19/03/2026
بریکنگ | عالمی بحران کا خدش
قطر میں واقع دنیا کے سب سے بڑے مائع قدرتی گیس (LNG) برآمدی مرکز راس لفان پر ایران کی جانب سے حملے کی اطلاعات سامنے آئی ہیں، جس کے بعد عالمی سطح پر تشویش کی لہر دوڑ گئی ہے۔
قطری وزارتِ داخلہ کے مطابق، حملے کے بعد راس لفان کے صنعتی علاقے میں آگ بھڑک اٹھی، جس پر قابو پانے کے لیے سول ڈیفنس اور ہنگامی امدادی ٹیمیں فوری طور پر موقع پر پہنچ گئیں اور آگ بجھانے کی کوششیں جاری ہیں۔
راس لفان دنیا کے سب سے اہم LNG برآمدی مراکز میں شمار ہوتا ہے، جہاں سے تقریباً 20 فیصد عالمی مائع قدرتی گیس سپلائی کی جاتی ہے۔ ماہرین کے مطابق، اس تنصیب کو کسی بھی قسم کا نقصان عالمی توانائی کی منڈیوں میں شدید اتار چڑھاؤ اور گیس کی قیمتوں میں اضافے کا سبب بن سکتا ہے۔
تاحال حملے کی نوعیت، نقصان کی تفصیلات اور ممکنہ جانی نقصان کے حوالے سے مکمل معلومات سامنے نہیں آ سکیں۔ حکام کا کہنا ہے کہ صورتحال کا جائزہ لیا جا رہا ہے اور مزید تفصیلات جلد جاری کی جائیں گی۔
عالمی رہنماؤں اور توانائی ماہرین نے اس واقعے کو انتہائی تشویشناک قرار دیتے ہوئے خبردار کیا ہے کہ اگر کشیدگی میں اضافہ ہوا تو یہ عالمی توانائی بحران کو جنم دے سکتا ہے
