31/05/2024
ھڪڙي چٺي ٻٻرلوءِ جي بيباڪ بھادر ۽ سينئر صحافي ڀاءُ وڏيري اعظم خان مستوئي جي نانءُ
جيئن ته سائين اڄ آءُ اوھان سان ٻٻرلوءِ جي ھڪ عام شھري جي حيثيت سان ھي چٺي اوھان جي نالي سان اوھان ڏي لکي رھيو آھيان. سائين عرض آهي ته الله پاڪ اوھان جي وڏي عزت ڪئي آھي ۽ رب جنھن کي چاھي عزت ڏي ۽ جنھن کي چاھي ذليل ۽ خوار ڪري. سڀ کان پھريان اوھان ٻٻرلوءِ جي وڏيراڻي گھراڻي جا چڱا مڙس به آھيون ۽ ٻيو صحافت ۾ ڪافي عرصو گذارڻ جي ڪري اوھان جا سٺا واسطا به جڙي ويا آھن. ۽ جنھن بھادري سان اوھان قلم جو بي دريخ استعمال ڪيو آهي ان ڪري سنڌ جي چند نمايان صحافين ۾ اوھان جو شمار ڪيو ويندو آهي. جنھن تي اسان ٻٻرلوءِ واسين کي وڏو فخر آهي. سائين منھنجو ھڪڙو ننڍڙو عرض آهي ته اوھان کي تمام سٺي نموني ڄاڻ ھوندي ته ٻٻرلوءِ ۾ ڪافي عرصي کان منشيات، شراب ۽ آڪڙا پرچي سرعام پئي ھلي، ۽ اڄ ڪلھ ته وري آئيس جھڙو خطرناڪ نشو به سرعام پيو وڪامجي. جنھن خلاف اوھان قلم سان به جنگ وڙهي آھي ۽ سنڌ جي نامور چينلن تي پڻ وڏي واڪ ان خلاف آواز اٿاريو آهي. جنھن جو اوھان جس لھڻو. پر انهن ايڏين اوھان ڪوششن جي باوجود به اھي سڀ ڪڌا ڌنڌا سرعام ھلن پيا. ان ڪري اوھان کي اسان جي درخواست آهي ته اوھان جا پوليس جي ايس ايڇ اوز کان وٺي ايس ايس پيز کان ٿيندي ڊي آئي جيز کان به ٿورو اڳتي آئي جي سنڌ تائين تمام سٺا تعلق ۽ واسطي آھن جنھن جي اسان کي خبر سوشل ميڊيا ذريعي پوندي آهي. ۽ ھر نيئن ايندڙ ايس ايس پيز کي اوھان پاران به ايتري ئي عزت ملندي آهي، ۽ اوھان کي به شاباس ھجي جو سنڌ جي خصوصيت مھمان نوازي کي برقرار رکندي انھن کي اجرڪون ۽ سنڌ جي سونھن ٽوپيون پارائي مقرري جو مبارڪون به ڏيڻ ويندا آهيون. ۽ بدلي ۾ اوھان کي به ايتري ئي عزت وٺندا آهيون. جنھن جا اوھان حقدار به آھيون. حالانڪ اوھان جي انھن ۾ ڪائي لالچ به نه ھوندي آھي، ڇو جو اڪثر سنڌ جا ٻه نمبر ڌنڌي ۾ ملوث صحافي ايس ايس پيز ۽ ايس ايڇ اوز جي خدمت ۽ خوشامد ڪندا آهن ته جيئن اسان جو ڪاروبار ھلندو رھي. پر الحمداللہ اوھان جا ته ھٿ بلڪل اھڙن مڪروهه ڌنڌن کان به پاڪ آھن. ان ڪري سائين انھن ايس ايس پيز کان مدد وٺي پنھنجي علائقي واسين کي اھڙي برائي کان بچايو. ۽ ٻٻرلوءِ ۾ سرعام ھلندڙ منشيات جوا آڪڙا پرچي ۽ آئيس جھڙي ڪھري نشي کان نوجوانن کي بچائڻ ۾ مددگار ٿيو. ڏسو لازمي ناھي ته ھروڀرو پوليس خلاف ڪجھ لکو ۽ بريڪنگ نيوز ھلايون. ھو به انسان آھن الله انھن جي به عزت ڪئي آهي. ۽ ڀائرن جھڙا دوست به آھن لازمي ناھي ته انھن خلاف لکو، بس انھن کان مدد وٺو ۽ منشيات ۽ آڪڙا پرچي ھلائيندڙن کي اندر ڪرائي ڇڏيو. جيڪڏهن اوھان ايئن ڪرڻ ۾ ڪامياب ٿي ويا سڄي ٻٻرلوءِ جو عوام اوھان جا ٿورا مڃيندو ۽ اوھان جي ٻچن کي به دعا ڪندو. باقي سائين ماڻھون وڏا حرامي اٿو، چوڻ وارن جو ڪنھن منھن بند ناھي ڪيو. ڪنھن شيطان ماڻھون مونکي چيو منھنجو نالو راز ۾ رکجان، جيڪو گل وارو پٽ مصطفي آهي نه اھو ڀائو اعظم جو صفا ويجھو مائٽ اٿئي ڪڏھن ڪڏھن پوليس ڇاپو ھڻندي آهي ته شراب وڃين ڀائو اعظم جي گھر لڪائي ايندو آهي. ۽ آڪڙا پرچي ھلائيندڙن ۾ مين ڊيلر عمران مستوئي ۽ حليم مستوئي به صفا پنھنجا اٿس ۽ عمران سان ته سڪو ڏينھن ان جي آفيس ۾ ڀائو اعظم پاڻ ويٺو ھوندو آھي. باقي آئيس جو جيڪو ڊيلر اٿئي نه ڪاشف ميمڻ اھو ته با وڏيري اعظم جي سڄي ٻانھن اٿئي. جنھن تي مون چيومانس ھل ڪوڙا شيطان ڀڃ ھتان ڳوٺ جي چڱي مڙس تي الزام ٿو ھڻين. سائين ھي ٿي ماڻھن جا حال. تنھن ڪري سائين اوھان کي عرض رکجي ٿو ته اوھان جا ادي نفيسه شاھ سان به سٺا واسطه آھن مھرباني ڪري پنھنجو ڪردار ادا ڪريو. جيئن مان انھن شيطان ماڻھن کي جواب ڏئي سگھان ته ڪنھن چڱي مڙس تي ايئن الزام ناھن ھڻبا. ڀائو اسان جي ڳوٺ جو وڏيرو به آھي ته صحافي به ۽ پيپلز پارٽي جو ٻٻرلوءِ جو مظبوط قلعو به ان کان سواءِ پارٽي ڪجھ به ناھي. ادي نفيسه شاھ کان جنھن ڏينھن وڏيرو اعظم ڪاوڙيو نه ان ڏينھن پيپلز پارٽي ھڪڙو به ووٽ نه کڻي سگھندي. ان ڪري ادي نفيسه شاھ به مجبور آھي.
