Daily standard News

02/09/2026

30/08/2026

وعدوں سے تکمیل تک کا سفر جاری

صوبائی وزیرِ قانون آفتاب عالم نے سابق چیئرمین تحصیل گمبٹ ساجد اقبال، سابق چیئرمین گنڈیالی اختر جمیل اور پی ٹی آئی کارکنان کے ہمراہ گنڈیالی گاؤں ڈیم روڈ کا باقاعدہ افتتاح کر دیا۔

گنڈیالی گاؤں اور ڈیم آنے والے سیاحوں کو سڑک کی خراب حالت کے باعث آمدورفت میں مشکلات کا سامنا تھا۔ ان شاء اللہ روڈ کی تعمیر و تکمیل سے اہلِ علاقہ کے سفری مسائل میں کمی آئے گی اور گنڈیالی ڈیم آنے والے سیاحوں کو بھی بہتر سفری سہولیات میسر ہوں گی۔

عوامی خدمت، ترقی اور سہولت کا سفر جاری ہے۔ 🇵🇰

#ترقی

28/08/2026

اورکزئی قوم شیخان کا ترقیاتی منصوبوں کی منظوری اور فنڈز کے اجراء کے لیے 8 ستمبر کو دھرنے کا اعلان

اورکزئی: قوم شیخان نے علاقے میں ترقیاتی منصوبوں کی منظوری، فنڈز کے اجراء اور جاری ترقیاتی منصوبوں پر کام کی روانی کے مطالبے کے لیے 8 ستمبر کو بھرپور احتجاجی دھرنے کا اعلان کر دیا۔

اس حوالے سے آج نمازِ جمعہ کے بعد شیخان ویلفیئر سوسائٹی کے زیرِ اہتمام قوم شیخان کے نوجوانوں، مشران اور کشران کا اہم اجلاس منعقد ہوا، جس میں علاقے کے ترقیاتی مسائل اور آئندہ کے لائحہ عمل پر تفصیلی مشاورت کی گئی۔

اجلاس میں وام پانڑا تا اووٹ میلہ روڈ سمیت دیگر ترقیاتی منصوبوں کی منظوری اور فنڈز کے اجراء کا مطالبہ کیا گیا۔ اس کے علاوہ گورنمنٹ ہائیر سیکنڈری سکول درن شیخان کے جاری تعمیراتی کام کی روانی اور علاقے میں پہلے سے منظور شدہ متعدد ترقیاتی سکیموں کے لیے فنڈز کی فراہمی کا مطالبہ بھی کیا گیا۔

شرکاء کا کہنا تھا کہ علاقے کے متعدد ترقیاتی منصوبے فنڈز کی عدم دستیابی کے باعث رکے ہوئے ہیں، جس کے باعث عوام کو بنیادی سہولیات کے حوالے سے مشکلات کا سامنا ہے۔

اجلاس میں متفقہ طور پر فیصلہ کیا گیا کہ 8 ستمبر کو بھرپور احتجاجی دھرنا دیا جائے گا اور متعلقہ ہیڈکوارٹر کے سامنے سڑک بند کرکے احتجاج ریکارڈ کرایا جائے گا۔ اس کے علاوہ مطالبات کی منظوری کے لیے متعلقہ ایم پی اے اور ایم این اے کی رہائش گاہوں کے سامنے بھی دھرنا دیا جائے گا۔

قوم شیخان کے نوجوانوں اور مشران نے واضح کیا کہ دھرنا اس وقت تک جاری رہے گا جب تک ان کے جائز مطالبات تسلیم نہیں کیے جاتے اور ترقیاتی منصوبوں کے لیے فنڈز کا اجراء نہیں کیا جاتا۔

اجلاس میں شریک تمام نوجوانوں، مشران اور کشران نے احتجاجی تحریک میں بھرپور شرکت اور اپنے جائز مطالبات کے حصول تک جدوجہد جاری رکھنے پر اتفاق کیا۔
#

27/08/2026

یارحسین سنو میرہ میں بچی کے مبینہ اغوا کی کوشش، خواتین کے لباس میں ملبوس شخص گرفتار

صوابی: آج یارحسین سنو میرہ میں ایک عجیب و غریب واقعہ پیش آیا، جہاں ایک شخص نے مبینہ طور پر برقعہ، خواتین کے کپڑے اور جوتے پہن کر ایک بچی کو اغوا کرنے کی کوشش کی۔ مقامی لوگوں نے مشتبہ شخص کو پکڑ لیا، جسے فضل آباد چوکی کے انچارج فضل امین خان نے فوری طور پر گرفتار کرکے حوالات منتقل کر دیا۔

پولیس نے واقعے کی تفتیش شروع کر دی ہے۔

فضل امین خان کے مطابق گرفتار شخص شہباز گڑھی کا رہائشی ہے، جبکہ اس کا خاندان گزشتہ تقریباً پانچ سال سے فضل آباد چوکی کے قریب رہائش پذیر ہے، جہاں وہ باڑے پر زمین کاشت کرتے ہیں۔ پولیس کے مطابق ابتدائی معلومات میں اس کا کوئی سابقہ مجرمانہ ریکارڈ سامنے نہیں آیا۔

چوکی انچارج کے مطابق مبینہ ملزم کے پاس موبائل فون، کوئی نشہ آور چیز، گاڑی یا موٹر سائیکل موجود نہیں تھی اور نہ ہی اس کے ساتھ کوئی ساتھی تھا۔ پولیس مزید تفتیش کر رہی ہے کہ بچی کو مبینہ طور پر اغوا کرنے کی کوشش کے پیچھے اصل مقصد کیا تھا۔

دوسری جانب مبینہ ملزم کے والد اور بھائیوں نے قسم کھا کر قرآن پر یقین دہانی کرائی کہ ان کا بیٹا ذہنی طور پر ٹھیک نہیں اور اس واقعے کے پیچھے نہ کوئی ذاتی دشمنی ہے اور نہ ہی کوئی اور معاملہ ہے۔ اہلِ خانہ کے مطابق وہ بعض اوقات اس طرح کی غیر معمولی حرکات کرتا ہے۔

اہلِ خانہ کی یقین دہانی اور صورتحال کو دیکھتے ہوئے بچی کے والد نے مزید قانونی کارروائی نہ کرنے کا فیصلہ کیا اور مبینہ ملزم کے والد سے کہا کہ اسے ہسپتال لے جاکر اس کا علاج اور طبی معائنہ کروایا جائے۔

بچی کے والد کی رضامندی سے مبینہ ملزم کو کل طبی معائنے اور ذہنی صحت کے جائزے کے لیے ہسپتال منتقل کیا جائے گا۔

پولیس کے مطابق واقعے کی مزید تحقیقات جاری ہیں۔

26/08/2026

کوہاٹ سوشل میڈیا کلب کے نمائندوں کا آغوش الخدمت کوہاٹ سینٹر کا دورہ

دورے کے موقع پر آغوش الخدمت انتظامیہ کی جانب سے کوہاٹ سوشل میڈیا کلب کے نمائندوں کو سینٹر کے انتظامات، مختلف سرگرمیوں اور بچوں کو فراہم کی جانے والی سہولیات کے حوالے سے تفصیلی بریفنگ دی گئی۔ اس موقع پر سوشل میڈیا کلب کے نمائندوں نے آغوش الخدمت سینٹر کی فلاحی سرگرمیوں کو سراہتے ہوئے ادارے کے ساتھ ہر ممکن تعاون جاری رکھنے کی یقین دہانی کرائی۔

25/08/2026

🌙 حج 2027 — سعادتِ حج کا سنہری موقع! 🕋
اپنے پیاروں کے ساتھ فریضۂ حج کی ادائیگی کا ارادہ ہے؟
حج عمرہ سروسز کی جانب سے حج 2027 کے لیے بہترین سفری سہولیات، رہائش، ٹرانسپورٹ اور زیارات کا خصوصی پیکیج دستیاب ہے۔
✨ 30 تا 35 دن کا مکمل حج پیکیج
🕋 مکہ مکرمہ و مدینہ منورہ میں رہائش
🕌 مقدس مقامات کی زیارات
🚌 آرام دہ ٹرانسپورٹ کی سہولت
🎁 خصوصی تحائف اور دیگر سہولیات
📞 رابطہ: 03335184942 | 03000601204
🤲 حج کی سعادت حاصل کریں، آج ہی اپنی بکنگ کروائیں۔

24/08/2026

اسلام آباد میں سرحد یونیورسٹی کے کیمپس میں آج صبح فائر۔نگ کا ایک افسو۔سناک واقعہ پیش آیا جس میں مبینہ طور پر سیکیورٹی آفیشل کا نام سامنے آیا ہے۔ اس حوالے سے ویڈیوز سوشل میڈیا پر وائرل ہیں۔

باوثوق سیکیورٹی ذرائع کے مطابق فوج کی اعلیٰ قیادت نے واقعے کا سخت نوٹس لیتے ہوئے متعلقہ افسر کو تحویل میں لے لیا ہے جبکہ واقعے کی وجوہات اور ذمہ داری کا تعین کرنے کے لیے باقاعدہ انکوائری کا آغاز کر دیا گیا ہے۔

سیکیورٹی ذرائع کا کہنا ہے کہ فوج میں نظم و ضبط اور قانون کی پاسداری پر کوئی سمجھوتہ نہیں کیا جاتا۔ اگر تحقیقات میں کسی اہلکار کی قانون شکنی ثابت ہوتی ہے تو اسے اس کے اقدامات کے مطابق محکمانہ اور قانونی کارروائی کا سامنا کرنا پڑے گا۔ ذرائع کے مطابق معاملہ اگر فوجی قانون کے تحت قابل سماعت جرم ثابت ہوتا ہے تو متعلقہ قانونی طریقۂ کار کے مطابق مزید کارروائی حتیٰ کہ کورٹ مارشل بھی عمل میں آ سکتا ہے۔

پاک فوج میں احتساب کا نظام کیسے کام کرتا ہے؟

پاک فوج میں احتساب بنیادی طور پر کمانڈ، فوجی قوانین، انکوائری اور تادیبی کارروائی کے ایک باقاعدہ نظام کے ذریعے کیا جاتا ہے۔ فوجی اہلکار بھی قانون سے بالاتر نہیں ہوتے۔ کسی واقعے میں ملوث اہلکار کے خلاف ابتدائی حقائق سامنے آنے کے بعد انکوائری کی جاتی ہے، شواہد کا جائزہ لیا جاتا ہے اور جرم کی نوعیت کے مطابق متعلقہ فورم پر کارروائی آگے بڑھائی جاتی ہے۔

فوجی نظم و ضبط کا بنیادی تصور یہ ہے کہ عہدہ یا رینک کسی شخص کو قانون سے استثنیٰ نہیں دیتا۔ اسی لیے کسی افسر کے خلاف بھی تحقیقات، معطلی، محکمانہ کارروائی یا فوجی قانون کے تحت ٹرائل جیسے اقدامات ممکن ہیں بشرطیکہ متعلقہ قانونی شرائط پوری ہوں۔

سرحد یونیورسٹی کا واقعہ بھی اسی تناظر میں اہم ہے کہ ابتدائی اطلاعات سامنے آتے ہی متعلقہ افسر کو تحویل میں لے کر تحقیقات شروع کی گئی ہیں۔ تاہم حتمی ذمہ داری اور واقعے کی مکمل نوعیت کا تعین انکوائری مکمل ہونے کے بعد ہی کیا جا سکے گا۔

سیکیورٹی ذرائع کے مطابق قانون اپنے ہاتھ میں لینے یا نظم و ضبط کی خلاف ورزی پر کوئی سمجھوتہ نہیں کیا جائے گا جبکہ حقائق سامنے لائے جائیں گے اور قانون کے مطابق کارروائی کی جائے گی۔
پوسٹ کاپی سنیئر صحافی ادیب یوسفزئی ۔