11/06/2026
📰 رپورٹ: سید عمران رضوی
اورنگی ٹاؤن میں 13 جون کے جلسے کے لیے این او سی حاصل، مہاجر قومی موومنٹ (پاکستان) کی تیاریاں تیز
مہاجر قومی موومنٹ (پاکستان) نے 13 جون کو اورنگی ٹاؤن میں عوامی جلسہ منعقد کرنے کا اعلان کرتے ہوئے بتایا ہے کہ مختلف انتظامی مراحل اور مشکلات کے باوجود جلسے کے انعقاد کے لیے این او سی (N.O.C) حاصل کر لیا گیا ہے۔
پارٹی قیادت کے مطابق یہ جلسہ مہاجر قوم کے اتحاد، یکجہتی اور سیاسی شعور کا بھرپور مظاہرہ ہوگا، جہاں ہزاروں کارکنان اور عوام کی شرکت متوقع ہے۔ رہنماؤں کا کہنا ہے کہ 13 جون کا اجتماع اس بات کا پیغام دے گا کہ مہاجر قوم اپنے پرچم تلے متحد ہے۔
جلسے کی اجازت ملنے کے بعد انتظامی کمیٹیوں نے تیاریاں مزید تیز کر دی ہیں، جن میں سیکیورٹی، استقبالیہ، ٹریفک، میڈیا اور دیگر انتظامات کو حتمی شکل دی جا رہی ہے۔ پارٹی رہنماؤں نے کارکنان سے پرامن اور منظم انداز میں شرکت کی اپیل بھی کی ہے۔
رپورٹ: سید عمران رضوی
