Voice of Anti Crime news Karachi

22/09/2025

حارث رؤف نے فیلڈنگ کے دوران جملے کسنے پر بھارتی شائقین کو بتادیا کہ جہاز کیسے گرے تھے

ایشیا کپ ٹی ٹوئنٹی کے سپر فور مرحلے کے دوسرے میچ میں بھارت کے خلاف میچ کے دوران پاکستانی فاسٹ بولر حارث رؤف نے 0-6 کا نشان دکھا کر معرکہ حق میں پاک فضائیہ کے شاہینوں کا کارنامہ یاد کرادیا۔

بھارت کی بیٹنگ کے دوران حارث رؤف باؤنڈری پر فیلڈنگ کر رہے تھے کہ مبینہ طور پر بھارتی تماشائیوں کے نعروں کے جواب میں حارث نے ہاتھوں کی انگلیوں سے 0-6 کا نشان بنایا اور ہاتھ سے جہاز اڑانے اور گرنےکا اشارہ بھی کیا۔

حارث کے اس اقدام پر سوشل میڈیا پر طوفان کھڑا ہوگیا اور بھارتی صارفین آگ بگولہ ہوگئے۔

22/09/2025

کم چُک کے رکھ‘، حارث رؤف کے بھارتی شائقین کو 0-6
کے اشارے پر وزیر دفاع کا ردعمل

وزیر دفاع خواجہ آصف کا ایشیا کپ ٹی ٹوئنٹی کے سپر فور مرحلے میں بھارت کے خلاف میچ کے دوران پاکستانی فاسٹ بولر حارث رؤف کی جانب سے بھارتی شائقین کو 0-6 کا نشان دکھانے پر ردعمل سامنے آگیا۔

بھارت کی بیٹنگ کے دوران حارث رؤف باؤنڈری پر فیلڈنگ کر رہے تھے کہ مبینہ طور پر بھارتی تماشائیوں کے نعروں کے جواب میں حارث نے ہاتھوں کی انگلیوں سے 0-6 کا نشان بنایا اور ہاتھ سے جہاز اڑانے اور گرنےکا اشارہ بھی کیا۔

حارث کے اس اقدام پر سوشل میڈیا پر طوفان کھڑا ہوگیا اور بھارتی صارفین آگ بگولہ ہوگئے۔

سوشل میڈیا پر اپنا ردعمل دیتے ہوئے وزیر دفاع خواجہ آصف نے ایکس پر پوسٹ میں پنجابی زبان میں لکھا کہ 'حارث رؤف ٹھیک ٹکر یا۔ کم چک کے رکھ'۔

خواجہ آصف نے مزید لکھا کہ 'کرکٹ میچ تے ھوندے رھندے پر 6/0 تے قیامت تک انڈیا نہیں بھولے گا اور دنیا بھی یاد رکھے گی'۔

22/09/2025

ایف بی آر نے 60 ہزار سے زائد جیولرز کا ڈیٹا اکٹھا
کرلیا، ٹیکس شکنجہ کسنے کا فیصلہ

فیڈرل بورڈ آف ریونیو (ایف بی آر) نے جیولرز پر شکنجہ کسنے کے لیے 60 ہزار سے زائد جیولرز کا ڈیٹھا اکٹھا کرلیا۔

ذرائع کے مطابق جن 60 ہزار جیولرز کا ڈیٹا جمع کیا گیا ان میں سے صرف 21 ہزار جیولرز ایف بی آر کے ساتھ رجسٹرڈ ہیں اوران 21 ہزار رجسٹرڈ جیولرز میں سے بھی صرف 10 ہزار 524 نے ٹیکس ریٹرن داخل کی ہیں۔

ذرائع ایف بی آر نے بتایا کہ بیشتر جیولرز اپنی آمدنی کم ظاہر کرکے ٹیکس چھپا رہےہیں، ٹیکس چھپانے والے جیولرز کے خلاف کارروائی شروع کی جا رہی ہے جس کے لیے پہلے مرحلے میں پنجاب کے 900 جیولرز کی فہرست تیار کر لی گئی ہے جن کا تعلق لاہور، راولپنڈی، فیصل آباد اور ملتان سے ہے۔

ذرائع کاکہنا ہےکہ ٹیکس ریٹرن ان کی دکانوں، خرید و فروخت اور رہن سہن کے مطابق نہیں، کئی ہزار جیولرز ٹیکس نیٹ میں شامل ہی نہیں ہو رہے، ٹیکس کم دینے والے جیولرز سے نوٹسز کے ذریعے جواب طلب کیا جارہا ہے۔

اس حوالے سے ایف بی آر حکام نے کہا ہے کہ تمام سیکٹرز کو ٹیکس نیٹ میں لایا جا رہا ہے، کسی تاجر اور صنعت کار کو بلاوجہ نوٹس نہیں دیں گے، ہر فرد اپنے حصے کا ٹیکس ایمانداری سے دے گا تو ملک چلے گا۔

22/09/2025

پریس ریلیز

کراچی یونین آف جرنلسٹس ورکرز نے سینئر اینکر امتیاز میر پر حملے کی سخت الفاظ میں مذمت کی

کراچی یونین آف جرنلسٹس ورکرز کے صدر فواد محمود، سینئر نائب صدر علی سرور، سیکرٹری ندا آصف، سینئر جوائنٹ سیکرٹری سامی میمن، نائب صدر علی عباس، سیکرٹری اطلاعات باغی ساگر، اور مجلس عاملہ نے ملیر کالا بورڈ کے قریب میٹرو نیوز کے سینئر اینکر امتیاز میر پر ہونے والے قاتلانہ حملے کی بھرپور مذمت کی۔
موٹر سائیکل سوار ملزمان کی جانب سے کیے گئے اس حملے میں امتیاز میر سینے اور چہرے پر گولی لگنے سے زخمی ہوئے۔ صحافت کے ایک رکن کے خلاف یہ بزدلانہ اقدام ناقابل قبول ہے اور ہم ملزمان کی فوری گرفتاری کا مطالبہ کرتے ہیں۔
کراچی یونین آف جرنلسٹس ورکرز امتیاز میر کے ساتھ یکجہتی کا اظہار کرتی ہے اور انصاف کی طلب کرتی ہے۔ ہم قانون نافذ کرنے والے اداروں سے مطالبہ کرتے ہیں کہ وہ جلد از جلد کارروائی کریں تاکہ صحافیوں کی حفاظت کو یقینی بنایا جا سکے اور آزادی صحافت کا تحفظ کیا جا سکے۔
پولیس اور کرائم سین انویسٹی گیشن کی ٹیمیں واقعے کی جگہ پر روانہ ہو چکی ہیں۔ ہم اس صورتحال کی قریبی نگرانی جاری رکھیں گے اور اس وقت تک آرام نہیں کریں گے جب تک کہ ذمہ داروں کو انصاف کے کٹہرے میں نہیں لایا جاتا

22/09/2025

بڑی گاڑیوں سے حادثات ہونے کی وجہ یہ بھی ہے لہذا احتیاط کیجیے کیونکہ افسوس سے احتیاط بہتر ہے

آپ کی نا سمجھی سے جان بھی جا سکتی ہے،اس ویڈیو کو کراچی کے سب واٹس اپ گرپ میں بار بار بھیجیں،بڑی اور اونچی گاڑیوں سے دور کیوں رہنا چاہیئے, دیکھئے اور سمجھئے اور دوسروں کو بھی بتاکر نیکی کرئے، کسی ایک کو بھی ویڈیو اور تحریر سمجھ آگئی اور عمل کر لیا تو ایک جان بچ سکتی ہے۔

22/09/2025

ہم مزید ممالک سے توقع رکھتے ہیں کہ وہ فلسطینی ریاست کو تسلیم کریں، سعودی عرب

22/09/2025

21/09/2025

اغواء کاروں کی ڈیمانڈ پوری نہ ہونے پر ، مغوی اسسٹنٹ کمشنر زیارت بیٹے سمیت قتل کردئیے گئے

بلوچستان کے ضلع زیارت سے 2 ماہ پہلے اغوا ہونے والے اسسٹنٹ کمشنر (اے سی) محمد افضل اور اس کے بیٹے کو اغوا کاروں نے قتل کردیا۔

لیویز ذرائع نے بتایا ہے کہ اسسٹنٹ کمشنر محمد افضل کو دو ماہ قبل نامعلوم افراد نے بیٹے سمیت زیارت کے علاقے زیزری سے اغوا کیا تھا۔

چند روز قبل اغوا کاروں نے اسسٹنٹ کمشنر زیارت محمد افضل اور ان کے بیٹے کی ویڈیو بھی جاری کی تھی، جس میں وہ اغوا کاروں کی ڈیمانڈ پوری کرنے کی اپیل کررہے تھے۔

اس سے قبل، بلوچستان حکومت نے زیارت کے علاقے زیزری سے اغوا ہونے والے اسسٹنٹ کمشنر اور ان کے بیٹے کے اغوا کاروں کا سراغ لگانے پر 5 کروڑ روپے کے نقد انعام کا اعلان کیا تھا۔

ڈپٹی کمشنر (ڈی سی) زیارت ذکااللہ کی جانب سے جاری کردہ نوٹیفکیشن میں کہا گیا تھا کہ 10 اگست کو دہشت گردوں نے اسسٹنٹ کمشنر اور ان کے بیٹے کو زیزری کے مقام سے اغوا کیا تھا۔

نوٹی فکیشن میں عوام، قبائلی عمائدین اور میڈیا نمائندگان سے بھی اپیل کی گئی تھی کہ وہ اغوا کاروں سے متعلق مصدقہ معلومات فراہم کریں جب کہ مغویں کی بحفاظت بازیابی کے لیے تمام تر وسائل بروئے کار لا رہے ہیں۔

حکومت بلوچستان نے اعلان کیا تھا کہ معلومات فراہم کرنے والے شخص کا نام مکمل صیغہ راز میں رکھا جائے گا تاکہ ان کی سلامتی یقینی بنائی جا سکے۔

21/09/2025

ملیر کالا پل فائرنگ میٹرو ون ٹی وی کا اینکر امتیاز زخمی

21/09/2025

ٹرمپ کی بگرام ائیر بیس واپس لینے کی دھمکی پر افغان طالبان کا سخت ردعمل

بگرام ائیر بیس واپس لینے کی دھمکی پر افغان وزارت دفاع کے سربراہ کا بیان

امریکی صدر ڈونلڈ ٹرمپ کی بگرام ائیر بیس واپس لینے کی دھمکی پر افغان وزارت دفاع کے سربراہ فصیح الدین فطرت کا بیان سامنے آگیا۔

بگرام ایئر بیس واپس لینے کے امریکی صدر کے بیان پر ردعمل دیتے ہوئے سربراہ افغان وزارت دفاع فصیح الدین فطرت نے کہا کہ بگرام ائیر بیس پر کوئی معاہدہ ممکن نہیں ہے۔

سربراہ افغان وزارت دفاع فصیح الدین فطرت نے کہا کہ کچھ لوگ سیاسی ڈیل سے بگرام ائیر بیس واپس لینا چاہتے ہیں، افغانستان کی ایک انچ زمین پر بھی معاہدہ ممکن نہیں، افغانستان کی زمین پر کسی معاہدے کی ہمیں ضرورت نہیں ہے۔

خیال رہے کہ امریکی صدر ڈونلڈ ٹرمپ کئی بار کہہ چکے ہیں کہ امریکا کو افغانستان کی بگرام ائیر بیس نہیں چھوڑنی چاہیے تھی، ہم بگرام ائیر بیس واپس لیں گے اور اس حوالے سے بات چیت جاری ہے۔

ڈونلڈ ٹرمپ کا کہنا تھا افغانستان نے بگرام ائیر بیس امریکا کو واپس نہ دی تو اسے سنگین نتائج بھگتنا ہوں گے۔

کچھ روز قبل چین کی جانب سے امریکی صدر ڈونلڈ ٹرمپ کے بگرام ائیر بیس سے متعلق بیان پر ردعمل میں کہا گیا تھا کہ افغانستان کے مستقبل کا فیصلہ افغانوں کے ہاتھ میں ہونا چاہیے۔

چینی وزارت خارجہ کے ڈپٹی ڈائریکٹر نے کہا کہ ہم خطے میں کشیدگی یا تناؤ کو سپورٹ نہیں کریں گے، امید رکھتے ہیں کہ تمام فریق خطے کے امن اور استحکام کے لیے تعمیری کردار ادا کریں گے۔

21/09/2025

نیپا پل پہ ڈمپر جلنے کی اطلاع ہے۔

علاقہ پولیس و ٹریفک پولیس موقعے پہ موجود ہے۔ فائر ڈینڈر کے لئے اطلاع کردی ہے۔

عوام کی سہولت کے لئے ٹریفک ڈائیورٹ کر دی گئی ہے۔

ڈمپر کو آگ لگنے کے محرکات کی پڑتال کی جارہی ہے۔ مزید کاروائی کی جارہی ہے۔

ترجمان ضلع پولیس شرقی۔