Consumer News

Consumer News This is a digital platform aimed to focus on consumer perspectives in all spheres of life. It is striving to create awareness about consumer rights.

03/07/2026

تھانہ پاکستان بازار کے ایس ایچ او کی مبینہ منشیات فروش سے ملاقات کی تصویر سامنے آگئی، سوالات اٹھنے لگے۔ ذرائع کے مطابق علاقے میں آئس، کرسٹل اور دیگر منشیات کی مبینہ کھلے عام فروخت جاری ہے، جبکہ علاقہ مکینوں نے ایس ایس پی ویسٹ سے فوری کارروائی کا مطالبہ کیا ہے۔ پولیس کی جانب سے ان الزامات پر تاحال کوئی باضابطہ مؤقف سامنے نہیں آیا۔

26/06/2026

یوم عاشور کے موقع پر ایم کیو ایم پاکستان کے رہنما شبیر احمد قائم خانی نے ملیر حسینی امام بارگاہ سے برآمد ہونے والے ماتمی جلوس میں شرکت کی اور عزادارانِ امام حسینؑ سے اظہارِ عقیدت کیا۔

شبیر احمد قائم خانی، نعیم خان، فہیم اجمیری اور ایم پی اے شارق جمال نے ملیر ٹاؤن یو سی 2 میں قائم میڈیکل کیمپ اور سبیل کا دورہ کیا، انتظامات کا جائزہ لیا اور خدمت میں مصروف کارکنان کو سراہا۔

26/06/2026

عاشورہ سیکیورٹی انتظامات کا جائزہ

ڈی جی رینجرز سندھ میجر جنرل محمد شمریز نے عاشورہ کے موقع پر سیکیورٹی انتظامات کا جائزہ لیا۔ کراچی سمیت سندھ بھر میں 7 ہزار رینجرز اہلکار و افسران تعینات، جلوسوں کی نگرانی سی سی ٹی وی کیمروں اور جدید سیکیورٹی اقدامات سے جاری رہی۔

26/06/2026

کراچی: یومِ عاشورہ پر واٹر کارپوریشن کے مؤثر انتظامات

یومِ عاشورہ کے موقع پر کراچی واٹر کارپوریشن نے مرکزی جلوسوں اور عزاداری روٹس پر فراہمی و نکاسی آب کے بہترین انتظامات یقینی بنائے۔ سی او او انجینئر اسداللہ خان نے مختلف روٹس کا دورہ کرکے انتظامات کا جائزہ لیا۔

جلوسوں کے دوران پانی کی بلا تعطل فراہمی، واٹر ٹینکرز کی تعیناتی، سیوریج شکایات کے فوری ازالے اور عملے کی مسلسل نگرانی کا سلسلہ جاری رہا۔

26/06/2026

سانحہ بلدیہ فیکٹری کیس میں طویل عرصے سے زیرِ حراست ایم کیو ایم پاکستان کے کارکنان رحمان بھائی اور زبیر بھائی کی ایم کیو ایم پاکستان کے سینیئر مرکزی رہنماء سید مصطفیٰ کمال سے بہادرآباد عارضی مرکز میں ملاقات ہوئی۔

ملاقات کے دوران کارکنان کے مسائل اور قانونی معاملات پر گفتگو کی گئی۔ اس موقع پر سینئر مرکزی رہنماء انیس احمد قائمخانی، مرکزی رکن و انچارج COC فرقان اطیب، سید شاکر علی، اراکین قومی و صوبائی اسمبلی اور دیگر عہدیداران بھی موجود تھے۔

25/06/2026

وزیر بلدیات سندھ سید ناصر حسین شاہ کی علمائے اہل سنت کے وفد سے اہم ملاقات

کراچی: وزیر بلدیات سندھ سید ناصر حسین شاہ نے علمائے اہل سنت کے وفد سے ملاقات کی، جس میں محرم الحرام اور ماہ ربیع الاول کے دوران امن و امان، سیکیورٹی انتظامات، بلدیاتی امور اور عوامی سہولیات پر تفصیلی تبادلہ خیال کیا گیا۔

ملاقات میں اس بات پر اتفاق کیا گیا کہ مذہبی ہم آہنگی، بھائی چارگی اور امن کی فضا کو ہر صورت برقرار رکھا جائے گا۔ سید ناصر حسین شاہ نے کہا کہ تمام مکاتب فکر کے لوگ اہل بیت سے محبت کرتے ہیں اور حکومت امن و اتحاد کے لیے اقدامات جاری رکھے گی۔

وزیر بلدیات سندھ نے مساجد، مدارس اور امام بارگاہوں کے انفرااسٹرکچر کے کاموں کی فہرست طلب کرتے ہوئے کہا کہ عوامی مشکلات کے پیش نظر سیکیورٹی پلان ایسا بنایا جائے گا جس سے شہریوں کو کم سے کم تکلیف ہو۔

علمائے اہل سنت نے محرم الحرام اور ربیع الاول میں حکومت اور انتظامیہ سے بھرپور تعاون کی یقین دہانی کرائی۔

24/06/2026

بلدیاتی ٹاؤن 24 مارکیٹ میں پولیس کارروائی، مبینہ زیادتی کے مقدمے میں ملزم گرفتار

کراچی: بلدیہ ٹاؤن 24 مارکیٹ میں پولیس نے کارروائی کرتے ہوئے مبینہ زیادتی کے مقدمے میں ایک شخص کو گرفتار کرلیا۔

پولیس کے مطابق گرفتار ملزم سیف اللہ پردوں کی دکان سے وابستہ ہے، جس پر الزام ہے کہ اس نے خواتین کو امداد کا لالچ دے کر مبینہ طور پر زیادتی کا نشانہ بنایا۔

پولیس کا کہنا ہے کہ واقعے میں اسلحہ کے استعمال کا الزام بھی سامنے آیا ہے۔

تھانہ ماری پور، ضلع کیماڑی پولیس نے کارروائی کرتے ہوئے ملزم کو حراست میں لیا۔ پولیس کے مطابق مقدمہ تعزیراتِ پاکستان کی دفعہ 376 کے تحت درج کیا گیا ہے۔

پولیس کا کہنا ہے کہ ملزم کے خلاف قانونی کارروائی جاری ہے جبکہ مزید تفتیش کی جا رہی ہے۔

21/06/2026

پاکستان میری ٹائم سیکیورٹی ایجنسی کی بڑی انسانی ہمدردی کی کارروائی 🇵🇰⚓

پاکستان میری ٹائم سیکیورٹی ایجنسی (PMSA) نے سمندر میں ریسکیو کیے گئے 8 ایرانی شہریوں کی بحفاظت وطن واپسی کے لیے تمام انتظامات مکمل کر لیے۔

ایم ایم اے ویلور (MMA VALOUR) کے ذریعے ریسکیو کیے گئے غیر ملکی شہریوں کے استقبال، طبی معائنے اور ضروری دستاویزی کارروائی میں PMSA نے اہم کردار ادا کیا۔ اس انسانی ہمدردی کی کارروائی میں وزارتِ خارجہ، پاک بحریہ، ایف آئی اے اور ایرانی قونصل خانے نے بھی بھرپور تعاون فراہم کیا۔

پاکستان سمندر میں انسانی جانوں کے تحفظ اور بحری تعاون کے عزم پر قائم ہے۔ PMSA سرچ اینڈ ریسکیو آپریشنز کی ذمہ دار واحد بحری قانون نافذ کرنے والی ایجنسی ہے، جو سمندری ہنگامی حالات میں بروقت امداد کی فراہمی کو اپنی اولین ترجیح سمجھتی ہے۔

Address

South
Karachi

Telephone

+923003642759

Website

Alerts

Be the first to know and let us send you an email when Consumer News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Consumer News:

Shortcuts

Share

Category