Ahr_rajar

23/04/2025

20/04/2025

سنڌو

سنڌو، توسان سو سَڱ آھن،
ديسن وارن ديوانن جا،
درد جا رشتا، دل جون ڳالھيون،
پور پراڻا، خواب خوشين جا،
ورھين کان تو سانڍيا آھن،
اڻڄاتل انسانن جا!

منھنجي ديس جي ڌرتيءَ تي آ
تنھنجي ڇايا، تنھنجا ڇيڄ،
ڏيھُ ڀلي ڏھڪاءُ ھجي پر
ڏاھپ ڏاھپ تنھنجا ڏيج.

ماروئڙن جو ساھھ بھ تون آن،
چاھُ بھ تون آن،
خوشيون توسان،
ڏک-سک توسان،
گيتن جي گونجار بھ توسان،
قرب ڪڙا اقرارَ بھ توسان،
جيت بھ توسان، ھار بھ توسان،
محبت جي مھڪار بھ توسان
تنھنجي لات لطيف جي وائي،
تنھنجو پاڻي امرت ڌارا،
تنھنجون لھرون گئوا لوليون،
تنھنجي چاھت چوڏس جھڙي،
ٻھَ ٻھَ ٻُرندڙ تنھنجون ٻوليون.

ڪاڪ منجھان ڪا خاڪ اُڏاڻي،
مھڪِي پيو مھراڻ جو پاڻ،

منھنجو ماض؛
منھنجو ماضي، اُڀ کان اوچو،
تنھنجي تِڙڪي منھنجھ تريو ھو،
ڪلھ جو ماڻھو ڪوڏن جھڙو
تنھنجي چاھت منجھ چريو ھو.
مان ان جو پاڇولو آھيان:
ساڳيون ڳالھيون ، ساڳي ڳڻتي،
ساڳي ئي ڳڻڳوت آ منھنجي،
راھ بھ ساڳي، اوھ بھ ساڳي،
سِيرَ اُھا، سيڻاھ بھ ساڳي.

اڄ جو مون سان جاڙ ڪئي ٿئِي،
ان جو ڪو ارمان نھ آھي،
تنھنجو منھنجو درد جو رشتو،
ڪينءَ ٽُٽي __ آسان نھ آھن.

تنھنجي پاڻيءَ ۾ ئي پلجي،
ٻارُ وڌي ٻلوان ٿي ويندو:
اوڀر کان جو باک ڦٽي آ،
اُجيارو ايوان ٿي ويندو.

_قمر شھباز (چنڊ رھين ٿو دور)

21/02/2025

18/02/2025

12/02/2025

💙💚