11/07/2026
خانپورمهر ويجهو شادي شده ناري پاران پنهنجي مامي مٿان پنهنجي پٽ سان زبردستي پرڻائڻ جا الزام، ناري پنهنجي مڙس سان احتجاج ڪندي تحفظ جو مطالبو ڪيو آهي، خانپورمهر ويجهو ڳوٺ لال بخش ڪولاچي جي رهواسڻ شادي شده ناري ياسينه ڪولاچي پنهنجي مڙس علي نواز ڪولاچي سان گڏجي خانپورمهر ۾ ميڊيا آڏو احتجاج ڪندي الزام هنيو ته منهنجو مامو منظور ڪولاچي پنهنجي پٽ عبدالقدير ڪولاچي سان زبردستي شادي ڪرائڻ پئي چاهيو، منهنجي مامي منظور ۽ ٻين منهنجي سهري مٿان حملو ڪيو آهي جروار پوليس جوابدارن خلاف ڪارروائي نٿي ڪري، ناري چيو ته منهنجي 3 مهينا اڳ علي نواز ڪولاچي سان مڱڻي ٿيل هئي ان دوران مامي زبردستي پنهنجي پٽ سان پرڻائڻ پئي چاهيو ته مون پنهنجي مڱيندي علي نواز سان ميرپورماٿيلو جي عدالت ۾ شادي ڪئي آهي جنهن ۾ منهنجا چاچا، امڙ ۽ ننڍا ماما راضي آهن رڳو وڏو مامو منظور ڪولاچي اعتراض ڪري ٿو، هن چيو تحفظ ڏيئي انصاف فراهم ڪيو وڃي، نوجوان علي نواز ڪولاچي چيو ته ياسينه سان منهنجي مڱڻي ٿيل هئي پر سندس مامو پنهنجي پٽ سان زبردستي پرڻائڻ پئي چاهيو انڪري هن مون سان عدالت ۾ نڪاح ڪيو آهي اڄ جوابدار منظور ،بکا ڪولاچي ۽ ٻين حملو ڪري ڌمڪيون ڏنيون ،هن چيو ته جوابدارن مان اسان کي خطرو آهي، جوڙي ايس ايس پي گهوٽڪي ۽ ٻين وس وارن کان مطالبو ڪيو ته اسان کي تحفظ ۽ انصاف فراهم ڪيو وڃي..
