https://www.facebook.com/316443841878112/

Bajaur Post, Khar (2026)

11/09/2026

اطلاع عام
میں اپنےتمام رشتہ داروں اور سوشل میڈیا سمیت تمام دوستوں کو اطلاع دینا چاہتا ہوں کہ کسی نے (aminmashal75) کے نام سے ٹیک ٹاک پر میرا فیک ائی ڈی بنایا ہے اوراس پر میرا پروفائل تصویر بھی لگایا ہے جومختلف طریقے اپنا کر لوگوں سے پیسوں کا مطالبہ کرتے ہیں ۔
لہذا اگر اس فیک اکاونٹ سے میرے کسی دوست یا رشتہ دار سے پیسوں یا کسی دوسرے چیز کا مطالبہ کیا جائے یا کوئی غیر اخلاقی، غیر اسلامی، غیر شرعی یا غیر قانونی پوسٹ کیا جائے تو وہ باطل ہوگا اور اسکا میرے ساتھ کوئی تعلق نہیں ہوگا۔
(نوٹ) میرا بھرپور کوشش ہے کہ ایسے بے حس اور غدار اور بے شعور انسان کو FIA سائبر کرائمز یا PTA کے ذریعے معلوم کرکے انجام تک پہنچاؤں۔تمام دوستوں سے رپورٹ کرنے کے درخواست ہیں
شکریہ۔
منجانب: آمین اللہ ضلع باجوڑ حال مقیم یوکے

11/09/2026

انصاف فیمیل ایجوکیشن کارڈ - طالبات کی اعلیٰ تعلیم کے تسلسل کی ضمانت!

عمران خان کے مساوی تعلیمی مواقع کے وژن کو عملی جامہ پہناتے ہوئے خیبرپختونخوا حکومت نے انصاف فیمل ایجوکیشن کارڈ متعارف کرایا ہے، تاکہ مالی مشکلات کسی بیٹی کے خواب، اس کی تعلیم اور اس کے مستقبل کی راہ میں رکاوٹ نہ بنیں۔

الحمدللہ! اس اسکیم سے 55 ہزار سے زائد طالبات مستفید ہو رہی ہیں، 2025 میں شروع ہونے والے اس پروگرام کا دائرہ 30 اضلاع تک پھیلایا جا چکا ہے اور تمام سرکاری خواتین کالجز میں یہ سہولت دستیاب ہے۔

مالی سال 2025-26 کے لیے اس منصوبے کے تحت 325 ملین روپے مختص کیے گئے، جبکہ اب تک 118.37 ملین روپے خرچ کیے جا چکے ہیں۔

اسلام ہمیں علم حاصل کرنے، اپنی بیٹیوں کی عزت و تکریم کرنے اور ان کے بہتر مستقبل کے لیے راستے آسان بنانے کی تعلیم دیتا ہے۔ اسی دینی و اخلاقی ذمہ داری کے احساس کے ساتھ خیبرپختونخوا حکومت یہ عزم رکھتی ہے کہ کوئی باصلاحیت بیٹی صرف مالی مشکلات کی وجہ سے اپنی تعلیم ادھوری نہ چھوڑے۔

ہماری بیٹیاں صرف آج کی طالبات نہیں، کل کی معلمات، ڈاکٹرز، محققین، ماہرین اور قوم کی معمار ہیں۔ ان کی تعلیم پر خرچ دراصل ہماری آنے والی نسلوں کے روشن مستقبل میں سرمایہ کاری ہے۔

تعلیم ہر بیٹی کا حق ہے، اور اس حق کے تحفظ کے لیے خیبرپختونخوا حکومت اپنی ذمہ داری پوری کرنے کے لیے پرعزم ہے۔

11/09/2026

ٹیکنالوجی کی دنیا میں ایک بڑا قدم اٹھاتے ہوئے Apple نے نئی iPhone 18 سیریز متعارف کرا دی، جس میں iPhone 18 Pro، iPhone 18 Pro Max اور پہلی بار فولڈ ہونے والا iPhone Duo شامل ہے۔
ایپل کے مطابق iPhone Duo کمپنی کا پہلا فولڈ ایبل آئی فون ہے، جو کھلنے پر 7.6 انچ کے اندرونی ڈسپلے کے ساتھ آئی فون کا اب تک کا سب سے بڑا اسکرین تجربہ فراہم کرتا ہے، جبکہ بند حالت میں اس میں 5.4 انچ کا بیرونی ڈسپلے موجود ہے۔
نئے iPhone Duo میں طاقتور A20 Pro چپ، جدید کیمرہ سسٹم اور نئے iOS 27 تجربات شامل ہیں، جبکہ فولڈ ایبل ڈیزائن کے باعث صارفین ایک ہی وقت میں دو ایپس کو ساتھ استعمال کرنے سمیت متعدد نئے فیچرز سے فائدہ اٹھا سکیں گے۔
ایپل کے مطابق iPhone 18 Pro اور iPhone 18 Pro Max میں بھی A20 Pro چپ اور جدید 48 میگا پکسل کیمرا سسٹم دیا گیا ہے۔ iPhone 18 Pro میں پہلی بار آئی فون کیمرے میں variable aperture متعارف کرایا گیا ہے۔
آئی فون ڈوو (iPhone Duo) کی پری آرڈرز 16 اکتوبر سے شروع ہوں گی جبکہ دستیابی 23 اکتوبر 2026 سے ہوگی۔

11/09/2026

رشکئی: بنیادی سہولیات کی عدم فراہمی پر طالبات کا احتجاج

رشکئی میں گورنمنٹ گرلز پرائمری سکول کی طالبات اور اہلِ علاقہ نے سکول میں بنیادی سہولیات کی عدم فراہمی کے خلاف احتجاج کیا۔

مظاہرین کا کہنا ہے کہ سکول کے قیام سے آج تک طالبات کے لیے میز اور کرسیاں فراہم نہیں کی گئیں، جس کے باعث 400 سے زائد طالبات شدید گرمی اور سردی میں زمین پر بیٹھ کر تعلیم حاصل کرنے پر مجبور ہیں۔ فرنیچر کی فراہمی کے لیے متعدد درخواستیں بھی متعلقہ ڈی ای او آفس میں جمع کرائی جا چکی ہیں، تاہم تاحال کوئی عملی اقدام نہیں کیا گیا۔

مظاہرین کے مطابق 400 سے زائد طالبات کے لیے صرف ایک خاتون ٹیچر تعینات ہے، جس کے باعث تدریسی امور شدید متاثر ہو رہے ہیں۔ انہوں نے دو سے تین مزید خواتین اساتذہ کی فوری تعیناتی کا مطالبہ کیا۔

اہلِ علاقہ کا مزید کہنا ہے کہ پرائمری تعلیم کے بعد طالبات کے لیے علاقے میں کوئی مڈل یا ہائی سکول موجود نہیں، جس کے باعث متعدد طالبات مزید تعلیم جاری رکھنے سے محروم رہ جاتی ہیں۔

مظاہرین نے حکومت اور محکمہ تعلیم سے مطالبہ کیا ہے کہ فوری طور پر سکول میں فرنیچر فراہم کیا جائے، اضافی اساتذہ تعینات کیے جائیں اور سکول کو مڈل اور ہائی سطح تک اپ گریڈ کیا جائے

11/09/2026

باجوڑ۔
تھانہ برنگ پولیس کی منشیات کے خلاف بڑی کارروائی، 7 کلو افیون برآمد، منشیات سمگلر بصیر سکنہ برنگ گرفتار۔ مقدمہ درج۔ مزید تفتیش جاری۔

باجوڑ پولیس کا منشیات کے ناسور کے خلاف کریک ڈاؤن کامیابی کیساتھ جاری ہے۔ *ڈسٹرکٹ پولیس آفیسر باجوڑ خان زیب مہمند* کی خصوصی ہدایات پر منشیات فروشوں اور سمگلروں کے خلاف ضلع بھر میں بھرپور اور بلاامتیاز کارروائیاں جاری ہیں۔

اس سلسلے میں آج سرکل ڈی ایس پی برنگ ہنر خان کی نگرانی میں ایس ایچ او تھانہ برنگ احسان اللہ نے پولیس ٹیم کے ہمراہ کامیاب کارروائی کرتے ہوئے منشیات سمگلر بصیر ولد عالم خان سکنہ حورزانہ، برنگ کو گرفتار کرلیا۔

کارروائی کے دوران گرفتار ملزم کے قبضے سے 7 کلو افیون برآمد کرلی گئی۔ ملزم کے خلاف منشیات ایکٹ کے تحت مقدمہ درج کرکے اسے قانون کے کٹہرے میں کھڑا کر دیا گیا ہے۔

واضح رہے کہ منشیات کے حوالے سے ڈسٹرکٹ پولیس آفیسر باجوڑ خان زیب مہمند نے پہلے ہی جملہ پولیس افسران پر واضح کیا ہے کہ منشیات کے کاروبار میں ملوث عناصر کسی صورت رعایت کے مستحق نہیں، منشیات فروشوں اور سمگلروں کے خلاف کارروائیاں آخری منشیات فروش کے خاتمے تک جاری رہیں گی۔ اسمیں کسی قسم کی غفلت برداشت نہیں کی جائیگی۔

ترجمان باجوڑ پولیس

11/09/2026

ایران امریکی پابندیوں سے بچنے اور عالمی بینکاری نظام سے گریز کے لیے چین کے ساتھ بارٹر تجارت کرنے لگا۔
غیر ملکی خبر ایجنسی سے گفتگو کرتے ہوئے 2 اعلیٰ ایرانی ذرائع سمیت تجارت سے باخبر افراد نے بتایاکہ ایران امریکی پابندیوں سے بچتے ہوئے اپنے تیل کی فروخت جاری رکھنے اور چین سے اربوں ڈالر مالیت کی اشیاء، فوجی سازو سامان خریدنے کے لیے بارٹر نما تجارتی نظام استعمال کررہاہے۔
رپورٹ کے مطابق اس خفیہ نظام کے تحت ایرانی تیل کے بدلے چین سے درآمد کی جانے والی اشیاء کے لیے کریڈٹ حاصل کیے جاتے ہیں، ایران نے اس نظام کے ذریعے چین سے ادویات، گاڑیاں اور مواصلاتی آلات بھی حاصل کیے ہیں جب کہ ان اشیاء کے مینوفیکچررز براہِ راست ایران کے ساتھ لین دین نہیں کررہے تھے۔
ذرائع کا کہنا ہے کہ گزشتہ ایک سال کے دوران کم از کم ایک مرتبہ اس طریقہ کار کو ایران کو لاکھوں ڈالر مالیت کا فضائی دفاعی سازوسامان فراہم کرنے کے معاہدوں کے سلسلے میں بھی استعمال کیا گیا۔
ذرائع کے مطابق بارٹر نما تجارتی نظام کے علاوہ بھی ایران دیگر مختلف طریقوں سے بین الاقوامی بینکاری نظام سے گزرے بغیر چینی کمپنیوں سے اشیاء اور خدمات حاصل کرتا ہے۔
ذرائع نے مبینہ لین دین کی مزید تفصیلات فراہم نہیں کیں جب کہ خبرایجنسی بھی آزادانہ طور پر ان معاملات کی تصدیق نہیں کرسکی۔
بارٹر نما تجارت سے متعلق خبرایجنسی کے سوالات کے جواب میں چینی وزارت خارجہ نے کہا کہ وہ بیان کردہ صورتحال سے واقف نہیں اور چین ہمیشہ یکطرفہ پابندیوں کی مخالفت کرتا ہے۔
ایران کے نیویارک اور جنیوا میں اقوام متحدہ کے مشنز نے تبصرے کی درخواستوں کا جواب نہیں دیا۔

11/09/2026

ایل این جی کارگو پورٹ قاسم پر پہنچ گیا۔
ترجمان پورٹ قاسم اتھارٹی اسد وارثی کے مطابق قطر سے ایل این جی کارگو المرونا پورٹ قاسم پہنچا ہے۔
اسد وارثی نے بتایا کہ جہاز پورٹ قاسم ٹرمینل 2 پر لنگر انداز ہوا ہے جو قطر سے 81 ہزار936 میٹرک ٹن ایل این جی لےکر پورٹ پہنچا ہے۔

11/09/2026

سعودی عرب کے دارالحکومت ریاض کی مشہور ترین اور بلند و بالا عمارت کنگڈم سینٹر ٹاور (Kingdom Centre Tower) کے سب سے اوپر واقع اسکائی برج (Sky Bridge) کی بیرونی شیشوں کی صفائی کرنے والے کارکنان کی ویڈیو نے انٹرنیٹ پر دھوم مچا دی ہے۔

زمین سے تقریباً 300 میٹر (تقریباً 984 فٹ) کی بلندی پر، یہ صفائی کرنے والے عملے کے ارکان صرف حفاظتی رسیوں کے سہارے ہوا میں لٹکے ہوئے اپنی ڈیوٹی سرانجام دے رہے ہیں،ویڈیو میں دیکھا جاسکتا ہے کہ کس طرح ایک سرخ تیر کے نشان سے ان بہادر کارکنوں کی نشاندہی کی گئی ہے جو برج کے بیرونی شیشے کو چمکانے میں مصروف ہیں۔

تیز ہواؤں اور اس قدر خوفناک بلندی کے باوجود ان کارکنوں کا توازن اور مہارت داد کے قابل ہے۔سوشل میڈیا صارفین ان ورکرز کی ہمت اور محنت کو شدید سراہ رہے ہیں، اور بہت سے لوگوں کا کہنا ہے کہ یہ دنیا کے سب سے مشکل اور خطرناک ترین کاموں میں سے ایک ہے۔

11/09/2026

باجوڑ۔
خار بازار میں غیر معیاری انڈوں کی فروخت کے خلاف کارروائی، متعدد دکانیں سیل
گزشتہ روز سوشل میڈیا پر غیر معیاری انڈوں کی فروخت سے متعلق سامنے آنے والی شکایات کا نوٹس لیتے ہوئے ڈپٹی کمشنر باجوڑ عدنان فرید آفریدی کی خصوصی ہدایات پر تحصیلدار خار نے آج خار بازار میں غیر معیاری انڈوں کی فروخت کے خلاف کارروائی کی۔
کارروائی کے دوران غیر معیاری انڈے فروخت کرنے والے دکانداروں کے خلاف قانونی کارروائی عمل میں لائی گئی جبکہ خلاف ورزی کے مرتکب دکانداروں کی دکانیں (Shops) سیل کر دی گئیں۔

11/09/2026

باجوڑ۔
دفعہ 144 کی خلاف ورزی پر ضلع بھر میں کارروائیاں جاری، 62 ملزمان کے خلاف مقدمات درج

باجوڑ: ضلع باجوڑ میں ضلعی انتظامیہ کی جانب سے 4 ستمبر سے 18 ستمبر 2026 تک موٹر سائیکل کے ڈبل سواری پر دفعہ 144 نافذ ہے۔ باجوڑ پولیس کی جانب سے دفعہ 144 کی خلاف ورزی کرنے والوں کے خلاف سخت قانونی کارروائیاں جاری ہیں۔

اب تک ضلع بھر میں دفعہ 144 کی خلاف ورزی پر 62 ملزمان کے خلاف مقدمات درج کیے جا چکے ہیں۔

ڈسٹرکٹ پولیس آفیسر باجوڑ خان زیب مہمند نے عوام سے اپیل کی ہے کہ موجود حالات کے پیش نظر موٹر سائیکل کے ڈبل سواری سے گریز کریں، حکومتی احکامات پر عمل کریں اور ایک مہذب شہری ہونے کا ثبوت دے، بصورت دیگر خلاف ورزی کرنے والوں کے خلاف قانون کے مطابق سخت کارروائی عمل میں لائی جائے گی۔

عوام الناس سے اپیل ہے کہ ضلع انتظامیہ اور باجوڑ پولیس کے ساتھ تعاون کریں اور امن و امان کے قیام کے لیے ذمہ داری کا مظاہرہ کریں۔

پولیس باجوڑ

Bajaur Post

11/09/2026

11/09/2026

11/09/2026

11/09/2026

11/09/2026

11/09/2026

11/09/2026

11/09/2026

11/09/2026

11/09/2026

Address

Telephone

Website

Alerts

Contact The Business

Shortcuts

Share

Category

Listing takedown request