Yaksar News Soonvalley Khushab

Yaksar News Soonvalley Khushab روزنامہ یکسر وادئ سون ضلع خوشاب کا پہلا اخبار

28/10/2025

پولیس تھانہ نوشہرہ کی جانب سے غیر قانونی طور پر رہائش پذیر افغان باشندوں کے خلاف کریک ڈاؤن کیا گیا۔
کارروائی کے دوران بغیر شناختی دستاویزات کے متعدد افغان باشندے گرفتار کیے گئے، جبکہ کئی افراد مقامی عناصر کی معاونت سے روپوش ہو گئے۔
پولیس کے مطابق روپوش افغانیوں اور ان کے سہولت کاروں کے خلاف کارروائی جاری ہے، جبکہ گرفتار افراد سے تفتیش بھی کی جا رہی ہے۔

20/10/2025

گورنر پنجاب سردار سلیم حیدر خان نے لوکل گورنمنٹ ایکٹ 2025 پر دستخط کر دیے

لوکل گورنمنٹ ایکٹ کے تحت ہر یونین کونسل میں 13 ارکان شامل ہوں گے، ایکٹ

جن میں 9 براہ راست منتخب کونسلرز اور 4 مخصوص نشستیں خواتین، نوجوان، مزدور اور اقلیتوں کے لیے مختص ہوں گی، ایکٹ

یونین کونسل کے چئیرمین اور نائب چئیرمین کے انتخاب داخلی انتخابات کے ذریعے ہوں گے، ایکٹ

منتخب ارکان کو ایک ماہ کے اندر سیاسی جماعتوں میں شمولیت اختیار کرنی ہوگی، ایکٹ

یونین کونسل میں وارڈ سسٹم کو ختم کیا جائے گا، ایکٹ

02/10/2025

*کمشنر سرگودہا ڈویژن کا ٹی ایچ کیو ہسپتال نوشہرہ اور اے سی آفس کا دورہ*

نوشہرہ وادی سون (نمائندہ یکسر) کمشنر سرگودہا ڈویژن جہانزیب اعوان نے ڈپٹی کمشنر خوشاب فروا عامر کے ہمراہ ٹی ایچ کیو ہسپتال نوشہرہ کی نئی بلڈنگ کا دورہ کیا۔ اس موقع پر اے سی نوشہرہ ثمینہ بشیر، سی ای او ہیلتھ خوشاب صائمہ اکرام نیازی، ایم ایس ٹی ایچ کیو ہسپتال ڈاکٹر ثوبیہ جاوید سمیت محکمہ ہائی وے اور دیگر محکموں کے افسران موجود تھے۔ایم ایس ڈاکٹر ثوبیہ جاوید نے کمشنر کو ہسپتال میں فراہم کی جانے والی میڈیسن اور طبی سہولیات کے بارے میں تفصیلی بریفنگ دی۔کمشنر نے ایمرجنسی، آؤٹ ڈور، ان ڈور سمیت مختلف شعبہ جات کا معائنہ کیا اور نئی فنکشنل وارڈز کا افتتاح بھی کیا۔ اس موقع پر کمشنر سرگودہا نے کہا کہ وزیراعلیٰ پنجاب مریم نواز شریف کے فری میڈیسن ویژن کو ہر صورت عملی جامہ پہنایا جائے گا۔ مریضوں کو معیاری اور بروقت طبی سہولیات فراہم کرنا حکومت پنجاب کی اولین ترجیح ہے۔ ڈاکٹرز اور پیرامیڈیکل سٹاف اپنی ڈیوٹی کو عبادت سمجھ کر ادا کریں۔ ہسپتال میں صفائی کے انتظامات مزید بہتر کیے جائیں تاکہ عوام کو بہترین ماحول میسر آ سکے۔ بعد ازاں کمشنر نے اسسٹنٹ کمشنر آفس نوشہرہ کا دورہ بھی کیا اور جاری ترقیاتی کاموں کا جائزہ لیا۔ ایکسیئن ہائی وے، ڈویلپمنٹ اور واپڈا کے افسران نے منصوبوں پر بریفنگ دی۔

نوشہرہ وادی سون۔۔نمائندہ یکسر۔ کمشنر سرگودہا ڈویژن جہانزیب اعوان نے ڈپٹی کمشنر خوشاب فروا عامر کے ہمراہ کٹھوائی میں واقع...
02/10/2025

نوشہرہ وادی سون۔۔نمائندہ یکسر۔ کمشنر سرگودہا ڈویژن جہانزیب اعوان نے ڈپٹی کمشنر خوشاب فروا عامر کے ہمراہ کٹھوائی میں واقع ریسٹ ہاؤس کا دورہ کیا۔کٹھوائی ریسٹ ہاؤس جو کہ ماضی میں سرکاری افسران اور اہم شخصیات کے قیام کے لیے استعمال ہوتا رہا ہے، طویل عرصے سے خستہ حالی کا شکار ہے۔ کمشنر نے ریسٹ ہاؤس کی موجودہ حالت کا تفصیلی جائزہ لیا اور متعلقہ محکموں کے افسران کو ہدایت کی کہ عمارت کی مرمت اور بحالی کے لیے جامع تخمینہ لاگت تیار کر کے فوری رپورٹ پیش کی جائے۔ انہوں نے کہا کہ عوامی سہولت کی عمارتیں نہ صرف حکومتی سرگرمیوں کے لیے اہم ہیں بلکہ ان کا تاریخی اور ثقافتی پہلو بھی ہے، اس لیے ان کی بحالی میں کسی قسم کی کوتاہی برداشت نہیں کی جائے گی۔ اس موقع پر تعمیراتی اور دیگر متعلقہ محکموں کے افسران بھی ہمراہ تھے جنہیں ریسٹ ہاؤس کو اصل حالت میں بحال کرنے کے لیے مربوط حکمت عملی مرتب کرنے کی ہدایت دی گئی۔

07/09/2025

آن لائن گیمز اور ٹریڈنگ کے پیچھے چھپے جواء مافیا کے خلاف کارروائی کا مطالبہ
دنیا جس تیزی سے ترقی کی دوڑ میں آگے بڑھ رہی ہے، اسی دوڑ میں نوجوان نسل آن لائن گیمنگ اور آن لائن ٹریڈنگ کے نام پر سرگرم جواء مافیا کے جال میں پھنستی جا رہی ہے۔ یہ مافیا نوجوانوں کو آسان دولت کا خواب دکھا کر ان کی کمائی لٹانے کے بعد ان کی زندگیاں برباد کر رہا ہے۔
ماہرین کے مطابق اگر اس مافیا کے خلاف بروقت اور مؤثر کارروائی نہ کی گئی تو نوجوان نسل کا مستقبل تاریک ہو جائے گا۔ آج کل کئی نوجوان ان غیر قانونی سرگرمیوں میں پھنس کر ادھار لے کر رقوم ضائع کر رہے ہیں اور واپسی کے دباؤ میں خودکشیاں کرنے یا جرائم کی دنیا میں قدم رکھنے پر مجبور ہو رہے ہیں۔
علاقے کے چند گھرانوں میں اچانک دولت کی ریل پیل دیکھ کر دیگر نوجوان بھی ان کی دیکھا دیکھی جوا کھیلنے کی طرف مائل ہو رہے ہیں۔ یہ رجحان نہ صرف ان کے مستقبل کو داؤ پر لگا رہا ہے بلکہ اردگرد کے معاشرے کو بھی شدید مسائل میں مبتلا کر رہا ہے۔
عوامی حلقوں کا کہنا ہے کہ جب تک ان مافیاز اور ان کے سرپرست بڑے لوگوں کے خلاف سخت کارروائی نہیں کی جاتی، نوجوان نسل کو تباہی سے نہیں بچایا جا سکتا۔ اعلیٰ حکام اور ملکی ایجنسیاں فوری طور پر نوٹس لے کر اس سنگین مسئلے کے حل کے لیے عملی اقدامات کریں۔۔سوشل میڈیا ذرائع

06/09/2025

*نوشہرہ وادی سون میں جشنِ عید میلادالنبی ﷺ کی روح پرور تقاریب، جلوسوں میں ہزاروں عاشقانِ رسول ﷺ کی شرکت* نوشہرہ وادی سون میں جشنِ عید میلادالنبی ﷺ نہایت عقیدت و احترام کے ساتھ منایا گیا۔ مرکزی جلوس اپنے روایتی راستوں پر جلوہ گر ہوا، جس میں ہزاروں عاشقانِ رسول ﷺ شریک ہوئے اور نعت خوانی، درود و سلام کی صداؤں میں ولادتِ رسول ﷺ کی خوشی کا والہانہ اظہار کرتے رہے۔
شہر کی فضا سبز پرچموں، چراغاں اور درود و سلام کی گونج سے مہک اٹھی۔ مختلف مقامات پر سبیلوں اور لنگر کا خصوصی انتظام کیا گیا، جہاں شہریوں نے جلوس کے شرکاء کی میزبانی کرتے ہوئے اپنی عقیدت کا اظہار کیا۔ جلوس کے راستوں میں داخل ہوتے ہی شہریوں نے پھولوں کی پتیاں نچھاور کر کے والہانہ استقبال کیا۔جلوس کی قیادت صاحبزادہ حامد عزیز حمیدی، پیر سید ظفر حسین شاہ، صاحبزادہ حمید الحسن حمیدی، صاحبزادہ عزیز الحسن حمیدی، الحاج بلال مدنی (سی ای او بلال ٹریول) سمیت منہاج القرآن، اصلاحی جماعت، انجمن طلباء اسلام اور دیگر مذہبی تنظیموں کے رہنماؤں نے کی۔
اس موقع پر علما کرام کے ایمان افروز خطابات نے شرکائے جلوس کے دلوں کو عشقِ رسول ﷺ سے منور کیا۔ جلوس کے اختتام پر ملک و ملت کی سلامتی اور امتِ مسلمہ کے اتحاد کے لیے خصوصی دعا کی گئی۔یہ عظیم الشان تقریب ایک بار پھر اس بات کا پیغام دے گئی کہ عشقِ رسول ﷺ ہی امت کی اصل پہچان اور اتحاد کا ضامن ہے۔

ڈپٹی کمشنر خوشاب فروہ عامر کی ہدایت پراسسٹنٹ کمشنر نوشہرہ ثمینہ بشیر اپنی ٹیم کے ہمراہ وادی سون کے گاوں اوچھالی اورچٹہ ...
19/08/2025

ڈپٹی کمشنر خوشاب فروہ عامر کی ہدایت پراسسٹنٹ کمشنر نوشہرہ ثمینہ بشیر اپنی ٹیم کے ہمراہ وادی سون کے گاوں اوچھالی اورچٹہ میں موجود،اپنی زیرنگرانی لوگوں کے گھروں میں داخل ہونے والابارش کے پانی کو نکالا جارہا ہے

🌧️ کمشنر سرگودھا ڈویژن کا وادی سون سکیسر کا دورہ 🌧️کمشنر سرگودھا ڈویژن جہانزیب اعوان رات گئے وادی سون سکیسر پہنچے اور با...
18/08/2025

🌧️ کمشنر سرگودھا ڈویژن کا وادی سون سکیسر کا دورہ 🌧️
کمشنر سرگودھا ڈویژن جہانزیب اعوان رات گئے وادی سون سکیسر پہنچے اور بارش کے باعث پیدا ہونے والی صورتحال کا جائزہ لیا۔

✔️ کمشنر نے کٹوائی چوک، کھوڑہ روڈ اور دیگر نشیبی علاقوں کا معائنہ کیا۔
✔️ بریفنگ کے مطابق وادی سون میں رات گئے مسلسل چار گھنٹے بارش ہوئی۔
✔️ بادل پھٹنے کا کوئی واقعہ پیش نہیں آیا اور نہ ہی کسی قسم کا جانی نقصان ہوا۔

اس موقع پر ڈپٹی کمشنر خوشاب فروہ عامر سمیت دیگر انتظامی افسران بھی کمشنر کے ہمراہ موجود تھے اور صورتحال پر مسلسل نظر رکھے ہوئے ہیں۔

ضلعی انتظامیہ کے مطابق بارش کے بعد کے حالات مکمل طور پر قابو میں ہیں اور تمام ادارے الرٹ ہیں۔

27/07/2025

نوشہرہ وادی سون: یو فون کے پول کے ساتھ لگے کراس کنکشن باکس میں آگ بھڑک اٹھی یکسر نیوز
نوشہرہ وادی سون — عید گاہ روڈ پر واقع یو فون کے ٹیلی کام پول کے ساتھ نصب کراس کنکشن باکس میں اچانک آگ بھڑک اٹھی، جس کے باعث علاقے میں خوف و ہراس پھیل گیا۔ آگ کی شدت کے باعث نزدیکی مارکیٹ کے دکانداروں نے اپنی دکانیں فوری طور پر بند کر دیں تاکہ کسی ممکنہ نقصان سے بچا جا سکے۔
ریسکیو 1122 کا عملہ اطلاع ملتے ہی موقع پر پہنچ گیا اور آگ پر قابو پانے کی کارروائی میں مصروف ہے۔ آگ لگنے کی وجہ فوری طور پر معلوم نہیں ہو سکی، تاہم خدشہ ظاہر کیا جا رہا ہے کہ یہ شارٹ سرکٹ کے باعث پیش آیا۔

10/07/2025

فیسکو فیصل آباد کا پیل تا اوچھالی روڈ کی بحالی کے لیے عبوری ڈیمانڈ نوٹس جاری
نوشہرہ وادی سون (یکسر نیوز)
فیصل آباد الیکٹرک سپلائی کمپنی (فیسکو) کی جانب سے ایگزیکٹو انجینئر، ہائی وے ڈویژن خوشاب کے نام ایک عبوری ڈیمانڈ نوٹس جاری کیا گیا ہے جس میں پیل تا اوچھالی (پارٹ 1 تا پارٹ 25) سڑک کی بحالی و بہتری کے لیے ہائی ٹینشن (HT) اور لو ٹینشن (LT) بجلی کی لائنوں کی منتقلی کا تخمینہ منظور کر لیا گیا ہے۔ اس منصوبے کو مجاز اتھارٹی کی جانب سے باضابطہ منظوری بھی دے دی گئی ہے۔
جاری کردہ نوٹس کے مطابق منصوبے پر تخمینہ شدہ لاگت 9 کروڑ 48لاکھ 89ہزار203 روپے ہے، جو چیف ایگزیکٹو آفیسر فیسکو فیصل آباد کے نام پر بینک ڈرافٹ کی صورت میں جمع کروائی جائے گی۔ رقم کی ادائیگی نوٹس جاری ہونے کی تاریخ سے ایک ماہ کے اندر لازمی قرار دی گئی ہے۔
نوٹس میں وضاحت کی گئی ہے کہ اگر اخراجات تخمینے سے بڑھ جائیں تو اضافی رقم متعلقہ محکمہ خود برداشت کرے گا۔ کسی بھی قسم کے تنازع یا تکنیکی رکاوٹ کی صورت میں اگر منصوبہ مکمل نہ ہو سکا تو جمع شدہ رقم واپس نہیں کی جائے گی۔
علاوہ ازیں، تنصیب شدہ سامان کی حفاظت کی ذمہ داری بھی متعلقہ محکمہ پر عائد ہوگی، اور اگر سامان چوری ہو یا ضائع ہو جائے تو دوبارہ تنصیب کی لاگت بھی محکمہ ہی ادا کرے گا۔نوٹس میں مزید کہا گیا ہے کہ سڑک کے مستقل حقِ راست (Right of Way) کی ذمہ داری ہائی وے ڈپارٹمنٹ کی ہوگی، جبکہ یہ اسکیم صرف منظور شدہ نقشے اور حدود تک محدود رہے گی۔ فیسکو نے واضح کیا ہے کہ اسے اس صورت میں کوئی اعتراض نہیں ہوگا اگر صرف HT لائن کو قریبی مقام تک توسیع دی جائے۔

09/07/2025

ڈپٹی کمشنر خوشاب کا سوڈھی جے والی ریسٹ ہاؤس، کنہٹی باغ اور مختلف ترقیاتی منصوبوں کا معائنہ — ناقص صفائی و مرمت پر اظہار برہمی، فوری اقدامات کی ہدایت
نوشہرہ وادی سون (نامہ نگار)
ڈپٹی کمشنر خوشاب محترمہ فروہ عامر نے ریسٹ ہاؤس سوڈھی جے والی، کھبیکی جھیل، کنہٹی باغ اور مختلف ترقیاتی منصوبوں کا تفصیلی دورہ کیا۔ ان کے ہمراہ اسسٹنٹ کمشنر نوشہرہ ثمینہ بشیر، ڈپٹی ڈائریکٹر ڈویلپمنٹ سہیل سکندر رانجھا، سی ای او ضلع کونسل جوہرآباد سمیت مختلف محکموں کے افسران بھی موجود تھےڈپٹی کمشنر نے ریسٹ ہاؤس سوڈھی جے والی کی خستہ حالی کا نوٹس لیتے ہوئے دروازے، کھڑکیاں تبدیل کرنے، دیواروں کی پینٹنگ، چھتوں کی مرمت اور صفائی سمیت دیگر بنیادی سہولیات کی فراہمی کے لیے فوری اقدامات کی ہدایات جاری کیں۔ انہوں نے ریسٹ ہاؤس تک جانے والی سڑک کی تعمیر اور صفائی کے نظام کو بہتر بنانے کے بھی احکامات دیے۔
بعد ازاں انہوں نے کھبیکی جھیل اور کنہٹی باغ کا بھی اچانک معائنہ کیا۔ اس موقع پر صفائی کے ناقص انتظامات اور پانی کی فراہمی میں موٹرز و ٹربائنوں کی خرابی پر شدید برہمی کا اظہار کیا۔ ڈپٹی کمشنر نے سی ای او ضلع کونسل کو کنہٹی باغ کے نگران عملے کو فوری فارغ کرنے اور تجربہ کار عملہ تعینات کرنے کی ہدایت دی، تاکہ صفائی، پانی اور دیگر سہولیات کو بہتر بنایا جا سکے۔
ڈپٹی کمشنر خوشاب نے خالق آباد، نوشہرہ، اُچھالی، کھبیکی، مردوال روڈ سمیت جاری و حالیہ مکمل ہونے والی سڑکوں کا بھی معائنہ کیا۔ ایکسیئن ہائی وے و متعلقہ افسران نے انہیں منصوبہ جات پر بریفنگ دی۔ اس موقع پر ڈپٹی کمشنر نے واضح کیا کہ میٹریل اور معیار پر کسی قسم کا سمجھوتہ قابل قبول نہیں ہوگا۔ انہوں نے کہا کہ وزیراعلیٰ پنجاب کی جانب سے ترقیاتی بجٹ کا ہر پیسہ امانت ہے، جس کے شفاف استعمال کو یقینی بنایا جائے گا۔

04/07/2025

*نوشہرہ کے سپوت حوالدار محمد تنویر شہید، فوجی اعزازات کے ساتھ سپردِ خاک*
نوشہرہ وادی سون (نمائندہ یکسر)
میر علی، وزیرستان میں حالیہ دہشتگردی کے واقعے میں شدید زخمی ہونے والے حوالدار محمد تنویر ولد مرحوم منصب خان ساکن محلہ سدال، نوشہرہ زخموں کی تاب نہ لاتے ہوئے جامِ شہادت نوش کر گئے۔
شہید کی نمازِ جنازہ آج شام ان کے آبائی گاؤں نوشہرہ میں ادا کی گئی، جس میں پاک فوج کے افسران و جوانوں، ضلعی انتظامیہ، معززین علاقہ، دوست احباب اور شہریوں کی بڑی تعداد نے شرکت کی۔
جنازے کے موقع پر فضاء "اللہ اکبر" اور "شہید زندہ ہیں" کے نعروں سے گونج اٹھی۔
بعد ازاں شہید کو بابا ساوی بیری والا قبرستان میں پورے فوجی اعزازات کے ساتھ سپردِ خاک کر دیا گیا۔
فوج کے چاق و چوبند دستے نے سلامی پیش کی، قومی پرچم میں لپٹے تابوت کو عزت و وقار سے دفن کیا گیا۔
حوالدار محمد تنویر ایک فرض شناس اور بہادر سپاہی تھے، جنہوں نے وطنِ عزیز کی خاطر جان قربان کر کے قومی پرچم کو سرفراز کر دیا۔
شہید اپنے پیچھے والدہ، بیوہ، ایک کمسن بیٹا، ایک بیٹی اور تین بھائیوں کو سوگوار چھوڑ گئے ہیں۔غمزدہ لواحقین نے صبر و استقامت کا مظاہرہ کرتے ہوئے کہا:کہ"ہمیں محمد تنویر کی شہادت پر دکھ ضرور ہے، مگر اس کی قربانی پر فخر بھی ہے۔"شہید کے ایصالِ ثواب کے لیے دعا کی گئی کہ اللہ تعالیٰ انہیں جنت الفردوس میں اعلیٰ مقام عطا فرمائے اور اہل خانہ کو صبر جمیل سے نوازے۔

Address

Khushab
41100

Telephone

+923002573543

Website

Alerts

Be the first to know and let us send you an email when Yaksar News Soonvalley Khushab posts news and promotions. Your email address will not be used for any other purpose, and you can unsubscribe at any time.

Shortcuts

Share

Category