Shaki productionشاکی پروڈکشن, Karak (2026)

12/12/2025

پانچ جنوری 2026 کو ڈگرنری میں سابق امیر جماعت اسلامی سراج الحق دستاربندی تقریب سے خصوصی خطاب کریں گے

بانڈہ داود شاہ (نمائندہ شاکی پروڈکشن) ضلع کرک کے تحصیل بانڈہ داؤد شاہ کے علاقے ڈگرنری میں جامعہ مفتاح العلوم ڈگرنری میں پانچ جنوری 2026 کو سالانہ جلسۂ دستاربندی و ختمِ بخاری نہایت شان و شوکت کے ساتھ منعقد ہوگا۔ اس موقع پر ملک کے معروف دینی و سماجی رہنما اور سابق امیر جماعت اسلامی پاکستان سینیٹر سراج الحق خصوصی شرکت کرتے ہوئے خطاب فرمائیں گے۔جامعہ کی انتظامیہ کے مطابق اس سال کی تقریب کو خاص اہمیت حاصل ہے کیونکہ بڑی تعداد میں علما کرام، مشائخ، طلبہ اور عوام کی شرکت متوقع ہے۔ پروگرام میں دورۂ حدیث کے فارغ التحصیل طلبہ کی دستاربندی کی جائے گی اور بخاری شریف کے آخری اسباق کی تکمیل کے بعد اجتماعی دعا بھی ہوگی۔

10/12/2025

بنوں-کوہاٹ روڈ پر ہائی ایس حادثے کا شکار، ایک بچی جاں بحق، 5 افراد زخمی

کرک(نمائندہ شاکی پروڈکشن)بنوں-کوہاٹ روڈ پر خرم محمدزئی کے قریب ایک ہائی ایس گاڑی گہری کھائی میں گر گئی جس کے نتیجے میں ایک بچی موقع پر جاں بحق جبکہ 5 افراد زخمی ہو گئے۔ حادثہ ریسکیو ٹیم کی جانب سے فوراً اطلاع ملنے پر پیش آیا۔ریسکیو ذرائع کے مطابق، زخمیوں میں دو خواتین سمیت پانچ افراد شامل ہیں۔ ان میں سے دو کی حالت تشویشناک بتائی جا رہی ہے۔ زخمیوں کو فوری طور پر قریبی ہسپتال منتقل کر دیا گیا جہاں انہیں طبی امداد دی جا رہی ہے۔حادثے کی وجوہات کا تاحال تعین نہیں ہو سکا، تاہم پولیس اور ریسکیو حکام مزید تحقیقات کر رہے ہیں۔

09/12/2025

سابق امیدوار برائے ویلیج کونسل چیئرمین نری پنوس راصیف گل انتقال کر گئے۔

نری پنوس(نمائندہ شاکی پروڈکشن)سابق امیدوار برائے ویلیج کونسل چیئرمین راصیف گل سکنہ نری پنوس خالقِ حقیقی سے جا ملے۔ خاندانی ذرائع کے مطابق راصیف گل کی گھر میں اچانک طبیعت بگڑ گئی، جس پر انہیں فوری طور پر ہسپتال منتقل کیا گیا، تاہم ڈاکٹرز کی تمام تر کوششوں کے باوجود وہ جانبر نہ ہو سکے۔ان کے انتقال کی خبر سے علاقے نری پنوس اور گردونواح میں گہرے سوگ کی فضا ہے۔ سماجی و سیاسی حلقوں نے راصیف گل کی وفات پر افسوس کا اظہار کرتے ہوئے کہا کہ مرحوم علاقائی ترقی میں دلچسپی رکھنے والی شخصیت تھے۔مرحوم کی نمازِ جنازہ اور تدفین کا اعلان بعد میں کیا جائے گا۔ اللہ تعالیٰ مرحوم کو جنت الفردوس میں جگہ دے۔ آمین۔

07/12/2025

کرک: صندل خٹک کے گھر پر حملے اور دھمکیوں کی خبریں بے بنیاد، والد نے میڈیا رپورٹس کی تردید کر دی

کرک(نمائندہ شاکی پروڈکشن)گزشتہ روز سوشل میڈیا اور بعض مقامی پلیٹ فارمز پر یہ خبر گردش کرتی رہی کہ معروف ٹک ٹاکر صندل خٹک کو مبینہ طور پر نامعلوم مسلح افراد کی جانب سے دھمکیاں دی گئی ہیں اور اس کے گھر پر حملہ کیا گیا ہے۔ تاہم تازہ ترین تفصیلات کے مطابق یہ تمام خبریں غلط اور بے بنیاد ثابت ہوئی ہیں۔صندل خٹک کے والد نے مؤقف اختیار کیا ہے کہ نہ تو گھر پر کوئی حملہ ہوا اور نہ ہی کسی قسم کی دھمکی موصول ہوئی ہے۔ انہوں نے کہا کہ میڈیا میں پھیلائی جانے والی خبر سے خاندان کو غیر ضروری پریشانی کا سامنا کرنا پڑا۔ والد کے مطابق گھر پر معمول کے مطابق حالات قائم ہیں اور کسی بھی ناخوشگوار واقعے کی خبر درست نہیں۔قبل ازیں مقامی سطح پر چلنے والی ایک رپورٹ میں دعویٰ کیا گیا تھا کہ مسلح افراد نے صندل خٹک کے والدین کو مبینہ طور پر ڈرایا دھمکایا اور سوشل میڈیا سرگرمیوں سے متعلق بات کی، لیکن خاندان کی جانب سے اس رپورٹ کو سختی سے مسترد کر دیا گیا۔ والد کا کہنا ہے کہ میری بیٹی کو کوئی دھمکی نہیں ملی، میڈیا میں چلنے والی خبر حقائق کے منافی ہے۔دوسری جانب علاقہ مکینوں نے بھی تصدیق کی ہے کہ صندل خٹک کے گھر کے اطراف کسی قسم کی غیر معمولی سرگرمی دیکھنے میں نہیں آئی۔ عوامی سطح پر غلط خبروں کے پھیلاؤ پر تشویش کا اظہار کیا جا رہا ہے اور متعلقہ اداروں سے مطالبہ کیا جا رہا ہے کہ غیر مصدقہ خبروں کے سدباب کے لیے کارروائی کی جائے۔صندل خٹک کے خاندان نے میڈیا اور سوشل میڈیا صارفین سے درخواست کی ہے کہ غیر تصدیق شدہ خبروں کو پھیلانے سے گریز کیا جائے تاکہ بے بنیاد افواہوں سے لوگوں کی نجی زندگی متاثر نہ ہو۔

05/12/2025

تحصیل بانڈہ داؤد شاہ کو ضلعی ہیڈکوارٹر کرک سے ملانے والی نری پنوس کی واحد مرکزی سڑک پر سیفٹی دیوار نہ ہونے کے باعث حادثات میں تشویشناک اضافہ دیکھنے میں آرہا ہے۔ مقامی افراد کے مطابق سڑک کے خطرناک موڑوں اور کھلے کناروں نے سفر کو انتہائی پرخطر بنا دیا ہے، جس کے نتیجے میں متعدد قیمتی جانیں ضائع ہو چکی ہیں۔ شہریوں نے انتظامیہ سے فوری اقدامات، حفاظتی دیواروں کی تعمیر کا مطالبہ کیا ہے تاکہ مزید نقصانات سے بچا جا سکے۔

01/12/2025

سپیکر بابر سلیم سواتی نے سجاد بارکوال کو یاد دلایا کہ ریاست اسٹیبلشمنٹ نہیں، عوام ہیں اور آئین کے مطابق جو ادارے عوام کی رائے سے منتخب ہوں، وہی حقیقی ریاست ہیں۔

30/11/2025

کرک کے علاقے نری پنوس کے پہاڑوں میں نامعلوم افراد کی جانب سے آگ لگا دی گئی، آبادی کو شدید خطرات لاحق

کرک(نمائندہ شاکی پروڈکشن) کرک کے تحصیل بانڈہ داؤد شاہ کے علاقے نری پنوس میں واقع پہاڑوں پر نامعلوم افراد نے آگ لگا دی، جس کے بعد آگ تیزی کے ساتھ پھیلتی گئی اور وسیع رقبے پر پھیلنے لگی۔ پہاڑی علاقوں میں لگی اس آگ نے جنگلی حیات کو شدید نقصان پہنچایا اور متعدد چرند و پرند کے آشیانے جل کر راکھ ہو گئے۔عینی شاہدین کے مطابق تیز ہوا کے باعث آگ کی شدت میں اضافہ ہو رہا ہے اور شعلے آبادی کی طرف بڑھنے لگے ہیں، جس سے مقامی افراد میں خوف و ہراس پھیل گیا ہے۔اہلِ علاقہ کا کہنا ہے کہ آلات اور مناسب سہولیات نہ ہونے کی وجہ سے وہ اپنی مدد آپ کے تحت آگ پر قابو پانے میں ناکام رہے۔ ان کے مطابق فوری طور پر ریسکیو اور جنگلات کے محکمے کی ٹیموں کو طلب کیا جائے تاکہ آگ کو مزید پھیلنے سے روکا جا سکے۔اہلِ علاقہ نے حکومت اور متعلقہ اداروں سے مطالبہ کیا ہے کہ پہاڑوں میں جان بوجھ کر آگ لگانے والے عناصر کو بے نقاب کرکے ان کے خلاف سخت کارروائی کی جائے تاکہ مستقبل میں اس طرح کے واقعات کی روک تھام ممکن ہو سکے۔

25/11/2025

کرک میں نامعلوم افراد کی فائرنگ سے ایلیٹ فورس کا جوان سجاد شہید

کرک (نمائندہ شاکی پروڈکشن) کرک کے علاقے تپی کرک میں نامعلوم مسلح افراد کی فائرنگ سے ایلیٹ فورس کا اہلکار سجاد شہید ہوگیا۔ پولیس کے مطابق سجاد چند روز قبل ہی بنوں میں ڈیوٹی سے چھٹی پر گھر آئے تھے اور واقعے کے وقت وہ بازار سے واپس گھر آرہے تھے۔عینی شاہدین کے مطابق سجاد اپنے گھر کے قریب پہنچ رہے تھے کہ نامعلوم حملہ آوروں نے ان پر اندھا دھند فائرنگ کردی، جس کے نتیجے میں وہ موقع پر ہی شہید ہوگئے۔ حملہ آور فائرنگ کے بعد فرار ہونے میں کامیاب ہوگئے۔اطلاع ملتے ہی پولیس کی بھاری نفری جائے وقوعہ پر پہنچ گئی، علاقے کا محاصرہ کرتے ہوئے سرچ آپریشن شروع کر دیا گیا۔ پولیس نے شواہد جمع کرلیے ہیں اور تفتیش مختلف زاویوں سے جاری ہے۔ حکام کے مطابق واقعہ بظاہر ٹارگٹ حملہ لگتا ہے، تاہم حتمی رائے تفتیش کے بعد ہی سامنے آئے گی۔شاکی پروڈکشن کی ٹیم سے بات کرتے ہوئے شہید اہلکار کے ایک پڑوسی نے بتایا کہ سجاد کی کسی کے ساتھ کوئی ذاتی دشمنی نہیں تھی۔ اس لئے ابھی یہ کہنا قبل از وقت ہوگا کہ اسے کس نے اور کیوں قتل کیا ہے، کیونکہ نہ کسی گروپ نے ذمہ داری قبول کی ہے اور نہ پولیس نے کوئی حتمی بیان دیا ہے۔

25/11/2025

کرک میں فرسٹ ایئر فزکس کا پرچہ امتحان سے قبل آؤٹ، کوہاٹ بورڈ کی کارکردگی پر شدید تحفظات

کرک(نمائندہ شاکی پروڈکشن)کوہاٹ بورڈ کے تحت جاری انٹرمیڈیٹ امتحانات میں پرچہ آؤٹ ہونے کا سلسلہ نہ رک سکا۔ ذرائع کے مطابق کرک میں فرسٹ ایئر فزکس کا پرچہ بھی امتحانی وقت سے قبل ہی منظرعام پر آگیا۔اطلاعات کے مطابق آؤٹ ہونے والا پرچہ نہ صرف مختلف واٹس ایپ گروپس میں وائرل ہوا بلکہ شہر کی کئی فوٹوسٹیٹ دکانوں پر بھی دستیاب رہا، جہاں طلبہ کو حل شدہ پیپر مائیکروفوٹوسٹیٹ کی شکل میں فراہم کیا جاتا رہا۔والدین اور عوامی حلقوں نے کوہاٹ بورڈ کی کارکردگی پر شدید تحفظات کا اظہار کرتے ہوئے کہا کہ نقل کے خلاف دعوؤں کے باوجود امتحانی نظام کو بہتر بنانے کے اقدامات انتہائی ناکافی اور غیر مؤثر ثابت ہو رہے ہیں۔علاقے کے طلبہ و اساتذہ نے مطالبہ کیا ہے کہ پرچے کے قبل از وقت آؤٹ ہونے کے معاملے کی تحقیقات کی جائیں اور ذمہ دار عناصر کے خلاف سخت کارروائی عمل میں لائی جائے تاکہ امتحانی نظام پر عوام کا اعتماد بحال ہو سکے۔

25/11/2025

پی ٹی آئی ، پی ٹی ایم ، ٹی ٹی پی اور محمود خان سب ایک ہی لوگ ہیں ، سینیٹر ایمل ولی خان

24/11/2025

ایم پی اے اور چیئرمین ڈیڈک خیبر عبدالغنی آفریدی نے پاکستان مسلم لیگ ن کے رہنما احتیار ولی کو تھپڑ مارنے والے شخص کے لیے 50 ہزار روپے انعام کا اعلان کر دیا ہے۔ اس اعلان کی باقاعدہ تصدیق اس وقت ہوئی جب عبدالغنی آفریدی نے اپنے فیس بک (میٹا) پروفائل پر بھی ایک پوسٹ کے ذریعے انعام کا اعلان شیئر کیا۔سوشل میڈیا پر یہ پوسٹ تیزی سے وائرل ہو رہی ہے اور سیاسی حلقوں میں اس پر شدید بحث جاری ہے۔ مخالفین نے اس اقدام کو سیاسی عدم برداشت قرار دیا ہے، جبکہ حامی اسے ردعمل کے طور پر جائز قرار دے رہے ہیں۔

Shaki productionشاکی پروڈکشن

12/12/2025

10/12/2025

09/12/2025

07/12/2025

05/12/2025

01/12/2025

30/11/2025

25/11/2025

25/11/2025

25/11/2025

24/11/2025

Address

Telephone

Website

Alerts

Contact The Business

Shortcuts

Share

Category