Shaki productionشاکی پروڈکشن, Karak (2025)

16/08/2025

کیا حکومت مدنی مسجد کو دوبارہ تعمیر کرے گی؟
مدنی مسجد اسلام آباد سے براہِ راست

11/08/2025

ڈسٹرکٹ ہیڈ کوارٹر ہسپتال کرک کے ہاسٹل سے نرس کی لاش برآمد

کرک(نمائندہ شاکی پروڈکشن)کرک میں ڈسٹرکٹ ہیڈ کوارٹر ہسپتال کے ہاسٹل سے تیس سالہ نرس سمیرا کی لاش برآمد ہوئی ہے۔ایم ایس علی اصغر کے مطابق نرس ڈیوٹی ختم ہونے کے بعد ہسپتال سے ہاسٹل گئی تھی، جہاں سے بعد میں وہ مردہ حالت میں ملی۔انہوں نے بتایا کہ لاش کا پوسٹ مارٹم جاری ہے تاکہ موت کی وجہ کا تعین کیا جا سکے۔پولیس نے واقعے کی تحقیقات شروع کر دی ہیں اور مختلف پہلوؤں سے معاملے کا جائزہ لیا جا رہا ہے۔

10/08/2025

ڈی ایچ کیو ہسپتال کرک میں پارکنگ فیس کی وصولی پر عوام کا شدید برہمی کا اظہار

کرک (نمائندہ شاکی پروڈکشن) ڈسٹرکٹ ہیڈکوارٹر ہسپتال KDA کرک میں مریضوں اور تیمارداروں سے پارکنگ فیس کی مد میں 30، 60 اور 80 روپے وصول کیے جانے پر عوامی حلقوں نے سخت غم و غصے کا اظہار کیا ہے۔ ہسپتال میں آنے والے شہریوں کا کہنا ہے کہ حکومت کی جانب سے عوام کو صحت کی سہولیات مفت فراہم کرنے کے دعوے تو کیے جاتے ہیں مگر عملی طور پر مریضوں کو سہولت دینے کے بجائے ان پر اضافی مالی بوجھ ڈالا جا رہا ہے۔عینی شاہدین کے مطابق، ہسپتال میں آنے والی گاڑیوں سے پارکنگ فیس کی جبری وصولی جاری ہے اور کسی قسم کی رعایت نہیں دی جا رہی۔ شہریوں نے شکوہ کیا کہ اکثر مریض دور دراز علاقوں سے آتے ہیں اور ان کے ساتھ لائے گئے تیماردار پہلے ہی مہنگائی کے سبب پریشان ہوتے ہیں، جبکہ پارکنگ فیس کی یہ شرح ان کی مشکلات میں مزید اضافہ کر رہی ہے۔مقامی رہائشیوں نے ڈپٹی کمشنر کرک اور محکمہ صحت سے مطالبہ کیا ہے کہ ہسپتال کے احاطے میں پارکنگ فیس کی جبری وصولی کو فوری طور پر ختم کیا جائے، تاکہ عوام کو حقیقی معنوں میں ریلیف مل سکے۔ شہریوں کا کہنا تھا کہ ہسپتال میں علاج معالجے کے ساتھ ساتھ پارکنگ جیسی بنیادی سہولت مفت فراہم کرنا حکومت کی ذمہ داری ہے، نہ کہ اسے منافع کمانے کا ذریعہ بنایا جائے۔

06/08/2025

کرک کے تحصیل بانڈہ داؤد شاہ کے علاقے امان کوٹ توے کے مقام پر ایف سی اہلکاروں کی گاڑی پر فائرنگ، 4 جوان شہید

کرک (نمائندہ شاکی پروڈکشن) خیبر پختونخوا کے ضلع کرک میں تھانہ گرگری کی حدود میں واقع امان کوٹ توے کے مقام پر نامعلوم مسلح افراد نے ایف سی اہلکاروں کی گاڑی پر اندھا دھند فائرنگ کر دی، جس کے نتیجے میں ایف سی کے 3 اہلکار جبکہ ایک سول ڈرائیور شہید ہو گئے۔اطلاعات کے مطابق شہید ہونے والے ایف سی اہلکاروں کا تعلق لکی مروت اور ٹانک سے بتایا جا رہا ہے۔ ایف سی اہلکار فیلڈ سیکیورٹی کی ڈیوٹی پر مامور تھے،ذرائع کے مطابق ایف سی کے اہلکار گرگری سے ویگو ڈالہ گاڑی کے ذریعے روانہ تھے کہ راستے میں پہاڑ کی چوٹی پر موجود مسلح افراد نے ان پر اچانک حملہ کر دیا۔ فائرنگ اتنی شدید تھی کہ اہلکار موقع پر ہی شہید ہو گئے۔شہید اہلکاروں کی شناخت لانس نائیک محمود شاہ 272 پلاٹون،سپاہی شاہد 272 پلاٹون،سپاہی راؤف 272 پلاٹون،ڈرائیور شکور سے ہوئی ۔واقعے کے فوراً بعد سیکیورٹی فورسز اور پولیس نے علاقے کو گھیرے میں لے کر سرچ آپریشن شروع کر دیا ہے۔ حملہ آوروں کی تلاش کے لیے پہاڑی علاقوں میں تلاشی کا عمل جاری ہے، جبکہ داخلی و خارجی راستوں پر سیکیورٹی مزید سخت کر دی گئی ہے۔سیکیورٹی ذرائع کا کہنا ہے کہ حملہ منصوبہ بندی کے تحت کیا گیا، اور ابتدائی شواہد سے معلوم ہوتا ہے کہ حملہ آور پہلے سے گھات لگائے بیٹھے تھے۔حملے کی ذمہ داری تاحال کسی تنظیم نے قبول نہیں کی۔ مقامی انتظامیہ اور سیکیورٹی ادارے واقعے کی تحقیقات میں مصروف ہیں۔

03/08/2025

چیئرمین اتحاد بانڈہ داود شاہ کی جانب سے تحصیل میئر عنایت خٹک کی مبینہ کرپشن کے خلاف پریس کانفرنس ، عوامی وسائل کے تحفظ کا عزم

02/08/2025

نری پنوس میں بی آئی ایس پی سے فائدہ اٹھانے والے غیر مستحق افراد سے ریکوری کا عمل شروع، قانونی نوٹسز جاری

نری پنوس (نمائندہ شاکی پروڈکشن)نری پنوس میں بینظیر انکم سپورٹ پروگرام (BISP) سے فائدہ حاصل کرنے والے غیر مستحق افراد کے خلاف کارروائی کا آغاز کر دیا گیا ہے۔ حکومتی احکامات پر عمل درآمد کرتے ہوئے متعلقہ حکام نے ایسے افراد کی نشاندہی کی ہے جنہوں نے حق دار نہ ہونے کے باوجود مالی امداد حاصل کی۔حالیہ دنوں میں کئی افراد کو موبائل فون پر پیغامات اور خطوط موصول ہوئے ہیں جن میں واضح طور پر کہا گیا ہے کہ وہ بینظیر انکم سپورٹ کی امداد کے اہل نہیں ہیں، لہٰذا وہ موصول شدہ رقم کو رضاکارانہ طور پر حکومتی خزانے میں واپس جمع کروائیں۔بینظیر انکم سپورٹ پروگرام کے حکام کا کہنا ہے کہ یہ صرف تنبیہ نہیں بلکہ باقاعدہ قانونی نوٹس ہے، اور اگر مذکورہ افراد نے رقوم واپس نہ کیں تو ان کے خلاف مقدمات درج کیے جائیں گے اور نیب یا ایف آئی اے کے ذریعے ریکوری کی جائے گی۔دوسری جانب کئی شہری اس حکومتی اقدام کو خوش آئند قرار دے رہے ہیں اور شفافیت کی جانب مثبت قدم سمجھ رہے ہیں، تاہم بعض افراد کا کہنا ہے کہ اگر یہ خواتین واقعی نااہل تھیں تو انہیں شامل کرنے کی ذمہ داری اس نظام پر عائد ہوتی ہے۔ عوامی سطح پر یہ سوال بھی اٹھایا جا رہا ہے کہ کیا ان اہلکاروں کے خلاف بھی کارروائی ہوگی جنہوں نے غیر مستحق افراد کو پروگرام میں شامل کیا؟حکام کا کہنا ہے کہ مکمل چھان بین کے بعد تمام پہلوؤں کا جائزہ لیا جا رہا ہے اور شفاف تحقیقات کی روشنی میں ذمہ داران کے خلاف کارروائی بھی عمل میں لائی جائے گی۔

01/08/2025

کرک سمیت پاکستان کے مختلف شہروں میں زلزلے کے شدید جھٹکے

کرک (نمائندہ شاکی پروڈکشن) پاکستان کے مختلف علاقوں سمیت ضلع کرک میں بھی زلزلے کے شدید جھٹکے محسوس کیے گئے،زلزلے کی شدت 5.4 ریکٹر اسکیل پر ریکارڈ کی گئی جبکہ اس کی گہرائی 102 کلومیٹر تھی۔ محکمہ موسمیات کے مطابق زلزلے کا مرکز ہندو کش ریجن، افغانستان میں تھا۔زلزلہ 2 اگست کو رات 2 بج کر 4 منٹ پر آیا، اور اس کے جھٹکے خیبر پختونخوا، اسلام آباد، راولپنڈی، پشاور، کرک، بنوں، اور گرد و نواح کے علاقوں میں شدت سے محسوس کیے گئے۔تاحال کسی جانی یا مالی نقصان کی اطلاع موصول نہیں ہوئی، تاہم ریسکیو ادارے اور مقامی انتظامیہ الرٹ کر دی گئی ہے،ماہرین نے شہریوں کو افواہوں سے بچنے اور آفٹر شاکس کی صورت میں احتیاطی تدابیر اختیار کرنے کی ہدایت کی ہے۔

31/07/2025

Shaki Production Vlog
کیا آپ جانتے ہیں کہ بانڈہ داود شاہ کو سی ایس آر فنڈ میں کتنی رقم جاری کی گئی؟
کھیلوں کے لیے کتنے فنڈز مختص کیے گئے؟
کیا وی نری پنوس کو بھی اس فنڈ سے کوئی حصہ ملا؟
آپ کے وی سی کو کتنی رقم ملی؟
کمنٹ باکس میں تفصیلات ضرور شیئر کریں تاکہ ہم سب کو علم ہو کہ قومی وسائل کہاں اور کیسے استعمال ہو رہے ہیں۔

30/07/2025

بانڈہ داؤد شاہ میں سلائی مشینوں کی بندر بانٹ غریب و مستحق خواتین کو کیا گیا یکسر نظر انداز

بانڈہ داود شاہ (نمائندہ شاکی پروڈکشن)تحصیل میئر عنایت خٹک کی جانب سے بانڈہ داؤد شاہ میں خواتین کو بااختیار بنانے کے نام پر سلائی مشینوں کی تقسیم کا منصوبہ شفافیت کے بجائے سفارشی کلچر کی نذر ہوگیا۔ مستحق، بیوہ، یتیم اور بے سہارا خواتین کو یکسر نظر انداز کرتے ہوئے من پسند افراد کو نوازا گیا، اس بندر بانٹ پر ویلیج چیئرمین نری پنوس، مولانا ذبیح اللہ حقانی نے اپنے سخت ردعمل میں کہا کہ یہ ایک افسوسناک اقدام ہے جس میں مقامی نمائندوں اور اصل مستحقین کو اعتماد میں نہیں لیا گیا۔ اگر یہ سلسلہ یونہی چلتا رہا تو ہم احتجاج کا حق محفوظ رکھتے ہیں۔ جبکہ نری پنوس ترقی موومنٹ (رجسٹرڈ) کے صدر شاکر منان خٹک نے اس معاملے پر شدید تشویش کا اظہار کرتے ہوئے کہا کہ یہ مکمل طور پر عوام کے ساتھ مذاق ہے۔ ہم نے ہمیشہ مستحقین کے حق کی بات کی ہے اور کرتے رہیں گے۔ اگر اصل حق داروں کو ان کا حق نہ ملا تو نری پنوس میں بھرپور آواز بلند کی جائے گی۔عوامی حلقے مطالبہ کر رہے ہیں کہ اس سکیم کی مکمل تفصیلات شائع کی جائیں اور دوبارہ منصفانہ بنیادوں پر مشینوں کی تقسیم عمل میں لائی جائے، تاکہ وہ خواتین جو واقعی اس سہولت کی حقدار ہیں، ان تک یہ حق پہنچ سکے۔

27/07/2025

پولیس اہلکار ناصر منان نے ڈی پی او کرک شہباز الٰہی کو آڑے ہاتھوں لے لیا.

25/07/2025

ریجنل پولیس آفیسر کوہاٹ ریجن عباس مجید مروت کے احکامات کی روشنی میں ڈی پی او کرک نے پولیس اور انسداد دہشت گردی ونگ (CTD) کی ٹیمیں تشکیل دیں جنہوں نے تھانہ شاہ سلیم کی حدود میں مسلح افراد کے خلاف بھرپور سرچ اینڈ سٹرائیک آپریشن کا آغاز کیا۔ آپریشن میں سرکل ڈی ایس پی، ایس ایچ او تھانہ شاہ سلیم سمیت پولیس کی بھاری نفری نے حصہ لیا۔ واضع رہے کہ کارروائی میں پولیس اہلکار سعید کی شہادت میں ملوث کمانڈر ثناء اللہ جلالی اور اسکے ساتھی عطاء اللہ کے خلاف کی گئی۔آپریشن کے دوران مذکورہ دہشت گردوں کے ٹھکانوں کا گھیراؤ کر کے ان کی تمام محفوظ پناہ گاہوں اور رہائشی مکانوں کو نذر آتش اور مسمار کیا گیا۔

Shaki productionشاکی پروڈکشن

16/08/2025

11/08/2025

10/08/2025

06/08/2025

03/08/2025

02/08/2025

01/08/2025

31/07/2025

30/07/2025

27/07/2025

25/07/2025

Address

Telephone

Website

Alerts

Contact The Business

Shortcuts

Share

Category