Gh Aana

10/08/2025

*Emigrate, don't be afraid…!*
*There is survival in migration.*
Whether it is from a person or a place —
Free yourself from where you don't feel at ease, where there is no peace.
Life is very beautiful,
Don't look at it for a few bitter moments.

07/07/2025

31/12/2024

اسلام ہمیں اپنی منفرد شناخت قائم رکھنے اور غیر مسلموں کی تقلید و پیروی سے بچنے کی تلقین کرتا ہے۔

قرآن مجید میں ارشادِ باری تعالیٰ ہے:
اور بے شک یہی میرا سیدھا راستہ ہے سو اسی کا اتباع کرو، اور دوسرے راستوں پر مت چلو وہ تمہیں اللہ کی راہ سے ہٹا دیں گے، (اللہ نے) تمہیں اسی کا حکم دیا ہے تاکہ تم پرہیزگار ہو جاؤ۔
(سورہ الانعام - 153)

اسی طرح ایک اور جگہ اللہ تعالیٰ نے خبردار کیا:
کہہ دو اے اہل کتاب! تم اپنے دین میں ناحق زیادتی مت کرو اور ان لوگوں کی خواہشات کی پیروی نہ کرو جو اس سے پہلے گمراہ ہو چکے اور انہوں نے بہتوں کو گمراہ کیا اور سیدھی راہ سے دور ہو گئے۔
(سورۃ المائدہ - آیت 77)

رسول اکرم ﷺ نے فرمایا:
من تشبه بقوم فهو منهم
یعنی جس نے کسی قوم کی مشابہت اختیار کی، وہ انہی میں سے ہے!
( سنن ابی داؤد: 4031 )

نیا سال منانا یا اس کا جشن منانا مغربی تقلید ہے اور اِسی مشابہت میں آتا ہے جو کہ مسلمانوں کی دینی اقدار کے خلاف ہے۔ ہر دن اللہ کا ہے، مشرکوں کا راستہ نہ اپنائیں، غیر اسلامی رسُومات سے بچیں اور قرآن و سنت کی رہنمائی پر چلیں ...

۔

11/11/2024

پُوچھنے والے تُجھے کیسے بتائیں آخر
دُکھ عبارت تو نہیں جو تُجھے لکھ کر بھیجیں

یہ کہانی بھی نہیں ہے کہ سُنائیں تُجھ کو
نہ کوئی با ت ہے ایسی کہ بتائیں تجھ کو
زخم گر ہوں تو تیرے ناخن کے حوالے کر دیں
آئینہ بھی تو نہیں ہے کہ دکھائیں تُجھ کو
تُو نے پُوچھا ہے مگر کیسے بتائیں تُجھ کو

یہ کوئی راز نہیں جِس کو چُھپائیں تو وہ راز
کبھی چہرے، کبھی آنکھوں سے چھلک جاتا ہے
جیسے آنچل کو سنبھالے کو ئی اور تیز ہوا
جب بھی چلتی ہے تو شانوں سے ڈھلک جاتا ہے

اب تُجھے کیسے بتائیں ہمیں کیا دُکھ ہے
جِسم میں رینگتی رہتی ہے مسافت کی تھکن
پھر بھی کاندہوں پہ اُٹھائے ہُوئے حالات کا بوجھ
اپنے قدموں سے ہٹاتے ہُوئےسایہ اپنا
جِس کو بھی دیکھئے چُپ چاپ چلا جاتا ہے

کبھی خُود سے کبھی رستوں سے اُلجھتا ہے مگر
جانے والا کسی آواز پہ رُکتا ہی نہیں
ڈُھونڈنا ہے نیا پیرائیہِ اظہار ہمیں
استعاروں کی زباں کوئی سمجھتا ہی نہیں

دل گرفتہ ہیں طلسماتِ غمِ ہستی سے
سانس لینے سے فسوں قریہِ جاں ٹوٹتی ہے
اک تغیر پسِ ہر شے ہے مگر ظُلم کی ڈور
ابھی معلوم نہیں ہے کہ کہاں ٹُوٹتی ہے

تُو سمجھتا ہے کہ خُوشبو سے مُعتر ہے حیات
تُو نے چکھا ہی نہیں زہر کسی موسم کا
تُجھ پہ گُزرا ہی نہیں نکس ِ جنوں کا عالم
ایسا عالم جہاں صدیوں کے تغیر کا نشہ
ہر بچھڑتی ہُوئی ساعت سے گلے ملتا ہے
اس تماشے کا بظاہر تو نہیں کوئی سبب
صِرف محسوس کرو گے تو پتہ چلتا ہے

ایک دُھن ہے جو سُنائی نہیں دیتی پِھر بھی
لے بہ لے بڑھتا چلا جاتا ہے ہنگامہِ ستم
کُو بہ کُو پھیلتا چلا جاتا ہے غُبارِ من و تُو
رُوح سے حالی ہُوَے جاتے ہیں جسموں کے حرم

وقت بے رحم ہے ہم رقصِ برہنہ ہیں سبھی
اب تو پابندِ سلاسل نہیں کوئی پھر بھی
دشتِ مژگاں میں بھڑکتا ہُوا تاروں کا جنوں
صفحہِ لب پہ سِسکتی ہُوئی آواز کی لو
دیکھ تو کیسے رہائی کی خبر کرتی ہے
روزنِ وقت سے آغازِ سفر کرتی ہے

بے خبر رہنا کسی بات سے اچھا ہی نہیں
تُو کبھی وقت کی دہلیز پہ ٹھہرا ہی نہیں
تُو نے دیکھے ہی نہیں حلقہِ امروز کے رنگ
گرمیِ واعدہِ فردا سے پگھلتے ہُوئے لوگ
اپنے ہی خواب کی تعبیر میں جلتے ہُو ئے لوگ
بُھوک اور پیاس کی ماری ہُوئی فصلوں کی طرح
برِاعظم کی لکیروں سے اُبھرتے ہُوئے لوگ
امن کے نام پہ بارود بھری دُنیا میں
خس و خاشاک کی مانند بِکھرتے ہُوئے لوگ
روز جیتے ہُوئے اور روز ہی مرتے ہُوئے لوگ

زندگی فلم نہیں ہے کہ دِکھائیں تُجھ کو
تُو نے پُوچھا ہے مگر کیسے بتائیں تُجھ کو
کوئی محفوظ نہیں اہلِ تحفظ سے یہاں
رات بھاری ہے کہیں اور کہیں دن بھاری
ساری دُنیا کوئی میدان سا لگتی ہے ہمیں
جِس میں اک معرکہِ سُود و زیاں جاری ہے

پاوں رکھے ہُوئے بارود پہ سب لوگ جہاں
اپنے ہاتھوں میں اُٹھائے ہُوئے پروانہِ شب
آستینوں میں چُھپائے ہُوئے مہتاب کوئی
اپنی گردن میں لئے اپنے گریبان کا طوق

نیند میں چلتے ہُوئے دیکھتے ہیں خواب کوئی
اور یہ سوچتے رہتے ہیں کہ دیواروں سے
شب کے آثار ڈھلے، صُبح کا سُورج اُبھرا
دُور اُفق پار پہاڑوں پہ چمکتی ہُوئی برف
نئے سُورج کی تمازت سے پگھل جائے گی
اور کسی وقفہِ امکانِ سحر میں اب کہ
روشنی سارے اندھیروں کو نِگل جائے گی

دیکھئے کیسے پہنچاتی ہے ٹھکانے پہ کہیں
دُور اک فاختہ اُڑتی ہے نشانے پہ کہیں
آ کہ یہ منظرِ خوں بستہ دکھائیں تُجھ کو
تُو نے پُوچھا ہے مگر کیسے بتائیں تُجھ کو

کوئی گاہک ہی نہیں جوہرِ آئندہ کا
چشم کھولے ہُوئے بیٹھی ہے دُکانِ گریہ
اور اسی منظرِ خوں بستہ کے گوشے میں کہیں
سر پہ ڈالے ہُوئے اک لمحہِ موجود کی دُھول

تیرے عُشاق بہت خاک بسر پھرتے ہیں
وقت کب کھینچ لے مقتل میں گواہی کے لئیے
دستِ خالی میں لیئے کاسئہ سر پھرتے ہیں

پُوچھنے والے تُجھے کیسے بتائیں آخر
دُکھ عبارت تو نہیں جو تُجھے لکھ کر بھیجیں
دُکھ تو محسُوس ہُوا کرتے ہیں
چاہے تیرا ہو یا میرا دُکھ ہو
آدمی وہ ہے جِس کو جیتے جی
صرف اپنا نہیں سب کا دُکھ ہو

چاک ہو جائے جو اک بار ہوس کے ہاتھوں
جامہِ عشق دوبارہ تو نہیں سلتا ہے
آسماں میری زمینوں پہ جُھکتا ہے لیکن
تیرا اور میرا ستارہ ہی نہیں ملتا ہے!!

نامعلوم

09/11/2024

ایک مدت کی ریاضت سے کمائے ہوئے لوگ.!!
کیسے بچھڑے ہیں مرے دل میں سمائے ہوئے لوگ

تلخ گوئی سے ہماری تُو پریشان نہ ہو.!
ہم ہیں دنیا کے مصائب کے ستائے ہوئے لوگ

اس زمانے میں مرے یار کہاں ملتے ہیں .!
اپنے دامن میں محبت کو بسائے ہوئے لوگ

تجھ کو اے شخص کبھی زیست کی تنہائی میں
یاد آئیں گے ہم عجلت میں گنوائے ہوئے لوگ .!!

اُن کے رستے میں بچھا دیتے ہیں پلکیں اپنی .!!!!
جب بھی ملتے ہیں ترے شہر سے آئے ہوئے لوگ

یہ غنیمت ہیں جو آزاد نظر آتے ہیں.!!
خواب پلکوں کے دریچوں میں سجائے ہوئے لوگ

21/10/2024

تکلیف کی آخری حد
چیخنا چلانا یا ہارٹ اٹیک نہیں ہے آخری حد وہ ہے جہاں خاموش ہو جائیں جہاں جیتے جی مر جائیں خواہشوں کو خوابوں کو دل کے قبرستان میں دفنا دیں جہاں بس تھک جائیں بیزار ہو جائیں ہر انسان سے لا تعلقی اختیار کر لیں یہ تکلیف کی وہ حد ہے جسے بس ہم جانتے ہیں کہ سامنے سے خاموش اپنے اندر ہم کتنی جنگیں اکیلے لڑ رہے ہوتے ہیں۔❤️‍🩹❤️‍🔥💔

29/07/2024

میٹر ریڈرز کا شافی علاج۔۔۔۔۔
آپ کے بجلی کے بل پر تاریخ ریڈنگ کے خانے میں تاریخ لکھی ھوتی ھے کہ جس تاریخ کو آپ کے میٹر کی ریڈنگ لی گئی اور بل کے نیچے میٹر ریڈر نے آپ کی میٹر ریڈنگ کی جو تصویر لی ھوتی ھے وہ پرنٹ ھوتی ھے اور وہ تصویر بل پر لکھی گئی میٹر ریڈنگ کی تاریخ سے 10/15 دن ذائد یونٹس کی ھوتی ھے۔ عموماً ھر بل میں ریڈنگ کی ایک ھی تاریخ ھوتی ھے آپ نے کرنا یہ ھے کہ ریڈنگ والے دن اس تاریخ کا تازہ اخبار لینا ھے اور اس اخبار پر جہاں تاریخ لکھی ھوتی ھو اس اخبار کے حصے کو میٹر کے ساتھ لگا کر ایسے تصویر بنانی ھے کہ میٹر کی ریڈنگ اور اخبار کی تاریخ ایک ھی تصویر میں شو ھو سکیں۔ یا ایک ویڈیو بنانی ھے جس میں اپنی اور اہل محلہ کے 5/7 گھروں کی میٹر ریڈنگ لیکر اہل محلہ کو ساتھ کھڑا کرکے ان سے آج کی تاریخ اور ٹائم ریکارڈ کرلیں، اس کے بعد اس ثبوت کو محفوظ کرلیں جیسے ھی بجلی کا بل آئے جو لازمی اس تصویر یا ویڈیو والی ریڈنگ سے 100/150 یونٹ زیادہ کا ھوگا۔ اس بل کو لیکر اپنی قریب ترین عدالت سے رجوع کریں اور میٹر ریڈر پر اندراج مقدمہ کی درخواست دائر کردیں۔ آپ کی صرف ایک دن کی تکلیف اس پورے محکمہ کے میٹر ریڈروں کو تیر کی طرح سیدھا کردے گی اور آئندہ کے لئے آپ کے بجلی کے بل آدھی قیمت پر آجائیں گے۔ یاد رکھیں آپ کا حق آپ کو کبھی بھی بستر پر لیٹ کر نہیں ملے گا اسے لینے کے لئے آپ کو تھوڑی تکلیف ضرور اٹھانی پڑے گی ورنہ ساری زندگی حکومتوں کو گالیاں نکالتے اور لٹتے گزر جائے گی۔
منقول

29/07/2024

فاروق قیصر عرف انکل سرگم کی دل کو چھوتی ہوئی ایک مشہور نظم "اللہ میاں " جسے ان کے ٹی وی پروگرام میں ان کا مشہور کردار “رولا “ سنایا کرتا تھا ۔

میرے پیارے اللہ میاں
دل میرا حیران ہے ،
میرے گھر میں فاقہ ہے ،
اس کے گھر میں نان ہے ،
میں بھی پاکستان ہوں ،
اور وہ بھی پاکستان ہے ،

میرے پیارے اللہ میاں ،
لیڈر کتنے نیک ہیں ،
ہم کو دیں وہ صبر کا پھل ،
خود وہ کھاتے کیک ہیں ،

میرے پیارے اللہ میاں ،
یہ کیسا نظام ہے ؟
فلموں میں آزادی ہے ،
ٹی وی پر اسلام ہے ،

میرے پیارے اللہ میاں ،
سوچ کے دل گھبراتا ہے ،
بند ڈبوں میں خالص کھانا ،
ان کا کتا کھاتا ہے ،
میرا بچہ روتے روتے ،
بھوکا ہی سوجاتا ہے ،

میرے پیارے اللہ میاں ،
دو طبقوں میں بٹتی جائے ،
ایسی اپنی سیرت ہے ،
ان کی چھت پر ڈش انٹینا ،
میرے گھر میں بصیرت ہے ،

میرے پیارے اللہ میاں ،
میری آنکھ کیوں چھوٹی ہے ؟
اس کی آنکھ میں کوٹھی ہے ،
میری آنکھ میں روٹی ہے ،

میرے پیارے اللہ میاں ،
تیرے راز بھی گہرے ہیں ،
ان کے روزے سحری والے ،
میرے آٹھ پہرے ہیں ،

میرے پیارے اللہ میاں ،
روزہ کھولوانے کی ان کو ،
دعوت ملے سرکاری ہے ،
میرا بچہ روزہ رکھ کر ،
ڈھونڈتا پھرے افطاری ہے ،

میرے پیارے اللہ میاں ،
یہ کیسا وٹہ سٹہ ہے ؟
این ٹی ایم کا سر ہے ننگا ،
پی ٹی وی پہ ڈوپٹہ ہے ،
( این ٹی ایم پہلا پرائیویٹ
چینل تھا )

میرے پیارے اللہ میاں ،
بادل مینہ برسائے گا ،
اس کا گھر دھل جائے گا ،
میرا گھر بہہ جائے گا ،

میرے پیارے اللہ میاں ،
*چاند* کی ویڈیو فلمیں دیکھ
کر اس کا بچہ سوتا ہے ،
میرا بچہ روٹی سمجھ کر
چاند کو دیکھ کے روتا ہے ،

میرے پیارے اللہ میاں
یہ کیسی ترقی ہے ؟
ان کی قبریں تک ہیں پکی
میری بستی کچی ہے

26/07/2024

....میں ایک ﻣﻨﮕﺘﯽ ہاں....

ﮨﺘﮫ ﭼﮭﻮﮌ ﮐﮯ ﮔﻞ ﮐﺮ ﻏﯿﺮﺕ ﻣﻨﺪ
ﻣﯿﮟ ﮐﻮﺋﯽ ﺩﻟﮕﯿﺮ ﻓﺤﺎﺷﮧ ﻧﺌﯿﮟ..

ﭼﻠﻮ ﺗﻨﮓ ﺣﺎﻻﺕ ﺩﯼ ﺟﯿﻞ ﺍﭺ ﮬﺎﮞ
ﭘﺮ ﺍﻟﮩﮍ ﺷﻮﺥ ﺭﻗﺎﺻﮧ ﻧﺌﯿﮟ..

ﺑﮭﮑﺎ ﻭﯾﮑﮫ ﮐﮯ ﺭﻭﻧﺪﮮ ﺑﺎﻻﮞ ﻧﻮﮞ
ﭘﮩﻠﮯ ﺑﮏ ﺑﮏ ﺍﺗﮭﺮﻭ ﺭﻭﻧﺪﯼ ﮬﺎﮞ..

ﻟﻮﮐﯽ ﻭﯾﮑﮫ ﮐﮯ ﻣﯿﻨﻮﮞ ﮬﺲ ﭘﻮﻧﺪﻥ
ﮨﺮ ﻣﻮﮌ ﺗﮯ ﺟﺪﻭﮞ ﮐﮭﻠﻮﻧﺪﯼ ﮬﺎﮞ..

ﻣﯿﻨﻮﮞ ﮨﺮ ﮔﺰ ﺷﻮﻕ ﺍﺩﺃ ﺩﺍ ﻧﺌﯿﮟ
ﻣﯿﻨﻮﮞ کاسہ ﻭﻗﺖ ﻧﭙﺎﯾﺄ ﮬﮯ..

ﻣﯿﻨﻮﮞ ﺩﺭ ﺩﺭ ﭘﮭﺮﻧﺎ ﻋﺎﺩﺕ ﻧﺌﯿﮟ
ﻣﯿﻨﻮﮞ ﺩﺭ ﺩﺭ ﺑﺨﺖ ﭘﮭﺮﺍﯾﺎ ﮬﮯ..

ﻣﯿﮟ ﺟﺴﻢ ﻓﺮﻭﺵ ﻓﺤﺎﺷﮧ ﻧﺌﯿﮟ
ﺑﺲ ﺭﺏ ﺩﮮ ﻧﺎﮞ ﺗﮯ ﻣﻨﮕﺪﯼ ﮬﺎﮞ..

ﻧﺎﮞ ﮐﺴﮯ ﺩﯼ ﺳﯿﺞ ﺗﮯ ﺳﻮﻧﺪﯼ ﮬﺎﮞ
ﻧﺎﮞ ﮔﮭﻨﮕﺮﻭ ﺑﮭﻦ ﮐﮯ ﻧﭽﺪﯼ ﮬﺎﮞ..

ﺗﻮﮞ ﺷﮩﺮ ﺩﺍ ﺣﺎﮐﻢ ﮐﺠﮫ ﻧﺎﮞ ﺩﮮ
ﭘﺮ ﺍﯾﮉﺍ ﻏﻠﻂ ﺧﯿﺎﻝ ﻧﺎﮞ ﮐﺮ..

ﻣﯿﺮﮮ ﺷﺮﻡ ﺣﯿﺎ ﺩﯼ ﭼﺎﺩﺭ ﻧﻮﮞ
ﺍﻧﺞ ﭘﯿﺮﺍﮞ ﮨﯿﭩﮫ ﭘﺎﻣﺎﻝ ﻧﺎﮞ ﮐﺮ..

ﺭﮐﮫ ﺳﺎﻧﺒﮫ ﮐﮯ ﻗﺎﺳﻢ ﺩﻭﻟﺖ ﻧﻮﮞ
ﺩﻭ ﭨﮑﯿﺄﮞ ﻧﺎﻝ ﺍﻭﻗﺎﺕ ﻧﺎﮞ ﻣﻨﮓ..

ﻣﯿﮟ ﺳﺎﺋﻞ ﮬﺎﮞ ﮐﻮﺋﯽ ﮐﻨﺠﺮﯼ ﻧﺌﯿﮟ
ﺧﯿﺮﺍﺕ دے بدلے رات نہ منگ

18/06/2024

https://www.facebook.com/share/v/Xxa65MY74c2FN9yA/?mibextid=CTbP7E