Qaumi Akhbar Digital

Qaumi Akhbar Digital Contact information, map and directions, contact form, opening hours, services, ratings, photos, videos and announcements from Qaumi Akhbar Digital, Media/News Company, Qaumi Akhbar House, Arif Jaija street I. I Chundrigar Road, Karachi.

This is Daily Qaumi Akhbar digital platform where you will find Breaking news, Insightful Analysis, Crime Stories, Food reviews etc

https://www.facebook.com/qaumiakhbar

03/06/2026

ماریہ ساریو سے متعلق معاملے پر شہزادی رائے کا ردِعمل سامنے آگیا

03/06/2026

ایس ایس پی آفس ہنگامہ آرائی کیس میں پیش رفت، ماریہ ساریو کی مبینہ آڈیو سامنے آگئ

حیدرآباد میں جونیئر کلرک ماریہ ساریو سمیت 15 خواجہ سراؤں کو مبینہ طور پر پرتشدد احتجاج کرنے اور ایس ایس پی حیدرآباد کے د...
03/06/2026

حیدرآباد میں جونیئر کلرک ماریہ ساریو سمیت 15 خواجہ سراؤں کو مبینہ طور پر پرتشدد احتجاج کرنے اور ایس ایس پی حیدرآباد کے دفتر میں توڑ پھوڑ کے الزام میں گرفتار کر لیا گیا۔ پولیس کے مطابق احتجاج کے دوران سرکاری املاک کو نقصان پہنچانے اور نظم و ضبط میں خلل ڈالنے کے الزامات کے تحت کارروائی عمل میں لائی گئی۔ گرفتار افراد کو قانونی کارروائی کے لیے متعلقہ تھانے منتقل کر دیا گیا ہے جبکہ واقعے کی مزید تحقیقات جاری ہیں۔

کراچی کے مختلف علاقوں زمان ٹاؤن، کورنگی اور سائٹ صنعتی ایریا میں ڈکیتی و چوری کی وارداتوں کے دوران شہری، پولیس اور سیکیو...
03/06/2026

کراچی کے مختلف علاقوں زمان ٹاؤن، کورنگی اور سائٹ صنعتی ایریا میں ڈکیتی و چوری کی وارداتوں کے دوران شہری، پولیس اور سیکیورٹی گارڈ کی فائرنگ سے تی4 ڈاکو مارے گئے جبکہ فائرنگ کے تبادلے میں ایک ہیڈ کانسٹیبل اور شہری زخمی ہو گئے. تفصیلات کے مطابق، سائٹ ایریا میٹروویل خٹک چوک کے قریب سادہ لباس ہیڈ کانسٹیبل فاروق خان نے فائرنگ کر کے ایک ڈاکو عبدالواحد کو ہلاک کر دیا، تاہم ملزمان کی فائرنگ سے ہیڈ کانسٹیبل اور ایک شہری زخمی ہو گئے جنہیں نجی اسپتال منتقل کیا گیا، جبکہ دو ڈاکو فرار ہونے میں کامیاب رہے. ادھر کورنگی ڈھائی نمبر میں حنفیہ مسجد کے قریب شہری کی فائرنگ سے ایک اور ڈاکو علی حسین ہلاک ہو گیا، جبکہ کورنگی سیکٹر 23 میں ایک نجی کمپنی کے پلاٹ میں داخل ہونے کی کوشش کرنے والے دو چوروں پر سیکیورٹی گارڈ نے فائرنگ کر دی، جس سے ایک مبینہ چور موقع پر ہی مارا گیا اور اس کا ساتھی فرار ہو گیا. دوسری جانب، کورنگی اور ڈیفنس کے علاقوں میں بڑے گھروں میں ڈکیتی کی وارداتوں میں مطلوب امان اللہ نامی بدنام زمانہ ڈاکو، جو شہر میں ایک واردات کے دوران بازو پر گولی لگنے سے شدید زخمی ہوا تھا، کھارادر میں اپنی اہلیہ کے گھر پرائیویٹ علاج کے دوران نس کٹنے اور شدید خون بہنے کے باعث ہلاک ہو گیا، جس کی لاش کو بعد میں جناح اسپتال منتقل کر کے پولیس نے تفتیش کا آغاز کر دیا ہے.

Report: Tahir Abbasi

وفاقی حکومت کی جانب سے نئے مالی سال 27-2026 کے لیے 17.1 ٹریلین روپے کے لگ بھگ مالیت کا وفاقی بجٹ 10 جون کو پارلیمنٹ میں ...
03/06/2026

وفاقی حکومت کی جانب سے نئے مالی سال 27-2026 کے لیے 17.1 ٹریلین روپے کے لگ بھگ مالیت کا وفاقی بجٹ 10 جون کو پارلیمنٹ میں پیش کیے جانے کا امکان ہے، جس پر حکومت اور اس کی اہم اتحادی جماعت پاکستان پیپلز پارٹی (پی پی پی) کے درمیان اتفاق بھی ہو گیا ہے. وزارت خزانہ کے ذرائع کے مطابق، نائب وزیراعظم اسحاق ڈار اور وزیر خزانہ محمد اورنگزیب نے وزیراعلیٰ سندھ مراد علی شاہ اور پی پی پی کی دیگر قیادت سے اہم مشاورتی اجلاس میں ملاقات کی، جس میں ملکی معاشی ترجیحات کے ساتھ ساتھ سندھ کے ترقیاتی و آبی منصوبوں پر تفصیلی مشاورت کی گئی. مجوزہ بجٹ میں معاشی شرح نمو کا ہدف 4.1 فیصد، اوسط مہنگائی 8.4 فیصد، ٹیکس ریونیو کا ہدف 15 ہزار 267 ارب روپے، اور وفاقی پی ایس ڈی پی کا حجم 1.1 ٹریلین روپے متوقع ہے، جبکہ قرضوں پر سود کی ادائیگی کے لیے 7 ہزار 824 ارب اور دفاعی شعبے کے لیے 2 ہزار 665 ارب روپے رکھنے کی تجویز ہے. دوسری جانب، آئندہ بجٹ میں سرکاری ملازمین کی تنخواہوں اور پنشن میں 7 سے 10 فیصد تک اضافے کا امکان ہے، تاہم ملازمین نے مہنگائی کے تناسب سے 100 فیصد اضافے کا مطالبہ کرتے ہوئے اپنے مطالبات تسلیم نہ ہونے پر بجٹ والے دن پارلیمنٹ کے سامنے دھرنے اور بھرپور احتجاج کا عندیہ دیا ہے۔

پاکستانی شوبز انڈسٹری کی معروف اداکارہ اور ماڈل میرب علی نے حال ہی میں سوشل میڈیا پر اپنی صحت سے متعلق ایک اہم انکشاف کر...
03/06/2026

پاکستانی شوبز انڈسٹری کی معروف اداکارہ اور ماڈل میرب علی نے حال ہی میں سوشل میڈیا پر اپنی صحت سے متعلق ایک اہم انکشاف کرتے ہوئے بتایا ہے کہ انگلی کے مسئلے کے باعث انہیں کراچی کے آغا خان یونیورسٹی اسپتال میں سرجری کروانا پڑی. اداکارہ کے مطابق ان کی ایک انگلی میں حرکت محدود ہو گئی تھی اور وہ بار بار لاک ہو جاتی تھی، جس پر ابتدائی طور پر ماہر امراضِ جوڑ اور نیورولوجسٹ نے انہیں صحت مند قرار دیا تھا، تاہم بعد ازاں آرتھوپیڈک سرجن نے مکمل معائنے کے بعد سرجری تجویز کی. میرب علی نے بتایا کہ انہیں توقع تھی کہ یہ ایک معمولی اور مختصر نوعیت کا آپریشن ہوگا، لیکن سرجری ان کی توقع سے کہیں زیادہ پیچیدہ اور وقت طلب ثابت ہوئی، جس کے بعد وہ اسپتال میں زیرِ علاج رہیں اور اب بتدریج صحت یاب ہو رہی ہیں. اداکارہ کی جانب سے اس طبی صورتحال کی ویڈیو شیئر کیے جانے کے بعد شوبز شخصیات مایا خان، درفشاں سلیم، ثناء فہد اور رابعہ کلثوم سمیت متعدد فنکاروں اور سوشل میڈیا صارفین نے ان کی جلد صحت یابی کے لیے نیک خواہشات کا اظہار کیا ہے، جبکہ بعض مداحوں نے انہیں آرام کرنے اور موبائل فون کے زیادہ استعمال سے گریز کرنے کا مشورہ بھی دیا ہے تاکہ انگلی پر مزید دباؤ نہ پڑے.

کراچی(اسٹاف رپورٹر) کراچی الیکٹرانکس اینڈ موبائل ایسوسی ایشن کے صدر محمد رضوان عرفان نے تاجر برادری کو خبردار کرتے ہوئے ...
03/06/2026

کراچی(اسٹاف رپورٹر) کراچی الیکٹرانکس اینڈ موبائل ایسوسی ایشن کے صدر محمد رضوان عرفان نے تاجر برادری کو خبردار کرتے ہوئے کہا ہے کہ سوشل میڈیا اور مختلف ذرائع پر لاک ڈاؤن سے متعلق ایک جعلی نوٹیفکیشن گردش کر رہا ہے، جس کا حقیقت سے کوئی تعلق نہیں۔محمد رضوان عرفان کے مطابق سندھ حکومت کی جانب سے تاحال لاک ڈاؤن کے حوالے سے کوئی باضابطہ نوٹیفکیشن جاری نہیں کیا گیا۔ لہٰذا تاجر برادری غیر مصدقہ خبروں پر یقین نہ کرے۔انہوں نے کراچی کے تمام تاجروں، دکانداروں اور کاروباری افراد سے اپیل کی کہ وہ اپنے معمول کے کاروباری امور جاری رکھیں اور کسی بھی خبر پر ردعمل دینے سے قبل اس کی تصدیق متعلقہ سرکاری اداروں سے ضرور کریں۔صدر کراچی الیکٹرانکس اینڈ موبائل ایسوسی ایشن نے مزید کہا کہ افواہوں اور جعلی نوٹیفکیشنز کے باعث کاروباری سرگرمیوں کو نقصان پہنچ سکتا ہے، اس لیے تاجر برادری ذمہ داری کا مظاہرہ کرتے ہوئے صرف مستند معلومات پر اعتماد کرے۔

Report: Saad Sheikh

میئر کراچی مرتضیٰ وہاب کے مطابق صوفی بزرگ حضرت عبداللہ شاہ غازی رحمتہ اللہ علیہ کے سالانہ عرس کے بابرکت موقع پر 8 جون کو...
03/06/2026

میئر کراچی مرتضیٰ وہاب کے مطابق صوفی بزرگ حضرت عبداللہ شاہ غازی رحمتہ اللہ علیہ کے سالانہ عرس کے بابرکت موقع پر 8 جون کو کراچی میں مقامی تعطیل ہوگی، جس کا باقاعدہ اعلان کر دیا گیا ہے۔ بلدیہ عظمیٰ کراچی (کے ایم سی) نے کونسل کی باقاعدہ قرارداد کے تحت عرس کے اس اہم موقع پر عام تعطیل کی منظوری دی ہے، جس کے باعث شہر بھر کے بلدیاتی دفاتر اور ماتحت ادارے اس روز بند رہیں گے تاکہ شہری عرس کی تقاریب میں بھرپور شرکت کر سکیں۔

کراچی کے معروف ہل پارک کے اطراف غیر قانونی تعمیرات کے معاملے پر بلدیہ عظمیٰ کراچی (کے ایم سی) کے محکمہ لینڈ کے ڈپٹی ڈائر...
03/06/2026

کراچی کے معروف ہل پارک کے اطراف غیر قانونی تعمیرات کے معاملے پر بلدیہ عظمیٰ کراچی (کے ایم سی) کے محکمہ لینڈ کے ڈپٹی ڈائریکٹر نعمان کو معطل کر دیا گیا ہے، جبکہ بلدیہ اور جمشید ٹاؤن کے ڈپٹی ڈائریکٹر کو شوکاز نوٹس جاری کر دیا گیا ہے۔ سینئر ڈائریکٹر ایچ آر ایم کی جانب سے جاری نوٹیفکیشن کے مطابق، معطل افسر نے متنازع پلاٹ نمبر 39 جی فور کی کنڈیشنل این اوسی جاری کی تھی۔ اس تجاوزات انکوائری کے حوالے سے میڈیا سے گفتگو کرتے ہوئے میئر کراچی مرتضیٰ وہاب نے سنسنی خیز انکشاف کیا کہ ہل پارک پر تعمیرات کرنے والے نے پی ای سی ایچ ایس کی جو لیز دستاویزات پیش کیں، اصل لے آؤٹ پلان کے مطابق اس پلاٹ نمبر کا کوئی وجود ہی نہیں ہے اور 1974 کے نوٹیفکیشن کے تحت اس پارک کا مجموعی رقبہ تقریباً 56 ایکڑ پر مشتمل ہے۔ انہوں نے واضح کیا کہ کے ایم سی نے پارک کی یہ اراضی کبھی کسی فرد یا ادارے کو الاٹ نہیں کی، اور اب اراضی کے تعین اور حقائق جاننے کے لیے باقاعدہ لینڈ سروے شروع کر دیا گیا ہے؛ اگر پی ای سی ایچ ایس نے لے آؤٹ پلان کی خلاف ورزی کی تو سخت کارروائی ہوگی کیونکہ ہل پارک کی زمین پر قبضہ یا غیر قانونی تعمیرات کسی صورت برداشت نہیں کی جائیں گی اور کے ایم سی اس کے تحفظ کے لیے ہر قانونی و انتظامی اقدام اٹھائے گی۔

03/06/2026

کراچی کے مصروف ترین علاقے گلشنِ اقبال میں راشد منہاس روڈ پر واقع پیڈسٹرین (پیدل چلنے والوں کا) برج انتظامیہ کی عدم توجہی اور چوری کی وارداتوں کے باعث شہریوں کے لیے م و ت کا جال بن چکا ہے؛ مقامی رہائشیوں اور روزانہ سفر کرنے والے مسافروں کے مطابق نامعلوم چوروں نے اس لوہے کے پل کا بیشتر حفاظتی ڈھانچہ اور فرش سرعام کاٹ کر چوری کر لیا ہے، جس کے بعد اب اس پل سے گزرنا اپنی جان کو شدید خطرے میں ڈالنے کے مترادف ہو چکا ہے۔ سوشل میڈیا پر وائرل ہونے والی ویڈیو میں پل کی مخدوش اور دل دہلا دینے والی حالت کو صاف دیکھا جا سکتا ہے جہاں سے گزرتے ہوئے کسی بھی وقت کوئی بڑا اور جان لیوا حادثہ رونما ہو سکتا ہے؛ عوامی و سماجی حلقوں نے کمشنر کراچی، سندھ حکومت اور متعلقہ بلدیاتی حکام سے پرزور مطالبہ کیا ہے کہ کسی بڑی انسانی المیہ یا سانحے کے رونما ہونے کا انتظار کرنے کے بجائے اس خطرناک پل کا فوری نوٹس لیا جائے اور ہنگامی بنیادوں پر اس کی مرمت کر کے شہریوں کا تحفظ یقینی بنایا جائے۔

Address

Qaumi Akhbar House, Arif Jaija Street I. I Chundrigar Road
Karachi

Telephone

+923302633382

Website

Alerts

Be the first to know and let us send you an email when Qaumi Akhbar Digital posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Qaumi Akhbar Digital:

Shortcuts

Share

Category