Abdul

Abdul LEARN SOMETHING

26/09/2025

عقل کہتی ہے کہ وقت سب سے قیمتی ہے، اور شعور بتاتا ہے کہ اسے کہاں اور کن لوگوں پر خرچ کرنا ہے۔

16/09/2025

”وہ ہمیشہ نئے دوست بناتا تھا؛ مگر ان کے ساتھ ہمیشہ رہنے سے گریز کرتا تھا۔
اس کے خیال میں جب آپ کسی کے ساتھ زیادہ دیر تک رہیں تو آپ اُس شخص کی زندگی کا حصہ بن جاتے ہیں اور ان کی چھوٹی چھوٹی خامیاں آپ کو بہت بڑی محسوس ہوتی ہیں۔

پھر آپ چاہتے ہیں کہ وہ شخص اپنے آپ کو بدل لے۔ اگر کوئی شخص اس طرح نہیں ہے جیسا کہ آپ چاہتے ہیں تو آپ کو جھنجھلاہٹ ہونے لگتی ہے۔

ہر شخص کو اس بات کا صحیح ادراک ہے کہ دوسروں کا رویہ کیسا ہونا چاہیے؛ مگر وہ اس احساس سے عاری ہیں کہ خود ان کو کس طرح برتاؤ کرنا چاہیے۔“

—"الکیمسٹ" کے اردو ترجمے سے اقتباس

01/06/2025

‏ایک استاد کا سبق آموز واقعہ

ایک دن چند طلباءنے اپنے استاد سے کہا، سر آج آپ ہمارے ساتھ کرکٹ کھیلیں۔
اُستاد نے کہا، ضرور، مجھے تو کرکٹ کا بہت شوق ہے۔

کھیل شروع ہوا تو دیگر کلاسوں کے طلباء بھی میچ دیکھنے میدان میں آگئے سب کی توجہ اُستاد پر تھی ۔پانچ گیندوں پر اُستادِ محترم نےصرف دو رن بنائے اور چھٹی گیند پر کلین بولڈ ہو گئے۔ طلباءنے شور مچا کر بھرپور خوشی کا اظہار کیا۔

دوسرے دن کلاس میں استاد نے پوچھا کون کون چاہتا تھا کہ میں اس کی گیند پر آؤٹ ہو جاؤں؟
‏سب باؤلرز نے ہاتھ کھڑے کر دیئے۔ وہ ہنس دیئے اور پوچھا، یہ بتاؤ میں کرکٹر کیسا ہوں.؟
سب نے یک زباں ہوکر کہا ،بہت برے۔
پوچھا، اچھا میں استاد کیسا ہوں۔
جواب ملا بہت اچھا۔
استاد نے ہنستے ہوئے کہا،صرف آپ نہیں دنیا بھر میں پھیلے ہوئے میرے ہزارہا طلباء جن میں کئی میرے نظریاتی مخالف ہیں، سب کہتے ہیں کہ میں اچھا استاد ہوں۔ راز کی بات بتاؤں میں جتنا اچھا استاد ہوں، اتنا اچھا طالبِ علم نہیں تھا ،مجھے ہمیشہ سبق یاد کرنے میں دشواری کا سامنا کرنا پڑتا تھا اور بات سمجھنے میں وقت لگتا تھا لیکن
‏کیا آپ بتا سکتے ہیں اس کے باوجود مجھے اچھا استاد کیوں مانا جاتا ہے؟
سر آپ بتائیں، ہمیں نہیں معلوم، طلباء نے جواباََ کہا

استاد نے کہا، اپنا ایک واقعہ سناتا ہوں۔ مجھے اچھی طرح یاد ہے ایک دن میں اپنے ٹیچر کے گھر دعوت کی تیاری میں ان کی مدد کر رہا تھا۔ فریزر سے برف نکالی، جسے توڑنے کےلئے کمرے میں کوئی چیز نہیں تھی استاد کام کے لئے کمرے سے نکلے تو میں نے مکا مار کر برف توڑ دی اور استاد کے آنے سے پہلے جلدی سے ٹوٹی ہوئی برف دیوار پر بھی دے ماری...
‏استاد کمرے میں آئے تو دیکھا کہ میں نے برف دیوار پر مار کر توڑی ہے انہوں نے مجھے ڈانٹا اور کہا کہ تمہیں عقل کب آئے گی، یوں برف توڑی جاتی ہے میں نے ان کی ڈانٹ خاموشی سے سنی، بعد میں انہوں نے میری اس بیوقوفی کا ذکر کئی جگہ کیا۔ لیکن انہیں آج تک نہیں معلوم کہ برف میں نے مکا مار کر توڑی تھی ۔
‏یہ بات میں نے انہیں اس لیے نہیں بتائی کہ وہ ایک ہاتھ سے معذور تھے، ان کی غیر موجودگی میں، میں نے جوانی کے جوش میں مکا مار کر برف توڑ دی لیکن جب ان کی معذوری کا خیال آیا تو سوچا کہ کہیں میرے طاقت کے مظاہرے سے انہیں احساس کمتری نہ ہو، اس لیے میں نے برف دیوار پر مارنے کی احمقانہ حرکت کی اورکئی سال تک ان کی ڈانٹ سنتا رہا ۔
‏ایک آپ لوگ ہیں، ایک دوسرے کو چیخ چیخ کر ہدایات دے رہے تھے کہ سر کو آوٗٹ کرو۔ یاد رکھو جیتنا سب کچھ نہیں ہوتا، کبھی ہارنے سے بھی زندگی میں جیت کے رستے کھلتے ہیں۔ آپ طاقت میں اپنے اساتذہ اور والدین سے بے شک آگے بڑھ جاتے ہیں لیکن زندگی میں کبھی اپنے اساتذہ اور والدین سے جیتنے کی کوشش نہ کرنا، ایسا کرکے آپ کبھی نہیں ہاریں گے۔اللہ پاک آپ کو ہر میدان میں سرخرو کرے گا۔

جزاک اللّہ ۔

14/05/2025

The Burden of Wishes | Heartfelt Urdu Poetry

06/05/2025

Tu Jo Mil Jaye To Taqdeer Nego Ho Jaye

04/05/2025

Jise Zindagi Dhoond Rahi Hai | Heart Touching Emotional Status

29/04/2025

"Aaj Kal Pyaar Bhi Naukri Jaisa Ho Gaya Hai, Apna Karke Chhod Dete Hain"

فطرت! گدھ نے بھی تکلفاً کہہ دیا ہاں مجھے بھی "پرواز" عزیز ہے، میرے "پر" بھی بلند پروازی کیلئے مجھے ملے، لیکن کچھ ہی لمحو...
27/04/2025

فطرت!
گدھ نے بھی تکلفاً کہہ دیا ہاں مجھے بھی "پرواز" عزیز ہے، میرے "پر" بھی بلند پروازی کیلئے مجھے ملے، لیکن کچھ ہی لمحوں بعد "گدھ" نے نیچے دیکھا۔ اسے دور ایک مرا ہوا گھوڑا نظر آیا۔ اس نے شاہین سے کہا
”جہنم میں گئی تمہاری بلند پروازی اور بلند نگاہی۔ مجھے میری منزل پکار رہی ہے۔“
اتنا کہہ کہ گدھ نے ایک لمبا غوطہ لگایا اور اپنی منزل مراد پر آگرا۔

"فطرت الگ الگ تھی ،منزل الگ الگ رہی۔ ہم سفر آدمی اگر ہم فطرت نہ ہو تو ساتھ کبھی منزل تک نہیں پہنچتا۔"

واصف علی واصف

زندگی میں بہت سے انسان ہماری زندگی میں باز کا لباس پہنے ہوئے ملتے ہیں، لیکن تھوڑی سی آزمائش سے ہی اپنی اصل "فطرت" پر آ جاتے ہیں، چاہے لباس انہوں نے کوئی بھی پہن لیا ہو گدھ اپنی مینٹل اپروچ سے ظاہر کر دیتا ہے کہ وہ باز کے لباس میں گدھ ہے 🙂

Address

Karachi

Website

Alerts

Be the first to know and let us send you an email when Abdul posts news and promotions. Your email address will not be used for any other purpose, and you can unsubscribe at any time.

Shortcuts

Share

Category