26/09/2024
احباب۔ ہماری کتاب یہ عہد ہمارا ہے، میں شامل شعرا کرام کے منتخب کلام کے سلسلے کی اس دوسری کڑی میں عصرِ حاضر کے ان باکمال شعرا و شاعرات کا کلام پیش ہے جو ہماری کتاب میں شامل ہیں، امید ہے آپ اس خوبصورت،پُرجمال اور فکرانگیز شاعری سے حظ اٹھائیں گے۔
اجمل سراج ہم اُسے بھولے ہوئے تو ہیں
کیا جانے کیا کریں گے اگر یاد آگیا،،
اجمل سراج۔
تُو جسے دشت سمجھتا ہے یہ اب دشت نہیں
میں نے اس دشت میں اک شہر بسایا ہوا ہے،،
اوصاف شیخ۔
اندھیرے دور کرے نور سے اجالے مجھے
کوئی تو ہو جو ترے بعد بھی سنبھالے مجھے،،
آزاد حسین آزاد۔
مِری دعائیں مجھے سانپ بن کے ڈستی ہیں
نہ جانے کون سی لکنت ہے میرے لہجے میں،،
امجد بابر۔
بلا سے ٹوٹ ہی جائے مرا قلم لیکن
کہانی اپنی میں تحریر کر کے چھوڑوں گا،،
اعجاز دانش۔
جن کو چلنا تھا چلے، مجبور پیچھے رہ گئے
وقت اتنا تیز تھا معذور پیچھے رہ گئے،،
تابش کمال۔
یوسف ہوں مگر میرا کوئی دام نہیں ہے
اور اس پہ زلیخا کا بھی الزام نہیں ہے،،
باسط پتافی۔
خود کو سمجھا رہے ہیں برسوں سے
راہ الفت میں سر جھکاتے ہیں,,
حرا شبیر۔
اسے لوٹا لٹیروں نےوڈیروں نے وزیروں نے
مری دھرتی کا مفلس اور گدا ہونا تو بنتا تھا،،
ثاقب سیال۔
یہ عمارت یوں ہی تعمیر نہیں ہو سکتی
یعنی اس غم کا بھی معمار کوٸی تو ہو گا،،
دانیال اسماعیل۔
دل وہ آرام طلب تھا کہ خدا جانتا ہے
پر جو ترکیب نکالی ہے سفر کی میں نے،،
راشد علی مرکھیانی۔
ایسا بھی کیا قصور کوئی ہم سے ہوگیا
ملتا تو ہے وہ م سے مگر بے رُخی کے ساتھ،،
روبینہ ممتاز روبی۔
برائے پاسِ ادب خاک بیٹھ سکتی ہے
تو بیٹھی کیوں نہیں جب خاک بیٹھ سکتی ہے،،
سید طاہر۔
کیا خبر، کون سے صفحے کا لکھا لے ڈوبے
اس لیے دفتر افلاک سے ڈر لگتا ہے،،
شمسہ نجم۔
ستارہ وار سنہرا غبار تھا کوئی
اور اُس پہ خواب کے رستے سے کوئی جاتا ہُوا,,
طاہر شیرازی۔
ہجوم غم میری تنہائیوں کو ڈستا ہے
گئے وہ دن کہ سماں دل کا خوشگوار بھی تھا،،
عظمی رحمان۔
آپ نے بھی تو بلایا ہے مگر دیکھتا ہوں
شامِ افسونِ ملاقات کہاں کھینچتی ہے،،
مجید اختر۔
یہ آگہی ہے جو کرتی ہے مجھ کو ذات میں گم
پھر اِس کے بعد میں ہوتا ہوں شش جہات میں گم،،
مقسط ندیم۔
ہیں دشت کے سینے پہ نشاں اور طرح کے
اب تشنگی کہتی ہے کہ دریا مجھے دیکھے،،
محمد علی حسین۔
سواری صرف ایک اُتری ہے اور میں
بھری گاڑی میں تنہا رہ گیا ہوں،،
مہرفام۔
دیکھنا چاہیے تھا مُڑ مُڑ کر
ہاں اُصولاً تو اُس کو جاتے ہوئے،،
مہرو ندا احمد۔
جب سنانے انہیں سب فغاں آگئے
ہم سنائے بِنا داستاں آگئے،،
مسلم علوی۔
سکوتِ شب جو ٹُوٹا تو روانی میں چلے آئے
بہت چُپ چاپ تم میری کہانی میں چلے آئے،،
ہدایت سائر۔
اردو شاعری کے اس منفرد مجموعہِ کلام میں ہمارے بہت سے نظم گو دوست بھی شامل ہیں، ہم اپنی کسی اگلی پوسٹ میں منتخب شاعروں کی کچھ نظمیں بھی پیش کریں گے۔
اگر اپ بھی اس کاروان میں شامل ہونا چاہتے ہیں تو ہمیں اس نمبر پر واٹس ایپ کریں یا اپنا کلام فیس بک پر ہمیں انباکس کریں۔
سید کامی شاہ۔
03002522350
