Daily Awaz Times Khuzdar

27/10/2025

27/10/2025

🟠 تربت میں ڈپٹی کمشنر کیچ کے قافلے کے نزدیک دھماکے میں زخمیوں کی تعداد 9 ہوگئی

بلوچستان کے ضلع کیچ کے ہیڈکوارٹر تربت میں ڈپٹی کمشنر کیچ کے قافلے کے نزدیک دھماکے کے نتیجے میں ان کے سکواڈ میں شامل آٹھ اہلکاروں سمیت نو افراد زخمی ہو گئے۔

پولیس حکام کا کہنا ہے کہ ڈپٹی کمشنر خود اس حملے میں محفوظ رہے۔تربت میں تعینات لیویز فورس کے ایک اہلکار نے بتایا کہ دھماکہ خیز مواد ایک موٹر سائیکل میں نصب تھا۔

اہلکار کا کہنا تھا کہ دھماکہ اس وقت ہوا جب دفتر جاتے ہوئے ڈپٹی کمشنر اور ان کے سکواڈ میں شامل گاڑیاں سٹی تھانے کے قریب سے گزر رہی تھیں۔

دھماکے کے باعث موقع پر موجود دیگر گاڑیوں کو بھی نقصان پہنچا۔

تربت پولیس کے ایس ایچ او عبدالغفار نے بتایا کہ زخمیوں میں ایک عام شہری جبکہ باقی لیویز فورس کے اہلکار ہیں۔

27/10/2025

حب: لاسی روڈ پر واقع اغا جنرل اسٹور بلڈنگ کا حصہ منہدم، دو افراد زخمی

حب شہر کے مصروف علاقے لاسی روڈ پر واقع اغا جنرل اسٹور کی عمارت کا ایک حصہ اچانک منہدم ہوگیا، جس کے نتیجے میں دو افراد زخمی ہوگئے۔ حادثے کے دوران ملبے کے نیچے ایک موٹرسائیکل اور دیگر اشیاء دب گئیں۔

عینی شاہدین کے مطابق، بلڈنگ کی حالت پہلے ہی خستہ تھی اور گزشتہ کئی دنوں سے اس میں دراڑیں پڑی ہوئی تھیں۔ اچانک زوردار دھماکے جیسی آواز کے ساتھ عمارت کا ایک بڑا حصہ نیچے آ گرا، جس سے علاقے میں خوف و ہراس پھیل گیا۔ مقامی افراد نے اپنی مدد آپ کے تحت زخمیوں کو ملبے سے نکالا اور انہیں قریبی اسپتال منتقل کیا۔

ریسکیو ذرائع کے مطابق، زخمیوں کی حالت خطرے سے باہر ہے، تاہم ملبے کی صفائی اور مزید جانی نقصان کے خدشے کے پیش نظر علاقہ سیل کر دیا گیا ہے۔

شہریوں کا کہنا ہے کہ حب شہر میں پرانی اور خستہ حال عمارتوں کی بڑی تعداد موجود ہے، مگر بلڈنگ کنٹرول اتھارٹی اور متعلقہ محکمے اپنی ذمہ داریاں ادا کرنے میں ناکام نظر آتے ہیں۔ متعدد عمارتیں فوری مرمت یا انہدام کی منتظر ہیں، مگر انتظامیہ کی عدم توجہی کسی بڑے حادثے کا سبب بن سکتی ہے۔

علاقہ مکینوں نے ضلعی انتظامیہ اور بلڈنگ کنٹرول اتھارٹی سے فوری نوٹس لینے، خطرناک عمارتوں کی نشاندہی اور حفاظتی اقدامات یقینی بنانے کا مطالبہ کیا ہے۔

26/10/2025

لسبیلہ بیلہ کے قریب چینکی اسٹاپ کے مقام پر نال سے حب آنے والی مسافر وین اور کار میں تصادم کے نتیجے میں 14 افراد زخمی ہوگئے زخمیوں
مزید دیکھیے اس ویڈیو میں موقع پر موجود ایک شخص کی زبانی

26/10/2025

اوتھل کوسٹ گارڈ کے پاس ٹرک سے گاڑی ٹکراہی لال چند لالا اس دنیا میں نہ رہے جبکہ بچے شدید زخمی حالت میں کراچی منتقل

26/10/2025

وزیراعظم کا آج سے ملک بھر میں گھریلو صارفین کیلئے گیس کنکشنز کھولنے کا اعلان 👇

26/10/2025

چین بھارت کے ساتھ کشیدگی کےدوران ہر طرح سے پاکستان کی حمایت کرے گا، چینی ترجمان کا اعلان 👇

26/10/2025

گزشتہ رات گئے تربت سنگانی سر میں فائرنگ سے دو افراد ہلاک۔

پولیس کے مطابق سنگانی سر تربت میں نامعلوم مسلح افراد نے فائرنگ کی جس سے اکرام اور شے مرید نامی دو افراد ہلاک ہوگئے۔

پولیس نے واقعہ کی اطلاع ملتے ہی جائے وقوعہ پہنچ کر شواہد اکھٹے کیے اور دونوں لاشیں ضروری کارروائی کے لیے ٹیچنگ ہسپتال تربت منتقل کردیں۔

26/10/2025

بس حادثہ
گوادر سے کراچی آنے والے بس کو حادثہ پیش آیا کوئی جانی نقصان نہیں ہوا

26/10/2025

حب شہر میں صفائی مہم جاری مختلف علاقوں میں صاف صفائی کے عمل کی سرگرمیاں تیز

ایم پی اے حب و صوبائی وزیر علی حسن زہری کی ہدایت پر میونسپل کارپوریشن حب کی جانب سے شہر میں صفائی و ستھرائی کی مہم جاری ہے۔ صاف صفائی کا عمل چیئرمین بابو شیخ اور چیف آفیسر نصیب اللہ ترین کی نگرانی میں مختلف علاقوں میں انجام دی جا رہی ہیں۔

مہم کے دوران سڑکوں، گلیوں، بازاروں اور عوامی مقامات سے کچرا اٹھایا جا رہا ہے اور صفائی کے مجموعی نظام کو مزید بہتر بنانے پر توجہ دی جا رہی ہے۔

چیف آفیسر نصیب اللہ ترین کا کہنا تھا حب شہر کی صفائی ہماری ترجیحات میں شامل ہے۔ شہریوں کے تعاون سے صاف، صحت مند اور خوشگوار ماحول فراہم کرنے کی کوشش جاری ہے

عوامی حلقوں کا کہنا ہے کہ میونسپل کارپوریشن حب کی جانب سے صفائی کا عمل خوش آئند قدم ہے، جس سے شہر کی مجموعی صورتحال میں نمایاں بہتری آئی ہے

25/10/2025

حب مینار کے قریب عوام نے بجلی کی آور لوڈ شیڈنگ کے خلاف مین آر سی ڈی شاہراہ پر دھرنا دے دیا ٹریفک معطل۔