Paracha News

12/09/2026

۔
خانیوال کے علاقے موضع کالو پترا گراؤنڈ میں کرکٹ میچ کے دوران معمولی تلخ کلامی پر فائرنگ اور تشدد کا واقعہ پیش آیا۔
فائرنگ ہوتے ہی گراؤنڈ میں موجود کھلاڑیوں اور شائقین میں خوف و ہراس پھیل گیا اور انہوں نے بھاگ کر اپنی جانیں بچائیں، جبکہ مارپیٹ کے نتیجے میں چار افراد زخمی ہوگئے۔
متاثرہ افراد کے مطابق ریکارڈ یافتہ ملزم مختار عرف شلو نے اپنے ساتھیوں کے ہمراہ فائرنگ کی اور بعد ازاں مخالفین کو تشدد کا نشانہ بنایا۔
واقعے کی ویڈیو بھی سوشل میڈیا پر تیزی سے وائرل ہوگئی، جس کے بعد تھانہ تلمبہ پولیس نے کارروائی کرتے ہوئے فائرنگ اور تشدد میں ملوث مرکزی ملزم مختار عرف شلو کو گرفتار کرلیا۔
پولیس کے مطابق واقعے کا مقدمہ پانچ نامزد اور بارہ نامعلوم افراد کے خلاف درج کرلیا گیا ہے، جبکہ مزید ملزمان کی گرفتاری کے لیے کارروائی جاری ہے۔
پولیس ریکارڈ کے مطابق گرفتار ملزم مختار عرف شلو کے خلاف آٹھ سے زائد مقدمات درج ہیں، جبکہ واقعے کے بعد علاقے میں خوف و ہراس کی فضا پیدا ہوگئی۔پولیس حکام کا کہنا ہے کہ فائرنگ اور تشدد میں ملوث دیگر ملزمان کو بھی قانون کے کٹہرے میں لایا جائے گا۔

10/09/2026

خانیوال (پراچہ نیوز ) وزیراعلیٰ پنجاب مریم نواز شریف کے ویژن کے مطابق مویشی پال کسانوں کو جدید ویٹرنری سہولیات ان کی دہلیز پر فراہم کرنے کے لیے حکومت پنجاب کی جانب سے عملی اقدامات جاری ہیں۔ اس سلسلے میں سول ویٹرنری ہسپتال خانیوال میں اسٹیٹ آف دی آرٹ ویٹرنری آپریشن تھیٹر اور جدید لیبارٹری قائم کر دی گئی ہے۔صوبائی وزیر زراعت و لائیوسٹاک سید عاشق حسین کرمانی نے سول ویٹرنری ہسپتال خانیوال میں جدید ویٹرنری آپریشن تھیٹر اور لیبارٹری کا افتتاح کیا۔ اس موقع پر ایم این اے محمد خان ڈاہا، صوبائی پارلیمانی سیکرٹری رانا محمد سلیم حنیف، اراکین صوبائی اسمبلی چودھری ضیاء الرحمٰن اور بیرسٹر اسامہ فضل، سیکرٹری لائیوسٹاک احمد عزیز تارڑ، ڈائریکٹر جنرل لائیوسٹاک اور ڈپٹی کمشنر حنا ارشد سمیت محکمہ لائیوسٹاک کے افسران اور مویشی پال کسان موجود تھے۔
صوبائی وزیر زراعت و لائیوسٹاک سید عاشق حسین کرمانی نے اس موقع پر منعقدہ تقریب سے خطاب اور میڈیا سے گفتگو کرتے ہوئے کہا کہ وزیراعلیٰ پنجاب مریم نواز شریف کی ہدایت پر مویشی پال کسانوں کو ان کے جانوروں کے لیے جدید طبی سہولیات ان کی دہلیز پر فراہم کی جا رہی ہیں۔ انہوں نے کہا کہ دودھ اور گوشت کے جانور ہماری معیشت میں ریڑھ کی ہڈی کی حیثیت رکھتے ہیں، اس لیے مویشیوں کی صحت اور بہتر نگہداشت حکومت کی ترجیحات میں شامل ہے۔انہوں نے کہا کہ گزشتہ سیلاب کے دوران محکمہ لائیوسٹاک کی جانب سے بروقت اور مؤثر اقدامات کیے گئے، جس کے باعث مویشیوں میں کسی وبا کو پھیلنے نہیں دیا گیا۔ آج پنجاب کے ہر ضلع میں جدید ویٹرنری ہسپتال فعال ہیں جہاں مویشی پال کسانوں کو بہتر طبی سہولیات فراہم کی جا رہی ہیں۔
سید عاشق حسین کرمانی نے کہا کہ جدید لیبارٹری کے قیام سے مویشیوں میں بیماریوں کی تشخیص اور بروقت علاج مزید مؤثر ہوگا۔ انہوں نے محکمہ لائیوسٹاک کو ہدایت کی کہ جدید ٹیسٹوں کے لیے مویشی پال کسانوں کے جانوروں کے نمونے ان کی دہلیز پر جا کر حاصل کیے جائیں تاکہ انہیں بار بار ہسپتال آنے کی زحمت نہ اٹھانا پڑے۔
انہوں نے مزید بتایا کہ مویشی پال کسان ٹیسٹوں کی رپورٹس ایک گھنٹے کے اندر آن لائن اور واٹس ایپ کے ذریعے بھی حاصل کر سکیں گے۔ حکومت پنجاب بہت جلد ہر تحصیل میں ایک ماڈل ویٹرنری ہسپتال قائم کرنے جا رہی ہے، جس سے مویشی پال کسانوں کو جدید ویٹرنری سہولیات تک مزید آسان رسائی حاصل ہوگی۔اس موقع پر صوبائی پارلیمانی سیکرٹری رانا محمد سلیم حنیف نے محکمہ لائیوسٹاک کی جانب سے مویشی پال کسانوں کو فراہم کی جانے والی سہولیات کا جائزہ لیا اور موبائل لیبارٹری و سیمپل کلیکشن کے لیے مخصوص موبائل گاڑی کا بھی معائنہ کیا۔ایم این اے محمد خان ڈاہا اور صوبائی پارلیمانی سیکرٹری رانا محمد سلیم حنیف نے بھی خطاب کیا - تقریب میں شریک کسانوں نے اقدام کو سراہا

09/09/2026

خانیوال: موٹرسائیکل اور ریڑھی میں تصادم، 3 سالہ بچی جاں بحق، میاں بیوی زخمی

خانیوال کے نواحی علاقے 14/9 آر کے قریب موٹرسائیکل اور ریڑھی کے درمیان تصادم کے نتیجے میں 3 سالہ بچی جاں بحق جبکہ میاں بیوی زخمی ہوگئے۔
ریسکیو 1122 کے مطابق حادثے کی اطلاع ملتے ہی امدادی اہلکار موقع پر پہنچ گئے۔ حادثے میں 3 سالہ زینب موقع پر جاں بحق ہوگئی، جبکہ 40 سالہ امجد اور 38 سالہ فرح زخمی ہوئے، جن کا تعلق 12 میل سے بتایا گیا ہے۔
ریسکیو 1122 کے مطابق موٹرسائیکل سوار فیملی 12 میل سے پیرووال جا رہی تھی کہ 14/9 آر کے قریب حادثہ پیش آیا۔
ریسکیو اہلکاروں نے جاں بحق بچی کی لاش اور زخمی میاں بیوی کو آر ایچ سی مخدومپور منتقل کر دیا۔

08/09/2026

*خانیوال* - خانیوال کے نواہی علاقے پیرووال میں 79 دس آر اسٹاپ کے قریب تیز رفتاری کے باعث کار بے قابو ہو کر الٹ گئی۔
دونوں زخمیوں کا تعلق قادر پور راں سے ہے۔
ریسکیو 1122 نے زخمیوں کو طبی امداد کے بعد اور جاں بحق افراد کی نعشوں کو ضروری کارروائی کے بعد ڈسٹرکٹ ہسپتال خانیوال منتقل کر دیا ہے۔
پولیس نے واقعے کی تحقیقات شروع کر دی ہیں۔

04/09/2026

01/09/2026

خانیوال آوارہ کتے کے کاٹنے سے پانچ سالہ بچہ زخمی

خانیوال کے عظیم ٹاؤن میں آوارہ کتے کے کاٹنے سے پانچ سالہ بچہ عثمان ولد صداقت زخمی ہوگیا۔ واقعے کے بعد بچے کو طبی امداد کے لیے ہسپتال منتقل کردیا گیا، جہاں اسے ضروری علاج فراہم کیا گیا۔
علاقہ مکینوں نے مطالبہ کیا ہے کہ آوارہ کتوں کے خلاف فوری کارروائی کی جائے تاکہ ایسے واقعات کی روک تھام ممکن ہوسکے۔

31/08/2026

خانیوال: ماں بیٹے کے دوہرے قتل کو 4 ماہ گزر گئے، ملزمان گرفتار نہ ہوسکے، لواحقین کی پریس کانفرنس

خانیوال: تھانہ کہنہ کے علاقہ بستی دوست محمد میں ماں بیٹے کے دوہرے قتل کو 4 ماہ گزر گئے، ملزمان گرفتار نہ ہوسکے، لواحقین کی پریس کانفرنس فرزانہ اور اس کے کمسن بیٹے زی­شان کے دوہرے قتل کو چار ماہ گزرنے کے باوجود ملزمان کی گرفتاری نہ ہونے پر مقتولین کے لواحقین نے پریس کانفرنس کرتے ہوئے شدید تشویش اور احتجاج کا اظہار کیا ہے۔ لواحقین نے آئی جی پنجاب، وزیراعلیٰ پنجاب اور دیگر اعلیٰ پولیس حکام سے فوری نوٹس لینے، خصوصی تحقیقاتی ٹیم تشکیل دینے، ملزمان کو گرفتار کرنے اور شفاف تفتیش کے ذریعے خاندان کو انصاف فراہم کرنے کا مطالبہ کیا ہے۔
مقتولین کے اہلخانہ نے اپیل کی کہ اعلیٰ حکام ذاتی دلچسپی لیتے ہوئے کیس میں پیش رفت یقینی بنائیں تاکہ فرزانہ اور کمسن زی­شان کا خون رائیگاں نہ جائے۔

31/08/2026

خانیوال کے علاقے فاضل شاہ کے مقام پر دریائے چناب میں ڈوبنے والی 15 سالہ رقیہ کی لاش پانچ روز گزرنے کے باوجود نہ مل سکی۔ رقیہ کی تلاش کے لیے ریسکیو 1122 کا سرچ آپریشن پانچویں روز جاری رہنے کے باوجود بچی کی لاش نہ مل سکی ورثہ کا کہنا ہے کہ ہمارے بچی کو تلاش کی جائے

30/08/2026

خانیوال تحریک منہاج القرآن کے زیر اہتمام محفل میلاد النبی سیرت النبی کانفرنس میں مفتی شوکت علی سیالوی خطاب پنجاب سوسائٹی

30/08/2026

خانیوال تحریک منہاج القرآن کے زیر اہتمام محفل میلاد النبی سیرت النبی کانفرنس پنجاب سوسائٹی خانیوال