20/08/2026
آپ سوچ رہے ہوں گے کہ شاید کوئی نہر بہہ رہی ہے یا دریا گزر رہا ہے! ارے نہیں بابا، یہ راولپنڈی کا وہی تاریخی راجا بازار ہے جسے سوشل میڈیا اور مین اسٹریم میڈیا پر اشتہارات کے ذریعے ’’ماڈل بازار‘‘ کے طور پر خوب پروموٹ کیا گیا تھا۔
لیکن کہتے ہیں نا، میک اپ سے جھریاں کتنی ہی چھپا لیں، چہرہ دھوتے ہی اصل حقیقت سامنے آ جاتی ہے۔ یہی حال اس ’’ماڈل بازار‘‘ کا ہوا۔ اوپر سے خوبصورت میک اپ، مگر پہلی ہی بارش نے سارا اصل چہرہ عوام کے سامنے رکھ دیا۔ بہتر ہوتا کہ پہلے جامع منصوبہ بندی کی جاتی، نکاسیٔ آب کا مؤثر اور مستقل نظام بنایا جاتا، بنیادی مسائل حل کیے جاتے اور پھر کسی بازار کو ’’ماڈل‘‘ قرار دیا جاتا۔
عوامی اور سیاسی حلقوں کا کہنا ہے کہ اگر ترقیاتی منصوبوں میں مبینہ کمیشن، ٹھیکوں پر ٹھیکے اور سیاسی تشہیر کو عوامی سہولت پر ترجیح دی جائے تو نتیجہ یہی نکلتا ہے۔ عوام کے پیسوں سے بننے والے منصوبوں کی اصل کارکردگی بارش کے چند قطروں میں ہی سامنے آ جاتی ہے۔ اس بارش نے راجا بازار کو نہیں ڈبویا، بلکہ دعووں اور زمینی حقیقت کے درمیان فرق عوام کے سامنے بالکل عیاں کر دیا
#کراچی
#ستھراپنجاب
