Balochistan Digital Media

21/09/2026

بزرگ صحافی، شاعر، عالم و ادیب میر علی شیر ناز براہوئی کے سرکاری علاج کے لیے فوری اپیل

خضدار: براہوئی اکیڈمی خضدار برانچ کے صدر محمد وارث شاہین نے جہلاوان کے بزرگ صحافی، ممتاز براہوئی عالم، ادیب و شاعر، کئی کتب کے مصنف اور خضدار پریس کلب کے سابق چیئرمین میر علی شیر ناز براہوئی صاحب کی علالت پر گہری تشویش کا اظہار کرتے ہوئے متعلقہ سرکاری، ادبی و ثقافتی اداروں اور جہلاوان کی سیاسی و سماجی شخصیات سے ان کے فوری اور مکمل علاج کی اپیل کی ہے۔
محمد وارث شاہین نے کہا کہ میر علی شیر ناز براہوئی محض ایک فرد نہیں بلکہ جہلاوان کی علمی، ادبی اور صحافتی تاریخ کا ایک اہم باب ہیں۔ انہوں نے اپنی زندگی کا ایک بڑا حصہ قلم، کتاب، صحافت اور علم و ادب کی خدمت میں گزارا۔ آج جب وہ خود علاج کے محتاج ہیں تو ان کی خدمت اور مدد کرنا ہم سب کی اخلاقی اور اجتماعی ذمہ داری ہے۔
انہوں نے ضلعی انتظامیہ خضدار، حکومتِ بلوچستان، محکمہ ثقافت و ادب اور دیگر متعلقہ سرکاری اداروں سے اپیل کی کہ میر علی شیر ناز براہوئی کے علاج کے تمام ممکنہ سرکاری وسائل بروئے کار لاتے ہوئے انہیں کسی اچھے اور معیاری ہسپتال میں فوری طبی سہولیات فراہم کی جائیں۔
اکادمی ادبیات پاکستان، براہوئی اکیڈمی پاکستان، براہوئی ادبی سوسائٹی کوئٹہ اور دیگر ادبی و ثقافتی اداروں سے بھی اپیل ہے کہ اپنے بزرگ اہلِ قلم کی اس مشکل گھڑی میں محض اظہارِ ہمدردی تک محدود نہ رہیں بلکہ عملی طور پر ان کے علاج میں اپنا کردار ادا کریں۔

اسی طرح خضدار پریس کلب سے بھی خصوصی اپیل ہے کہ میر علی شیر ناز براہوئی صاحب کی سابقہ صحافتی خدمات اور پریس کلب کے سابق چیئرمین کی حیثیت سے ان کے علاج اور دیکھ بھال کے لیے ہر ممکن تعاون فراہم کرے۔
ہم بالخصوص جہلاوان خضدار سے منتخب رکنِ صوبائی اسمبلی میر یونس عزیز زہری، چیف آف جہلاوان نواب ثناء اللہ خان زہری، آغا شکیل احمد خضداری، قائدِ جہلاوان عوامی پینل و مرکزی رہنما پاکستان پیپلز پارٹی میر شفیق الرحمن مینگل اور جہلاوان کی دیگر سیاسی، قبائلی، سماجی و ادبی شخصیات سے بھی دردمندانہ اپیل کرتے ہیں کہ میر علی شیر ناز براہوئی صاحب کے فوری، باعزت اور مکمل علاج کے لیے اپنا کردار ادا کریں۔ کیونکہ یہ وقت اس بزرگ اہلِ قلم کو یاد کرنے کا نہیں بلکہ ان کے ساتھ کھڑے ہونے کا وقت ہے، جنہوں نے اپنی زندگی قلم کے ذریعے معاشرے کی خدمت، علم کی ترویج اور ادب کی آبیاری میں گزاری، آج ان کی خدمت اور علاج ہماری اجتماعی ذمہ داری ہے۔
آئیے، میر علی شیر ناز براہوئی صاحب کو تنہا نہ چھوڑیں؛ ان کے علاج کے لیے اپنی آواز، اپنا اثر و رسوخ اور اپنے وسائل استعمال کریں۔

20/09/2026

پیٹرول ایک ہزار روپے لیٹر ہوگی ۔ 🙄

20/09/2026

خضدار میں منشیات کے بڑھتے ہوئے رجحان پر تشویش ہے صوبائی حکومت سے فوری اور ٹھوس اقدامات کا مطالبہ کرتے ہیں
رؤف گل موسیانی زہری
بی این پی عوامی خضدار کے ضلعی رہنما رؤف گل موسیانی زہری نے اپنے جاری کردہ بیان میں کہا کہ خضدار میں منشیات کے بڑھتے ہوئے رجحان پر تشویش کا اظہار کرتے ہوئے صوبائی حکومت سے فوری اور موثر اقدامات اٹھانے کا مطالبہ کرتے ہیں کیونکہ خضدار میں مختلف خاندانوں کے نوجوان منشیات کے لت میں مبتلا ہو رہے ہیں بلکہ ان کے اہل خانہ بھی شدید پریشانی کا شکار ہیں منشیات کا بڑھتا ہوا استعمال ایک سنگین سماجی مسئلہ بن چکا ہے جس پر فوری توجہ دینے کی ضرورت ہے جبکہ منشیات ہمارے نوجوان نسل کے مستقبل کے لیے مزید خطرات پیدا کر رہے ہیں صوبائی حکومت سے مطالبہ کرتے ہیں کہ خضدار میں منشیات کے خلاف موثر کریک ڈاؤن کرے تاکہ منشیات فروشوں کو گرفتار کر کے قانون کے مطابق سزا دی جائے اور منشیات کی خرید وفروخت پر قابو پانے کے لیے عملی اقدامات اٹھایا جائے اور صوبائی حکومت منشیات کے خاتمے کو ترجیح دے اور خضدار کے نوجوان نسل کو محفوظ مستقبل کے لیے فوری اقدامات اٹھائے خضدار کے نوجوان نسل تباہی کے دہانے پر پہنچ گئی ہے منشیات کے بڑھتے ہوئے لعنت نے عوام کا جینا محال کردیا ہے نوجوان تیزی سے منشیات کے زیر میں مبتلا ہو کر اپنی زندگیاں بابرد کررہے ہیں جس سے نہ صرف ان کے مستقبل بلکہ ان کے والی نسلیں بھی تباہ ہورہے ہیں لہذا میں صوبائی حکومت اور ضلعی انتظامیہ سے پرزور مطالبہ کرتے ہیں کہ وہ خضدار میں منشیات فروشوں کے خلاف سخت سے سخت قانونی کارروائی کر کے خضدار کو منشیات سے پاک کرنے کے لیے اقدامات کر کے خضدار کے نوجوان نسل کو منشیات جیسے لعنت سے چھٹکارا دلایا جائے

19/09/2026

جہاں کبھی تعلیم کا تصور بھی ناپید تھا، جہاں پہاڑوں کی بلندیاں اور صحراؤں کی وسعتیں علم کی راہ میں رکاوٹ تھیں... وہیں اب علم کی شمعیں روشن ہو رہی ہیں۔ جی ہاں، ناخواندگی کے شکار ہزاروں بچے اسکول میں داخل ہوچکے ہیں ۔ خضدار سے رپورٹ

ضلع خضدار کا وسیع و عریض جغرافیہ دشوار گزار پہاڑوں اور دور افتادہ دیہاتوں پر مشتمل ہے، جہاں برسوں سے تعلیم ایک خواب تھی۔ وسائل کی عدم دستیابی اور فاصلوں کی دوری نے ہزاروں بچوں کو اسکول سے دور رکھا۔ مگر اب حالات بدل رہے ہیں۔ 190 جدید کمیونٹی اسکولز قائم کر کے اسکولوں سے باہر رہنے والے 10 ہزار بچوں کو زیور تعلیم سے آراستہ کر دیا گیا ہے وزیراعلیٰ بلوچستان کے وژن اور ضلعی انتظامیہ کی محنت نا ممکن کو ممکن بناکر تعلیمی انقلاب کی راہ ہموار کردی ہے۔

بلاشبہ اتنی بڑی تعداد میں کمیونٹی اسکولوں کا قیام اور 10 ہزار بچوں کا اسکولوں میں داخلہ ناخواندگی کے خلاف بڑی پیش رفت ہے ۔ وزیر اعلیٰ بلوچستان کے ویژن "پڑھے گا بلوچستان تو بڑھے گا بلوچستان" کی عملی تعبیر اور ضلعی انتظامیہ خضدار کا عظیم کارنامہ ہے۔

Balochistan Digital Media

18/09/2026

سینئر صحافی نصیر احمد کاکڑ پر تشدد آزادی صحافت پر کھلا حملہ ہے، ملوث ملزمان کو فوری گرفتار کیا جائے: خضدار پریس کلب
تفصیلات پہلے کمنٹ میں

17/09/2026

【اے جے وائسز | خضدار】

سینیئر صحافی نصیر احمد کاکڑ پر تشدد، خضدار پریس کلب کی مذمت

خضدار پریس کلب کے عہدیداران اور اراکین نے سینیئر صحافی نصیر احمد کاکڑ پر مبینہ تشدد کے واقعے کی مذمت کرتے ہوئے اسے صحافتی برادری کے خلاف سنگین اقدام قرار دیا ہے۔

جاری بیان میں خضدار پریس کلب کے رہنماؤں نے کہا کہ صحافی عوامی مسائل اور حقائق سامنے لانے میں اہم کردار ادا کرتے ہیں، تاہم صحافیوں پر تشدد کے واقعات ان کی آواز دبانے کی کوشش ہیں۔ ان کے مطابق ایسا اقدام صرف ایک صحافی نہیں بلکہ پوری صحافتی برادری کے لیے تشویش کا باعث ہے۔

بیان میں خضدار پریس کلب نے نصیر احمد کاکڑ کے ساتھ مکمل یکجہتی کا اظہار کرتے ہوئے کہا کہ صحافی کے حقوق اور تحفظ کے لیے قانونی و صحافتی فورمز پر آواز بلند کی جاتی رہے گی۔

خضدار پریس کلب نے صوبائی حکومت، وزیراعلیٰ بلوچستان اور آئی جی پولیس سے مطالبہ کیا کہ واقعے کا فوری نوٹس لیا جائے اور اگر تحقیقات میں تشدد میں ملوث افراد کی ذمہ داری ثابت ہو تو انہیں قانون کے مطابق کارروائی کا سامنا کرنا پڑے۔

17/09/2026

190 Community Schools Activated in One Year, Bringing 10,000 Children into Education | NazrbanBalochistan

Reported by : Abdul Jabbar, KHUZDAR

17/09/2026

*خضدار پورے بلوچستان بھر سے بازی لے گیا، ایک سال میں 190 کمیونٹی اسکولز فعال، 10 ہزار بچے زیور تعلیم سے آراستہ*

*خضدار: بلوچستان کے ضلع خضدار میں ناخواندگی کے خاتمے اور اسکولوں سے باہر بچوں کو تعلیم کے دھارے میں لانے کے لیے گزشتہ ایک سال کے دوران انقلابی اقدامات کیے گئے ہیں۔ وزیر اعلیٰ بلوچستان میر سرفراز بگٹی کے وژن، چیف سیکریٹری بلوچستان اور سیکریٹری اسکول ایجوکیشن ڈیپارٹمنٹ حکومت بلوچستان کی خصوصی ہدایات کی روشنی میں ڈپٹی کمشنر خضدار عبدالرزاق ساسولی کی کاوشوں سے بلوچستان ایجوکیشن فاؤنڈیشن (BEF) نے ضلع بھر میں ایک بڑا تعلیمی نیٹ ورک کھڑا کر دیا ہے۔بلوچستان ایجوکیشن فاؤنڈیشن کے مطابق یہ اقدام صوبائی سطح پر ایک حکمت عملی کے تحت شروع کیا گیا ہے جس کا مقصد ان بچوں کو تعلیم دینا، داخلہ دلانا اور معاونت کرنا ہے جو باقاعدہ تعلیمی نظام سے باہر ہیں۔ یہ منصوبہ صوبہ بھر میں جدید اینگلز پرائیویٹ اور کمیونٹی شراکت داری ماڈل کے ذریعے تعلیمی رسائی کو پھیلانے کے لئے بی ای ایف کے دیرینہ مشن کی عکاسی کرتا ہے۔

ڈپٹی کمشنر خضدار عبدالرزاق ساسولی نے اس سنہرے موقع کو علاقہ میں تعلیم کے حق میں بہترین انداز میں لاگو کر کے ضلع خضدار کے لیے کل 190 نئے کمیونٹی اسکول منظور کروائے۔ یہ وہ اسکول ہیں جو ضلع کے پسماندہ ترین علاقوں میں قائم کیے گئے ہیں جہاں آج سے پہلے تعلیم کا کوئی تصور بھی نہیں تھا۔ ان اسکولوں کے قیام سے براہ راست 10 ہزار کے لگ بھگ بچے اور بچیاں زیور علم سے منور ہو رہی ہیں جس کے مثبت اور دور رس اثرات مرتب ہوں گے۔

اعداد و شمار کے مطابق ضلع خضدار میں BEF کے تحت اس وقت کل اسکولوں کی تعداد 190 ہے۔ جس میں 140 نئے اسکول ہیں جبکہ 50 پرانے اسکول پہلے سے فعال تھے۔ ان اسکولوں میں اس وقت کل داخلہ 9540 ہے جس میں 5760 لڑکے اور 3780 لڑکیاں شامل ہیں۔ یہ تعداد اس بات کا ثبوت ہے کہ والدین اب اپنی بچیوں کی تعلیم میں بھی دلچسپی لے رہے ہیں۔ان اسکولوں کو چلانے کے لیے کل 221 اساتذہ کی خدمات حاصل کی گئی ہیں جن میں 101 مرد اساتذہ اور 120 خواتین اساتذہ شامل ہیں۔ خواتین اساتذہ کی بڑی تعداد اس بات کی عکاسی کرتی ہے کہ مقامی سطح پر خواتین کو روزگار بھی فراہم کیا جا رہا ہے۔ ان 221 اساتذہ میں سے 150 اساتذہ کو باقاعدہ پروفیشنل ٹریننگ دی جا چکی ہے جبکہ 71 اساتذہ کی ٹریننگ کا عمل جاری ہے تاکہ تعلیم کے معیار پر کوئی سمجھوتہ نہ ہو۔سہولیات کے حوالے سے بھی BEF خضدار نے قابل ذکر کام کیا ہے۔ 190 اسکولوں میں سے 160 اسکولوں میں پینے کا صاف پانی مہیا کر دیا گیا ہے جو کہ کل کا 84.2 فیصد بنتا ہے، جبکہ صرف 30 اسکول (15.8 فیصد) ایسے ہیں جہاں پانی کی سہولت پر کام جاری ہے۔تحصیل وار تقسیم کی بات کی جائے تو سب سے زیادہ اسکول تحصیل خضدار میں 90 قائم کیے گئے ہیں۔ اس کے بعد تحصیل نال میں 46، تحصیل وڈھ میں 43، تحصیل زہری میں 7 اور تحصیل کرخ میں 4 کمیونٹی اسکول قائم کیے گئے ہیں۔ یوں دور دراز کے علاقے جیسے مولہ، کرخ اور زہری تک بھی تعلیم کی روشنی پہنچ گئی ہے۔ضلعی انتظامیہ اور BEF حکام کا کہنا ہے کہ یہ صرف آغاز ہے۔ اگلے مرحلے میں ان اسکولوں میں فرنیچر، واش رومز اور بجلی کی سہولیات کو بھی سو فیصد کیا جائے گا۔ اس اقدام سے خضدار جیسے وسیع و عریض ضلع میں جہاں خواندگی کی شرح انتہائی کم تھی، اب ایک نئے تعلیمی انقلاب کی بنیاد رکھ دی گئی ہے۔

15/09/2026

سردارزادہ مجتبیٰ قلندرانی نے لندن کی بکنگھم شائر نیو یونیورسٹی سے ایوی ایشن مینجمنٹ اینڈ لاجسٹکس میں اپنی بیچلرز کی ڈگری امتیاز (Distinction) کے ساتھ کامیابی سے مکمل کر لی ہے۔


Balochistan Digital Media

14/09/2026