Sabir Writes

17/08/2026

مکار لوگوں کی سب سے بڑی طاقت اُنکی زبان نہیں،
آپ کا اُن پر اندھا اعتماد ہوتا ہے...!!
🥀❤️

13/08/2026

بس یہی کہا جائے گا
انا للّٰہ وانا الیہ راجعون 💦

ایک دن ہماری موت کا اعلان بھی ہوگا۔
گھر خبر پہنچے گی، صف ماتم بچھے گا، بیوی بچے چیخیں گے، بھائی بہن روئیں گے، رشتے دار غم کریں گے لیکن حسب تعلق کچھ چند دن، اور کچھ چند منٹ، پھر وہی گھر آباد ہو گا، دو تین کے علاؤہ خونی رشتوں کو بھی نیند آئے گی، ہنسی مذاق چلتا رہے گا،

وہی موبائل، وہی سوشل میڈیا، وہی واٹس ایپ گروپس…
بس ہمارے نام کے ساتھ لکھا ہوگا:

"انتقال ہوگیا ہے، نمازِ جنازہ فلاں وقت ہوگی۔"

گروپوں میں ہمارا نمبر موجود ہوگا، لیکن ہم نہیں ہوں گے۔
فیس بک پیج ہمارے نام سے ہوگا،
ہماری تصاویر، مضامین، پوسٹیں سب وہاں موجود ہوں گی،
لیکن ہم نہیں ہوں گے۔

انہی گروپس میں ہماری موت کی خبر پر۔۔۔۔

کچھ لوگ
"إِنَّا لِلّٰهِ وَإِنَّا إِلَيْهِ رَاجِعُونَ"
لکھیں گے، کچھ تعزیتی پیغام لکھ کر
رسمی سا افسوس کریں گے…

پھر چند لمحوں بعد
اگلی چیٹ شروع ہو جائے گی۔

گروپ چلتا رہے گا…
بس ہم نہیں ہوں گے۔

ہمارے دفتر کے لوگ ہماری اچانک موت پر چند لمحے افسوس کریں گے،
پھر فائلیں کھل جائیں گی،
لیپ ٹاپ آن ہو جائیں گے،
فون کی گھنٹیاں بجنے لگیں گی،
کام دوبارہ شروع ہو جائے گا۔

ہماری کرسی خالی ہوگی،
لیکن دفتر خالی نہیں ہوگا،
ہمارا ادارہ اسی طرح چلتا رہے گا،

جس کام کو ہم اپنے بغیر نامکمل سمجھتے تھے،
وہ ہمارے بغیر بھی چل رہا ہوگا۔

کاریگر اپنے کام پر لگ چکا ہوگا،
کاروبار چل رہا ہوگا،
دکان کھلی ہوگی،
مشینیں چل رہی ہوں گی،

گاہک آ جا رہے ہوں گے۔

بازار بند نہیں ہوگا۔
سڑکوں پر وہی ٹریفک چل رہی ہوگی۔
خرید و فروخت جاری ہوگی۔
دفاتر، فیکٹریاں، کاروباری مراکز سب کھلے ہوں گے۔

دنیا نہیں رکے گی۔
بس ایک شخص مائنس ہوگا…
اور وہ ہم ہوں گے!

آپ کے جانے سے کچھ بدلے گا نہیں۔

آپ کے بغیر بھی سورج طلوع ہوگا،
بازار آباد ہوں گے،
لوگ کھائیں گے، پئیں گے، ہنسیں گے،
اپنی زندگی کے مسائل حل کریں گے،
اپنے مستقبل کے منصوبے بنائیں گے۔

اور آپ؟
آپ نہیں ہونگے
دیکھو
کیا تمھارے دوست نہیں چلے گئے، تمھارے پیارے نہیں چلے گئے،
تو کیا تمھاری زندگی معمول پر نہیں چل رہی؟
تم بھی تو جانے والوں کو بھول جاتے ہو، بس یہی کچھ تمھارے ساتھ ہونا ہے

اس لیے اپنے بارے میں ایک غلط فہمی آج ہی ختم کر لو:

تم دنیا کے لیے اتنے ضروری نہیں ہو جتنا تم اپنے آپ کو سمجھتے ہو۔

نہ تھماری دنیا کو ایسی ضرورت ہے کہ
دنیا تمہارے بغیر چل نہیں سکتی۔

تمہیں اپنی اصل پہچاننی ہے۔
اپنا اصل ٹھکانہ پہچاننا ہے۔
یہ دنیا تمہارا گھر نہیں،
یہ تمہاری گزرگاہ ہے۔

تم مسافر ہو۔
جیسے ٹرمینل پر مسافر آتے ہیں،
کچھ دیر ٹھہرتے ہیں،
اپنی سواری کا انتظار کرتے ہیں،
اور پھر اپنی منزل کی طرف روانہ ہو جاتے ہیں۔

کسی کے آنے سے ٹرمینل رک نہیں جاتا،
کسی کے جانے سے ٹرمینل سنسان نہیں ہوتا۔
تم بھی اسی ٹرمینل کے ایک مسافر ہو۔
تمہاری سواری بھی آئے گی۔

بس فرق یہ ہے کہ
تمہیں نہیں معلوم کہ کب آئے گی۔

اس لیے ابھی وقت ہے۔
خود کو بنا لو۔
اپنے دل کو سنوار لو۔
اپنے گناہوں سے توبہ کر لو۔
اپنی نماز درست کر لو۔
اپنی کمائی پاک کر لو۔
لوگوں کے حقوق ادا کر دو۔
کسی کا دل دکھایا ہے تو معافی مانگ لو۔
کسی کا حق دبایا ہے تو واپس کر دو۔

جس گناہ کو چھوڑنے کا ارادہ کل پر ڈال رکھا ہے،
آج چھوڑ دو۔

کیونکہ موت یہ نہیں دیکھتی کہ تمہارا کاروبار ابھی مکمل ہوا یا نہیں۔

موت یہ نہیں دیکھتی کہ تمہاری اولاد ابھی جوان نہیں ہوئی۔

موت یہ نہیں دیکھتی کہ تمہاری خواہشیں ابھی پوری نہیں ہوئیں۔

جب وقت آتا ہے تو انسان چلا جاتا ہے۔

یھر یاد کر لو
پھر تمہارا موبائل کسی اور کے ہاتھ میں ہوگا۔
تمہارا نمبر کسی اور کے فون میں محفوظ ہوگا۔
تمہارا فیس بک پیج موجود ہوگا۔
تمہارا گھر موجود ہوگا۔
تمہارا کاروبار موجود ہوگا۔
تمہاری کرسی موجود ہوگی۔
تمہاری فائلیں موجود ہوں گی۔

لیکن تم موجود نہیں ہوگے۔

پھر ایک جگہ ایسی ہوگی جہاں تمہیں کسی گروپ کی چیٹ،
کسی فیس بک پوسٹ،
کسی کاروبار،
کسی عہدے
اور کسی تعلق کی ضرورت نہیں ہو گی،

وہاں صرف تم ہوگے…
اور تمہارا رب۔
وہاں نہ دولت کام آئے گی،
نہ شہرت،
نہ عہدہ،
نہ تعلقات۔
وہاں صرف نیک عمل کام آئے گا، اچھا لکھا کام آئے گا، نیک کہا کام آئے گا، گناہوں سے بچنا بچائے گا۔

اس لیے ابھی سے اپنے رب کو تلاش کرو۔

خلوت میں اللہ مل جائے۔
جلوت میں اللہ مل جائے۔
کاروبار میں اللہ مل جائے۔
گھر میں اللہ مل جائے۔
مسجد میں اللہ مل جائے۔
سفر میں اللہ مل جائے۔
کہنے میں اللہ مل جائے،
سننے میں اللہ مل جائے،

زندگی کا رخ بدل دو۔

لوگوں کے لیے جینا کم کرو،
اللہ کے لیے جینا شروع کرو۔

پھر یاد کر لو

لیکن ہم نہیں ہوں گے۔

سوال یہ ہے ہی نہیں کہ کہ ہم گئے تو دنیا کیا کرے گی
سوال یہ ہے کہ
جب ہم دنیا سے چلے جائیں گے تو ہم اللہ کے سامنے کیا لے کریں اور کیا کہیں گے؟
صابر خان 🥀
دعا میں یاد رکھنا جزاک اللہ ❤️

02/08/2026

پبلک سروس میسج

گرمیوں اور برسات کے موسم میں سانپ کے کاٹنے کے واقعات میں نمایاں اضافہ ہوتا ہے۔
اس موسم میں سانپوں سے متعلق آگاہی نہایت ضروری ہے۔ اس پوسٹ میں ہم سانپ کے کاٹنے سے متعلق عام سوالات اور احتیاطی تدابیر پر بات کریں گے۔ برائے مہربانی اس پیغام کو اپنے عزیز و اقارب کے ساتھ ضرور شیئر کریں، تاکہ یہ مفید معلومات زیادہ سے زیادہ لوگوں تک پہنچ سکیں۔
جزاکم اللہ خیراً

سانپ کے کاٹنے سے موت کی ایک بڑی وجہ "خوف" ہوتی ہے۔

لہٰذا سب سے پہلا قدم متاثرہ شخص کو تسلی دینا اور ذہنی طور پر پرسکون رکھنا ہے۔

اہم حقائق:

1. تمام سانپ زہریلے نہیں ہوتے۔

2. زہریلے سانپ بھی ہر بار کاٹنے پر زہر نہیں چھوڑتے۔

3. اگر زہر چھوڑا بھی جائے تو ضروری نہیں کہ وہ مکمل طور پر جسم میں داخل ہو۔

ان باتوں کو سانپ سے ڈسے گئے فرد کو ضرور بتائیں تاکہ وہ گھبراہٹ سے بچے اور ذہنی سکون میں رہے۔

پاکستان میں پائے جانے والے زہریلے سانپ:

کوبرا
کریٹ
وائپر

زہریلے اور غیر زہریلے سانپ کے کاٹنے کی پہچان:
زہریلے سانپ: دو واضح دانتوں کے نشان
غیر زہریلے سانپ: آدھے دائرے میں کئی چھوٹے دانتوں کے نشان

زہریلے سانپ کے کاٹنے کی علامات:
کاٹنے کی جگہ پر دو دانتوں کے نشان
متاثرہ جگہ پر سوجن
آنکھیں کھولنے میں مشکل
سانس لینے میں دشواری
جسم پر نیلے دھبے
یہ علامات عام طور پر 30 منٹ سے 1 گھنٹے کے اندر ظاہر ہونے لگتی ہیں۔

علاج:
زیادہ تر سرکاری ہسپتالوں، حتیٰ کہ THQ اور DHQ میں بھی سانپ کے زہر کا ٹیکہ (Antivenom) دستیاب ہوتا ہے۔
یہ پولی ویلنٹ ہوتا ہے، یعنی تمام عام زہریلے سانپوں کے زہر کے خلاف مؤثر ہوتا ہے۔

فرسٹ ایڈ (ابتدائی طبی امداد):
1. زخم کے اوپر نرم پٹی باندھیں (اتنی سختی سے نہیں کہ خون بند ہو جائے۔ ایک انگلی گزرنی چاہیے)۔
2. متاثرہ عضو کو حرکت نہ دیں تاکہ زہر جسم میں نہ پھیلے۔
3. زخم کو صاف پانی سے دھوئیں۔
4. زخم پر چیرا نہ لگائیں۔
5. زخم کو نہ چوسیں۔
سانپ کا زہر چوس کر نکالنا ایک فلمی تصور ہے، حقیقت میں ناممکن ہے۔
6. زخم پر برف نہ لگائیں۔

اہم ترین بات:
جتنا جلدی ممکن ہو مریض کو قریبی ہسپتال لے جائیں تاکہ بروقت انجیکشن دیا جا سکے۔
ٹوٹکوں پر قیمتی وقت ضائع نہ کریں، یہ مریض کی جان کے لیے خطرناک ہو سکتا ہے۔
اللہ ہمیں ہر قسم کی آزمائش اور مصیبت سے محفوظ رکھے۔ آمین۔
بچوں اور اہلِ خانہ کی صحت سے متعلق معلومات کے لیے ہماری پوسٹس دیکھتے رہیں۔

ڈاکٹر ارشد محمود(MBBS, FCPS)
کنسلٹنٹ چائلڈ نیورالوجسٹ
چلڈرن ہسپتال، لاہور

02/08/2026

🥀❤️

01/08/2026

27/07/2026

کچھ لوگ تمہیں اتنا محتاط بنا جاتے ہیں کہ
دل کے قریب آنے والا ہر شخص بھی کسی چال کا حصہ لگنے لگتا ہے۔

پھر مسئلہ لوگوں کا نہیں رہتا…
اعتماد کا ہوتا ہے، جو ایک بار ٹوٹ جائے تو ہر مسکراہٹ بھی مشکوک لگتی ہے۔ 💔🖤

کیا آپ کے ساتھ بھی کبھی ایسا ہوا ہے؟ اپنی رائے کمنٹ میں ضرور بتائیں۔ 👇🥀❤️

27/07/2026

🥀❤️



w