29/04/2026
*مؤمن عذر تلاش کرتا ہے🥀*
عبداللہ الاصبہانی کی کتاب "التوبیخ والتنبیہ" میں ہے:
جو شخص لوگوں کی غلطیاں تلاش کرتا ہوا آپ کو نظر آئے تو جان لیں کہ وہ خود عیب دار ہے۔
اے میرے احباب! انسان کے لیے سب سے بڑی آزمائش یہ ہے کہ وہ لوگوں کے عیبوں میں الجھ کر اپنے عیبوں سے غافل ہو جائے وہ لوگوں کی گرنے کی جگہ تلاش کرتا ہے حالانکہ وہ خود گرا ہوا ہوتا ہے اور اسے احساس تک نہیں ہوتا اور وہ ان کی ٹھوکر پر خوش ہوتا ہے حالانکہ وہ خود ٹھوکر کھا رہا ہوتا ہے اور اسے خبر نہیں ہوتی!
اللہ پردہ پوش ہے اور پردہ پوشی کو پسند کرتا ہے اور اس نے ہمیں حکم دیا ہے کہ ہم دوسروں کی غلطیوں پر پردہ ڈالیں اور اسی اصول کے تحت ہمیں حکم دیا گیا ہے کہ دوسروں کی غلطیاں نہ ڈھونڈیں۔
پردہ پوشی ایمان کی نشانیوں میں سے ہے اور رسوائی نفاق کی نشانیوں میں سے ہے عبداللہ بن مبارک فرماتے ہیں: مؤمن (دوسروں کے لیے) عذر تلاش کرتا ہے اور منافق غلطیاں تلاش کرتا ہے۔
