24/08/2026
السلام علیکم !
میں آج باقاعدہ طور پر کوٹلہ پریس کلب سے اپنی لاتعلقی کا اعلان کرتا ہوں۔
کسی سے کوئی مخالفت نہیں، بس اپنے اندازِ کار اور اپنی سوچ کے مطابق صحافتی کام کرنے کا فیصلہ کیا ہے، کیونکہ کوٹلہ پریس کلب کا حصہ رہتے ہوئے کچھ ساتھیوں کے ساتھ میرے خیالات اور کام کرنے کے انداز میں ہم آہنگی پیدا نہیں ہو سکی۔
میری صحافتی سرگرمیاں جاری رہیں گی۔ اپنے انداز میں عوام کے مسائل اجاگر کرتا رہوں گا اور عوام کی آواز بننے کی کوشش جاری رکھوں گا۔
اگر مستقبل میں ایسے مخلص اور ہم خیال صحافی ساتھی ملے جو عوام کی آواز بلند کرنے، مظلوم کے ساتھ کھڑے ہونے، متحرک صحافت کرنے اور صحافتی اصولوں کو سمجھتے اور ان پر عمل کرتے ہوں، تو کسی اچھے پلیٹ فارم کا حصہ بننے یا باہمی مشاورت سے ایک نیا صحافتی گروپ تشکیل دینے پر ضرور غور کیا جائے گا، تاکہ کوٹلہ کی صحافت کو مزید بہتر، مثبت اور مؤثر بنانے میں اپنا کردار ادا کر سکیں۔
راستہ تبدیل کر رہا ہوں، مقصد نہیں۔
