06/04/2026
Shahzad Hussain
انصافیوں پر یہ الزام تواتر سے لگایا جاتا ہے کہ یہ ملک سے نہیں بلکہ صرف عمران خان سے مخلص ہیں۔
یہاں کچھ چیزوں کی وضاحت کرنا بہت ضروری ہے۔
میرا سوال ہے کہ انصافی، عمران خان سے کیوں مخلص ہیں؟
1- عمران خان ان کے گھر میں مہینے کا راشن ڈلواتا ہے؟
2- عمران خان نے انھیں قرضہ دے رکھا ہے؟
3- عمران خان انصافیوں کو باقاعدگی سے لفافے بھیجتا ہے؟
4- عمران خان نے ان سب کو نوکریاں دے رکھی ہیں؟
5- عمران خان ان سب کو ٹھیکے دلواتا ہے؟
6- عمران خان ہینڈسم ہے یا اس نے ورلڈ کپ جیتا تھا (وہ تو 96/97 میں بھی تھا جب وہ بری طرح الیکشن ہارا)
وغیرہ وغیرہ
ظاہر ہے، عمران خان اس میں سے کچھ بھی نہیں کرتا
پھر انصافی، عمران خان سے کیونکر والہانہ محبت کرتے ہیں یا اس سے مخلص ہیں؟
وجہ صرف اور صرف، پاکستان ہے۔۔۔۔۔۔۔۔
جو بھی شخص، عمران خان سے محبت کرتا ہے یا اسے سپورٹ کرتا ہے، اس کی وجہ صرف اور صرف پاکستان ہے
کوئی دوسری وجہ، دور دور تک نہیں
یہ سارے دل سے سمجھتے ہیں (آپ ان کی سمجھ سے غیر متفق ہوسکتے ہیں) کہ ہمارے وطن، پاکستان کے لیے، عمران خان سے بہتر کوئی دوسرا لیڈر نہیں۔ اس سوچ کی ان کے پاس ہزاروں وجوہات موجود ہیں
انھوں نے برسہا برس پاکستان کو لٹتے دیکھا، بیرون ملک جائیدادیں بنتے دیکھا۔ کرپٹ لوگوں کی اولادوں، بھائی بندوں کو عیاشی کرتے دیکھا
یہ سب کے سب سیاست اور سیاستدانوں سے بری طرح مایوس اور انتہائی لاتعلق تھے۔ پھر عمران خان نے سیاست شروع کی تو یہ اس سے بھی لاتعلق ہی رہے (ہینڈسم اور ورلڈ کپ والی تھیوری محض بکواس ہے)
پھر آہستہ آہستہ یہ عمران خان کی سیاست کی طرف متوجہ ہونا شروع ہوئے۔ اس میں تیزی اس وقت آئی جب عمران خان نے امریکی جنگ اور ملک میں آپریشن کے خلاف آواز اٹھائی
وہ ایک ٹرننگ پوائنٹ تھا۔۔۔۔۔
وہاں سے وہ امید، وہ سیاسی رومانس شروع ہوا
2018 اور اس کے بعد کے معاملات میں یہ تعلق کافی کمزور ہوا۔ لوگوں کو شکایات تھیں
عمران خان سے بھئ فاش غلطیاں سرزد ہوئیں۔ اسٹیبلشمنٹ کے ساتھ ایک پیج پر آنے کا سراب ایک بلنڈر تھا
لیکن 2022 سے آج 2026 تک جو کچھ ہوا، جو کچھ کیا گیا، جو کچھ آج بھی کیا جارہا ہے، اس نے عمران خان کی مقبولیت اور اس سے والہانہ محبت کو آسمان کی بلندیوں تک پہنچا دیا
اکثر لوگوں کا خیال تھا کہ عمران خان بھی نواز شریف کی طرح ڈیل کر کے فرار ہو جائے گا
لیکن عمران خان ڈٹ گیا۔۔۔۔۔۔
آج ہزار دن ہونے والے ہیں عمران خان کی قید کو۔ اس پر پریشر ڈالنے کے لیے اس کی غیر سیاسی بیوی کو بھی قید کر رکھا ہے۔ عمران خان کے چاہنے والے یہ سب دیکھ رہے ہیں۔ وہ دل سے سمجھتے ہیں کہ عمران خان یہ ساری تکلیف پاکستان کے لیے اٹھا رہا ہے ورنہ اسے بار بار ڈیلز کی آفر ہورہی ہیں
وہ عمران خان کو ڈٹا ہوا دیکھ رہے ہیں۔ وہ اچھی طرح جانتے ہیں کہ عمران خان کے بعد، پیچھے ہم پاکستانیوں کے لیے صرف اندھیرا ہے۔ انھیں صرف عمران خان سے امید ہے۔
اگر آپ انھیں غلط سمجھتے ہیں تو موسٹ ویلکم
اس لیڈر کا نام بتادیجیے جو اس نظام کے خلاف اس جارحانہ انداز سے لڑ رہا ہو؟
کوئی ایک نام؟
کسی ایک لیڈر کا نام لیجئے جس سے یہ نظام اتنا ہی خوفزدہ اور نفرت کرتا ہو جتنا عمران خان سے کرتا ہے
کوئی ایک نام؟
انھیں شرم محسوس ہوتی ہے کہ جو شخص ان کے لیے جیل میں قید ہے، وہ اسے چھوڑ کر باقی پاکستان کی بات کریں
باقی پاکستان میں کون ہے جس کی یہ بات کریں؟
کوئی ایک نام؟
ماضی میں کئی لیڈرز نے اسٹینڈ لیا ہوگا، جیل کاٹی ہوں گی، سختیاں برداشت کی ہوں گی۔ لیکن،
آج وہ سب کے سب، سرنڈر کرچکے۔۔۔۔۔۔۔
لہذا، انصافیوں کے نزدیک عمران خان کے سوا کوئی آپشن نہیں
ان کے لیے پاکستان، عمران خان ہی ہے
عمران خان سے محبت کی وجہ، پاکستان سے محبت ہی ہے
آخری بات،
آج عمران خان ڈیل کرلے، ملک میں آپریشنز کا حامی ہو جائے، امریکی جنگوں کو ویلکم کہے، شریف برادران و زرداری کے ساتھ مفاہمت کے نام پر جپھی ڈال لے، لندن دبئی میں جائیدادیں بنائے اور اپنے سارے خاندان و اولادوں کو عہدوں پر براجمان کردے تو یقین کیجیے انصافیوں کی اکثریت (سب نہیں، اندھے بھگت ہر جماعت میں ہوتے ہیں) عمران خان پر لعنت بھیج کر اس سے دور ہٹتے جائیں گے
آپ تجربہ کرکے دیکھ لیں۔۔۔۔۔۔
کیونکہ ان سب کی محبت عمران خان نہیں،
عمران خان کا پاکستان سے اخلاص ہے
ان کی اصل محبت اور امید پاکستان ہے!!!!
