TOP Digital 24x7

TOP Digital 24x7 Whether it’s real-time updates, exclusive interviews, or expert opinions
(4)

Our mission is to redefine digital journalism by providing fact-based, high-quality content through multimedia formats, including video reports, live coverage, and in-depth articles.

اسلام آباد: وفاقی وزیر توانائی اویس لغاری نے کہا ہے کہ حکومت بجلی اتنی سستی کرنے کی کوشش کر رہی ہے کہ عوام دن میں بیٹریا...
12/05/2026

اسلام آباد: وفاقی وزیر توانائی اویس لغاری نے کہا ہے کہ حکومت بجلی اتنی سستی کرنے کی کوشش کر رہی ہے کہ عوام دن میں بیٹریاں چارج کر کے رات کو استعمال کر سکیں۔ انہوں نے میڈیا سے گفتگو میں کہا کہ توانائی شعبے میں اصلاحات سے نہ صرف بجلی کی قیمتوں میں کمی آئے گی بلکہ نظام بھی بہتر ہوگا، جبکہ آئی پی پیز ماڈل میں تبدیلی اور اسمارٹ میٹرز کے فروغ سمیت کئی اقدامات جاری ہیں۔ انہوں نے مزید بتایا کہ ڈیفیکٹو میٹرز کے مسئلے کے حل اور مختلف صارفین کے لیے بجلی سستی کرنے کے منصوبے پر بھی کام ہو رہا ہے۔

کراچی: سونے کی قیمتوں میں ایک بار پھر اضافہ ریکارڈ کیا گیا ہے، گزشتہ روز کمی کے بعد آج فی تولہ سونا 4100 روپے مہنگا ہو ک...
12/05/2026

کراچی: سونے کی قیمتوں میں ایک بار پھر اضافہ ریکارڈ کیا گیا ہے، گزشتہ روز کمی کے بعد آج فی تولہ سونا 4100 روپے مہنگا ہو کر 4 لاکھ 92 ہزار 462 روپے کی سطح پر پہنچ گیا ہے۔ اسی طرح 10 گرام سونے کی قیمت میں 3515 روپے اضافہ ہوا جس کے بعد نرخ 4 لاکھ 22 ہزار 206 روپے ہو گئے، جبکہ عالمی مارکیٹ میں بھی سونا 41 ڈالر مہنگا ہو کر 4701 ڈالر فی اونس کی سطح پر پہنچ گیا ہے۔

کراچی: سپارکو نے پیشگوئی کی ہے کہ پاکستان میں عیدالاضحیٰ 27 مئی کو ہونے کا امکان ہے، جبکہ 17 مئی کی شام ذوالحج کا چاند ن...
12/05/2026

کراچی: سپارکو نے پیشگوئی کی ہے کہ پاکستان میں عیدالاضحیٰ 27 مئی کو ہونے کا امکان ہے، جبکہ 17 مئی کی شام ذوالحج کا چاند نظر آنے کے امکانات روشن ہیں۔ ترجمان کے مطابق غروبِ آفتاب کے وقت نئے چاند کی عمر 18 گھنٹے 30 منٹ ہوگی اور یکم ذوالحج 1447 ہجری 18 مئی بروز پیر متوقع ہے، تاہم چاند کی رویت کا حتمی اعلان مرکزی رویتِ ہلال کمیٹی کرے گی۔

یورپی یونین نے اسرائیلی آباد کاروں اور Hamas کی اہم شخصیات پر پابندیاں عائد کرنے پر اتفاق کر لیا ہے۔ یہ فیصلہ رکن ممالک ...
12/05/2026

یورپی یونین نے اسرائیلی آباد کاروں اور Hamas کی اہم شخصیات پر پابندیاں عائد کرنے پر اتفاق کر لیا ہے۔ یہ فیصلہ رکن ممالک کے وزرائے خارجہ کے اجلاس میں کیا گیا، جس کے بعد متعلقہ افراد اور تنظیموں کے خلاف اثاثے منجمد کرنے اور سفری پابندیاں لگانے کی راہ ہموار ہو گئی ہے۔

یورپی سفارتی ذرائع کے مطابق ابتدائی فہرست میں مغربی کنارے میں قبضے اور تشدد میں ملوث 3 افراد اور 4 تنظیمیں شامل ہیں۔ ان اقدامات کا مقصد خطے میں بڑھتے ہوئے تشدد اور انسانی حقوق کی خلاف ورزیوں پر قابو پانا بتایا جا رہا ہے۔ اس فیصلے میں پہلے ہنگری کی حکومت کی جانب سے رکاوٹ ڈالی گئی تھی، تاہم بعد میں ویٹو واپس لے لیا گیا جس کے بعد اتفاق رائے ممکن ہوا۔

دوسری جانب مقبوضہ بیت المقدس کے علاقوں میں کشیدگی جاری ہے، جہاں اسرائیلی فورسز نے فلسطینیوں کی 3 سے زائد دکانیں اور صنعتی تعمیرات مسمار کر دیں۔ مقامی ذرائع کے مطابق یہ کارروائیاں سیکیورٹی وجوہات کے نام پر کی گئیں، تاہم فلسطینی حلقوں نے اسے معاشی دباؤ اور زمینوں پر کنٹرول کی کوشش قرار دیا ہے۔

پنجاب حکومت نے جائیداد کی خرید و فروخت اور رجسٹریشن کے عمل میں شفافیت بڑھانے کے لیے بائیومیٹرک تصدیق لازمی کرنے کا فیصلہ...
12/05/2026

پنجاب حکومت نے جائیداد کی خرید و فروخت اور رجسٹریشن کے عمل میں شفافیت بڑھانے کے لیے بائیومیٹرک تصدیق لازمی کرنے کا فیصلہ کر لیا ہے۔ اس حوالے سے رجسٹریشن ایکٹ 2026ء کا مسودہ گورنر پنجاب کو ارسال کر دیا گیا ہے، جبکہ یہ بل پنجاب اسمبلی سے پہلے ہی کثرتِ رائے سے منظور ہو چکا ہے۔

تفصیلات کے مطابق اس نئے قانون کے تحت رجسٹریشن ایکٹ 1908ء میں اہم ترمیم کی جائے گی، جس کے بعد جائیداد کی ہر منتقلی کے لیے شناخت کی بائیومیٹرک تصدیق لازمی ہو گی۔ اس کے ساتھ ساتھ وہ تمام اشیاء جن کی رجسٹریشن قانوناً ضروری ہے، ان کیلئے بھی یہی شرط لاگو ہوگی تاکہ جعلسازی اور جعلی انتقالِ ملکیت کے امکانات کم کیے جا سکیں۔

بل کے مطابق Punjab Land Records Authority کو ایک جدید الیکٹرانک ریکارڈ سسٹم قائم کرنے کی ذمہ داری دی گئی ہے، جس کے ذریعے تمام جائیدادوں کا ڈیجیٹل ریکارڈ محفوظ اور قابلِ تصدیق بنایا جائے گا۔ حکومتی ذرائع کے مطابق اس اقدام کا مقصد پراپرٹی لین دین میں شفافیت، سیکیورٹی اور عوامی اعتماد کو مضبوط بنانا ہے۔

چنئی سے ابوظبی جانے والی پرواز میں ٹیک آف سے قبل آگ، 280 مسافر محفوظبھارت کے شہر چنئی سے متحدہ عرب امارات کے دارالحکومت ...
12/05/2026

چنئی سے ابوظبی جانے والی پرواز میں ٹیک آف سے قبل آگ، 280 مسافر محفوظ

بھارت کے شہر چنئی سے متحدہ عرب امارات کے دارالحکومت ابوظبی جانے والی ایک مسافر پرواز میں ٹیک آف سے قبل اچانک آگ بھڑک اٹھی، جس کے بعد بڑے حادثے سے بچاؤ ممکن ہو گیا۔

بھارتی میڈیا کے مطابق طیارے کے پر میں آگ لگنے کا واقعہ اس وقت پیش آیا جب جہاز روانگی کی تیاری کے مراحل میں تھا۔ پرواز میں تقریباً 280 مسافر سوار تھے جنہیں فوری طور پر بحفاظت باہر نکال لیا گیا۔ خوش قسمتی سے واقعے میں کسی جانی نقصان کی اطلاع نہیں ملی۔

رپورٹس کے مطابق پائلٹس نے ٹیک آف سے قبل آگ کا بروقت نوٹس لیا اور فوری طور پر ایئرپورٹ حکام کو آگاہ کیا۔ اس کے بعد فائر بریگیڈ نے موقع پر پہنچ کر آگ پر قابو پا لیا۔ احتیاطی اقدامات کے طور پر متعلقہ پرواز کو منسوخ کر دیا گیا ہے جبکہ واقعے کی تحقیقات شروع کر دی گئی ہیں۔

امریکا کا تیل بحران پر قابو پانے کیلئے اسٹریٹجک ریزرو سے بڑا اقدامامریکا نے ایران جنگ کے باعث عالمی منڈی میں تیل کی قیمت...
12/05/2026

امریکا کا تیل بحران پر قابو پانے کیلئے اسٹریٹجک ریزرو سے بڑا اقدام

امریکا نے ایران جنگ کے باعث عالمی منڈی میں تیل کی قیمتوں میں اضافے اور ممکنہ سپلائی بحران کے خدشات کے پیش نظر بڑا قدم اٹھاتے ہوئے اسٹریٹجک پیٹرولیم ریزرو سے کروڑوں بیرل خام تیل توانائی کمپنیوں کو قرض کی صورت میں فراہم کرنے کا اعلان کیا ہے۔

برطانوی خبر رساں ادارے Reuters کے مطابق صدر Donald Trump کی انتظامیہ نے عالمی منڈی کو مستحکم رکھنے اور تیل کی فراہمی کو یقینی بنانے کیلئے 5 کروڑ 33 لاکھ بیرل خام تیل جاری کرنے کا فیصلہ کیا ہے۔ یہ تیل 9 بڑی توانائی کمپنیوں کو عارضی بنیادوں پر فراہم کیا جائے گا تاکہ مارکیٹ میں طلب اور رسد کا توازن برقرار رکھا جا سکے۔

امریکی محکمۂ توانائی کے مطابق گزشتہ ماہ بھی 9 کروڑ 25 لاکھ بیرل خام تیل قرض کی صورت میں جاری کیا گیا تھا، تاہم کمپنیوں نے اس کا صرف 58 فیصد استعمال کیا۔ حکام کے مطابق مجموعی طور پر 17 کروڑ 20 لاکھ بیرل خام تیل اسٹریٹجک ذخائر سے جاری کرنے کی حکمتِ عملی تیار کی گئی ہے تاکہ ایران سے جڑے جیوپولیٹیکل تناؤ کے اثرات کو کم کیا جا سکے اور عالمی توانائی مارکیٹ میں استحکام برقرار رہے۔

اتر پردیش مدرسے میں “میڈ ان پاکستان” لیبل پنکھا، دو افراد گرفتار بعد میں رہابھارت کی ریاست اتر پردیش میں ایک مدرسے کے ان...
12/05/2026

اتر پردیش مدرسے میں “میڈ ان پاکستان” لیبل پنکھا، دو افراد گرفتار بعد میں رہا

بھارت کی ریاست اتر پردیش میں ایک مدرسے کے اندر پنکھے پر مبینہ طور پر “میڈ ان پاکستان” کا لیبل نظر آنے کے بعد پولیس نے کارروائی کرتے ہوئے دو افراد کو حراست میں لے لیا۔ واقعہ اس وقت سامنے آیا جب پنکھے کی تصویر سوشل میڈیا پر وائرل ہوئی اور بعض حلقوں نے اس معاملے کی مکمل تحقیقات کا مطالبہ کیا۔

بھارتی میڈیا کے مطابق پولیس نے فوری طور پر مدرسے کے منیجر سمیت دو افراد کو پوچھ گچھ کے لیے گرفتار کیا اور پنکھے کی خریداری سے متعلق دستاویزات کا جائزہ لیا۔ ابتدائی تفتیش میں معاملہ حساس قرار دیا گیا تاہم بعد میں مزید تحقیقات کے دوران صورتحال واضح ہوئی۔

رپورٹ کے مطابق جانچ پڑتال سے یہ بات سامنے آئی کہ مذکورہ پنکھا دراصل سعودی عرب سے خریدا گیا تھا، جبکہ اس پر موجود لیبل کے باعث غلط فہمی پیدا ہوئی۔ پولیس نے تمام شواہد اور دستاویزات کی تصدیق کے بعد کسی مشکوک پہلو کی نشاندہی نہ ہونے پر دونوں افراد کو رہا کر دیا۔

پاکستان نے امریکی نشریاتی ادارے CBS News کی جانب سے ایرانی طیاروں کی موجودگی سے متعلق رپورٹ کو گمراہ کن اور سنسنی خیز قر...
12/05/2026

پاکستان نے امریکی نشریاتی ادارے CBS News کی جانب سے ایرانی طیاروں کی موجودگی سے متعلق رپورٹ کو گمراہ کن اور سنسنی خیز قرار دیتے ہوئے سختی سے مسترد کر دیا ہے۔ دفترِ خارجہ کے مطابق اس نوعیت کے قیاس آرائی پر مبنی دعوے خطے میں جاری سفارتی اور امن کوششوں کو نقصان پہنچانے کی کوشش ہیں۔

ترجمان دفترِ خارجہ نے وضاحت کی کہ ابتدائی سفارتی مذاکرات کے دوران ایران اور امریکا سے متعلق متعدد پروازیں پاکستان آئیں تاکہ مذاکراتی عمل سے منسلک سفارتی، سیکیورٹی اور انتظامی ٹیموں کی نقل و حرکت کو سہولت دی جا سکے۔ ان کا کہنا تھا کہ کچھ طیارے اور معاون عملہ عارضی طور پر پاکستان میں موجود رہے، جبکہ اعلیٰ سطحی سفارتی رابطے اب بھی جاری ہیں۔

دفترِ خارجہ کے مطابق ایرانی وزیرِ خارجہ کے دورۂ اسلام آباد کے دوران بھی تمام انتظامات اسی لاجسٹک فریم ورک کے تحت کیے گئے تھے۔ ترجمان نے واضح کیا کہ پاکستان میں موجود ایرانی طیارے کا کسی بھی فوجی سرگرمی یا ہنگامی صورتحال سے کوئی تعلق نہیں، اور اس حوالے سے پھیلائی جانے والی خبریں حقیقت کے برعکس ہیں۔ پاکستان نے ایک بار پھر مؤقف دہرایا ہے کہ وہ خطے میں امن، استحکام اور کشیدگی میں کمی کیلئے اپنا تعمیری کردار جاری رکھے گا۔

12/05/2026

ایڈونچر کے شوقین یا عقل سے فارغ؟
نوجوانوں کا سڑک پر انوکھا کارنامہ۔

کراچی میں 89 ہائی رسک یونین کونسلز میں پولیو بوسٹر مہم شروعکراچی کی 89 ہائی رسک یونین کونسلز میں پولیو سے بچاؤ کی خصوصی ...
12/05/2026

کراچی میں 89 ہائی رسک یونین کونسلز میں پولیو بوسٹر مہم شروع

کراچی کی 89 ہائی رسک یونین کونسلز میں پولیو سے بچاؤ کی خصوصی بوسٹر مہم کا آغاز کر دیا گیا ہے۔ ایمرجنسی آپریشن سینٹر سندھ کے مطابق یہ مہم 12 سے 24 مئی تک جاری رہے گی، جس کا مقصد شہر بھر میں بچوں کو پولیو وائرس سے مکمل تحفظ فراہم کرنا ہے۔

حکام کے مطابق اس مہم کے دوران 10 سال تک کی عمر کے تقریباً 18 لاکھ بچوں کو پولیو بوسٹر ڈوز دی جائیں گی۔ مہم میں مجموعی طور پر 2947 پولیو ٹیمیں حصہ لے رہی ہیں جو گھر گھر جا کر ویکسینیشن یقینی بنائیں گی۔ حکام نے بتایا کہ یہ خصوصی بوسٹر ڈرائیو ہائی رسک علاقوں میں وائرس کے پھیلاؤ کو روکنے کیلئے اہم اقدام ہے۔

ایمرجنسی آپریشن سینٹر کا کہنا ہے کہ اس مہم میں جدید جیٹ انجیکٹر ٹیکنالوجی استعمال کی جا رہی ہے، جس کے ذریعے بغیر سوئی کے ویکسین جلد کے نیچے پہنچائی جاتی ہے۔ اس طریقہ کار کو بچوں کیلئے نسبتاً آسان، محفوظ اور درد سے پاک قرار دیا جا رہا ہے تاکہ ویکسینیشن کی شرح میں مزید بہتری لائی جا سکے۔

Address

DHA Phase 6, Sea View
Karachi
75600

Website

Alerts

Be the first to know and let us send you an email when TOP Digital 24x7 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category