15/10/2025
کراچی: سندھ کابینہ نے ڈیتھ سرٹیفکیٹ کی فیس معاف کردی، میونسپل، یونین کونسل، ٹاؤن کمیٹی کی سطح پر فیس ختم کرنیکی منظوری دی گئی۔
سندھ حکومت کے ترجمان نے بتایا کہ سندھ کابینہ کی جانب سے ڈیتھ سرٹیفکیٹ کی فیس معاف کردی گئی، میونسپل، یونین کونسل اورٹاؤن کمیٹی کی سطح پر ڈیتھ سرٹیفکیٹ رجسٹریشن فیس ختم کرنیکی منظوری دی گئی ہے۔
ترجمان نے بتایا کہ یہ فیصلہ ستمبر 2024 میں پیدائش کی مفت رجسٹریشن کی کابینہ منظوری کے تسلسل میں کیا گیا ہے۔
وزیراعلیٰ سندھ نے کہا کہ اقدام یواین، عالمی شراکت داروں سے سول رجسٹریشن نظام کو بہتر بنانے کے عزم کا حصہ ہے، نئے انتظام کے تحت حکومتِ سندھ نادرا کی سروس چارجز کی لاگت برداشت کرے گی۔
انھوں نے کہا کہ شہری اموات کے سرٹیفکیٹ بغیر کسی فیس کے حاصل کرسکیں گے، فیصلہ محکمہ قانون اور محکمہ خزانہ کی حمایت، چیف سیکریٹری کی توثیق کے بعد کابینہ میں پیش کیا گیا۔
یہ اقدام شہریوں کو سہولت فراہم کرنے کےلیے اٹھایا گیا ہے، مقصد لوکل گورنمنٹ ایکٹ 2013 کے تحت اہم واقعات کی ڈیجیٹل رجسٹریشن کو فروغ دینا ہے۔
وزیراعلیٰ سندھ مرادعلی شاہ نے کہا کہ فیصلہ صوبے کے سی آر وی ایس نظام کو مزید مضبوط بنانے کےلیے کیا گیا ہے۔
۔
