Breaking News Karak

10/09/2026

09/09/2026

کرک گزشتہ رات مسلح ملزمان کی فائرنگ سے جامِ شہادت نوش کرنے والے پولیس اہلکار زعفران کو آبائی گاؤں ڈبکی بانڈہ تحت نصرتی میں پورے سرکاری اعزاز کے ساتھ سپردِ خاک کر دیا گیا۔ شہید پولیس اہلکار کی نمازِ جنازہ میں ایس پی انوسٹی گیشن کرک کمال حسین خان سمیت پولیس کے اعلیٰ افسران، جوانوں، علاقہ عمائدین، معززین اور اہلِ علاقہ کی بڑی تعداد نے شرکت کی۔ اس موقع پر پولیس کے چاق و چوبند دستے نے شہید کو سلامی پیش کی اور قومی پرچم میں لپٹے شہید کے جسدِ خاکی کو پورے سرکاری اعزاز کے ساتھ سپردِ خاک کیا گیا۔ شہید نے فرائضِ منصبی کی ادائیگی کے دوران اپنی جان قربان کر دی۔
کرک پولیس اپنے شہداء کی قربانیوں کو ہمیشہ قدر و احترام کی نگاہ سے دیکھتی ہے اور ان کی قربانیاں پولیس فورس کے لیے مشعلِ راہ ہیں۔ اس موقع پر پولیس افسران نے شہید کے اہلِ خانہ سے دلی تعزیت اور ہمدردی کا اظہار کرتے ہوئے کہا کہ شہداء کی قربانیاں رائیگاں نہیں جائیں گی، امن دشمن عناصر کے خلاف جنگ میں کرک پولیس اپنے شہداء کے مشن کو جاری رکھتے ہوئے امن و امان کے قیام اور عوام کے جان و مال کے تحفظ کے لیے کسی بھی قربانی سے دریغ نہیں کرے گی۔

09/09/2026

.
افسوسناک واقعہ: تھانہ صابر آباد کی پولیس موبائل پر فائرنگ، ایک کانسٹیبل شہید، دوسرا زخمی
کرک: تھانہ صابر آباد کی پولیس موبائل پر نامعلوم افراد کی جانب سے فائرنگ کا افسوسناک واقعہ پیش آیا ہے۔
• شہید اہلکار: فائرنگ کے نتیجے میں پولیس موبائل میں سوار کانسٹیبل ظفران (سکنہ ڈبکی باندہ) جامِ شہادت نوش کر گئے।
• زخمی اہلکار: جبکہ دوسرے اہلکار محمد امتیاز (سکنہ کوٹیکلہ کلہ) کو شدید زخمی حالت میں مقامی ذرائع کے مطابق فوری طور پر ڈی ایچ کیو ہسپتال منتقل کر دیا گیا ہے، جہاں ان کی حالت تشویشناک بتائی جاتی ہے।

08/09/2026

کراچی اسٹریٹ موومنٹ — عوامی طاقت کا شاندار مظاہرہ! l
معاونِ خصوصی برائے لائیو اسٹاک خورشید خٹک، وزیرِ اعلیٰ خیبر پختونخوا سہیل آفریدی، پارلیمانی لیڈر و ایم این اے شاہد خٹک اور دیگر معزز پارلیمنٹرینز کے ہمراہ کراچی اسٹریٹ موومنٹ کے سلسلے میں ٹول پلازہ پر موجود۔
عمران خان کی رہائی اور حق و انصاف کی جدوجہد میں خیبر پختونخوا کی قیادت اور کارکنان پُرعزم!
قدم بڑھاؤ عمران خان، ہم تمہارے ساتھ ہیں!

07/09/2026

کرک کے عوام کے لیے بڑی خوشخبری: صوبائی وزیرِ لائیو سٹاک و ایم پی اے خورشید خٹک کی کوششوں سے گاؤں تپی کرک میں گلیاں پختہ ہو گئیں
کرک:
علاقے کی ترقی اور عوامی فلاح و بہبود کے لیے عملی اقدامات کا سلسلہ جاری ہے۔ ہمارے ہر دلعزیز ممبر وزیرِ لائیو سٹاک خورشید خٹک کی خصوصی کاوشوں اور توجہ سے تحصیل کرک کے گاؤں تپی کرک میں گلیوں کی پختگی کا کام کامیابی کے ساتھ مکمل کر لیا گیا ہے۔
ان ترقیاتی کاموں کی تکمیل سے گاؤں کے مکینوں کو آمدورفت میں بڑی سہولت مل گئی ہے اور علاقے کا دیرینہ مسئلہ حل ہو گیا ہے۔ اس شاندار اقدام پر گاؤں تپی کرک اور پوری تحصیل کرک کے معزز عوام نے دلی خوشی کا اظہار کیا ہے۔
مقامی عوام، عمائدین اور نوجوانوں نے یک زبان ہو کر صوبائی وزیرِ لائیو سٹاک و ایم پی اے خورشید خٹک کا تہِ دل سے شکریہ ادا کیا ہے اور امید ظاہر کی ہے کہ مستقبل میں بھی علاقے کی ترقی کے لیے ایسے ہی اقدامات جاری رہیں گے۔

07/09/2026

کرک نو تعینات ایس ایچ او تھانہ ٹیری فرید خان نے علاقے میں امن و امان کے قیام، علاقائی صورتحال کا جائزہ لینے اور جرائم کے مؤثر تدارک کے سلسلے میں تھانہ ٹیری میں مضافاتی علاقوں مردان خیل، ٹیری، عمر خان کلہ، حیات آباد، عیسک خماری، بیرگئی، ممی خیل، شگئی اور دیگر علاقوں کے مشران اور عمائدین کے ساتھ ایک اہم میٹنگ کا انعقاد کیا۔

میٹنگ کے دوران ایس ایچ او فرید خان نے مشران سے علاقے میں پائیدار امن کے قیام، سماجی و معاشرتی برائیوں کے خاتمے اور جرائم پیشہ عناصر کے خلاف مؤثر کارروائی کے لیے پولیس اور عوام کے درمیان باہمی تعاون کو مزید مضبوط بنانے پر تبادلہ خیال کیا۔ انہوں نے کہا کہ عوامی تعاون کے بغیر جرائم کا مکمل خاتمہ ممکن نہیں، لہٰذا علاقہ مشران جرائم پیشہ عناصر کی نشاندہی اور مشکوک سرگرمیوں سے پولیس کو بروقت آگاہ کرنے میں اپنا مؤثر کردار ادا کریں۔
اس موقع پر علاقہ مشران اور عمائدین نے نو تعینات ایس ایچ او کو مکمل تعاون کی یقین دہانی کراتے ہوئے کہا کہ وہ اپنے اپنے علاقوں میں سماجی و معاشرتی برائیوں کے خاتمے، جرائم پیشہ عناصر کی نشاندہی اور امن و امان کے قیام کے لیے پولیس کے ساتھ بھرپور تعاون جاری رکھیں گے۔
مشران نے اس عزم کا اظہار کیا کہ پولیس اور عوام کے باہمی تعاون سے علاقے میں امن و امان کی فضا کو مزید بہتر بنایا جائے گا اور جرائم پیشہ عناصر کے خلاف مشترکہ کوششیں جاری رکھی جائیں گی۔