11/05/2026
جنوبی وزیرستان (وانا): معرکہ حق کو ایک سال مکمل ہونے پر جنوبی وزیرستان میں شاندار تقریبات کا انعقاد،جنوبی وزیرستان کے مقام وانا میں معرکہ حق کے ایک سال مکمل ہونے پر ایک عظیم الشان تقریب منعقد ہوئی، جس میں انسپکٹر جنرل فرنٹیئر کور خیبرپختونخوا (ساؤتھ) نے بطور مہمان خصوصی شرکت کی۔تقریب کا آغاز پرچم کشائی کی پروقار تقریب سے شروع ہوا، جس میں قبائلی عمائدین اور کیڈٹ کالج وانا کے ہونہار طلباء نے پرچم کشائی کی، قومی ترانہ پڑھا جس پر فضا پاکستان زندہ باد اور افواجِ پاکستان پائندہ باد کے نعروں سے گونج اٹھی۔تقریب میں افواجِ پاکستان اور ضلعی انتظامیہ کے نمائندگان، قبائلی مشران، علماء، اور مختلف شعبہ زندگی سے تعلق رکھنے والے عمائدین اور خواتین نے بڑی تعداد میں شرکت کی اور معرکہ حق کی عظیم کامیابی، وزیرستان کے قبائل اور افواجِ پاکستان کی قربانیوں، قومی یکجہتی اور دفاعِ وطن کے جذبے کو اجاگر کیا گیا،قبائلی مشران اور عمائدین نے خطاب کرتے ہوئے افواجِ پاکستان کی قربانیوں کو خراجِ تحسین پیش کیا اور ملک کے امن، استحکام اور ترقی کے لیے مکمل یکجہتی اور تعاون کے عزم کا اظہار کیا۔تقریب کے اختتام پر ملکی سلامتی، شہداء کے بلند درجات اور پاکستان کی ترقی و خوشحالی کے لیے خصوصی دعائیں کی گئیں۔
