Geo kohat

19/11/2025

18/11/2025

کوہاٹ:تھانہ سٹی کوہاٹ میں ڈی ایس پی اعجاز خان اور ایس ایچ او فیاض خان کے ساتھ تاجر برادری کے جملہ صدور اور معزز مشران کی ایک اہم تعارفی ملاقات منعقد ہوئی۔
اس ملاقات میں شہر کی مجموعی صورتحال اور عوامی سہولت سے متعلق متعدد اہم امور—خصوصاً امن و امان، چوری و ڈکیتی، اسنیچنگ، ٹریفک مسائل اور بازاروں کی سیکیورٹی—پر تفصیلی گفتگو کی گئی۔
پولیس حکام نے تاجروں کو یقین دلایا کہ شہر میں امن کے قیام اور جرائم کے سدِباب کے لیے تمام ضروری اقدامات اٹھائے جائیں گے جبکہ تاجروں نے پولیس کے ساتھ مکمل تعاون کا اعادہ کیا۔
تاجر برادری کے صدور نے اس امید کا اظہار کیا کہ پولیس اور تاجروں کے باہمی رابطے اور اعتماد سے شہر میں تجارتی سرگرمیاں مزید بہتر ہوں گی۔

17/10/2025

درخواست برائے فوری حلِ مسئلہ — پانی کی بندش اور سڑک پر پانی کے بہاؤ کے باعث حادثات

بخدمت:

1. جناب ڈپٹی کمشنر، ضلع _______، خیبر پختونخواہ

2. جناب اسسٹنٹ کمشنر، _______ تحصیل، ضلع _______

3. جناب چیف آفیسر، ٹی ایم اے / واٹر اینڈ سینیٹیشن ڈیپارٹمنٹ، _______

موضوع: علاقہ میں پانی کی بندش اور سڑک پر بہتے پانی کے باعث عوامی مشکلات و حادثات کے حوالے سے درخواست

محترم جناب،

گزارش ہے کہ ہمارے علاقے خاص طور پر کڑا گیٹ نمبر 2 کے قریب، پچھلے کچھ دنوں سے پانی کی فراہمی بند ہے۔ اس بندش کی وجہ سے پائپ لائن کا سارا پانی سڑک پر بہہ رہا ہے جس کے باعث نہ صرف لوگوں کو آمدورفت میں شدید مشکلات کا سامنا ہے بلکہ موٹر سائیکل اور رکشہ حادثات بھی پیش آ رہے ہیں۔

یہ مسئلہ روز بروز بڑھتا جا رہا ہے اور اگر بروقت کارروائی نہ کی گئی تو کسی بڑے نقصان کا خدشہ ہے۔ عوامی سہولت اور حفاظتی اقدامات کے پیشِ نظر گزارش ہے کہ متعلقہ اداروں کو فوری طور پر ہدایت جاری کی جائے کہ:

1. پانی کی بندش کو ختم کیا جائے۔

2. لیکیج یا لائن کے مسئلے کو ہنگامی بنیادوں پر درست کیا جائے۔

3. سڑک پر بہتے پانی کو روکنے کے لیے نکاسی آب کا بندوبست کیا جائے۔

امید ہے کہ آپ عوامی مسائل کو ترجیح دیتے ہوئے اس درخواست پر فوری ایکشن لیں گے۔

22/09/2025

کوہاٹ: سلیپر فیکٹری فیڈر پر فی الفور لوڈ کم کی جائے اس سلسلے میں علاقہ بہرام آباد میں ملک سعادت کے زیر قیادت گرینڈ عوامی اجلاس. شدید ردعمل
سلیپر فیکٹری فیڈر سے وابستہ علاقوں میں طویل اور غیر اعلانیہ لوڈشیڈنگ کے خلاف بہرام آباد میں ایک اہم عوامی اجلاس منعقد ہوا جس میں عوامی نمائندوں، کے علاوہ چئیرمین صدائے کوہاٹ ملک دلاور خان اعوان بھی موجود تھے
اجلاس میں بہرام آباد، نور الٰہی کالونی، گڑی رسالدار، چونگی،بہزار آباد اور خواجہ آباد کے مکینوں نے اپنی شدید ناراضگی کا اظہار کرتے ہوئے بتایا واپڈہ حکام فوری طور پر اپنا وعدہ پورا کرے اور مذکورہ علاقے کو سلپپر نیو فیڈر پر منتقل کرے تمام علاقے ایک ہی فیڈر پر لوڈ ہونے کے باعث بدترین بجلی بحران کا شکار ہیں، جس سے عوام کی روزمرہ زندگی مفلوج ہو کر رہ گئی ہے۔ شرکاء نے اجلاس میں انکشاف کیا کہ واپڈا حکام کی جانب سے متاثرہ علاقوں کو "بنوں روڈ فیڈر" پر منتقل کرنے کی منظوری کئی ماہ قبل دی جا چکی ہے، تاہم اب تک کوئی عملی قدم نہیں اٹھایا گیا۔یہ وعدہ محض زبانی حد تک محدود رہا، جسے عوام نے سنگین ناانصافی قرار دیا۔ اجلاس میں شریک مشران کا کہنا تھا کہ یہ محض انتظامی مسئلہ نہیں بلکہ عوامی حقوق کی خلاف ورزی ہے۔ اگر فوری طور پر اقدامات نہ اٹھائے گئے تو بھرپور احتجاجی تحریک شروع کی جائے گی، جس کی تمام تر ذمہ داری متعلقہ حکام اور عوامی نمائندوں پر عائد ہوگی۔ عوام کی جانب سے درج ذیل مطالبات پیش کیے گئے۔سلیپر فیکٹری فیڈر سے اضافی بوجھ فوری طور پر ہٹایا جائے۔بنوں روڈ فیڈر پر منتقلی کا عمل فوری مکمل کیا جائے۔لوڈشیڈنگ کا باقاعدہ اور شفاف شیڈول فراہم کیا جائے۔عوامی نمائندے سامنے آ کر جواب دہی کریں اور وضاحت پیش کریں۔ اجلاس کے اختتام پر عوام نے خبردار کیا کہ اگر متعلقہ حکام نے سنجیدگی کا مظاہرہ نہ کیا تو آئندہ کا لائحہ عمل سڑکوں پر طے کیا جائے گا۔
اجلاس میں میں سماجی رہنما محمد ریاض؛ ساجد خان، دی خطیب نصرت اقبال،. عبدالہادی و دیگر بھی موجود تھے

05/09/2025

افسوسناک خبر
کوہاٹ، لاچی میں دہش ت گ ردوں کے مقابلے کے دوران انسپکٹر طاہر نواز اور سپاہی محمد علی خان شہید ہوگئے

Geo kohat

07/08/2025

ضلع کوہاٹ میں محرم الحرام کے پُرامن، مؤثر اور مثالی انعقاد پر ضلعی انتظامیہ کی جانب سے ایک پُروقار تعریفی تقریب کا اہتمام کیا گیا، جس کی صدارت ڈپٹی کمشنر کوہاٹ جناب رحیم اللہ نے کی۔ اس تقریب کا مقصد اُن تمام اداروں، محکموں اور شخصیات کو خراجِ تحسین پیش کرنا تھا جنہوں نے امن و امان کے قیام، نظم و ضبط کے نفاذ، اور عوامی سہولیات کی فراہمی میں اپنا کردار نہایت ذمہ داری اور دیانت داری سے ادا کیا۔
تقریب میں ایڈیشنل ڈپٹی کمشنر (جنرل)، ریونیو افسران و اہلکاران، محکمہ سول ڈیفنس، تاجر برادری، ٹریفک پولیس کوہاٹ، ریسکیو 1122، ٹی ایم اے کوہاٹ، اور دیگر متعلقہ اداروں کے نمائندگان کے ساتھ ساتھ سیاسی و سماجی شخصیات نے بھی بڑی تعداد میں شرکت کی۔
ڈپٹی کمشنر جناب رحیم اللہ نے اپنے خطاب میں تمام اداروں کے درمیان مثالی تعاون، مربوط حکمتِ عملی اور باہمی ہم آہنگی کو سراہتے ہوئے کہا کہ انہی اجتماعی کاوشوں کی بدولت ضلع کوہاٹ میں محرم الحرام پُرامن اور پرامن ماحول میں مکمل ہوا، جس پر تمام اہلکار اور عوام بجا طور پر مبارکباد کے مستحق ہیں۔
اس موقع پر اُن شخصیات اور اداروں کو تعریفی اسناد سے نوازا گیا جنہوں نے نظم و نسق، عوامی خدمت اور انسانی ہمدردی کے جذبے کے ساتھ اپنی پیشہ ورانہ ذمہ داریاں نبھائیں۔
تقریب کے اختتام پر ڈپٹی کمشنر نے اس عزم کا اظہار کیا کہ ضلعی انتظامیہ آئندہ بھی تمام اداروں کے ساتھ قریبی روابط اور تعاون کے ذریعے عوامی خدمت، مذہبی ہم آہنگی اور پائیدار امن کے فروغ کے لیے اپنی کوششیں جاری رکھے گی۔