01/09/2026
میر ولی ! گرم چشمہ پولو کی ایک یادگار شخصیت
چترال میں پولو صرف ایک کھیل نہیں بلکہ ثقافت اور محبت کا حصہ ہے۔ گرم چشمہ نے بھی کئی بہترین پولو کھلاڑی پیدا کیے، جن میں میر ولی کا نام خاص اہمیت رکھتا ہے۔
ایک دور تھا جب میر ولی اپنے شاندار کھیل، گھوڑے پر غیر معمولی مہارت اور پولو اسٹک کے منفرد انداز کی وجہ سے گرم چشمہ اور چترال کے پولو شائقین میں بہت مقبول تھے۔ ان کے بھائی شیر ولی بھی ایک بہترین پولو کھلاڑی تھے۔
اس زمانے میں ہر ہفتے گرم چشمہ پولو گراؤنڈ میں میچز ہوتے اور دور دور سے شائقین انہیں دیکھنے آتے۔ لطیفپ پرابیگ ، بہرام بیگ پرابیگ ,بشقیر کے حوالدار رحمان خان اور غلام راضی منور بھی اس دور کے نمایاں کھلاڑیوں میں شامل تھے۔
آج گرم چشمہ پولو گراؤنڈ کی موجودہ حالت ماضی کی انہی خوبصورت یادوں کو تازہ کرتی ہے۔ امید ہے کہ اس تاریخی میدان کے مسائل جلد حل ہوں گے اور یہاں دوبارہ پولو کی وہی رونقیں لوٹ آئیں گی۔
گرم چشمہ نیوز
