Voice of Sindh

Voice of Sindh Voice of Sindh is a digital platform for presenting informative and entertaining content.

As an alternative Platform to express independent and unbiased Opinion.

کراچی: گورنر سندھ کامران خان ٹیسوری نے اداکارہ حمیرا اصغر کی نماز جنازہ، تدفین اپنے اخراجات پر کرنے کا اعلان کردیا۔کراچی...
10/07/2025

کراچی: گورنر سندھ کامران خان ٹیسوری نے اداکارہ حمیرا اصغر کی نماز جنازہ، تدفین اپنے اخراجات پر کرنے کا اعلان کردیا۔
کراچی کے علاقے ڈیفنس فیز 6 کے فلیٹ میں مردہ پائی گئی اداکارہ حمیرا اصغر کی تجہیز و تکفین کے لیے گورنر سندھ میدان میں آئے اور واضح کیا کہ میری بہن لاوارث نہیں تھی بلکہ اُس کی تدفین اور تمام اخراجات خود ادا کروں گا۔
انہوں نے کہا کہ سندھ کے دیگر شہریوں کی طرح میں حمیرا اصغر علی کا بھی بھائی ہوں، اگر لواحقین تجہیز و تکفین میں شرکت نہیں چاہتے تو میں حاضر ہوں اور اس کے تمام اخراجات اپنی جیب سے ادا کروں گا۔
کامران ٹیسوری نے کہا کہ حمیرا اصغر کی نماز جنازہ گورنر ہاؤس میں ادا کی جائے گی اور اس حوالے سے امام کو بھی ہدایت کردی جب کہ اپنی ٹیم کو جنازے اور تدفین کے انتظامات کی ہدایت کی، جس کے تمام اخراجات میں اپنی جیب سے ادا کروں گا۔
انہوں نے کہا کہ ہم اپنی ماؤں، بہنوں اور بیٹیوں کی عزت وناموس کی قدر جانتے ہیں، یہ ہمارے معاشرے کے لیے سوال ہے کہ جواں بیٹی کی لاش دفنانے کے لیے گھر والے نہیں ہیں۔

-
-
-
-
-
-
-

اسلام آباد: حکمراں جماعت (ن) لیگ کے سینئر رہنما عرفان صدیقی نے کہا ہے کہ عمران خان کے بچے قانون کے دائرے میں رہ کر تحری...
10/07/2025

اسلام آباد: حکمراں جماعت (ن) لیگ کے سینئر رہنما عرفان صدیقی نے کہا ہے کہ عمران خان کے بچے قانون کے دائرے میں رہ کر تحریک چلائیں تو کوئی اعتراض نہیں ہوگا۔
نجی ٹی وی سے گفتگو کرتے ہوئے سینیٹرعرفان صدیقی نے کہا کہ بانی پی ٹی آئی اپنے بچوں کو سیاست میں لانا چاہتے ہیں، عمران خان کے بچے ضرور پاکستان آئیں، تحریک چلانا چاہتے ہیں تو چلائیں لیکن قانون کے دائرے میں رہ کر کام کریں تو اعتراض نہیں ہوگا۔
انہوں نے کہا کہ بانی پی ٹی آئی کو ان کے بچے اور بہنیں رہائی نہیں دلواسکتے، بانی پی ٹی آئی کی رہائی خود ان پر منحصر ہے۔
عرفان صدیقی کا کہنا تھا کہ خیبرپختونخوا میں حکومت تبدیل نہیں ہورہی جب کہ آصف زرداری ریاست کے سربراہ کی حیثیت سے اچھے طریقے سے کام کررہے ہیں، آصف زرداری مدبر شخص ہیں اور انہوں نے حکومت کے لیے مشکلات پیدا نہیں کیں، پیپلزپارٹی ہماری اتحادی ہے ہم کیوں اس نظام کو درہم برہم کرنا چاہیں گے؟
عرفان صدیقی نے چینی کی بڑھتی قیمتوں پر کہا کہ چینی کی قیمتوں پر قابو پانے کے لیے باہر سے چینی منگوائی گئی، حکومت عوام کو ریلیف پہنچانے کے لیے اقدامات کررہی ہے۔

-
-
-
-
-
-
-

باجوڑ: تحصیل خار ہیڈ کوارٹر کے قریب فائرنگ سے عوامی نیشنل پارٹی (اے این پی) کے رہنما مولانا خان زیب سمیت 2 افراد جاں بحق...
10/07/2025

باجوڑ: تحصیل خار ہیڈ کوارٹر کے قریب فائرنگ سے عوامی نیشنل پارٹی (اے این پی) کے رہنما مولانا خان زیب سمیت 2 افراد جاں بحق ہوگئے۔
ڈی پی او وقاص رفیق کے مطابق فائرنگ سے مولانا خان زیب کے 3 ساتھی زخمی بھی ہوئے جنہیں اسپتال منتقل کردیا گیا ہے۔
مولانا خان زیب اے این پی کی علما کونسل کے سربراہ اور قومی اسمبلی کے سابق امیدوار تھے۔
ڈی پی او کے مطابق مولانا خان زیب کو 13 جولائی کو امن مارچ سے متعلق مہم کے دوران نشانہ بنایا گیا۔

-
-
-
-
-
-

لاہور: ورلڈ ایتھلیٹکس چیمپئن شپ میں سلور میڈل کے حامل اولمپیئن ارشد ندیم ایک بار پھر فٹنس مسائل کا شکار ہوگئے۔پنڈلی میں ...
10/07/2025

لاہور: ورلڈ ایتھلیٹکس چیمپئن شپ میں سلور میڈل کے حامل اولمپیئن ارشد ندیم ایک بار پھر فٹنس مسائل کا شکار ہوگئے۔
پنڈلی میں معمولی کھچاؤ کی وجہ سے ڈاکٹر نے بھرپور ٹریننگ سے منع کردیا، ارشد ندیم اب سوئٹزرلینڈ میں شیڈول ایونٹ سے دستبردار ہوگئے ہیں۔
ذرائع کے مطابق لاہور میں ٹریننگ میں مصروف ارشد ندیم کو اب ہلکی پھلکی ٹریننگ کی ہدایت کی گئی ہے۔
ارشد ندیم اب 15 جولائی کو انگلینڈ روانہ ہورہے ہیں، جہاں وہ پولینڈ میں 15 اگست کو ہونے والی لیگ کی تیاری کریں گے۔
خیال رہے کہ ارشد ندیم کا اصل ہدف اکتوبر میں جاپان میں ہونے والی ورلڈ ایتھلیٹکس چیمپئن شپ میں گولڈ میڈل حاصل کرنا ہے۔

-
-
-
-
-
-
-

لندن: پی ٹی آئی کے بانی اور سابق وزیراعظم عمران خان کی سابقہ اہلیہ جمائما گولڈ اسمتھ نے اپنے ایک ٹویٹ میں کہا ہے کہ ان ک...
10/07/2025

لندن: پی ٹی آئی کے بانی اور سابق وزیراعظم عمران خان کی سابقہ اہلیہ جمائما گولڈ اسمتھ نے اپنے ایک ٹویٹ میں کہا ہے کہ ان کے بیٹوں قاسم خان اور سلیمان خان کو پاکستان آنے پر گرفتار کرنے کی دھمکیاں دی جارہی ہیں۔
جمائما نے اپنے ٹویٹ میں لکھا، میرے بچوں کو اپنے والد عمران خان سے فون پر بات کرنے کی اجازت نہیں دی جاتی۔ وہ قریب دو سال سے جیل میں تنہائی کی صعوبتیں برداشت کررہے ہیں۔ پاکستانی حکومت کا کہنا ہے کہ اگر وہ ان سے ملنے آئیں گے تو انہیں بھی گرفتار کرلیا جائے گا۔ یہ کسی جمہوریت یا فعال ریاست میں نہیں ہوتا۔ یہ سیاست نہیں، ذاتی انتقام ہے۔
دوسری جانب عمران خان کے بیٹے قاسم خان نے بھی اپنے ٹویٹ میں لکھا میرے والد اور سابق وزیراعظم عمران خان نے اب 700 دن سے زائد عرصہ جیل میں گزار دیا ہے، جن میں سے زیادہ تر وقت انہیں تنہائی میں رکھا گیا۔ انہیں اپنے وکلا تک رسائی نہیں دی جاتی، نہ ہی خاندان سے ملاقات کی اجازت ہے، وہ ہم (بچوں) سے مکمل طور پر کٹ چکے ہیں، حتیٰ کہ ان کے ذاتی ڈاکٹر کو بھی اندر جانے کی اجازت نہیں۔ یہ انصاف نہیں، یہ ایک ایسے شخص کو تنہا کرکے توڑنے کی کوشش ہے جو قانون کی حکمرانی، جمہوریت اور پاکستان کے لیے کھڑا ہوا۔

-
-
-
-
-
-
-

نیویارک: اے آئی کا کمال، امریکا میں 18 سال سے اولاد کے خواہش مند جوڑے کا مسئلہ حل کرڈالا، جس کے بعد اُن کے ہاں دسمبر میں...
10/07/2025

نیویارک: اے آئی کا کمال، امریکا میں 18 سال سے اولاد کے خواہش مند جوڑے کا مسئلہ حل کرڈالا، جس کے بعد اُن کے ہاں دسمبر میں ننھے مہمان کی آمد متوقع ہے۔
امریکی نشریاتی ادارے کی رپورٹ کے مطابق 18 سال سے ازدواجی بندھن میں بندھے اس جوڑے نے رازداری کی وجہ سے اپنی شناخت ظاہر تو نہیں کی، تاہم اپنے ساتھ پیش آیا دلچسپ واقعہ بیان کرتے ہوئے اسے معجزہ قرار دیا۔
خاتون کے مطابق اُن کی 18 سال قبل پسند کی شادی ہوئی، جس کے بعد وہ اگلے ہی سال سے اولاد کی خواہش مند تھیں۔ اُن کے مطابق ہم نے متعدد بار کوشش کی مگر ناکامی ہوئی، جس کے بعد ڈاکٹرز سے رجوع کیا، تاہم وہاں سے بھی مایوسی ہوئی۔
انہوں نے بتایا کہ اس کے بعد ہم نے مصنوعی طریقے فرٹیلیٹی سے بھی اولاد کی کوشش کی اور کئی سینٹرز کا چکر لگاکر دو سے تین بار ٹیسٹ ٹیوب کے ذریعے بھی کوشش کی۔
خاتون کے مطابق انہوں نے کئی بار آئی وی ایف کا عمل بھی کیا مگر انہیں ہر بار ناکامی کا سامنا کرنا پڑا۔
آئی وی ایف کے اس پیچیدہ عمل میں عورت کے انڈے کو نکال کر لیبارٹری میں اسپرم کے ساتھ ملاکر ایمبریو بنایا جاتا ہے، جسے پھر رحم میں منتقل کیا جاتا ہے۔ لیکن اس جوڑے کے لیے مسئلہ ایزوسپرمیا (Azoospermia) نامی ایک نایاب حالت تھی، جس میں مرد کے سیمن میں قابل پیمائش اسپرم بالکل موجود نہیں ہوتے۔
ویسے تو عام طور پر سیمن میں لاکھوں اسپرم ہوتے ہیں، لیکن ایزوسپرمیا کے مریضوں میں سپرم کی تعداد اتنی کم ہوتی ہے کہ خوردبین کے نیچے گھنٹوں کی محتاط تلاش کے بعد بھی ایک اسپرم بھی نہیں مل پاتا۔
اس جوڑے نے ناامید ہونے کے بعد کولمبیا یونیورسٹی فرٹیلٹی سینٹر سے رابطہ کیا جس نے ایک نیا طریقہ کار اسٹار (اسپرم ٹریکنگ اینڈ ریکوری) کو آزمانے کا فیصلہ کیا۔
رپورٹ کے مطابق اس طریقے میں ماہرین مصنوعی ذہانت کا استعمال کرتے ہیں تاکہ مرد کے چھپے ہوئے اسپرم کو تلاش اور بازیافت کیا جائے۔
فرٹیلٹی سینٹر کے محققین نے AI سسٹم کے ساتھ سیمن کے نمونے کا تجزیہ کیا تو معجزاتی طور پر اس میں چھپے ہوئے تین اسپرم مل گئے۔
اس کے بعد آئی وی ایف کے ذریعے عمل کو آگے بڑھایا گیا اور پھر STAR طریقہ کار کے ذریعے کامیاب حمل حاصل کرنے والی پہلی خاتون بن گئیں، ڈاکٹرز کے مطابق خاتون کے ہاں دسمبر میں بچے کی پیدائش متوقع ہے۔
خاتون کا کہنا ہے کہ ہم بہت زیادہ مایوس اور ناامید ہوگئے تھے، تاہم ڈاکٹرز نے آخری کوشش کا آسرا دیا اور پھر خوشخبری سنائی، جس کے بعد علاج ہوا تو مجھے یقین کرنے میں دو دن لگ گئے کہ میں واقعی حاملہ ہوں۔ میں اب بھی صبح اٹھتی ہوں اور یقین نہیں کرپاتی کہ یہ سچ ہے یا نہیں۔ اسکینز دیکھنے تک مجھے یقین نہیں آتا کہ میں حاملہ ہوں۔
خاتون کے مطابق اس کے بعد انہوں نے اے آئی سے مدد لی اور اپنے حمل یا اس کی پیچیدگیوں کے بارے میں آگاہی حاصل کرکے اُس پر عمل کیا جس کے بعد وہ پانچ ماں کی صحت مند حاملہ خاتون ہیں۔
کولمبیا یونیورسٹی کے ڈائریکٹر ڈاکٹر زیو ولیمز نے کہا کہ ایزوسپرمیا والے افراد کے سیمن کے نمونوں میں سپرم کا پتا لگانے اور بازیافت کرنے میں مدد کے لیے STAR طریقہ کار کو تیار کرنے میں پانچ سال لگے اور ہمیں امید نہیں تھی کہ اتنا شاندار نتیجہ نکلے گا۔
انہوں نے بتایا کہ ایک مریض نے ایک نمونہ دیا اور انتہائی ہُنرمند تکنیکی ماہرین نے دو دن تک اس نمونے میں سپرم تلاش کرنے کی کوشش کی۔ انہیں کچھ نہیں ملا، پھر ہم اسے AI پر مبنی STAR سسٹم کے پاس لائے۔ ایک گھنٹے میں، اس نے 44 سپرم تلاش کر لیے۔ تو اسی وقت، ہم نے محسوس کیا، واہ، یہ واقعی ایک گیم چینجر ہے۔ یہ مریضوں کے لیے اتنا بڑا فرق پیدا کرے گا۔
امریکی میڈیا رپورٹ میں کہا گیا ہے کہ امریکا میں بانچھ پن کے کیسز میں چالیس فیصد وجہ مرد ہوتے ہیں جب کہ ان میں سے دس فیصد ایزو سپرمک کا شکار ہیں جس سے نجات کے لیے انہیں سرجری بھی کروانی پڑتی ہے۔
ولیمز نے کہا، STAR طریقہ ایک نیا آپشن ہوسکتا ہے۔ اس طریقے کو تیار کرنے میں ٹیم ورک کا خاصہ کردار تھا، اور اسی چیز نے ہر ایک کو متحرک کیا، کہ اب آپ ایسے جوڑوں کی مدد کر سکتے ہیں جنہیں بصورت دیگر یہ موقع نہیں ملتا۔
انہوں نے بتایا کہ STAR طریقہ استعمال کرتے ہوئے ایک مریض کے لیے سپرم تلاش کرنا، الگ کرنا اور منجمد کرنا میں 3 ہزار ڈالر کی لاگت آتی ہے۔

-
-
-
-
-
-

کراچی: سندھ کے وزیر ثقافت و سیاحت سید ذوالفقار علی شاہ نے محکمے کی جانب سے اداکارہ حمیرا اصغر کی تدفین کرانے کا فیصلہ کر...
10/07/2025

کراچی: سندھ کے وزیر ثقافت و سیاحت سید ذوالفقار علی شاہ نے محکمے کی جانب سے اداکارہ حمیرا اصغر کی تدفین کرانے کا فیصلہ کرلیا۔
رپورٹ کے مطابق صوبائی وزیر سید ذوالفقار علی شاہ نے ایڈیشنل آئی جی کراچی سے رابطہ کیا اور ان سے اداکارہ حمیرا اصغر کی تدفین کے معاملے پر گفتگو کی۔
صوبائی وزیر نے ڈائریکٹر جنرل کلچر کو معاملے پر فوکل پرسن مقرر کرتے ہوئے کہا کہ مرحومہ حمیرا اصغر کے ورثاء اگر لاش وصول یا تدفین نہیں کرتے تو محکمۂ ثقافت حمیرا اصغر کا وارث ہوگا۔
صوبائی وزیر سید ذوالفقار علی شاہ کے حکم پر سیکریٹری ثقافت سندھ نے ڈی آئی جی ایسٹ کو لاش حوالگی کیلئے خط بھی ارسال کردیا۔ خط میں کہا گیا کہ مرحوم حمیرا اصغر لاوارث نہیں سندھ حکومت محکمہ ثقافت وارث ہے۔ ان کا کہنا تھا کہ حمیرا اصغر کا واقعہ افسوس ناک اور دل دہلانے والا ہے۔ تدفین قبرستان سمیت تمام مراحل محکمہ ثقافت کے ذمے ہوگا۔
سید ذوالفقار علی شاہ نے مزید کہا کہ ہماری پہلی کوشش ہے کہ والدین راضی ہوں اور لاش وصول کریں۔ انہوں نے یقین دہانی کروائی کہ پولیس کے تعاون سے اس معاملے پر محکمہ ثقافت اپنا بھرپور کردار ادا کرے گا۔

-
-
-
-
-
-
-

کراچی: ٹی وی کی اُبھرتی ہوئی اداکارہ مومنہ اقبال نے اپنی صنفی شناخت سے متعلق جعلی ویڈیو پر شدید ردعمل دیتے ہوئے کہا کہ ک...
10/07/2025

کراچی: ٹی وی کی اُبھرتی ہوئی اداکارہ مومنہ اقبال نے اپنی صنفی شناخت سے متعلق جعلی ویڈیو پر شدید ردعمل دیتے ہوئے کہا کہ کسی لڑکی سے اس کے لڑکی ہونے کا ثبوت مانگنا ایک انتہائی دردناک لمحہ ہوتا ہے۔
مومنہ نے سوشل میڈیا پر وائرل ہونے والی اپنی جعلی ویڈیو پر ایک انٹرویو کے دوران گفتگو کرتے ہوئے کہا کہ وہ ویڈیو اگست 2022 میں دیے گئے انٹرویو کے ایک کلپ کو ایڈٹ کرکے جعلی انداز میں وائرل کی گئی تھی، جسے 45 ملین سے زائد مرتبہ دیکھا گیا۔
ان کا کہنا تھا کہ اُس وقت ان کے پاس رپورٹرز کے فون آرہے تھے اور وہ حیران تھیں کہ سب کو کیا جواب دیں، کیونکہ کوئی کسی لڑکی سے اس قسم کا سوال کیسے کرسکتا ہے۔
مومنہ اقبال نے مزید کہا کہ اردگرد کے لوگ انہیں مشورہ دے رہے تھے کہ وہ اس معاملے پر وضاحت دیں لیکن انہوں نے سوچا کہ کیا اپنے ڈاکٹر کا نمبر دے دوں؟ یہ سب صورت حال بہت عجیب تھی۔
آخر میں مومنہ اقبال نے کہا کہ اگر وہ واقعی ویسی ہوتیں تو قبول کرلیتیں لیکن جب وہ ہیں ہی نہیں تو اس جھوٹ پر کیا ردعمل دیں؟
خیال رہے کہ مومنہ اقبال سے متعلق ایک ویڈیو سوشل میڈیا پر وائرل ہوئی تھی، اس ویڈیو میں انہیں اپنی جنس سے متعلق بات کرتے ہوئے دکھایا گیا تھا۔

-
-
-
-
-
-
-
-

ایک لڑکی کی کئی ماہ پرانی لاش گھر سے ملتی ہے اور اس کے بعد سوشل میڈیا دو گروہ میں تقسیم ہو جاتا ہے۔ ایک لڑکی کو بھلا برا...
10/07/2025

ایک لڑکی کی کئی ماہ پرانی لاش گھر سے ملتی ہے اور اس کے بعد سوشل میڈیا دو گروہ میں تقسیم ہو جاتا ہے۔ ایک لڑکی کو بھلا برا کہتا ہے اور دوسرا اس کے عزیز و اقارب کو۔ کچھ لوگوں کو تو اتنا دکھ ہوا کہ انہوں نے معاشرے کو، ملک کو، قوم کو برا بھلا بولنا شروع کردیا۔ میرے نزدیک موت ایک نارمل چیز ہے اور ہر ایک کا انجام بھی مختلف ہے۔ ظاہر ہے جو اکیلا رہتا ہے وہ جائے گا بھی اکیلے ہی، ہمیں اس کی عادت بنا لینی چاہیے

ہمارا مسئلہ یہ ہے کہ ہم وقتی طور پر ہائے ہائے کرتے ہیں اس کے بعد اپنی روزانہ کی زندگی میں مشغول ہو جاتے ہیں۔ کون لڑکی؟ کیسی لاش؟ کون سی موت؟ یہ سب بھول جاتے ہیں پھر کوئی جذباتی پوسٹ دیکھتے ہیں تو پھر سے ہمارے احساسات جنم لینا شروع کر دیتے ہیں پھر سے وہی ہائے ہائے۔

اصل مسئلہ موت نہیں اصل مسئلہ زندگی ہے۔ وہ زندگی میں اس قدر اکیلی تھی کہ کسی نے پیچھے سے اس کے بارے میں پوچھا تک نہیں ؟ سوچا تک نہیں؟ کسی کو فکر نہیں تھی؟ گھر والوں نے تو نکال دیا تھا مگر دوست تو ہونے چاہیے۔ یہ فیشن انڈسٹری اس قدر کم ظرف اور بے حس ہے؟ زندگی میں کچھ ہو نا ہو آپ کے پاس کم از کم اچھے عزیز و اقارب اور اچھے دوست ہونا انتہائی ضروری ہے جو آپ کے اکیلے پن کو دور کریں، جو آپ کی غم گساری کریں، آپ کے برے وقت میں آپ کے ساتھ کھڑے ہوں اور آپ جب نظر نہ آئیں تو آپ کو ڈھونڈنے کی کوشش کریں۔

احسن لاکھانی

-
-
-
-
-
-

کراچی: ڈیفنس فیز 6 کے فلیٹ سے ملنے والی اداکارہ حمیرا اصغر علی کی لاش کا پوسٹ مارٹم مکمل کرلیا گیا ہے۔میڈیکو لیگل آفیسر...
10/07/2025

کراچی: ڈیفنس فیز 6 کے فلیٹ سے ملنے والی اداکارہ حمیرا اصغر علی کی لاش کا پوسٹ مارٹم مکمل کرلیا گیا ہے۔
میڈیکو لیگل آفیسر کے مطابق لاش کا ابتدائی معائنہ کیا گیا ہے، لاش ڈی کمپوز اسٹیج کے ایڈوانس اسٹیج پر ہے، لاش اس قابل نہیں جس سے وجہ موت بتائی جاسکے، البتہ ڈی این اے اور کیمیکل ایگزامن کے لیے سیمپل لیے ہیں، سیمپل کے ایگزامن کے بعد حقائق سامنے آئیں گے۔
ایس ایچ او فاروق سنجرانی کے مطابق متوفیہ کی لاش ایک ماہ سے بھی زیادہ پرانی معلوم ہوتی ہے۔
دوسری جانب ڈی آئی جی ساؤتھ اسد رضا کے مطابق متوفیہ کی لاش 6 ماہ پرانی ہے، کیونکہ فلیٹ سے ملے کھانے پینے کے سامان پر ایکسپائری تاریخ 2024 کی ہے، اداکارہ کے فون ریکارڈ میں بھی آخری میسجز اکتوبر 2024 کے ہیں۔
پولیس حکام کا کہنا ہے کہ اداکارہ حمیرا اصغر کا تعلق لاہور سے تھا، ان کے اہل خانہ سے رابطہ کی کوشش کی گئی لیکن والد کا کہنا تھا کہ ان کا حمیرا سے کوئی تعلق اور رابطہ نہیں تھا۔
اداکارہ حمیرا اصغر کے اہل خانہ ان کی میت وصول کرنے آج لاہور سے کراچی پہنچیں گے۔

-
-
-
-
-
-

اسلام آباد: وزیر داخلہ محسن نقوی نے صدر آصف زرداری کی تبدیلی سے متعلق خبروں کی سختی سے تردید کرتے ہوئے کہا کہ فیلڈ مارش...
10/07/2025

اسلام آباد: وزیر داخلہ محسن نقوی نے صدر آصف زرداری کی تبدیلی سے متعلق خبروں کی سختی سے تردید کرتے ہوئے کہا کہ فیلڈ مارشل سید عاصم منیر کے صدر پاکستان بننے سے متعلق کوئی خیال موجود نہیں ہے۔
سماجی رابطے کی ویب سائٹ ایکس پر جاری اپنے بیان میں انہوں نے کہا کہ ہم جانتے ہیں کہ صدر آصف زرداری، وزیراعظم شہباز شریف اور فیلڈ مارشل سید عاصم منیر کو نشانہ بنانے والی مہم کے پیچھے کون ہے۔
وزیر داخلہ محسن نقوی نے کہا کہ میں واضح طور پر کہنا چاہتا ہوں کہ صدر آصف زرداری سے استعفے سے متعلق کوئی بحث نہیں ہوئی، فیلڈ مارشل سید عاصم منیر کے صدر پاکستان بننے سے متعلق کوئی خیال موجود نہیں ہے۔
انہوں نے کہا کہ صدر آصف زرداری کے مسلح افواج کی قیادت سے مضبوط اور احترام پر مبنی تعلقات ہیں۔
ان کا کہنا تھا کہ میں جانتا ہوں یہ جھوٹ کون پھیلارہا ہے؟ وہ ایسا کیوں کررہا ہے، یہ بھی جانتا ہوں کہ اس پروپیگنڈے سے کس کو فائدہ ہو رہا ہے۔
محسن نقوی نے کہا کہ فیلڈ مارشل عاصم منیر کی واحد توجہ پاکستان کا استحکام اور مضبوطی ہے۔

-
-
-
-
-
-

کراچی: ٹی وی کی مقبول اداکارہ زارا نور عباس نے خواتین کو جوان دکھائی دینے کے لیے اپنی زندگی کو خطرے میں نہ ڈالنے کا مشور...
09/07/2025

کراچی: ٹی وی کی مقبول اداکارہ زارا نور عباس نے خواتین کو جوان دکھائی دینے کے لیے اپنی زندگی کو خطرے میں نہ ڈالنے کا مشورہ دیا ہے۔
زارا نور عباس نے اپنی سوشل میڈیا پوسٹ میں لکھا کہ خدارا بڑھتی ہوئی عمر سے پریشان نہ ہوں اور جوان نظر آنے کے لیے خود کو کسی بڑی مصیبت میں نہ ڈالیں۔
اپنی انسٹاگرام اسٹوری میں زارا نے وزن کم کرنے، جلد کو گورا کرنے یا عمر چھپانے کے لیے استعمال کی جانے والی دواؤں اور طریقوں سے دُور رہیں۔
انہوں نے مزید کہا کہ عمر بڑھنا ایک قدرتی اور خوبصورت حقیقت ہے، اس سے بھاگنے کی کوشش نہ کریں۔ ظاہری خوبصورتی کے بجائے ذہانت، علم اور خوداعتمادی پر کام کریں۔
اداکارہ زارا نور عباس نے لکھا کہ خودنمائی (Vanity) کا اثر عارضی ہوتا ہے۔ اصل دولت آپ کی سوچ اور ذہانت ہے۔
خیال رہے کہ چند روز قبل 42 سالہ بھارتی اداکارہ شیفالی کی اچانک اور غیر متوقع موت نے اینٹی ایجنگ دواؤں اور ان کے استعمال پر نئی بحث شروع کردی ہے۔
مبینہ طور پر شیفالی نے بھی اپنی موت سے قبل معمول کے مطابق اینٹی ایجنگ انجکشن لگایا تھا، جس سے ان کا بلڈ پریشر بہت کم ہوگیا تھا۔

-
-
-
-
-
-
-

Address

House No 60, D. A. C. H. Society, Block 7/8, Shaheed-e-Millat Road
Karachi
75400

Website

Alerts

Be the first to know and let us send you an email when Voice of Sindh posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Voice of Sindh:

Shortcuts

Share

Category