Pak Patriotic Library

Pak Patriotic Library پاکستانی ملّی نغمات کی واحد مختص ویب سائٹ کا پیج جس میں

پاکستانی قومی نغمات کی واحد مختص ویب سائٹ پاک پیٹریاٹک لائبریر کا پیج
جس میں ہم فیس بُک پر قومی نغمات کے فروغ کے لیے کوشاں ہیں

16/07/2026

مشرقی پاکستان کی آوازِ پاکستان شہناز بیگم کی آواز میں نایاب ملی نغمہ :
"گلوں کا رنگ چمن کا نکھار تجھ سے ہے
میرے وطن میری فصلِ بہار تجھ سے ہے"
یہ نغمہ ٹرانسکرپشن سروس ریڈیو پاکستان کراچی کے نگراں سید سلیم گیلانی کی پیشکش میں 1971ء کی جنگ سے قبل ریکارڈ ہوا جس کے شاعر اور موسیقار بھی سلیم گیلانی ہی تھے ۔ یہ نغمہ اپنے متن کے اعتبار سے بھی ایک پر فکر ملی نغمہ ہے جبکہ کمپوزیشن میں گیلانی صاحب نے اس کی سریلی اور مدھم دھنوں سے آراستہ طرز بنوائی ۔ ملی نغموں کے خزانے سے آپ سب کی نذر ۔۔!!
( ابصار احمد )

07/06/2026

قیامِ پاکستان کے بعد ریکارڈ شدہ اولین ملی نغمہ ۔۔! گلوکارہ منور سلطانہ، نغمہ نگار شوکت تھانوی اور موسیقار قادر فریدی کو خراجِ تحسین ۔۔۔!! اوریجنل گراموفون شیلاک ڈسک پر ۔۔ آج منور سلطانہ کی برسی ہے ۔
( ابصار احمد )

31/05/2026

مرحبا عزم و شجاعت کے علم بردارو! مرحبا مرحبا
جنگِ ستمبر 1965ء کا ایک یادگار مگر نایاب ملی نغمہ جسے عاشور کاظمی نے تحریر کیا تھا ۔ ٹرانسکرپشن سروس ریڈیو پاکستان کراچی پر اس نغمے کو اقبال علی اور ساتھیوں نے لعل محمد اقبال کی موسیقی میں ریکارڈ کروایا جو ان دنوں ایک مقبول ملی نغمہ بن چکا تھا ۔ اس نغمے میں اقبال علی کے ساتھ ان کی اہلیہ رشیدہ بیگم ، ایس بی جون، اختر وصی علی کے علاوہ اقبال علی کے نو عمر بھانجے رفعت شیخ بھی موجود ہیں جن کی آواز انھی سے مماثل تھی۔
( ابصار احمد ۔ پاک پیٹریاٹک لائبریری )

#مرحبا

31/05/2026

جنگِ ستمبر 1965ء کا نایاب ترین اور دشمن پر طنز کرتا ملی نغمہ جسے معروف فنکار احمد رشدی اور ساتھیوں نے نتھو خاں کی موسیقی میں ٹرانسکرپشن سروس ریڈیو پاکستان کراچی پر سید سلیم گیلانی کی پیشکش میں ریکارڈ کروایا ۔ اس نغمے کے خالق اکبر خان اصغر تھے ۔
( ابصار احمد ۔ پاک پیٹریاٹک لائبریری )

31/05/2026

جنگِ ستمبر 1965ء کا ایک نایاب ترین ملی نغمہ جو نظیر اکبر ابادی "بنجارہ نامی" کی زمیں پر لکھی گئی اور اسے "نقار نامہ" کا عنوان دیا گیا ۔۔ آوازیں زوار حسین اور ساتھی ۔۔ شاعر : محشر بدایونی ۔ موسیقار : امراؤ بندو خاں ۔۔ پیشکش : ٹرانسکرپشن سروس ریڈیو پاکستان کراچی . آرکائیو : ابصار احمد
پاک پیٹریاٹک لائبریری

#نقارہ

14/05/2026

دسمبر 1971ء کی جنگ میں ہمارے مسیحی فنکار سنی بینجمن جون المعروف ایس بی جون کی آواز میں انھی کی موسیقی سے سجا یہ استفہامیہ ملی نغمہ جسے معروف شاعر پروفیسر ساقی جاوید نے تحریر کیا تھا ۔۔ یہ نغمہ ہر محبِ وطن پاکستانی کی جانب سے وطن کے نام پیغام ہے جس میں وہ مشکل حالات میں اپنے وطن سے پوچھتا ہے :
" اے ارضِ وطن تو ہی بتا تیری صدا پر
کیا ہم کبھی فرض سے انکار کیا ہے؟
اے جانِ وفا تو ہی بتا ترے پیار کے آگے
کیا ہم نے اپنی جاں سے کبھی پیار کیا ہے؟ "
یہ نغمہ خاص جنگی حالات میں ریڈیو پاکستان کراچی نے تیار کیا تھا جو اپنے پیغام کے سبب جنگ کے بعد بھی مقبول رہا ۔ پھر اسی نغمے میں معمولی سی ترمیم کرکے اسے محنت کش عوام کے لیے بھی بنایا گیا جسے ٹرانسکرپشن سروس ریڈیو پاکستان کی جانب سے تیار کردہ "روشنی کے گیت" سیریز کے لانگ پلے وائلن گراموفون ریکارڈ پر جاری کیا گیا ۔ 1974ء میں پہلی اقلیتی کانفرنس کے موقع پر ایس بی جون نے اس وقت کے وزیر اعظم ذوالفقار علی بھٹو کے سامنے یہ نغمہ گا کر پاکستانی مسیحی برادری کا پیغام بھی سنایا جس پر وزیر اعظم بھی متاثر ہوئے اور انھوں نے اس نغمے کو دوبارہ سنا ۔ ایس بی جون کا یہی ملی نغمہ ان کا نمائندہ شاہکار بھی کہلاتا ہے ۔

13/05/2026

پاکستان کی قومی فنکارہ نجم آراء کی آواز میں انتہائی نایاب ملی نغمہ جسے ریڈیو پاکستان پشاور کے ڈائریکٹر نیوز یونس سیٹھی نے تحریر کیا تھا جبکہ موسیقار مہدی ظہیر تھے ۔ یہ نغمہ 1958ء میں ریڈیو پاکستان کراچی نے تیار کیا ۔

06/05/2026

معرکۂ حق آپریشن بنیان مرصوص کی کامیابی کا پہلا سال ۔۔ الحمدللہ ۔۔ !! احمد رشدی اور ساتھیوں کی آوازوں میں پاکستان ٹیلی ویژن کے سابق منیجنگ ڈائریکٹر جناب ضیاء جالندھری کا تحریر کردہ ملی نغمہ جسے مظہر وکٹر نے موسیقی سے سجایا اور پھر یہ دسمبر 1971ء کی جنگ میں ٹرانسکرپشن سروس ریڈیو پاکستان کراچی نے سلیم گیلانی کی پیشکش میں 7 دسمبر کو پیش کیا ۔ اس نغمے میں حمد و مناجات بھی ہیں تو شہیدوں اور غازیوں کو خراجِ تحسین بھی ۔۔!!
"اے خدائے ذوالجلال ۔۔۔!!
تیرے حکم سے ترے شہید کا زوال "

آرکائیوسٹ : ابصار احمد

06/05/2026

معرکۂ حق آپریشن بنیان مرصوص کی کامیابی کا پہلا سال مبارک ۔۔ احمد رشدی اور ساتھیوں کی آوازوں میں ضیاء جالندھری کا تحریر کردہ ملی نغمہ جسے مظہر وکٹر اور احمد رشدی نے مشترکہ طور پر موسیقی سے آراستہ کیا ۔ یہ نغمہ 1971ء کی جنگ میں ٹرانسکرپشن سروس ریڈیو پاکستان کراچی نے سلیم گیلانی کی پیشکش میں تیار کیا تھا ۔
" نصر من اللہ فتح قریب
اپنا نگہباں کا خدا کا حبیب
ہم شیرِ میدانِ بدر و حنین
شمشیرِ حیدر ہیں تیغِ حسین
اپنا نگہباں خدا کا حبیب
نصر من اللہ فتح قریب "

آرکائیو : ابصار احمد

Address

Karachi

Telephone

0300-3520642

Website

Alerts

Be the first to know and let us send you an email when Pak Patriotic Library posts news and promotions. Your email address will not be used for any other purpose, and you can unsubscribe at any time.

Shortcuts

Share

Category