Daily Jiddat Digital

Daily Jiddat Digital Leading urdu daily newspaper and digital media platform of Pakistan

22/05/2026


Chairman PPP Bilawal Bhutto Zardari inaugurated today the newly completed mega project Shahrah-e-Bhutto in Karachi, and announced three additional game-changing mega initiatives aimed at ensuring Pakistan’s sustainable economic development.

حکومت نے آئندہ ایک ہفتے کے لیے پیٹرول اور ڈیزل کی قیمت میں کمی کردی ہے۔حکومت کی جانب سے پیٹرول اور ڈیزل کی...
22/05/2026



حکومت نے آئندہ ایک ہفتے کے لیے پیٹرول اور ڈیزل کی قیمت میں کمی کردی ہے۔
حکومت کی جانب سے پیٹرول اور ڈیزل کی قیمت میں 6 روپے فی لیٹر کمی کا اعلان کیا گیا ہے جس کا اطلاق رات 12 بجے سے ہوگا۔
اب سے کچھ دیر قبل ذرائع نے کہا تھا کہ حکومت نے پیٹرول اور ڈیزل کی قیمت میں6 روپے کمی کا فیصلہ کیا ہے۔واضح رہے کہ پیٹرول اور ڈیزل کی قیمتوں میں ردوبدل ایک ہفتے کے لیے کیا گیا ہے۔

چیئرمین پیپلزپارٹی بلاول بھٹو زرداری نے کہا ہے کہ 2008 سے لے کر اب تک کراچی میں ریکارڈ ترقیاتی منصوبوں پر ک...
22/05/2026



چیئرمین پیپلزپارٹی بلاول بھٹو زرداری نے کہا ہے کہ 2008 سے لے کر اب تک کراچی میں ریکارڈ ترقیاتی منصوبوں پر کام ہوا، پاکستان کا سب سے زیادہ ترقی کرنے والا شہر کراچی ہے۔
کراچی میں شاہراہ بھٹو ایکسپریس وے کے افتتاح کے موقع پر تقریب سے گفتگو کرتے ہوئے بلاول بھٹو نے کہا کہ جب سے سیاست میں آیا ہوں مختلف منصوبوں کا افتتاح کرتا رہتا ہوں پیپلزپارٹی نے کراچی کو تاریخی منصوبے دیئے ہیں پورے پاکستان سے لوگ کراچی میں روزگار کیلئے آتے ہیں، دعوت دیتے ہیں آئیں ہمارے شہر میں کام کریں، معیشت میں کردار ادا کریں۔
انہوں نے کہا کہ آج میرے لیے فخر کا دن ہے کہ شہید بی بی کے خواب کو پورا کر کے دکھایا، بی بی کےنامکمل مشن کی تکمیل کے لئے سیاست میں آیا ہوں، شاہراہ بھٹو شہید بینظیر بھٹو کا منصوبہ تھا جب کہ شہید ذوالفقار علی بھٹو نے پاکستان اسٹیل مل کا تحفہ دیا، کراچی میں شارع فیصل ملیر ایکسپریس وے جیسے منصوبے دیئے۔
ان کا کہنا تھا کہ کراچی میں ایسا نظام بنائیں گے جو دیگر صوبوں کیلئے رول ماڈل ہو گا، سندھ حکومت کے 4 منصوبوں کو پبلک پرائیوٹ پارٹنرشپ کا عالمی اعزاز حاصل ہوا، ہم ایسے منصوبےلیکر آئیں گےکہ کاروبار کیلئے مواقع مل جائیں گے عالمی سطح پر کراچی کیلئے پبلک پرائیوٹ پارٹنرشپ کا ماڈل فراہم کریں گے۔

22/05/2026



پاکستان پیپلز پارٹی کے چیئرمین بلاول بھٹو زرداری آج شاہراہِ بھٹو کا افتتاح کریں گے۔
یہ منصوبہ شہید محترمہ بینظیر بھٹو کا وژن تھا جسے موجودہ صوبائی حکومت نے مکمل کیا ہے۔ ان کا کہنا ہے کہ شاہراہِ بھٹو کراچی کے عوام کے لیے حکومت کا ایک اہم تحفہ ہے جو شہر کی ترقی میں سنگِ میل ثابت ہوگا۔
یہ منصوبہ کراچی کی معاشی ترقی، جدید ٹرانسپورٹ اور شہری سہولتوں میں نمایاں بہتری لائے گا۔ ان کے مطابق شاہراہ سے شہریوں کے سفر کا وقت کم ہوگا، ایندھن کی بچت ہوگی اور ٹریفک کے مسائل میں کمی آئے گی۔کراچی سندھ کا معاشی مرکز ہے اور اس کی ترقی حکومت کی اولین ترجیح ہے۔ شاہراہِ بھٹو کو پبلک پرائیویٹ پارٹنرشپ کے تحت ایک بڑا انفراسٹرکچر منصوبہ قرار دیا گیا ہے۔
حکام کے مطابق 39 کلومیٹر طویل یہ سڑک 40 ارب روپے سے زائد لاگت سے تعمیر کی گئی ہے اور اسے 100 کلومیٹر فی گھنٹہ کی رفتار کے مطابق ڈیزائن کیا گیا ہے۔ منصوبے میں 6 جدید انٹرچینجز اور اسمارٹ ٹولنگ سسٹم بھی شامل ہے

سندھ میں عید الاضحیٰ کے دوران گرمی کی شدید لہر (ہیٹ ویو) کا امکان ہے جس کے باعث درجہ حرارت میں 4 سے 6 ڈگر...
22/05/2026


سندھ میں عید الاضحیٰ کے دوران گرمی کی شدید لہر (ہیٹ ویو) کا امکان ہے جس کے باعث درجہ حرارت میں 4 سے 6 ڈگری اضافہ ہو سکتا ہے۔
محکمہ موسمیات کے مطابق 25 مئی کو بالائی فضاؤں میں ایک ہائی پریشر بننے کا امکان ہے جو کہ 26 مئی تک مزید طاقتور ہو سکتا ہے۔سسٹم کے تحت 25 تا 31 مئی کے دوران سندھ کے اکثر اضلاع میں درمیانی سے شدید ہیٹ ویو کی صور تحال پیدا ہونے کی توقع ہے۔شدید گرمی کے باعث سکھر، شکار پور، قمبر شہداد کوٹ، جیکب آباد، لاڑکانہ، موہن جو دڑو، دادو، شہید بینظیر آباد، گھوٹکی، خیر پور، نوشہرو فیروز میں درجہ حرارت 47 سے 50 ڈگری سینٹی گریڈ تک بڑھ سکتا ہے۔دیہی سندھ کے تھر پارکر، بدین، حیدر آباد، مٹیاری، ٹنڈو محمد خان، عمر کوٹ، میرپور خاص، جامشورو اور سانگھڑ میں زیادہ سے زیادہ درجہ حرارت 44 سے 47 ڈگری سینٹی گریڈ تک تجاوز کر سکتا ہے۔
دوسری جانب، کراچی میں ہیٹ ویو کا امکان نہیں البتہ موسم گرم و مرطوب رہ سکتا ہے جس کے باعث زیادہ سے زیادہ درجہ حرارت 37 اور کم سے کم 27 ڈگری سینٹی گریڈ ریکارڈ کیا جا سکتا ہے۔
گرمی کی لہر کے دوران صبح کے وقت ہوا میں نمی کا تناسب 70 سے 80 فیصد جبکہ شام کے وقت 55 سے 65 فیصد تک رہنے کا امکان ہے۔ نمی زیادہ ہونے سے گرمی اصل درجہ حرارت سے زیادہ محسوس کی جا سکتی ہے۔
محکمہ موسمیات نے گرمی کی لہر کے دوران بچوں، خواتین اور بزرگ شہریوں کو احتیاط کرنے کو مشورہ دیا ہے۔ غیر ضروری طور پر دھوپ میں نکلنے سے گریز کریں (خصوصاً 10 بجے سے شام 04 بجے کے درمیان) جبکہ گرمی کی شدید لہر کے دوران پانی کا استعمال زیادہ رکھیں۔

22/05/2026


.

: پاکستان کرکٹ بورڈ (پی سی بی) کے سینئر اور معروف آفیشل اسکورر نجم السعید انتقال کر گئے ہیں۔
نجم السعید کے بیٹے سید محمد شاہزیب نے افسوسناک خبر کی تصدیق کرتے ہوئے بتایا کہ ان کے والد کا انتقال دل کا دورہ پڑنے کے باعث ہوا ہے۔نجم السعید کا شمار پاکستان کرکٹ بورڈ کے انتہائی تجربہ کار اور سینئر اسکوررز میں ہوتا تھا۔ انہوں نے طویل عرصے تک متعدد انٹرنیشنل ٹیسٹ، ون ڈے اور ٹی ٹوئنٹی میچوں میں بطور آفیشل اسکورر اپنے فرائض انتہائی ذمہ داری سے انجام دیے۔
اس کے علاوہ انہوں نے حال ہی میں ختم ہونے والے پاکستان سپر لیگ (پی ایس ایل) کے میچوں میں بھی اسکورنگ کی تھی۔نجم السعید کے انتقال پر پی سی بی حکام کرکٹ برادری اور ساتھی اسکوررز کی جانب سے گہرے دکھ اور افسوس کا اظہار کیا جا رہا ہے۔
چیئرمین پاکستان کرکٹ بورڈ محسن نقوی نے سینئر اسکورر نجم السعید کے انتقال پر افسوس کا اظہار کرتے ہوئے کہا کہ نجم السعید اسکورنگ کے شعبے میں بڑا نام تھے، پی سی بی کے لئے نجم السعید کی خدمات کو ہمیشہ یاد رکھا جائے گا۔

. کراچی : ڈرگ ٹیسٹنگ لیبارٹری نے مختلف کمپنیوں کے چھ برانڈز کی میڈیکل سرنجز کو غیر معیاری قرار ...
22/05/2026

.

کراچی : ڈرگ ٹیسٹنگ لیبارٹری نے مختلف کمپنیوں کے چھ برانڈز کی میڈیکل سرنجز کو غیر معیاری قرار دے دیا، جس سے ایچ آئی وی اور ہیپاٹائٹس جیسی موذی بیماریوں کے پھیلاؤ کا شدید خطرہ پیدا ہو گیا ہے۔
سندھ ڈرگ ٹیسٹنگ لیبارٹری کراچی نے مارکیٹ میں دستیاب مختلف کمپنیوں کی میڈیکل سرنجز کے سیمپلز کو غیر معیاری قرار دے دیا ہے، جس کے بعد ملک بالخصوص سندھ میں ایچ آئی وی اور ہیپاٹائٹس جیسی موذی بیماریوں کے پھیلاؤ کا شدید خطرہ پیدا ہو گیا ہے۔
ڈائریکٹر سندھ ڈرگ ٹیسٹنگ لیب کراچی، عدنان رضوی نے سرنجز کے آٹو ڈسیبلٹی ٹیسٹ کی باقاعدہ رپورٹ جاری کر دی ہے۔رپورٹ میں بتایا گیا کراچی کی مختلف مارکیٹوں سے حاصل کیے گئے 3 اور 5 ایم ایل (ml) سرنجز کے نمونوں کا لیبارٹری ٹیسٹ کیا گیا، اس مانیٹرنگ کے دوران مختلف کمپنیوں کے چھ (6) برانڈز کی سرنجز معیار پر پورا اترنے میں ناکام رہیں۔
ڈائریکٹر عدنان رضوی کا کہنا تھا کہ ان غیر معیاری سرنجز کا دوبارہ استعمال روکنے والا خودکار نظام یعنی ‘آٹو ڈسیبلٹی اور ری یوز پریوینشن فیچر’ مکمل طور پر ناکام رہا، جس کا مطلب ہے کہ ان سرنجز کو ایک بار استعمال کے بعد دوبارہ بھی استعمال کیا جا سکتا ہے، جو کہ طبی اصولوں کے خلاف اور انتہائی خطرناک ہے۔
انھوں نے بتایا کہ مذکورہ کمپنیاں یہ غیر معیاری سرنجز تیار کر کے ملک بھر میں بڑے پیمانے پر فروخت کر رہی ہیں۔ معاملے کی سنگینی کو دیکھتے ہوئے ڈرگ ٹیسٹنگ لیبارٹری سندھ نے یہ تشویشناک رپورٹ متعلقہ ڈرگ انسپکٹرز اور سیکریٹری کوالٹی کنٹرول بورڈ کراچی کو فوری کارروائی کے لیے ارسال کر دی ہے۔
ذرائع کا کہنا ہے کہ ڈرگ انسپکٹرز نے مختلف میڈیکل اسٹورز اور مارکیٹوں سے 30 سے زائد برانڈز کے نمونے حاصل کیے تھے، جن میں سے فی الحال 6 برانڈز غیر معیاری پائے گئے ہیں۔
اس رپورٹ کے سامنے آنے کے بعد اب ڈرگ انسپکٹرز کی جانب سے مختلف میڈیکل اسٹورز اور ہول سیل مارکیٹوں پر بڑے پیمانے پر چھاپے مارنے اور ان غیر معیاری سرنجز کا اسٹاک ضبط کرنے کے امکانات بڑھ گئے ہیں۔

22/05/2026




ڈرگ کوئین انمول پنکی کی پیچھے کون ؟ پردہ اٹھ گیا تو سب راز کھل جائے گا

بلاول بھٹو کراچی میں شاہراہِ بھٹو منصوبے کا افتتاح کریں گے پاکستان پیپلز پارٹی کے چیئرمین بلاول بھٹو زردار...
22/05/2026



بلاول بھٹو کراچی میں شاہراہِ بھٹو منصوبے کا افتتاح کریں گے
پاکستان پیپلز پارٹی کے چیئرمین بلاول بھٹو زرداری آج شاہراہِ بھٹو کا افتتاح کریں گے۔
یہ منصوبہ شہید محترمہ بینظیر بھٹو کا وژن تھا جسے موجودہ صوبائی حکومت نے مکمل کیا ہے۔ ان کا کہنا ہے کہ شاہراہِ بھٹو کراچی کے عوام کے لیے حکومت کا ایک اہم تحفہ ہے جو شہر کی ترقی میں سنگِ میل ثابت ہوگا۔
یہ منصوبہ کراچی کی معاشی ترقی، جدید ٹرانسپورٹ اور شہری سہولتوں میں نمایاں بہتری لائے گا۔ ان کے مطابق شاہراہ سے شہریوں کے سفر کا وقت کم ہوگا، ایندھن کی بچت ہوگی اور ٹریفک کے مسائل میں کمی آئے گی۔کراچی سندھ کا معاشی مرکز ہے اور اس کی ترقی حکومت کی اولین ترجیح ہے۔ شاہراہِ بھٹو کو پبلک پرائیویٹ پارٹنرشپ کے تحت ایک بڑا انفراسٹرکچر منصوبہ قرار دیا گیا ہے۔
حکام کے مطابق 39 کلومیٹر طویل یہ سڑک 40 ارب روپے سے زائد لاگت سے تعمیر کی گئی ہے اور اسے 100 کلومیٹر فی گھنٹہ کی رفتار کے مطابق ڈیزائن کیا گیا ہے۔ منصوبے میں 6 جدید انٹرچینجز اور اسمارٹ ٹولنگ سسٹم بھی شامل ہے۔

22/05/2026




انمول عرف پنکی سے جڑے منشیات کیس میں اہم پیش رفت سامنے آئی ہے جہاں وفاقی تحقیقاتی ادارے نے کارروائی کرتے ہوئے 2 مبینہ منشیات ڈیلروں کو حراست میں لے لیا۔
تفتیشی ذرائع کا کہنا ہے کہ گرفتار کئے گئے دونوں افراد غیر ملکی افریقی باشندے ہیں جو لاہور میں سرگرم تھے۔ دونوں افراد مبینہ طور پر پنکی کے منشیات نیٹ ورک کا حصہ تھے اور شہر میں منشیات کی سپلائی سے متعلق سرگرمیوں میں ملوث رہے۔
تفتیشی حکام نے پنکی کے موبائل نیٹ ورک اور رابطوں کا ریکارڈ حاصل کرکے تحقیقات کا دائرہ مزید وسیع کر دیا ہے۔ تفتیشی ذرائع کے مطابق انمول عرف پنکی کے دورانِ تفتیش ہونے والے اہم انکشافات کی روشنی میں مزید چھاپوں اور گرفتاریوں کا بھی امکان ظاہر کیا جا رہا ہے جبکہ مختلف شہروں میں موجود ممکنہ سہولت کاروں کی معلومات بھی اکٹھی کی جا رہی ہیں۔

Address

Hockey Staduim
Karachi
75500

Website

Alerts

Be the first to know and let us send you an email when Daily Jiddat Digital posts news and promotions. Your email address will not be used for any other purpose, and you can unsubscribe at any time.

Shortcuts

Share

Category