Voice of Sindh

Voice of Sindh Voice of Sindh is a digital platform for presenting informative and entertaining content.

As an alternative Platform to express independent and unbiased Opinion.

نیویارک: امریکا کے معتبر جریدے فارن پالیسی نے اپنی تازہ ترین رپورٹ میں پاکستان کی حکومتی سفارت کاری اور عسکری ڈپلومیسی ک...
25/10/2025

نیویارک: امریکا کے معتبر جریدے فارن پالیسی نے اپنی تازہ ترین رپورٹ میں پاکستان کی حکومتی سفارت کاری اور عسکری ڈپلومیسی کو بھرپور خراج تحسین پیش کرتے ہوئے اسلام آباد کو خطے کا سفارتی فاتح قرار دیا ہے۔
امریکی جریدے کی رپورٹ میں واضح کیا گیا ہے کہ پاکستان کی متوازن خارجہ پالیسی نے عالمی منظرنامہ بدل کر سفارت کاری میں نئے افق کھول دیے ہیں۔
رپورٹ میں اس بات کا اعتراف کیا گیا کہ گزشتہ 6 ماہ کے دوران پاکستان کی سفارت کاری نے خطے میں نئی جہتیں متعارف کراتے ہوئے عالمی توجہ حاصل کی ہے۔ امریکا سے تعلقات کی بحالی، ترکی، ملائیشیا اور ایران کے ساتھ معاہدوں اور چین سے تعلقات کے فروغ نے بین الاقوامی تعلقات میں نیا باب رقم کیا ہے۔
سعودی عرب کے ساتھ طے پانے والے اسٹرٹیجک دفاعی معاہدے نے خطے میں ایک نئی سفارتی لہر پیدا کی ہے جو پاکستان کی کامیابی کا واضح مظہر ہے۔
رپورٹ میں بتایا گیا کہ اسلام آباد اور واشنگٹن کے نئے تعلقات کی شروعات کچھ پیش آنے والے غیر متوقع واقعات سے ہوئی، جن میں پاکستان کا داعش خراسان کے ایک اہم دہشت گرد کو گرفتار کرنا شامل تھا، جو کابل ایئرپورٹ حملے کا ماسٹر مائنڈ تھا۔
فارن پالیسی میگزین نے لکھا کہ امریکی سینٹ کام کے سربراہ جنرل مائیکل کوریلا نے پاکستان کے انسداد دہشت گردی تعاون کو غیر معمولی اور مؤثر قرار دیا ہے۔ امریکا اور پاکستان کے تعلقات کی بحالی نے واشنگٹن اور نئی دہلی کے رشتوں میں دراڑ پیدا کی ہے جب کہ بھارت کو صدر ٹرمپ کے پاکستان کی طرف جھکاؤ سے 25 سالہ سفارتی محنت اور اعتماد کے ضیاع کا خدشہ لاحق ہے۔
ٹرمپ اور مودی کی تلخ فون کال کے بعد امریکا اور بھارت کے تعلقات کشیدہ ہوئے ہیں، جس نے پاکستان کے لیے نئی راہیں کھول دی ہیں۔ صدر ٹرمپ نے پاک بھارت کشیدگی ختم کرنے کا دعویٰ کرتے ہوئے کشمیر پر ثالثی کی پیشکش بھی کی تھی۔
جون میں فیلڈ مارشل عاصم منیر اور ٹرمپ کی دو گھنٹے طویل ملاقات نے دونوں ممالک کے تعلقات میں نئی گرم جوشی پیدا کی۔ وزیراعظم شہباز شریف اور ٹرمپ کی ملاقاتیں اور غزہ امن کانفرنس میں شرکت پاکستان کے بڑھتے ہوئے عالمی اثر و رسوخ کا مظہر بنیں۔
پاکستان نے ٹرمپ دور میں شاندار تجارتی پیکیج حاصل کرکے سفارت کاری میں نیا سنگ میل عبور کیا ہے۔ وزیراعظم شہباز شریف کی مؤثر سفارت کاری کے باعث ایک امریکی کمپنی نے 500 ملین ڈالرز کی سرمایہ کاری کا اعلان کیا ہے۔
پاکستان نے غیر نیٹو اتحادی ہوتے ہوئے بھی امریکا، چین اور سعودی عرب سے بیک وقت تعلقات مضبوط کرنے کی قابل رشک صلاحیت کا مظاہرہ کیا ہے۔ اس متوازن خارجہ پالیسی اور موثر سفارت کاری نے عالمی منظرنامے میں پاکستان کو ایک اہم کھلاڑی کے طور پر متعارف کرایا ہے۔

-
-
-
-
-
-
-

نئی دہلی: بھارت میں خواتین کا کرکٹ ورلڈ کپ جاری ہے، اس دوران خود کو امن پسند اور محفوظ کہلانے والا بھارت غیر ملکی خواتین...
25/10/2025

نئی دہلی: بھارت میں خواتین کا کرکٹ ورلڈ کپ جاری ہے، اس دوران خود کو امن پسند اور محفوظ کہلانے والا بھارت غیر ملکی خواتین کرکٹرز کے لیے غیر محفوظ بن چکا ہے، جہاں آسٹریلوی خواتین کرکٹرز کے ساتھ جنسی ہراسانی کا واقعہ پیش آیا ہے۔
بھارت میں آئی سی سی ویمنز ورلڈکپ کے لیے موجود آسٹریلین کرکٹرز کے ساتھ جنسی ہراسانی کا شرم ناک واقعہ پیش آیا ہے۔
بھارتی میڈیا رپورٹس کے مطابق بھارتی شہر اندور میں آسٹریلیا کی دو ویمن کرکٹرز ہوٹل سے کیفے ٹیریا جانے کے لیے نکلی تھیں، اس دوران موٹر سائیکل سوار شخص نے ایک آسٹریلوی کرکٹرز کو انتہائی نازیبا طریقے سے چھوا اور فرار ہوگیا۔ رپورٹس کے مطابق مذکورہ واقعہ 23 اکتوبر کو پیش آیا۔
ایڈیشنل ڈی سی پی کرائم برانچ راجیش ڈنڈوتیا نے میڈیا کو واقعے سے متعلق تصدیق کرتے ہوئے بتایا کہ آسٹریلوی ویمن کرکٹ ٹیم کے سیکیورٹی افسر نے واقعے کی شکایت درج کروائی تھی۔
راجیش ڈنڈوتیا نے مزید کہا کہ مبینہ ملزم کو گرفتار کرکے مقدمہ درج کرلیا گیا ہے۔ ملزم کا نام عقیل اور آزاد نگر کا رہائشی ہے۔
ان کا مزید کہنا تھا کہ پولیس کی بھاری نفری سیکیورٹی پر مامور تھی، کمی کہاں رہ گئی اس کا جائزہ لیا جارہا ہے۔
بھارت میں غیر ملکی خواتین کرکٹرز کے ساتھ جنسی ہراسانی کے واقعے پر دُنیا بھر کے ممالک سوال اُٹھارہے ہیں۔ بعض حلقے کہہ رہے ہیں کہ آئی سی سی کو بڑے ایونٹس ایسے وینیوز پر منعقد کرنے چاہئیں جہاں اس قسم کے مذموم واقعات رونما نہ ہوں۔

-
-
-
-
-
-

بینکاک: تھائی لینڈ کی سابقہ ملکہ سری کٹ 93 برس کی عمر میں انتقال کرگئیں۔تھائی شاہی محل کی جانب سے سابقہ ملکہ سری کٹ کے ا...
25/10/2025

بینکاک: تھائی لینڈ کی سابقہ ملکہ سری کٹ 93 برس کی عمر میں انتقال کرگئیں۔
تھائی شاہی محل کی جانب سے سابقہ ملکہ سری کٹ کے انتقال کی تصدیق کرتے ہوئے بتایا گیا کہ سابقہ ملکہ سری کٹ، موجودہ بادشاہ کی والدہ تھیں۔
سابقہ ملکہ آنجہانی بادشاہ بھومی بول کی اہلیہ تھیں، جنہوں نے 1946 سے 2016 تک حکمرانی کی۔
ترجمان تھائی حکومت کا کہنا ہے کہ سابقہ ملکہ کے انتقال کے باعث تھائی لینڈ کے وزیراعظم ملائیشیا میں ہونے والے آسیان سربراہی اجلاس میں شرکت نہیں کریں گے۔
خیال رہے کہ سابقہ ملکہ سری کٹ تھائی لینڈ کے موجودہ بادشاہ کی والدہ ہیں۔

-
-
-
-
-
-
-

اسلام آباد: بالآخر پانچ سال بعد وہ لمحہ آ ہی گیا جب برطانیہ کے لیے پی آئی اے کا فلائٹ آپریشن بحال ہورہا ہے۔اس سلسلے میں...
25/10/2025

اسلام آباد: بالآخر پانچ سال بعد وہ لمحہ آ ہی گیا جب برطانیہ کے لیے پی آئی اے کا فلائٹ آپریشن بحال ہورہا ہے۔
اس سلسلے میں وزیر دفاع خواجہ آصف نے قومی ایئر لائن کے برطانیہ فلائٹ آپریشن بحالی کا افتتاح کردیا۔
پی آئی اے کی برطانیہ کے لیے پروازیں آج بحال ہونے جارہی ہیں اور آج 5 سال بعد اسلام آباد سے مانچسٹر کے لیے پہلی پرواز روانہ ہوگی۔
وزیر دفاع خواجہ آصف نے قومی ایِئر لائن کے برطانیہ فلائٹ آپریشن کی بحالی کے افتتاح کے موقع پر سفارتی عملے کو خراج تحسین پیش کیا۔
انہوں نے کہا کہ سفارتی عملے کی کوششوں سے پابندی کا خاتمہ ہوا اور برطانوی ہائی کمشنر Jane Marriott کا تعاون اس عمل میں کلیدی رہا۔
وزیر دفاع کا کہنا تھا کہ پی آئی اے پر پابندی سے حکومت کو کافی نقصان ہوا، ہم نے قومی ایئرلائن کے معیار کو دوبارہ بحال کیا، جعلی پائلٹ لائسنس اسکینڈل کے باعث قومی ائیرلائن پرپابندی لگی تھی۔
دوسری جانب برطانیہ میں پاکستانی ہائی کمشنر محمد فیصل کا کہنا ہے کہ برطانیہ کے مزید شہروں کے لیے پروازوں کا آغاز بھی متوقع ہے۔

-
-
-
-
-
-
-

کراچی: معروف اداکارہ صبا قمر نے ایک ڈرامے میں ایسی لڑکی کا کردار ادا کیا ہے جسے جنسی زیادتی کا نشانہ بنایا گیا تھا۔اداکا...
25/10/2025

کراچی: معروف اداکارہ صبا قمر نے ایک ڈرامے میں ایسی لڑکی کا کردار ادا کیا ہے جسے جنسی زیادتی کا نشانہ بنایا گیا تھا۔
اداکارہ صبا قمر نے اپنی انسٹاگرام اسٹوری میں بتایا کہ اس کردار کی شدت اور جذباتی مناظر نے انہیں ہلا کر رکھ دیا۔
صبا قمر نے لکھا کہ ایسے مناظر بار بار شوٹ کرانا آسان نہیں ہوتا۔ ہر بار وہ درد، وہ خوف، وہ ٹوٹ پھوٹ دوبارہ جینا پڑتی ہے۔
انہوں نے مزید کہا کہ یہ سب چیزیں میرے اعصاب اور جسم دونوں کے لیے بہت درد ناک ثابت ہوئی ہیں۔
صبا قمر نے بتایا کہ وہ اب اپنی صحت اور ذہنی سکون کی بحالی پر توجہ دے رہی ہیں اور خود کو یاد دلاتی ہیں کہ میں مضبوط ہوں، میں ٹھیک ہو جاؤں گی۔
اداکارہ نے شمعون عباسی، نادیہ خان اور عتیقہ اوڈھو کی جانب سے ایک شو میں ان کے اس کردار کی تعریفوں پر شکریہ بھی ادا کیا اور کہا کہ جب آپ کے ساتھی فنکار آپ کی محنت کو تسلیم کریں، تو وہ سب سے بڑا انعام ہوتا ہے۔
خیال رہے کہ صبا قمر نے اس ڈرامے میں سحر نامی خاتون کا کردار نبھایا ہے جو اپنے باس کی ہوس کا شکار ہوتی ہے اور انصاف کے لیے ایک بڑی کٹھن جنگ لڑتی ہیں، جس میں ان کے مدمقابل، سماج، رشتے اور خود قانون کی باریکیاں آتی ہیں۔

-
-
-
-
-
-
-

استنبول: ترکیہ کی میزبانی میں پاکستان اور افغانستان کے درمیان امن مذاکرات کا دوسرا دور استنبول میں شروع ہوگیا۔پاکستان او...
25/10/2025

استنبول: ترکیہ کی میزبانی میں پاکستان اور افغانستان کے درمیان امن مذاکرات کا دوسرا دور استنبول میں شروع ہوگیا۔
پاکستان اور افغانستان کے وفود کے درمیان تازہ مذاکرات استنبول کے مقامی ہوٹل میں ہورہے ہیں، جس میں دوحہ میں طے پانے والے نکات پر عمل درآمد کا جائزہ بھی لیا جائے گا۔
ذرائع کے مطابق استنبول میں جاری مذاکرات میں طالبان کی نمائندگی نائب وزیر داخلہ رحمت اللہ مجیب کی قیادت میں آنے والا اعلیٰ سطح کا وفد کررہا ہے۔
افغان وفد میں قطر میں افغان سفارت خانے کے قائم مقام سربراہ، افغان وزیر داخلہ کے بھائی انس حقانی، نور احمد نور، وزارت دفاع کے عہدیدار نور الرحمان نصرت اور افغان حکومت کے وزارت خارجہ کے ترجمان بھی شامل ہیں۔
پاکستان کی جانب سے سیکیورٹی حکام پر مشتمل 2 رکنی وفد شریک ہے جو مذاکرات میں تجاویز پیش کریں گے، جن میں افغانستان سے پاکستان میں حملے، ان کی مانیٹرنگ اور اس حوالے سے میکنزم کو حتمی شکل دینا شامل ہے۔
خیال رہے کہ پاک افغان امن مذاکرات کا پہلا دور قطر کے دارالحکومت دوحہ میں ہوا تھا، جس میں طالبان کی درخواست پر پاکستان نے جنگ بندی میں توسیع کی تھی۔
دھیان رہے کہ سرحد پر کشیدگی کے باعث چمن، خیبر، جنوبی و شمالی وزیرستان اور ضلع کرم کی سرحدی راہداریاں 14 ویں روز بھی بند ہیں۔
اسی طرح باب دوستی طورخم، خرلاچی، انگور اڈہ اور غلام خان سرحد پر سیکڑوں مال بردار گاڑیاں پاکستان میں داخل ہونے کی منتظر ہیں۔

-
-
-
-
-
-
-
-

ویرات کوہلی نے موجودہ کرکٹرز میں سب سے زیادہ بار صفر پر آؤٹ ہونے کا ناپسندیدہ ریکارڈ قائم کر دیا۔-------
24/10/2025

ویرات کوہلی نے موجودہ کرکٹرز میں سب سے زیادہ بار صفر پر آؤٹ ہونے کا ناپسندیدہ ریکارڈ قائم کر دیا۔

-
-
-
-
-
-
-

لاہور: پی ایس ایل کی فرنچائز ملتان سلطانز کے مالک، معروف بزنس مین علی ترین نے پی سی بی کا لیگل نوٹس پھاڑ دیا۔ اس کے ساتھ...
24/10/2025

لاہور: پی ایس ایل کی فرنچائز ملتان سلطانز کے مالک، معروف بزنس مین علی ترین نے پی سی بی کا لیگل نوٹس پھاڑ دیا۔ اس کے ساتھ پی سی بی کو شدید تنقید کا نشانہ بھی بنایا۔
علی ترین نے سوشل میڈیا پر جاری ویڈیو پیغام میں کہا کہ پی ایس ایل منیجمنٹ نے انہیں ایک لیگل نوٹس بھیجا ہے، جس میں تنقیدی بیانات واپس لینے اور معافی مانگنے کا مطالبہ کیا گیا ہے۔
علی ترین نے کہا کہ معافی نہ مانگنے کی صورت میں فرنچائز معاہدہ ختم کرنے اور مجھے بلیک لسٹ کرنے کی دھمکی بھی دی گئی ہے، تاہم وہ خاموش نہیں رہیں گے۔
علی ترین نے کہا کہ انہیں پی ایس ایل سے محبت ہے اور یہ لیگ پورے پاکستان کی ہے، مسائل کے حل کے لیے ساتھ بیٹھنے کو تیار ہوں لیکن مجھ سے آج تک اس حوالے سے کوئی رابطہ نہیں کیا گیا۔
خیال رہے کہ پی سی بی نے معاہدے کی خلاف ورزی اور پی ایس ایل کی شہرت کو نقصان پہنچانے کی مہم چلانے پر ملتان سلطانز کو نوٹس جاری کیا تھا۔
ذرائع کا کہنا تھا کہ فرنچائز نے نوٹس کا تسلی بخش جواب نہ دیا تو معاہدے کی منسوخی اور فرنچائز مالکان کو بلیک لسٹ ہونے کا بھی سامنا کرنا پڑے گا۔

-
-
-
-
-
-
-

کوئٹہ: صوبہ بلوچستان کے ضلع خضدار میں نامعلوم مسلح افراد نے ایک تعمیراتی کمپنی کے کیمپ پر حملہ کرکے 18 مزدوروں کو اغوا ک...
24/10/2025

کوئٹہ: صوبہ بلوچستان کے ضلع خضدار میں نامعلوم مسلح افراد نے ایک تعمیراتی کمپنی کے کیمپ پر حملہ کرکے 18 مزدوروں کو اغوا کرلیا جب کہ متعدد گاڑیوں اور مشینری کو آگ لگاکر تباہ کردیا۔
واقعہ صوبے میں ایک ہفتے کے اندر مزدوروں کے اغوا کا دوسرا بڑا سانحہ ہے، جس سے علاقے میں سیکیورٹی خدشات مزید بڑھ گئے ہیں۔
حکام کے مطابق یہ افسوس ناک واقعہ جمعرات کی رات خضدار سے قریباً 80 کلومیٹر دور نال کے علاقے کلیڑی میں پیش آیا۔ درجنوں مسلح افراد نے سب سے پہلے شاہراہ کو بلاک کرکے ٹریفک روک دی اور پھر ایک نجی تعمیراتی کمپنی کے کیمپ اور کرش پلانٹ پر دھاوا بول دیا۔ یہ کمپنی خضدار کو ضلع واشک کے علاقے بسیمہ سے جوڑنے والی اہم سڑک کی تعمیر پر کام کررہی تھی، جو صوبے کے ترقیاتی منصوبوں کا حصہ ہے۔
علاقے کے لیویز انچارج علی اکبر نے تفصیلات بتاتے ہوئے کہا کہ حملہ آوروں نے کرش پلانٹ پر حملہ کرکے وہاں موجود گاڑیوں اور مشینری کو آگ لگادی، جس سے کم از کم 8 گاڑیوں کو شدید نقصان پہنچا، جن میں بھاری مشینری اور ٹرانسپورٹ وہیکلز شامل ہیں۔
انہوں نے مزید بتایا کہ مسلح افراد کیمپ میں موجود مزدوروں کو زبردستی اپنے ساتھ لے کر فرار ہوگئے، اغوا ہونے والے زیادہ تر مزدوروں کا تعلق صوبہ سندھ سے ہے، جو دوردراز علاقوں سے روزگار کی تلاش میں بلوچستان آئے تھے۔
تعمیراتی کمپنی ڈی بلوچ کے منیجر ذوالفقار احمد نے تصدیق کی کہ ابتدائی طور پر مسلح افراد نے 20 مزدوروں کو اغوا کیا تھا، تاہم بعد میں دو مزدوروں کو چھوڑ دیا گیا۔ باقی 18 مزدور اب بھی لاپتا ہیں اور ان کی بازیابی کے لیے کوششیں جاری ہیں۔ ذوالفقار احمد کا کہنا تھا کہ یہ حملہ کمپنی کے کام کو شدید متاثر کرے گا اور ملازمین میں خوف و ہراس پھیل گیا ہے۔
واقعے کی اطلاع ملتے ہی سیکیورٹی فورسز نے فوری کارروائی کی۔ لیویز، فرنٹیئر کور (ایف سی) اور کاؤنٹر ٹیررازم ڈیپارٹمنٹ (سی ٹی ڈی) کے اہلکار موقع پر پہنچے، علاقے کو گھیرے میں لے لیا، اور تحقیقات شروع کر دیں۔
حکام نے بتایا کہ اغوا شدہ مزدوروں کی تلاش کے لیے سرچ آپریشن بھی شروع کر دیا گیا ہے، جس میں مقامی قبائلی عمائدین کی مدد بھی لی جا رہی ہے۔ تاہم، اب تک مزدوروں کا کوئی سراغ نہیں مل سکا ابھی تک کسی بھی تنظیم نے اس حملے کی ذمہ داری قبول نہیں کی ہے۔ البتہ، اس علاقے میں بلوچ مسلح گروپ سرگرم ہیں، جو ماضی میں بھی تعمیراتی کمپنیوں، سڑکوں اور دیگر ترقیاتی منصوبوں پر حملے کرتے رہے ہیں۔
یہ گروپ اکثر حکومت مخالف سرگرمیوں میں ملوث رہے ہیں اور غیر مقامی مزدوروں کو نشانہ بناتے ہیں، جنہیں وہ بیرونی مداخلت کا حصہ قرار دیتے ہیں۔
یہ واقعہ بلوچستان میں سیکیورٹی کی ابتر صورت حال کی عکاسی کرتا ہے۔ صرف ایک ہفتے کے اندر یہ مزدوروں کے اغوا کا دوسرا سنگین سانحہ ہے۔ چند روز قبل مستونگ کے علاقے دشت میں بھی نامعلوم مسلح افراد نے تعمیراتی کام پر مصروف 9 مزدوروں کو اغوا کرلیا تھا، جن کا اب تک کوئی پتا نہیں چل سکا جس کے بعد چند روز میں اغوا کیے گئے مزدوروں کی تعداد 27 ہوگئی ہے۔
ان واقعات سے صوبے میں کام کرنے والے ہزاروں مزدوروں اور کمپنیوں میں تشویش پھیل گئی ہے اور حکام پر دباؤ بڑھ رہا ہے کہ سیکیورٹی اقدامات کو مزید سخت کیا جائے۔
حکومت بلوچستان نے ان واقعات کی مذمت کی ہے اور وعدہ کیا ہے کہ مجرموں کو جلد گرفتار کر کے انصاف کے کٹہرے میں لایا جائے گا۔ تاہم، مقامی لوگوں کا کہنا ہے کہ ایسے حملے صوبے کی معاشی ترقی کو سبوتاژ کرنے کی کوشش ہیں اور انہیں روکنے کے لیے جامع حکمت عملی کی ضرورت ہے۔ تحقیقات جاری ہیں اور مزید تفصیلات کا انتظار ہے۔

-
-
-
-
-
-
-

لاہور: پاکستان کرکٹ ٹیم جنوبی افریقا کے خلاف سیریز کے پہلے ٹی ٹوئنٹی میں گلابی تھیم والی خصوصی کٹ پہنے گی۔پاکستان کرکٹ ب...
24/10/2025

لاہور: پاکستان کرکٹ ٹیم جنوبی افریقا کے خلاف سیریز کے پہلے ٹی ٹوئنٹی میں گلابی تھیم والی خصوصی کٹ پہنے گی۔
پاکستان کرکٹ بورڈ نے چھاتی کے سرطان سے متعلق آگاہی کیلئے پنک ربن مہم میں شمولیت اختیار کی ہے۔
پاکستان کرکٹ بورڈ کے چیف آپریٹنگ آفیسر سمیر احمد سید نے بتایا کہ راولپنڈی میں کھیلے جانے والے پہلے ٹی ٹوئنٹی کے دوران جنوبی افریقی ٹیم اور میچ آفیشلز گلابی ربن پہنیں گے۔
پی سی بی کے سی او او نے کہا کہ پاکستان ٹیم پہلا ٹی ٹوئنٹی گلابی تھیم والی خصوصی کٹ پہن کر کھیلے گی جب کہ اس روز میچ میں استعمال ہونے والی اسٹمپس بھی گلابی رنگ کی ہوں گی۔
انہوں نے کہا کہ کرکٹ کے ذریعے چھاتی کے سرطان سے متعلق عوامی آگاہی پھیلانا پی سی بی کی ہمیشہ سے کوشش رہی ہے، دوران میچ کمنٹیٹرز براہِ راست نشریات میں آگاہی پیغامات شیئر کریں گے۔
سمیر احمد سید کا کہنا تھا کہ پنک ربن اسپتال لاہور میں 28 اکتوبر کو مفت اسکریننگ اور چیک اپ فراہم کرے گا۔
خیال رہے کہ پاکستان اور جنوبی افریقا کے درمیان ٹی ٹوئنٹی سیریز 28 اکتوبر سے یکم نومبر تک کھیلی جائے گی۔

-
-
-
-
-
-
-

ڈیرہ اسماعیل خان: ڈی آئی خان میں 2 دھماکے ہوئے، جس میں ایس پی آپریشنز سمیت 3 پولیس اہلکار شہید ہوگئے۔پولیس کے مطابق ہنگو...
24/10/2025

ڈیرہ اسماعیل خان: ڈی آئی خان میں 2 دھماکے ہوئے، جس میں ایس پی آپریشنز سمیت 3 پولیس اہلکار شہید ہوگئے۔
پولیس کے مطابق ہنگو کے علاقے میں 2 زوردار دھماکے ہوئے، جس میں ایس پی آپریشن اسد زبیر اور 2 پولیس اہلکار شہید ہوگئے جب کہ دیگر اہلکار زخمی ہوئے ہیں۔
مقامی ذرائع کے مطابق دھماکے کی آواز دُور دُور تک سنی گئی، جس کے بعد علاقے میں خوف و ہراس پھیل گیا۔ قانون نافذ کرنے والے اداروں نے علاقے کو گھیرے میں لیا ہے جب کہ ریسکیو اداروں نے شہدا کی لاشوں اور زخمی اہلکاروں کو ڈی ایچ کیو اسپتال منتقل کیا ہے۔
حکام نے بتایا کہ دہشت گردوں کی جانب سے ہنگو کے علاقے غلمینا میں پولیس کی چیک پوسٹ کو بارودی مواد کے دھماکے سے اُڑایا گیا، تاہم اس میں کسی قسم کا کوئی جانی و مالی نقصان نہیں ہوا۔ بعدازاں ایس پی آپریشنز اسد زبیر اہلکاروں کے ساتھ جائے وقوع پر روانہ ہورہے تھے تو اس دوران دہشت گردوں نے داربن کے مقام پر پولیس کی گاڑی کو بارودی مواد سے نشانہ بنایا۔

-
-
-
-
-
-
-

اسلام آباد وزارت داخلہ نے تحریک لبیک پاکستان پر پابندی کا نوٹیفکیشن جاری کردیا۔وفاقی کابینہ نے گزشتہ روز ٹی ایل پی پر پا...
24/10/2025

اسلام آباد وزارت داخلہ نے تحریک لبیک پاکستان پر پابندی کا نوٹیفکیشن جاری کردیا۔
وفاقی کابینہ نے گزشتہ روز ٹی ایل پی پر پابندی کی منظوری دی تھی، جس کے بعد اب وزارت داخلہ نے مذہبی جماعت پر پابندی کا نوٹیفکیشن بھی جاری کردیا ہے۔
وزارت داخلہ کے نوٹیفکیشن کے بعد ٹی ایل پی کو اب کالعدم جماعت قرار دے دیا گیا ہے، نوٹیفکیشن میں کہا گیا ہے کہ وفاقی حکومت کے پاس ٹھوس وجوہ ہیں کہ ٹی ایل پی دہشت گرد سرگرمیوں میں ملوث ہے۔
نوٹیفکیشن میں کہا گیا کہ انسداد دہشت گردی ایکٹ 1997 کے مطابق ٹی ایل پی کو فرسٹ شیڈول کے تحت کالعدم جماعتوں کی فہرست میں شامل کرلیا گیا ہے۔
تحریک لبیک پاکستان پر پابندی کا نوٹیفکیشن امیر ٹی ایل پی اور الیکشن کمیشن سمیت تمام صوبوں اور متعلقہ اداروں کو بھی ارسال کردیا گیا ہے۔
ذرائع کا بتانا ہے کہ ٹی ایل پی پر پابندی کے لیے وزارت قانون نے بھی قانونی کارروائی کا آغاز کردیا ہے، وزارت قانون اور اٹارنی جنرل کی مشاورت کے بعد سپریم کورٹ میں ریفرنس دائر کیا جائے گا، سپریم کورٹ ریفرنس پر فوجداری ٹرائل کی طرح شواہد کا جائزہ لے کر پابندی کا فیصلہ کرے گی۔
ذرائع کے مطابق آئین کے آرٹیکل17 کی شق 2 اور 3 کی بنیاد پر ٹی ایل پی پر پابندی کا ریفرنس سپریم کورٹ میں دائر ہوگا، وفاقی حکومت دائر ریفرنس میں ٹی ایل پی کی دہشت گرد کارروائیوں کے ثبوت دے گی، ریفرنس سپریم کورٹ میں جلد دائر کردیا جائے گا۔
آئین کے مطابق کوئی سیاسی جماعت ملکی سلامتی اور وحدانیت کے خلاف کام کرے تو اس پر پابندی لگ سکتی ہے، اس صورت میں سیاسی جماعت پر پابندی آرٹیکل 17 کی شق 2 کے تحت لگ سکتی ہے۔
آرٹیکل 17 کے مطابق کسی سیاسی جماعت پر پابندی کی تصدیق تب تک نہیں ہوتی جب تک سپریم کورٹ فیصلہ نہ دے، حکومت پابندی کے فیصلے کے بعد 15 دن میں ریفرنس سپریم کورٹ کو ارسال کرتی ہے، آئین کے تحت رجسٹرڈ سیاسی جماعت پر پابندی کا مکمل اطلاق سپریم کورٹ کے فیصلے سے ہوگا۔
خیال رہے کہ چند روز قبل پنجاب کابینہ نے ٹی ایل پی پر پابندی کی منظوری دی اور اس کی سمری وفاقی حکومت کو ارسال کی تھی۔

-
-
-
-
-
-
-

Address

House No 60, D. A. C. H. Society, Block 7/8, Shaheed-e-Millat Road
Karachi
75400

Website

Alerts

Be the first to know and let us send you an email when Voice of Sindh posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Voice of Sindh:

Shortcuts

Share

Category