https://www.facebook.com/104542105912959/

Lubna Ahmed Affiliate Marketer, Sindh, Karachi (2026)

21/11/2025

`سورۃ الانعام — نیکی، رحمت اور یقین کا وعدہ`
اللہ تعالی فرماتے ہیں:

“جو کوئی نیکی لے کر آئے گا، اُسے اُس کے بدلے دس گنا اجر ملے گا، اور جو برائی لے کر آئے گا، اُسے اُسی کے برابر بدلہ دیا جائے گا، اور اُن پر کوئی ظلم نہیں کیا جائے گا۔” (سورۃ الانعام 6:160)

*یہ آیت* ہمیں یاد دلاتی ہے کہ اللہ کے نزدیک کوئی بھی نیکی چھوٹی نہیں ہوتی۔ وہ نہیں فرماتا جو نیکی کرے بلکہ جو نیکی لے کر آئے یعنی قیامت کے دن ہم اپنے اعمال کے ساتھ حاضر ہوں گے، اپنی نیتوں، اپنے اعمال، اور اپنے اخلاص کے ساتھ اللہ کے حضور حاضر ہونگے

اور ہمارا رب اتنا مہربان ہے کہ ایک نیکی کو دس گنا بڑھا دیتا ہے، اور برائی کو صرف ایک کے برابر گنتا ہے۔ یہی اُس کی رحمت ہے وہ بخشنے کے لیے بہانے ڈھونڈتا ہے، اور نیکیوں کو بڑھانے کے لیے راستے بناتا ہے۔

اس لیے کبھی اپنی نیکیوں کو معمولی نہ سمجھیں۔ ایک مسکراہٹ، ایک دعا، یا صبر کا ایک لمحہ اللہ کے نزدیک وہ قیمتی ہو سکتا ہے۔

*جیسے جیسے رمضان قریب آ *رہا ہے،آئیں ہر دن اللہ کے لیے کوئی ایک چھوٹی نیکی ضرور کریں۔ کیونکہ اللہ دیکھتا ہے، جانتا ہے، اور اپنی رحمت سے بڑھا دیتا ہے*۔

🌷 *آج کا عزم:*

میں آج کوئی ایک نیکی صرف اللہ کے لیے کروں گی چاہے وہ ایک دعا ہو، ایک اچھائی یا ایک مسکراہٹ,یا‌کسی‌کی‌چھوٹی مدد میں یقین رکھوں گی کہ اللہ ہر نیکی کو دیکھتا ہے اور اُس کا اجر کئی گنا بڑھا دیتا ہے۔

20/11/2025

طیبا سید کی یہ تحریر مجھے اپنے دل کی آواز لگی۔۔۔۔
کراچی
چند ہفتے قبل میں نے سوشل میڈیا پر کراچی کو لے کر ایک شورش دیکھی تھی۔۔جو کہ صبا قمر کے کراچی کو لے کر کسی بیان پر تھی۔
میں اس بیان پر تو کوئی بات نہیں کہوں گی کیونکہ بغیر سیاق وسباق کے کسی وائرل بیان پر رائے دینا احمقانہ عمل ہوگا۔
میں تو اپنے تجربے کی بنیاد پر کراچی پہ بات کروں گی۔
مجھے کراچی میں رہتے ہوئے تقریباً چار سال ہونے والے ہیں ۔
کراچی آنے سے قبل میں لاہور ، ملتان ش اسلام آباد ، فیصل آباد میں بھی رہی ہوں ۔
مگر جتنا مشکل کراچی میں رہنا ہے شاید ہی پاکستان کے کسی شہر میں ہو۔
یہ اس لیے نہیں کہ کراچی شہر برا ہے۔ پنجاب کے رہنے والے خاص طور پر سینٹرل پنجاب والوں نے جب سے آنکھ کھولی ان کو سہولیات مل گئیں ۔ پانی کی مکمل دستیابی، سڑکیں ، شاہرایں ، ٹرانسپورٹ اور دیگر شہری سہولیات بہتر سے بہتر ہوتی ملتی ہیں ۔ پنجاب حکومت جتنی بھی کرپٹ ہو ، قرضے چڑھا چڑھا کر اور اس میں سے مال غبن کر کے ان پراجیکٹس پر کام کرتی ہے۔ کیونکہ اصل کمائی ان کی یہاں سے ہی ہوتی ہے۔ " کھاتا ہے تو لگاتا بھی ہے۔" ۔
مگر سندھ حکومت کھاتی ہے مگر لگاتی بالکل بھی نہیں ہے۔
کراچی والے تو پی پی پی کو ووٹ ہی نہیں کرتی مگر وہ دیہی علاقے سے ووٹ لے لیتے ہیں ۔ ان کو حکومت کرنے کےلیے کراچی سے ووٹ لینے کی ضرورت نہیں پڑتی۔ اس لیے ان کو پرواہ بھی نہیں ہے کراچی کی۔
کراچی جتنا بڑا شہر ہے اس کی ایک الگ electoral حثیت ہونی چاھیے ۔ اور اس constituency پر صرف کراچی کے رہنے والے الیکشن لڑیں۔
کراچی باقی شہروں کی طرح شہر نہیں ہے بلکہ ایک ریاست جتنے سائز کا ہے۔ اس کا لگان لینے کےلیے سندھ اور وفاقی حکومتیں بڑھ چڑھ کر حصہ لیتی ہیں ۔
ابھی یہ شہر جتنا چل رہا ہے کراچی کے لوگوں کی وجہ سے ہی چل رہا ہے۔ اس میں کراچی کو کوسنا نہیں بنتا بلکہ پاکستان کو کوسنا بنتا ہے جو اس شہر کو یتیم کئے ہوئے ہے۔
دوسری مشکل جو اس شہر میں ایڈجسٹ ہوتے وقت ہوتی ہے وہ ہمارا ایکسپوژر کا کم ہونا ہے۔
کراچی ایک extreme Urban life کی مثال ہے۔ اربنائزیشن کا جو لیول کراچی میں ہے وہ کسی دوسرے شہر میں نہیں ہے۔
یہاں ہر پانچ دس کلومیٹر کے بعد ایک نیا کلچر دکھنے کو ملتا ہے۔ جو لوگ کبھی کراچی نہیں آئے ہوتے ان کو لگتا ہے کہ جو ٹی وی پر کراچی کا لب و لہجہ اور رہن سہن دکھایا جاتا ہے صرف وہی کراچی ہے۔
کراچی میں آپ کو پاکستان کے ہر صوبے کا کلچر مل سکتا ہے، اور مختلف مذاہب کا بھی۔
تو اتنا ملٹی کلچرل ایکسپوژر جب ہم کنویں کے مینڈکوں کو ملتا ہے تو ہم گھبرا جاتے ہیں ۔
کراچی میں رہنا ایک چیلنج ہے اور اکثریت اس چیلنج سے نبرد آزما ہوئے بغیر ہی یہاں سے بھاگ جاتی ہے ۔
یہاں زندگی اتنی تیزی سے بھاگ رہی ہوتی ہے کہ ہم اس کے ساتھ ساتھ بھاگ نہ پائیں تو ہم جہاں سے آئے ہوتے ہیں وہاں بھاگ جاتے ہیں ۔
اب اگر مسائل کو ایک طرف رکھ دیا جائے تو کراچی سے بہترین شہر شاید ہی پاکستان میں کوئی ہو ۔
کراچی میں ایک ذہنی اور شخصی آزادی ہے ۔۔۔ کوئی یہ سوال نہیں کرتا کہ یہاں کیا کر رہے ہو۔۔۔وہاں کیوں گئے تھے۔۔ یہ کیوں پہنا ہے؟
دوسرا کراچی انتہائی ماڈرن اور فیشن ایبل ہے ۔۔ کراچی کی بندرگاہیں صرف چیزوں کے کینٹیرز درآمد نہیں کرتیں بلکہ مختلف ممالک کا کلچر بھی درآمد کرتی ہیں ۔
جب میں کراچی سے دوسرے شہروں میں جاتی ہوں تو وہ مجھے ذہنی سطح اور فیشن کے حوالے سے کراچی سے بہت پیچھے کھڑے نظر آتے ہیں ۔
کراچی کا دل اور ظرف بھی بہت بڑا ہے۔ ہم جیسے جو باہر سے آئے ہیں کا بہت گرمجوشی سے استقبال کرتے ہیں ۔
اگر میں اپنی بات کروں تو کراچی کے بڑے بڑے ادبی حلقوں نے مجھے بآسانی جگہ دی۔ یہاں نوجوانوں کو سراہا جاتا ہے۔۔۔ سینیئرز نوجوانوں کو آگے بڑھنے کےلیے راستہ دیتے ہیں نہ کہ راستہ روک کے بیٹھ جاتے ہیں ۔
کیرئیر اور پرسنالٹی کو کراچی میں چوتھا گئیر لگ جاتا ہے۔
کسی نے مجھے کہا تھا کہ آپ اپنے شہر سے بولو گی تو آپ کا شہر آپ کو سنے گا یا صرف پنجاب ۔ لیکن کراچی میں بیٹھ کر بات کرو گی تو پورا پاکستان آپ کو سنے گا۔ اور یہ بات بالکل سچ ہے۔
کراچی صرف آپ کو مسائل کا شکار نہیں کرتا۔۔۔کراچی کے پاس آپ کو دینے کےلیے بہت اچھا اور بہت کچھ ہے اگر آپ انسان کے بچے ہوں تو۔
میں نے کراچی میں جب اپنی پہلی رہائش کا بندوبست کیا تو کراچی کی میمن دوست نے مجھے اپنے گھر سے برتن لا کے دئیے اور مجھے ملنے آئی صرف یہ احساس دلانے کےلیے کہ میں اس شہر میں اکیلی نہیں ہوں ۔ ایک خاتون دوست چھیپا جنہوں نے مجھے آرٹس کونسل کے لوگوں سے متعارف کرایا۔۔۔وہ آج بھی کہتی ہیں کہ میں ویک اینڈ ان کی طرف گزاروں ۔
میں نے فلیٹ بدلا تو میری ایک اردو اسپیکر ہمسائیہ خاتون رونے لگ گئیں کہ معلوم نہیں کہ میں دوبارہ ان کو ملوں گی یا نہیں ۔
ابھی بھی کراچی کی اتنی دوستیں ہیں جو ہر وقت میری خبر گیری کرتی ہیں ۔ اپنے گھر سے ہزاروں میل دور بیٹھ کر اس تیز ترین شہر میں یہ پیار اور خیال ملنا ۔۔۔اس کے سامنے کراچی کے مسائل بہت چھوٹے لگنے لگتے ہیں ۔
کراچی کے لوگ کھلے دل کے ہیں ، مدد کرنے کےلیے ہمیشہ تیار رہتے ہیں ۔ آپ کو جج نہیں کرتے۔
کراچی میں آلودگی ہے۔۔۔ اور اسے ختم کرنے کےلئے از سر نو ٹاون پلاننگ کے اصولوں پر کام کرنا ہوگا اور بڑے پیمانے پر ویسٹ مینجمنٹ پروگرام کی لانچنگ ہونی چاھیے۔
کراچی کے لوگ پہلے ہی حکومتی بدسلوکی کا شکار ہیں ۔۔۔ تو کم از کم ہم عوام تو کراچی کی عوام کو تکلیف پہنچانے سے باز رہ سکتے ہیں ۔۔
اور پاکستانی عوام کی اکثریت جس نے کراچی کو خبروں میں ہی دیکھا ہے ان کو کراچی بہت غیر محفوظ لگتا ہے۔ مگر کراچی اتنا ہی غیر محفوظ ہے جتنا پاکستان کے دوسرے شہر ۔ موبائل کی چھینا جھپٹی یہاں ہے۔۔مگر پاکستان کے دوسرے شہر بھی اس سے محفوظ نہیں رہے ۔
اور بطورِ عورت مجھے کراچی کی جو سب سے اچھی بات لگی وہ یہ کہ یہاں کسی مرد کی جرات نہیں ہے کہ عورت کو تاڑنا شروع کر دے۔۔۔ عورتیں گزر رہی ہیں ۔۔مردوں کو پرواہ نہیں ہے۔ مگر اس معاملے میں ہم پنجاب والے کراچی سے سو سال پیچھے ہیں ۔
میں یہاں رات کے دو یا تین بجے اکیلے کسی کیفے میں بیٹھ کر کافی پینے جاوں یا کوئی کام کرنے مجھے پریشانی نہیں ہوتی۔
مگر پنجاب میں مغرب کے بعد ہی میں کہیں نکل جاؤں ۔۔۔ اکیلے نہیں کسی کے ساتھ بھی تو لچے لفنگوں کا خوف چھایا رہتا ہے۔
پنجاب سے مجھے محبت ہے لیکن جو بات سچ ہے وہ سچ ہے۔ پنجاب میں جوان لڑکے پونڈی ( لڑکیوں کو تاڑنے۔۔ اور پھنسانے کے ارادے سے نکلنا) کرنے کےلئے شاپنگ مالز، پارک اور دیگر جگہ کا انتخاب کرتے ہیں اور بہت فخر سے اپنی بیہودگی کی داستانیں بھی سناتے ہیں ۔
مگر کراچی میں آپ کو ایسی جہالت نہیں ملے گی۔ بطور عورت میرے لیے تو اس سے بڑی ذہنی آسودگی اور کوئی نہیں ہے۔
پاکستان کے کسی شہر سے مجھے نفرت نہیں ہے۔۔ سارے اپنے ہی شہر ہیں ۔ مگر کراچی کو سمجھنے کےلیے کراچی میں رہنا ضروری ہے۔۔۔وہ بھی کم از کم چھ ماہ۔
کراچی نے مجھے روزگار دیا۔۔ میں نے اپنی دو کتابیں کراچی میں ہی لکھیں ۔۔وگرنہ لکھنے کا ہنر تو بہت پہلے کا تھا۔۔۔۔ مگر ماحول کراچی میں آ کے ملا۔
کراچی کا مائنڈ سیٹ پراگریسو ہے۔
پاکستان میں سب سے زیادہ چیرٹی یہ شہر کرتا ہے۔۔۔ سب سے زیادہ فلاحی ادارے اس شہر میں ہیں ۔
یہ شہر بہت کچھ ہے اور اسے سوچی سمجھی سازش سے تباہ کیا گیا۔ مگر یہ پھر بھی کروڑوں لوگوں کے روزگار کا گڑھ ہے۔
جن کو کسی اور شہر میں نوکری نہیں ملتی اسے یہاں آ کر کام ضرور مل جاتا ہے۔
باقی کراچی میں رہنا مشکل ہے مگر آپ ایک سال میں رہنا سیکھ جاتے ہیں پھر آپ کو مشکل مشکل نہیں لگتی۔ یہ مسائل بھی آپ کو مضبوط کر دیتے ہیں ۔
I love you Karachi
You are the Best
طیبا سید

14/11/2025

https://s.daraz.pk/s.YjAdi
Very cheap

I found this great deal on Daraz! Check it out! Product Name: Best Leather wallet for men stylish leather purse for men Product Price: Rs.1,900 Discount Price: Rs.496