Kalam Abbas Haider Zaidi

09/12/2024

You can also follow on Instagram to see more.

03/11/2024

19/10/2024

حرم کی روح حرا کا وقار ہیں سجاد
غریب شہر نہیں شہر یار ہیں سجاد

کتآب ِ حق کے عجب پاسدار ہیں سجاد
کہیں علی ہیں کہیں زوالفقار ہیں سجاد

مقیمِ قلبِ فرزدق ہے میری فکرِ رثا
یہ وہ جہاں ہے جہاں تاجدار ہیں سجاد

وہ آج دنگ ہیں قیدی کی حکمرانی پر
جو کہ رہے تھے غریب الدیار ہیں سجاد

جو پیشِ جہلِ خرد سر کو خم نہیں کرتا
وہ جانتا ہے کہ کیوں ذی وقار ہیں سجاد

اسی کا عکس تو ہے منعکس صحیفے میں
جس ایک عکس کے آئینہ دآر ہیں سجاد

در حسین درِ علم پہ ہے سر بسجود
در حسین پہ سجدہ گزار ہیں سجاد

امیرِ شہر اسی بات سے تو خائف ہے
غریبِ شہر ترے غم گسار ہیں سجاد

18/10/2024

نعت

منزل عزو شرف میں جس کی حد کوئ نہیں
جز مرے سرکار اتنا مستند کوئ نہیں

کر گئے ہیں حق ادا انسان کی پہچان کا
میرے آقا جن کا ہم سر تا ابد کوئ نہیں

بزمِ مدحت صاحبِ معراج کا دربار ہے
سب ہیں قد آور یہاں کوتاہ قد کوئ نہیں

مدحتِ سرکار ایسا باب ہے جس باب میں
حد ہو کیا کہنے کی جب سننے کی حد کوئ نہیں

جاوداں یوں ہی نہیں ہے گنبدِ خضرا کا رنگ
یہ وہ نقشِ معتبر ہے جس کا رد کوئ نہیں

وجہ ِ بعثت سے کوئ واقف نہ ہو یہ اور بات
کم سے کم اعلانِ حق سے نا بلد کوئ نہیں

جو نجف سے ہو کے جاتی ہے مدینے کی طرف
دور ایسی راہ سے باب رسد کوئ نہیں

تہ بہ تہ یہ روشنی اس امر کی عکاس ہے
مصحف والشمس سے اب نا بلد کوئ نہیں

عباس حیدر زیدی

15/10/2024

سلام بحضور شرہکةالحسین

خطآب غور سے سن بار بار زینب کا
تجھے پتہ تو چلے کیا ہے وار زینب کا

ہے تجھ پہ اج بھی واجب ادھار زینب کا
زمآ۔ے قرض تو کوئ اتار زینب کا

ہر اک سوال سے صدیوں کو لا جواب کیا
کوئ جواب ہے پر ور دگار زینب کا

اٹھے گا غیب کا پردہ تو یہ عیاں ہوگا
ہے کس زمانے پہ کیا اختیار زینب کا

مجآل کیاجو یہاں ہوں نہ حرف سر بسجود
کہ ذکر ہے یہ تہجد گزار زینب کا

اگر یہ چاہو کہ تا عمر عافیت میں رہو
وہآں رہو کہ جہاں ہو حصار زینب کا

دعا وہ کتنی اہم تھی کہ جس دعا کے لئے
مبآہلے نے کیا انتظار زینب کا

جو انما سے اجازت مری زباں کو ملے
کروں میں اہل کسا میں شمار زینب کا

اسی پہ دین مبیں کی اساس قا ئم ہے
حسینیت پہ جو ہے اعتبار زینب کا

عبآس
حیدر
زیدی

14/10/2024

دعا صحت کی اپیل
جناب مہدی عباس کاظمی اس وقت سخت علیل ہیں اور کراچی کے مقامی ہسپتال میں زیرے علاج ہیں آپ تمام احباب سے انکی صحت و سلامتی کی درخواست ہے
🙏🏼🙏🏼🙏🏼🙏🏼