20/02/2025
کرک(نمائندہ شاکی پروڈکشن)نری پنوس میں بکری چوری کی واردات پیش آئی، جس پر عوام نے فوری طور پر پولیس کو اطلاع دی۔پولیس نے فوری کارروائی کرتے ہوئے ملزم کو گرفتار کر لیا۔ گرفتار ہونے والے ملزم کی شناخت شاکر اللہ سکنہ میٹھا والا کرک کے نام سے ہوئی ہے۔ اس حوالے سے ویلیج چیئرمین مولانا ذبیح اللہ حقانی نے شاکی پروڈکشن سے گفتگو کرتے ہوئے کہا کہ ہم کرک پولیس، خصوصاً ڈی ایس پی کرک شیر اکبر اور اے ایس آئی زعفران علی کے بے حد مشکور ہیں،جنہوں نے بروقت ایکشن لے کر چور کو گرفتار کیا اور عوام کا اعتماد بحال کیا۔ تفصیلات کے مطابق نری پنوس میں ایک شہری کی بکری چوری کر لی گئی، جس پر مقامی افراد نے فوری طور پر پولیس کو اطلاع دی۔ اطلاع ملتے ہی پولیس نے تحقیقات کا آغاز کیا اور کم وقت میں ہی ملزم کو گرفتار کر کے چوری شدہ بکری برآمد کر لی۔ عوامی حلقوں نے بھی پولیس کی اس بروقت کارروائی کو سراہتے ہوئے کہا کہ جرائم کے خاتمے اور امن و امان کے قیام کے لیے پولیس کی محنت قابلِ تحسین ہے۔ویلیج چیئرمین مولانا ذبیح اللہ حقانی نے مزید کہا کہ پولیس کی اس کامیاب کارروائی سے ثابت ہوتا ہے کہ قانون کی گرفت مضبوط ہے اور جرائم پیشہ عناصر کو کسی صورت معاف نہیں کیا جائے گا۔ انہوں نے عوام سے اپیل کی کہ وہ اپنے علاقوں میں مشکوک سرگرمیوں پر نظر رکھیں اور کسی بھی غیر قانونی کام کی فوری اطلاع پولیس کو دیں تاکہ سماج دشمن عناصر کا خاتمہ ممکن ہو سکے۔ علاقے کے مکینوں نے ڈی ایس پی شیر اکبر اور اے ایس آئی زعفران علی کی کارکردگی کو سراہتے ہوئے امید ظاہر کی کہ مستقبل میں بھی اس طرح کے اقدامات کیے جائیں گے تاکہ جرائم کی روک تھام ممکن ہو سکے اور عوام خود کو محفوظ محسوس کریں۔
