K For Kasur

Directions Website

K For Kasur The first digital news platform of District Kasur. Trusted news | Ground reports | Public voice.

27/09/2026

قصور: موسم نے کروٹ بدل لی، ٹھنڈی ہواؤں سے سردیوں کی آمد کا احساس ہونے لگا، شہری سردیوں کی تیاری میں مصروف، لائیو

27/09/2026

قصور کے علاقوں گنڈا سنگھ والا اور دیگر دیہات میں انجم ویلفیئر آرگنائزیشن کی جانب سے سیلاب متاثرین میں کھانا، کپڑے، جوتے اور دیگر ضروری اشیائے زندگی کی فراہمی جاری ہے۔
سیلاب گزر گیا، مگر متاثرین کی مشکلات ختم نہیں ہوئیں—انجم ویلفیئر آج بھی متاثرہ خاندانوں تک راشن پہنچانے کے ساتھ بحالیِ زندگی (Rehabilitation) کے عمل میں اپنا کردار ادا کر رہی ہے۔

افضل رانجھا، جنرل سیکرٹری سے آصف علی کی خصوصی گفتگو۔
🎥 ویڈیو رپورٹ: آصف علی

ناظرین! ہر دل عزیز شخصیت، محبتوں کی بارش کر دینے والے، بندے نوں پیار دے نال لوٹ لین والے، انتہائی ڈیسنٹ پرسنالٹی، جناب م...
27/09/2026

ناظرین! ہر دل عزیز شخصیت، محبتوں کی بارش کر دینے والے، بندے نوں پیار دے نال لوٹ لین والے، انتہائی ڈیسنٹ پرسنالٹی، جناب ملک اعجاز خان بھی میدان میں اتر چکے ہیں۔ کم وڈا پے گیا اے!

27/09/2026

قصور: ایک سروے پوسٹ میں شہریوں کی جانب سے بڑھتی منشیات فروشی پر اظہار تشویش

سرکاری ہسپتال یا خاندانی تشہیر؟پنجاب میں نئے ہسپتالوں اور طبی اداروں کے قیام کے اعلانات کے ساتھ ان کے ناموں پر بھی بحث ش...
27/09/2026

سرکاری ہسپتال یا خاندانی تشہیر؟

پنجاب میں نئے ہسپتالوں اور طبی اداروں کے قیام کے اعلانات کے ساتھ ان کے ناموں پر بھی بحث شروع ہو گئی ہے۔ گوجرانوالہ میں نواز شریف، مریم نواز انسٹیٹیوٹ آف کارڈیالوجی، ڈیرہ غازی خان میں کلثوم نواز کینسر ہسپتال اور میانوالی میں مریم نواز میڈیکل کالج و ٹیچنگ ہسپتال کے منصوبوں کا اعلان کیا گیا ہے۔

مقامی صحافی نے اس معاملے پر سخت تنقید کرتے ہوئے سوال اٹھایا ہے کہ جب یہ منصوبے عوام کے ٹیکس سے قائم کیے جا رہے ہیں تو سرکاری طبی اداروں کے نام سیاسی یا خاندانی شخصیات سے منسوب کرنے کی ضرورت کیوں پیش آ رہی ہے؟

مقامی صحافی کا مؤقف ہے کہ عوامی وسائل سے بننے والے ہسپتالوں کی شناخت عوامی خدمت، شہر، علاقے یا قومی شخصیات سے ہونی چاہیے، نہ کہ انہیں حکمران خاندان کی تشہیر کا ذریعہ بنایا جائے۔

یہ معاملہ محض نام رکھنے کا نہیں بلکہ عوامی وسائل، سرکاری اداروں کی غیر جانب داری اور ریاستی منصوبوں کی شناخت سے متعلق ایک اہم عوامی بحث ہے۔ متعلقہ حکومت اور حکام سے یہ سوال ضرور بنتا ہے کہ ان ناموں کے انتخاب کے لیے کیا اصول اور پالیسی اختیار کی گئی ہے؟

27/09/2026

قصور: شہر کے مین بازار کے گیٹ کے سامنے کے مناظر ملاحظہ کیے جا سکتے ہیں۔

قصور: تھانہ چھانگا مانگا پولیس نے منشیات کے خلاف کارروائی کرتے ہوئے مبینہ طور پر منشیات سپلائی میں ملوث ایک نیٹ ورک کے 3...
27/09/2026

قصور: تھانہ چھانگا مانگا پولیس نے منشیات کے خلاف کارروائی کرتے ہوئے مبینہ طور پر منشیات سپلائی میں ملوث ایک نیٹ ورک کے 3 ملزمان کو گرفتار کر لیا۔

پولیس کے مطابق کارروائی ایس ایچ او سید افتخار بخاری کی سربراہی میں پولیس ٹیم نے خفیہ اطلاع پر خصوصی ناکہ بندی کے دوران کی۔ کارروائی کے نتیجے میں ملزمان کے قبضے سے 6 کلوگرام سے زائد ہیروئن، نقد رقم اور موبائل فونز برآمد کیے گئے۔

پولیس کا کہنا ہے کہ گرفتار ملزمان کے خلاف انسدادِ منشیات کی دفعات کے تحت مقدمہ درج کر لیا گیا ہے جبکہ کیس کی مزید تفتیش جاری ہے۔

ایس پی انویسٹی گیشن قصور محمد ضیاء الحق نے کارروائی پر تھانہ چھانگا مانگا پولیس کی کارکردگی کو سراہتے ہوئے پولیس ٹیم کو شاباش دی۔

27/09/2026

یہ ویڈیو شیئر کرتے ہوئے قصور کے شہری نے مونجی کی کٹائی کے موسم سے جڑی ایک خوبصورت روایت اور یادیں تازہ کی ہیں، جب لوک فنکار کسانوں کے سامنے کھیتوں میں اپنے فن کا مظاہرہ کرتے اور اپنی آواز و فن کے صلے میں انعام حاصل کرتے ہیں۔

شہری کے مطابق، ویڈیو میں موجود فنکار نے ان کی درخواست پر اپنے فن کا مظاہرہ کیا۔ ان کی پُراثر آواز نے محفل کو خوبصورت بنا دیا، جس پر انہیں انعام بھی دیا گیا۔

قصور کے دیہی علاقوں کی زندگی، لوک فن اور کھیتوں سے جڑی یہ روایات آج بھی ہماری ثقافتی یادوں کا خوبصورت حصہ ہیں۔

پتوکی: گورنمنٹ بوائز ہائی سکول کچہ پکہ، چک 43 پتوکی کے طلبا نے نہم جماعت کے بورڈ امتحانات میں نمایاں کارکردگی کا مظاہرہ ...
27/09/2026

پتوکی: گورنمنٹ بوائز ہائی سکول کچہ پکہ، چک 43 پتوکی کے طلبا نے نہم جماعت کے بورڈ امتحانات میں نمایاں کارکردگی کا مظاہرہ کرتے ہوئے سکول اور علاقے کا نام روشن کر دیا۔

امتحانی نتائج میں یاسر امانت نے 510 نمبر حاصل کرکے پہلی، مقداد نقوی نے 453 نمبر حاصل کرکے دوسری جبکہ ابو ہریرہ نے 452 نمبر حاصل کرکے تیسری پوزیشن حاصل کی۔

طلبا کی شاندار کارکردگی پر ڈسٹرکٹ ایجوکیشن آفیسر شوکت علی خاں نے ان کی حوصلہ افزائی کرتے ہوئے انہیں شیلڈز سے نوازا۔

اس موقع پر کامیاب طلبا کی محنت کو سراہا گیا۔ طلبا کے والدین اور اساتذہ نے بھی کامیابی پر خوشی کا اظہار کیا، جبکہ نمایاں کارکردگی کو سکول کے تعلیمی ماحول اور طلبا کی محنت کا نتیجہ قرار دیا گیا۔

گورنمنٹ بوائز ہائی سکول کچہ پکہ کے طلبا کی یہ کامیابی علاقے کے دیگر طلبا کے لیے بھی تعلیمی میدان میں آگے بڑھنے کے لیے حوصلہ افزا مثال ہے۔

اسلام آباد: سینئر صحافی و تجزیہ کار حامد میر نے ایک پروگرام میں گفتگو کرتے ہوئے پی ٹی آئی اور سابق وزیراعظم عمران خان سے...
27/09/2026

اسلام آباد: سینئر صحافی و تجزیہ کار حامد میر نے ایک پروگرام میں گفتگو کرتے ہوئے پی ٹی آئی اور سابق وزیراعظم عمران خان سے متعلق مفاہمت کی اطلاعات پر اہم گفتگو کی ہے۔

میزبان سعید قاضی سے گفتگو کے دوران حامد میر نے کہا کہ اڈیالہ جیل راولپنڈی میں واقع ہے اور انہیں مختلف ذرائع سے وہاں کی صورتحال سے متعلق معلومات ملتی رہتی ہیں۔

حامد میر کے مطابق ایک یا دو نہیں بلکہ تین سے چار افراد عمران خان کے پاس مفاہمت کا پیغام لے کر گئے۔ ان کا کہنا تھا کہ ان افراد میں تحریک انصاف سے تعلق رکھنے والا ایک شخص بھی شامل تھا، جس نے بعد ازاں خود انہیں بتایا کہ اس نے عمران خان کے سامنے مفاہمت کی بات رکھی تو انہیں سخت جواب ملا۔

سینئر صحافی کے مطابق مذکورہ شخص کی جانب سے مفاہمت کی بات کیے جانے پر عمران خان نے مبینہ طور پر کہا کہ وہ کسی ڈیل کے ذریعے ملک سے باہر جانے کے لیے تیار نہیں ہیں۔

حامد میر نے عمران خان سے منسوب کرتے ہوئے کہا کہ ان کا پیغام یہ تھا کہ "یہاں سے میری ڈیڈ باڈی نکل سکتی ہے، لیکن تم یہ نہ سوچنا کہ میں نواز شریف کی طرح ڈیل کرکے پاکستان سے باہر چلا جاؤں گا۔ میں نے ڈیل نہیں کرنی، ہاں مروا دینا ہے تو مروا دو۔"

حامد میر نے واضح کیا کہ عمران خان کا یہ ردعمل سیاسی ہے یا غیر سیاسی، یہ الگ بحث ہے، تاہم ان کے مطابق موجودہ صورتحال میں عمران خان کسی ڈیل کے لیے تیار نظر نہیں آتے۔

واضح رہے کہ یہ معلومات حامد میر کی جانب سے پروگرام میں بیان کردہ دعوے اور ان کے ذرائع سے منسوب ہیں، جن کی آزادانہ طور پر تصدیق اس خبر میں نہیں کی گئی۔

Address

Kasur

Website

Alerts

Be the first to know and let us send you an email when K For Kasur posts news and promotions. Your email address will not be used for any other purpose, and you can unsubscribe at any time.

Shortcuts

Share

Category