15/09/2025
لاڙڪاڻو(رپورٽ لالا مسلم سيهڙو) ٽيم جونيئر ذالفقار علي ڀٽو ضلعي لاڙڪاڻي جو اجلاس ڪينڊي مارڪيٽ لاڙڪاڻو ۾ مرڪزي اڳواڻ عنايت علي خان عمراڻي جن جي صدارت ۾ ٿي گذريو, جنھن ۾ شهيد انقلاب شھيد ميرمرتضیٰ ڀٽو ۽ سندس ساٿين جي 29 ھين ورسيء بابت اھم فيصلا ڪيا ويا. اجلاس ۾ طئي ڪيو ويو ته : 20سيپٽمبر تي ٿيندڙ شھيد مير مرتضیٰ ڀٽو ۽ سندس ساٿين جي 29ھين ورسي کي ڪامياب ڪرڻ لاء 17 تاريخ تي لاڙڪاڻي سٽي اندر 2 ڪئمپيون ھڪ مين جناح باغ چونڪ ۽ ٻي لاھوري محلا چونڪ تي لڳايون وينديون. 18 سيپٽمر بروز خميس تي شھيد مير مرتضیٰ ڀٽو جي سالگره جي موقعي تي 30 پائونڊن جو ڪيڪ مين جناح باغ چونڪ تي لڳل ڪئمپ تي سوين ڪارڪنن جي موجودگيء ۾ مرڪزي اڳواڻن طرفان ڪٽيو ويندو. شھيدن جي ورسي جي موقعي تي لاڙڪاڻو سٽي مان وڏي تعداد ۾ گاڏين جو قافلو ڪڍي قائد انقلاب جناب جونيئر ذالفقار علي ڀٽو ۽ فاطمه ڀٽو صاحبه جن جي اڳواڻي ۾ شھيدن جي مزار تي حاضري ڀري ويندي. اجلاس ۾ جونيئر ذالفقار علي ڀٽو ٽيم سٽي لاڙڪاڻي جي اڳواڻن عبدالغفار راڌڻ, برڪت علي ميراڻي, جاويد علي لاھوري, ارشاد چانڊيو, دامن علي عمراڻي, انعام ناريجو, غفار چانڊيو, لالو سرھيو, سرتاج شيخ, جانا قاضي, صدام جتوئي, يوٿ ٽيم اڳواڻن ولي محمد لاھوري, شھباز ڀٽو, عاقب ڪاٺيو, صدام جيسر, تعلقي ڏوڪري اڳواڻ طارق مراد منگي, سٽي نئون ديرو اڳواڻ صاحب خان ناريجو, تعلقي رتوديرو جي اڳواڻن شبير عمراڻي, طارق کٽياڻ ۽ سٽي لاڙڪاڻي جي ٻين عھديدارن ڀرپور شرڪت ڪئي .
