِنْ كِبْرٍ
*وہ شخص جنت میں داخل نہیں ہوگا جس کے دل میں رائی کے دانے کے برابر بھی تکبّر ہو*
مسلم، الایمان،9»»

Address

Karachi

Website

Alerts

Be the first to know and let us send you an email when SK۔Islamic Tv posts news and promotions. Your email address will not be used for any other purpose, and you can unsubscribe at any time.

Share