04/05/2026
لاہور ہائیکورٹ کے جسٹس احمد ندیم ارشد نے گلوکارہ میشا شفیع کی اپیل پر سماعت کرتے ہوئے سیشن کورٹ کی جانب سے علی ظفر کو 50 لاکھ روپے ہرجانہ ادا کرنے کے فیصلے کو معطل کر دیا ہے. عدالت نے میشا شفیع کو ہدایت کی ہے کہ وہ ہرجانے کی آدھی رقم نقد اور باقی آدھی رقم کی شورٹی عدالت میں جمع کروائیں. اس کے ساتھ ہی عدالت نے علی ظفر کو نوٹس جاری کرتے ہوئے ان سے جواب طلب کر لیا ہے. تاہم، ہائیکورٹ نے ٹرائل کورٹ کا وہ فیصلہ معطل کرنے کی استدعا مسترد کر دی جس میں میشا شفیع کو دوبارہ جنسی ہراسانی کے الزامات لگانے سے روکا گیا تھا، عدالت کا کہنا تھا کہ کسی کو ایسے الزامات لگانے کی اجازت نہیں دی جا سکتی. یاد رہے کہ علی ظفر نے جنسی ہراسانی کے الزامات پر میشا شفیع کے خلاف 100 کروڑ روپے ہرجانے کا دعویٰ دائر کیا تھا، جس پر سیشن کورٹ نے گلوکارہ کو 50 لاکھ روپے ہرجانہ بھرنے کا حکم دیا تھا.
