Daily Jiddat Digital

Daily Jiddat Digital Leading urdu daily newspaper and digital media platform of Pakistan

26/06/2026



آج تک محرم میں اس طرح ارینجمنٹ نہیں ہوئے جتنے وزیراعلی مریم نواز نے کئے ہیں۔ میں نے پچھلی بار ن لیگ کو ووٹ نہیں دیا لیکن اب دل کر رہا ہے مریم نواز کو ووٹ دیں؛ ایک عزادار کی گفتگو

26/06/2026



مجھے کسی کا باپ بھی عمران خان اور اس کی تحریک سے دور نہیں کر سکتا۔ میں عمران خان کی رہائی کے لیے تن، من، دھن قربان کرنے والا بندہ ہوں، اقبال آفریدی

26/06/2026



پاکستان نے اس وقت جو ایران امریکہ کے درمیان ثالثی کا کردار ادا کیا ہے اور اس کے جو دنیا میں مثبت اثرات مرتب ہوئے ہیں، پاکستان کے اندر ان کو ہمیں سمیٹنا چاہیے، حکومت کو بھی چاہیے کہ وہ اس طرز عمل کو اس کے مفادات کو سمیٹے، لیکن جہاں وہ باہر سے کما رہے ہیں پاکستان کے اندر اس کو گنوا رہے ہیں، یہاں حکومت کی ان کامیابیوں کے عوام پر کوئی اثرات مرتب نہیں ہو رہے ہیں۔

26/06/2026

゚

ایف آئی ایچ پرو ہاکی لیگ میں فتح کی متلاشی پاکستان ٹیم جمعے کو ایک بار پھر روایتی حریف بھارت کے خلاف میدان میں اترے گی۔
لیگ کے پہلے مقابلے میں پاکستان کو 4-3 سے شکست ہوئی تھی، جمعرات کو کھیلے گئے میچ میں میزبان انگلینڈ نے بھی پاکستان کو 1-2 سے مات دے دی تھی۔ پاکستان ہاکی ٹیم اب تک اپنے تمام 14 میچز ہار چکی ہے۔

26/06/2026

. ゚

پاکستان کی نامور اداکارہ نمرہ خان نے اپنے شوہر کے ہمراہ عمرے کی سعادت حاصل کرلی۔
نمرہ خان نے حال ہی میں برطانیہ میں مقیم ایک پائلٹ سے شادی کی ہے۔
اداکارہ نے شادی کے بعد اپنے شوہر کے ہمراہ عمرہ ادا کیا جس کی ویڈیو انہوں نے اپنے انسٹاگرام اکاؤنٹ پر شیئر کی۔
نمرہ خان نے ویڈیو کے کیپشن میں جذباتی پیغام لکھا کہ یہ وہ خواب ہے جو پورا ہونے کے بعد بھی خواب ہی لگ رہا ہے۔انہوں نے مزید لکھا کہ یا اللہ، میرے شوہر نے میری سالگرہ اور عمرے کو اتنا یادگار اور خوبصورت بنا دیا ہے۔اس کے ساتھ ہی اداکارہ نے اپنے شوہر کیلئے بہت سی دعائیں بھی کیں۔اداکارہ کی اس پوسٹ کے بعد ناصرف شوبز ستاروں بلکہ مداحوں کی جانب سے بھی عمرے کی مبارکباد دی جارہی ہے۔

26/06/2026

゚

: پیٹرولیم مصنوعات کی قیمتوں میں حالیہ کمی پر پاکستان کی آئل انڈسٹری اور حکومت کے درمیان ایک بڑا تنازع کھڑا ہو گیا ہے۔
آئل مارکیٹنگ کمپنیوں (او ایم سیز) اور ریفائنریز نے الزام عائد کیا ہے کہ آئل اینڈ گیس ریگولیٹری اتھارٹی (اوگرا) نے عالمی پریمیم اور پلاٹس (Platts) کے اوسط نرخوں کا غلط حساب کتاب لگایا، جس کے نتیجے میں، صنعت کے دعوے کے مطابق، ہائی اسپیڈ ڈیزل کی قیمت میں تقریباً 45 روپے فی لیٹر اور موٹر سپرٹ (پیٹرول) کی قیمت میں 11 روپے فی لیٹر کی حد سے زیادہ (اضافی) کمی کر دی گئی۔
آئل انڈسٹری کے اسٹیک ہولڈرز کی جانب سے شیئر کیے گئے حساب کتاب کے مطابق اوگرا نے قیمتوں کے حالیہ پندرہ روزہ جائزے کے دوران پریمیئم کے اصل اخراجات اور لاگو ہونے والے پلاٹس کے اوسط نرخوں کو مکمل طور پر شامل نہیں کیا۔

26/06/2026

゚

اسرائیلی وزیراعظم بنیامین نیتن یاہو نے کہا ہے کہ اسرائیل جنوبی لبنان میں اپنے سیکیورٹی زون پر بدستور قابض رہے گا اور جب تک ضرورت ہوئی وہاں اپنی موجودگی برقرار رکھے گا۔
اپنے بیان میں نیتن یاہو نے کہا کہ اسرائیل کا جنوبی لبنان کے سیکیورٹی زون سے نکلنے کا کوئی ارادہ نہیں ہے اور وہاں تعیناتی سیکیورٹی ضروریات کے مطابق جاری رہے گی۔
انہوں نے ایران کے حوالے سے کہا کہ معاہدہ ہو یا نہ ہو، ان کے وزیراعظم رہنے تک ایران جوہری ہتھیار حاصل نہیں کر سکے گا۔اسرائیل کسی بھی صورت ایران کو ایٹم بم تیار کرنے کی اجازت نہیں دے گا اور اس مقصد کے حصول کے لیے ہر ضروری اقدام کیا جائے گا۔

26/06/2026

゚

انٹرنیشنل کرکٹ کونسل( آئی سی سی ) نے پاکستانی ویمنز کرکٹ ٹیم کی کھلاڑی گل فیروزہ کی سرزنش کرتے ہوئے انہیں ایک ڈی میرٹ پوائنٹ دے دیا۔
آئی سی سی ویمنز ٹی ٹوئنٹی ورلڈ کپ میں پاکستانی کرکٹر گل فیروز ہ کے خلاف آئی سی سی کوڈ آف کنڈکٹ کی خلاف ورزی کے تحت کارروائی کی گئی ہے۔
آئی سی سی کے مطابق گل فیروزہ نے ویمنز ٹی ٹوئنٹی ورلڈکپ میں آسٹریلیا کے خلاف میچ میں لیول ون کی خلاف ورزی کی۔آئی سی سی کا کہنا ہے کہ گل فیروزہ نے آؤٹ ہونے کے بعد جارحانہ انداز میں ٹیم ڈگ آؤٹ کے قریب بیٹ اور گلوز پھینکے تھے۔آئی سی سی کے مطابق گل فیروزہ نے اپنی غلطی کو تسلیم کیا ہے اور ان کو ایک ڈی میرٹ پوائنٹ دے دیا گیا ہے۔
واضح رہے کہ آئی سی سی ویمنز ٹی ٹوئنٹی ورلڈ کپ میں آسٹریلیا نے پاکستانی ویمنز ٹیم کو 113 رنز سے ہر ایا تھا۔آسٹریلوی ویمنز ٹیم کے 199 رنز کے جواب میں پاکستان ویمنز ٹیم 86 رنز بناکر آؤٹ ہوئی،۔

26/06/2026

. ゚

ٹیکس اور پیٹرولیم لیوی کی مد میں 6 ارب روپے چوری کا انکشاف ہوا ہے۔
ٹیکس اور پیٹرولیم لیوی کی مد میں 6 ارب روپے چوری کی رپورٹ سامنے آنے کے بعد نجی آئل مارکیٹنگ کمپنی کیخلاف مقدمہ درج کرلیا گیا ہے۔مقدمے میں آئل مارکیٹنگ کمپنی کے سی ای او اور سی ای او ٹرمینل ون سمیت 7 افراد کو مقدمے میں نامزد کیا گیا ہے۔
ایف آئی آر کے مطابق 4 کروڑ 86 لاکھ لیٹر پیٹرول ٹیکس، ڈیوٹی اور لیوی کے بغیر فروخت کیا گیا۔پورٹ قاسم سے محمود کوٹ اور فیصل آباد تک پیٹرول سپلائی میں بڑا فراڈ ہوا ہے اور کسٹمز بانڈڈ ویئرہاؤس سے فیصل آباد تک سپلائی چین میں بھی مبینہ بدعنوانی سامنے آئی ہے۔

26/06/2026

゚

: وینزویلا میں گزشتہ روز آنے والے قیامت خیز زلزلے سے ہلاکتوں کی تعداد 235 ہو گئی 4 ہزار سے زائد زخمی ہیں۔
وینزویلا میں بدھ اور جمعرات کی شب آنے والے تباہ کن زلزلے کے جانی اور مالی نقصانات بڑھتے جا رہے ہیں اور اب تک 235 اموات کی تصدیق ہو چکی ہے جب کہ 4300 افراد زخمی اور ہزاروں لاپتہ ہیں۔
گزشتہ روز 40 سیکنڈ کے وقفے 7.2 اور 7.5 کی شدت سے آنے والے دو طاقتور زلزلوں نے لاگویرا شہر کی بلند وبالا عمارتوں کو چند سیکنڈوں میں مٹی کے ڈھیر میں تبدیل کر دیا۔ کراکس اور دیگر علاقوں میں بھی شدید تباہی ہوئی ہے، بجلی کے کھمبے اور درخت تک اکھڑ گئے۔
ملبے تلے دبے لوگ مدد کے لیے پکار رہے ہیں، جب کہ ہلاکتیں دس ہزار سے زائد ہونے کا خدشہ ظاہر کیا جا رہا ہے، گیارہ ہزار سے زائد افراد لاپتہ ہیں۔
زلزلے کے باعث سڑکوں اور عمارتوں میں خطرناک دراڑیں پڑ گئی ہیں۔ ملک بھر میں ایمرجنسی نافذ، تعلیمی سرگرمیاں اور ٹرین سروس معطل کر دی گئی ہے جب کہ شدید نقصان کے باعث وینزویلا کا مرکزی ایئرپورٹ بھی بند کر دیا گیا۔
زلزلے کا مرکز دارالحکومت کراکس سے 284 کلومیٹر مشرق میں تھا۔ زلزلے سے کولمبیا، امریکی ریاست کیلیفورنیا، کیربیئن جزائر اور جاپان بھی لرز اُٹھے۔
دریں اثنا دو طاقتور زلزلوں سے لرزنے والے وینزویلا کی مدد کے لیے دنیا بھر سے امدادی سرگرمیاں تیز ہو گئی ہیں۔ مختلف ممالک، عالمی اداروں اور فلاحی تنظیموں نے نقد امداد، ریسکیو ٹیمیں اور ہنگامی سامان متاثرہ علاقوں کی جانب بھیجنا شروع کر دیا ہے۔
اقوام متحدہ کے امدادی امور کے سربراہ ٹام فلیچر نے بتایا کہ عالمی سرچ اینڈ ریسکیو ٹیموں کی تعیناتی کے لیے مربوط اقدامات کیے جا رہے ہیں۔ ان کے مطابق آنے والے دنوں میں متاثرین کی بحالی کے لیے عالمی برادری کو مشترکہ اور بڑے پیمانے پر کوششیں کرنا ہوں گی۔
امریکی محکمہ خارجہ نے وینزویلا کے لیے 15 کروڑ ڈالر کی انسانی امداد فراہم کرنے کا اعلان کیا ہے جس میں 5 کروڑ ڈالر اقوام متحدہ کے عالمی غذائی پروگرام اور دیگر امدادی اداروں کے لیے جبکہ 10 کروڑ ڈالر اقوام متحدہ کے امدادی فنڈ میں دیے جائیں گے۔
ویٹی کن نے بھی زلزلہ متاثرین کے لیے ایک لاکھ یورو کی فوری امداد مختص کر دی ہے جبکہ معروف شیف اور ورلڈ سینٹرل کچن کے بانی خوسے آندریس نے کاراکاس میں متاثرین کو کھانا فراہم کرنے کا سلسلہ شروع کرتے ہوئے مزید 10 لاکھ ڈالر امداد دینے کا اعلان کیا ہے۔

Address

Hockey Staduim
Karachi
75500

Website

Alerts

Be the first to know and let us send you an email when Daily Jiddat Digital posts news and promotions. Your email address will not be used for any other purpose, and you can unsubscribe at any time.

Shortcuts

Share

Category