23/06/2026
سرگودھا۔۔۔ یہ معصوم بچی بمشکل سات یا آٹھ برس کی ہوگی۔ یہ ننھی جان محلے کے ہی ایک کریانہ اسٹور سے کچھ گھریلو سامان لینے گئی تھی، لیکن جب کافی دیر تک گھر نہ لوٹی تو اہلخانہ سخت پریشان ہو گئے۔ ہر طرف بچی کی تلاش شروع ہوئی، مساجد میں اعلانات کروائے گئے اور سوشل میڈیا پر اس کی گمشدگی کی خبریں اور تصاویر شیئر کی گئیں۔
جب قانون نافذ کرنے والے اداروں نے باقاعدہ تحقیقات کا آغاز کیا، تو سی سی ٹی وی (CCTV) فوٹیج سامنے آئی جس میں معصوم بچی دکان کے اندر داخل ہوتی تو دکھائی دی مگر وہاں سے باہر نکلتے ہوئے نظر نہیں آئی۔ اس شک کی بنیاد پر جب دکان کی تفصیلی تلاشی لی گئی، تو اوپر والی منزل سے ایک بوری برآمد ہوئی، جس کے اندر اس ننھی بچی کی لاش موجود تھی۔ تفتیش کو آگے بڑھایا گیا تو دل دہلا دینے والا انکشاف ہوا کہ دکان پر پچھلے دس سال سے کام کرنے والے ملازم، ارسلان نے مبینہ طور پر اس معصومہ کو اپنی درندگی کا نشانہ بنایا، پھر اس کا گلا کاٹ کر اسے موت کے گھاٹ اتار دیا اور لاش کو بوری میں بند کر کے اوپر چھپا دیا تاکہ موقع ملتے ہی اسے کہیں دور ٹھکانے لگا سکے۔ پولیس نے ملزم کو حراست میں لے لیا ہے۔ اب سب کی نظریں سی سی ڈی پر ہیں کیونکہ ایسے درندوں کو عدالتوں کے رحم و کرم پر نہیں چھوڑا جا سکتا فوری انصاف ضروری ہے
